籠太子點心專門店 (已結業)

We ordered our 5 dishes and 90 min passed by and still had not been picked up as we ordered via online delivery platform. Called the tea saying they missed some steps and will send it out ASAP!!??

今日黎依間新開點心店，絕對有驚喜！雖然點心款式不是特別多，亦不算有什麼創新的點心，但最吸引的是它便宜的價錢。我們叫了八籠點心和蒸飯都是大約兩百元，仲要免加一，而且有好幾款點心比好多地方做得更出色。每次飲茶必叫的蝦餃！這裡做得非常出色，粒粒都好飽滿，起埋有2-3隻鮮蝦，皮薄煙韌，好滿足茄子煎得皮脆內軟，而且非常入味上面釀左蝦膠，亦做得很彈牙這個菜苗餃是全場之冠暫時仲未食到一間可以比得上佢。菜苗餃皮晶瑩剔透，餡料加入鮮蝦和大量嫩菜苗，口感非常豐富腸粉皮嫩滑不太厚，每一口都食到啖啖肉。皮蛋加牛肉這個組合也挺新鮮值得一題的是在枱旁有喼汁，醋和自家製的XO辣椒醬。XO辣椒醬是必定要試的，粒粒脆脆的帶少少辣，好惹味！唔太食辣嘅朋友都建議試試。仲有很多點心想嘗試，可惜只得兩個人吃不下那麼多了，看見菜單還有一些例如黃沙潤腸，棉花雞等，下次必定要過來再試。

今日去左銅鑼灣食野，銅鑼灣實在太多西野，搵間食中菜都好難，飲茶嘅更難，今次行行下搵到間飲茶，簡直係小確幸呀，而且價錢夠哂親民，首先每個茶位都係 $3，抵到呢，之後就開始入正題，叫左呢到嘅招牌蝦餃王，真心皮薄餡靚，又有大大粒蝦餃，$15 兩大粒真係唔過份呢，另外飲茶就一定要醬蒸鳳爪，唔肥膩唔錯，$24！另外叫左棉花雞 $30，雞好滑，鵪鶉蛋燒賣 $28 亦係必叫，呢個好清又好夠味，另外叫左 $26 嘅叉燒腸，係真係足哂料冇呃秤嘅，最後就叫埋個雞，北菇蒸雞，$30 大大盅，叫埋 $16 油菜黎送，最後最後必叫就係老火湯 $19，好抵飲好大兜既西洋菜豬骨湯，正野下火呀🤪🤪

同男朋友係銅鑼灣行街，之後黎左呢間餐廳食晚飯。原本只係因為唔太肚餓，唔想食咁heavy先決定黎飲夜茶食點心，點知好有驚喜！呢度唔似一般茶樓，裝修好新穎，有好多年輕人同埋外國人幫襯。我地點左5款點心加1個老火湯一齊share老火湯好夠火喉，非常開胃。原隻鮑魚燒賣鮑魚好大隻！唔止賣相吸引，味道亦好正！黑椒金錢肚呢個係呢間餐廳的推介之一。估唔到金錢肚配上黑椒會咁好味！可能因為我鐘意食辣野同埋調味濃啲食物，差不多成碟俾我食晒不是炸兩俾個名吸引住呢款炸兩非常特別，白滑腸粉皮包住鬆脆既米網，再入一層仲有蝦膠，口感超正！鳳爪排骨飯去飲茶又點少得一盅蒸飯打個底呢。蒸飯亦好有水準。紅油炒手絕對係鐘意食辣之一的好選擇。非常入味。埋單都唔使200蚊，認真抵食。

銅鑼灣行行下，男朋友突然話想食點心，我地就諗返起上次食野經過見到間格局都唔錯，一於去試下~望落張點心紙，其實都幾多選擇，加上價錢又唔係貴，所以我地就有理無理叫左一大堆，包括籠太子蝦餃皇、鮮蝦燒賣皇、黑椒金錢肚、魚肚水餃、皮蛋牛肉腸、鳳爪排骨飯、煎蝦膠釀茄子、鮮芒果布甸同埋精選老火湯~籠太子蝦餃皇: 抵鑽之選，可能有考慮過客人想多試其他款式關係，呢樣可以order 2件裝/4件裝。蝦餃食落口有鮮味，配合店家自製既辣椒醬真係一流。食完有種感覺係，早知叫4件裝啦...鮮蝦燒賣皇: 同樣有2件或4件裝供應，我地都係試左2件裝。食落口一樣鮮味十足，不過味道較蝦餃濃，可以不配搭自製既辣椒醬進食已經有好豐富既味道黑椒金錢肚: 呢樣係最後一樣到既點心，原因係製作需時。除左有黑椒金錢肚之外，盅的底部仲有烏冬作打底。黑椒金錢肚整得好入味，等耐少少係值得既!而底下既烏冬吸收哂黑椒金錢肚味就更加唔洗講，超級正!推介一定要叫黎試下~魚肚水餃: 濃味的代表有黑椒金錢肚，咁淡味既代表就一定係呢個魚肚水餃。魚肚同水餃都滲入了清甜的上湯味道，咬感充滿淡淡湯汁，正! 皮蛋牛肉腸: 幾特別的一個配搭，估唔到皮蛋加牛肉兩樣野

每次行經蘭芳道見到"籠太子"，都想入內幫襯這裏的點心，今晚剛巧沒有飯局，自己一個人，一於入去試下老火湯~今晚的老火湯是西洋菜豬骨湯，由於我自己都常常煲老火湯，所以都飲得出是落足豬骨和西洋菜以數小時熬製的靚湯，啖湯好清無半點油，絕無味精，好有住家feel皮蛋牛肉腸~外層軟滑，裏面包着滿滿嫩滑的牛肉碎和皮蛋碎，味道確是不錯原隻鮑魚燒賣~原隻鮑魚放在粒燒賣上真係好正呀鮑魚又腍又入味，豬肉混和蝦肉的燒賣好彈牙又充滿肉汁，好出色鮮竹牛肉球~牛肉球鬆軟多汁，牛肉味濃，肉汁鮮甜，good ar加埋芫茜的牛肉球特別惹味籠太子蝦餃皇~外皮煙韌彈牙，晶螢通透，每隻蝦餃有2至3隻越南白蝦，鮮甜爽口，

尋晚喺銅鑼灣做到8 點幾收工，慰勞下同事ot幫忙，也順道傾下明天既工作，就揾間可以坐下傾下計既鋪頭，同事話唔想食太多，咁去食點心就最好不過，就去附近開左陣既籠太子飲啖茶食個包先！我哋差唔多9 點去到，入面都仲有幾多茶客，人氣極旺，當中夾雜遊客，停車在外面入嚟醫肚既司機大佬！落單用點心紙，選擇頗多，除了點心同蒸飯外，連粥品同甜品糕點都有供應，推介項目都有隻手指仔喺度，不妨留意下！！落單完成，趁點心未到，手多多睇下檯上既自家辣椒油質素如何，打開個蓋已經散出陣陣辣辣香，質感似XO醬，只係少左d瑤柱，辣味恰到好處，用嚟伴點心，唔會搶左點心既味道，反而令點心更惹味！推介大家試下！點心即叫即蒸，都要d時間先送到嚟，先嚟到既係籠太子蝦餃皇，賣相唔錯，我哋都想食多d唔同既點心，所以同燒賣都係叫左兩隻，一人一隻，用料有質素，入面有大大隻彈牙既鮮蝦，都幾鮮甜肥美！ $15兩隻又確係抵食！同樣都係賣$15 兩隻既燒賣皇，一樣出色，餡料肥瘦適中有咬口！之後出場有蜜味叉燒腸份量十足，賣相都唔錯，粉皮做得幾滑，餡料仲有d肉汁，唔會蒸到太乾，唔錯！紅油抄手跟住嚟到，辣味唔多夠，喜歡食辣既朋友可以落多d辣椒油落去增加

好耐冇飲茶，夜晚都想去飲茶，經過見到新開的籠太子就click中左。裝修不俗，座位舒適，枱和枱不會好逼，顏色和諧，中檔格局，價格親民。茗茶($3/位)，麥茶味很香。即製點心，中式美點，仲有老火湯，價格相宜，冇加一。外賣九折。煎蝦膠釀茄子($22)果然新鮮，真係好熱，厚身蝦膠內有蝦肉，醬汁惹味，但唔會太濃，唔錯。原隻鮑魚燒賣($34/2隻)會唔會太抵食！又鮑魚又蟹籽，都係酒樓大點價錢啫！鮑魚有嚼勁又入味，幾有質素。原隻鮮蝦腸($30)，腸粉超滑，但厚了點，蝦子也熟了一點。魚肚水餃($24)，水餃唔會太大隻，肉餡和蔬菜比例適中，皮又夠薄，魚肚又厚，夠稔又入味，女士至愛！菊花蝦春卷($25)，原來係菊花形頭，又幾有創意，皮很酥脆，食到有真蝦肉，真材實料。鮮蝦菜苗餃($26)大大隻，餡料好飽滿，菜苗仲好新鮮，餃皮好滑，又唔會厚，做得幾唔錯！北菇滑雞飯($30)蒸飯很香，雞肉很嫩，加了薑，可以去寒，米飯很Q，不會很乾，有雞的味道，好吃！

自從出現了某連鎖式點心食店後🔥，一盎兩件再不是早上的專利☀。這晚遇上了這家即製點心專門店🌟，跟老公🍋來個點心夜🥟，也算是蠻新鮮吧😄。店內裝潢有別於一般茶樓🍵，整家店被柔和的燈光籠罩💡，細看之下🧐，燈罩上有著一隻隻的白色小鳥🐦，為傳統帶來了一點時尚感💃。🔹精選老火湯🥄傳統老火湯👵，要經歷數小時的熬製🔥，而店內更標榜不加味精🚫，更是每天不同款式的✨。今天的是西洋菜豬骨湯🐽，雖是加入了豬骨🤔，但湯中的油脂不會過多😋，入口清甜😌，非常滋潤👍。🔹籠太子蝦餃皇(2粒)🥟外觀晶瑩剔透🤩，餃皮不會太厚💖，蝦肉爽滑彈牙🦐。🔹鮮蝦燒賣皇(2粒)👑燒賣大而飽滿😍，豬肉配上蝦肉的餡料🐽，入口鮮甜彈牙👍。🔹黑椒金錢肚🐮味道微辣🌶，口感爽脆🤤，最驚喜的是下面竟有少量烏冬😳！以烏冬墊底🤔，不會吸收過多的油份😲，不錯👏。🔹紅油抄手🌶皮薄潤滑😍，入口柔嫩鮮味😋，味道算不上是辣😅。🔹原隻鮮蝦腸🦐每段腸粉內都藏了一隻蝦💝，入口爽滑鮮甜😊。🔹鳳爪排骨飯🍲排骨肥瘦平均🥩，肉質軟棉腍滑😌，鳳爪的外皮不會有骨肉分離的樣子👍，白飯吸收了它倆的精華✨，滋味十足😋。🔹海皇芝士千絲卷🧀外層以一絲絲的卷著😍，外皮入口酥脆😋，絕不帶上半點油膩

台灣嘅朋友嚟香港玩, 其中一個checkpoint當然係飲茶食點心啦！今晚就搵咗呢間位於銅鑼灣, 由早到晚都有點心食嘅, 籠太子。呢度有幾十款點心, 其中蝦餃同燒賣可以揀2隻 / 4隻, 人少的話揀小籠先有空間試多幾款。畫好點心紙, 嘆陣茶, 聚聚舊, 轉眼間蝦餃送到。籠太子蝦餃皇$15/2隻蝦餃晶瑩剔透嘅外表很吸引, 蝦餃皮煙韌彈牙, 同爽甜蝦肉成為完美配搭！多汁小籠包 $24 雖然皮不算薄, 但湯汁充沛。家鄉鹹水角 $20 集酥脆軟糯於一身嘅外皮, 係鹹水角最美味嘅部份, 加上鹹肉餡料更加完美。海王芝士千絲卷 $26 千絲非常幼細, 但油份較重。不是炸兩 $29 腸粉皮包裹嘅唔係油炸鬼, 而係脆皮加上肉餡同蔬菜, 玩味十足。流沙奶皇包 $25 熱到燙手嘅奶皇包, 質地軟熟, 流出鮮黃色奶皇, 十分迷人。椰汁桂花糕$24 、鮮芒果布甸$22 桂花糕唔會太甜, 芒果布甸內含果肉, 真材實料。2個人點咗6款點心, 2款甜品, 加埋茗茶$3/位, 埋單$200左右, 作為晚餐相當抵食！

陪人去銅鑼灣購物出血 出發前要先補充能量特登去渣甸坊 上面少少幾條街 避開人流 見到有點心店 就入去 銅鑼灣一帶都好似唔多見有 街舖點心店 望到餐紙d懷舊點心 樣樣都好吸引 叫了幾樣嘢 有d係餐廳招牌 先來流沙奶黃包 軟淋淋 入面真流沙 鳳爪排骨飯你以為見到 好似好少肉？其實係個 盅好大 D 飯好深 飯粒煙韌 無太多油和油憶味好好味 加埋籠太子的自家辣油 更好辣油有d 蝦米、XO醬的風味 鮑魚燒賣下面燒賣夠晒大粒上面 鮑魚 成隻元寶咁炆得入味 又淋好睇又好食  魚肚水餃水餃入面的蝦好多陪伴的魚肚 好似先係主角超厚身 海綿的口感 膠質豐富將所有湯都吸收晒 有兩個腸粉類的點心本來無咩期待 點知出乎意料的 好食 “不是炸兩“ 入面的 脆脆層 鬆脆脆網 一絲絲的晚上都食到咁脆的點心即刻愛上籠太子 不但止脆 腸粉皮都好正 較厚 煙韌 食玩覺得自己食左陳村粉 夠晒飽肚 餡料都好豐富 不是炸兩 有蝦肉同西芹腸粉 就揀左 皮蛋牛肉 好新奇 

夜晚係Sogo行完街，搵間餐廳解決晚餐，竟然搵到一間點心餐廳，地理位置方便，而且價錢親民。四個人可以點到好多野食，差唔多試左menu上大部分點心。食物水準整體不過不失，但係以性價比（晚餐平均每位<$100）黎講，係CWB旺區地段既附近，用餐環境同服務都唔錯，特別一讚，上菜速度好快。籠太子蝦餃皇 $30鮮蝦燒賣皇 $30鮮竹牛肉球 $24多汁小籠包 $24芒果布甸 $22 - 特別喜歡呢個甜品，高水準椰汁桂花糕 $24

我個人非常喜愛食點心，除咗我經常向朋友推薦嘅一點心外，籠太子點心就係另一間我非常喜歡嘅點心店！佢總店在太子嘅時候我就很愛去吃，最近它竟然在銅鑼灣開設分店，真的非常驚喜！😍😍一定要去幫襯下!.當日我哋兩個人一共點左九樣嘢食，全部嘅質素都保持到同總店一樣，蝦餃同燒賣各自可以點兩粒或者四粒，我哋想留肚食其他就每款點兩粒！燒賣保持到水準，蝦肉爽豬肉肥瘦均勻，蝦餃皮夠薄，入面都有兩三隻蝦都同樣好爽！👍😋.我每次都一定要飲佢嘅冇味精例湯，佢總店就$16，新店$19就大大碗，而且每日都唔同，我哋嗰日係青紅蘿蔔粟米豬骨湯！清甜得來又夠潤，真係冇味精都做到咁甜呀，$19咋去邊度搵😝.金蒜蒸排骨（$24）蒜味好濃，排骨多肉易甩骨，我呢啲食肉獸必點。流沙奶黃包（$25）係真。流沙，唔係得個講字一搣開就會爆出黎😋而且鹹蛋同奶黃味濃，不過如果可以再多啲餡就好啦😛.驚喜係佢仲有一啲有創意嘅點心🥧好似煎蝦膠讓茄子🍆（$22）擺盤精美，四件好似藝術品咁，茄子上面嘅煎蝦膠脹卜卜，好彈牙！茄子拉過油外脆內軟！.另一個特色點心就係皮蛋牛腸（$26）我真係第一次食咁嘅配搭，原來皮蛋同埋牛肉又真係幾夾!😋👍最後我哋再點多個菜同

今日夜晚喺銅鑼灣放工，竟然喺附近到見到呢間點心店，比起去酒樓，去點心店食點心，一定係更快有位，而且價錢更抵食。就算我一個人去食，都唔怕尷尬要搭枱，加上酒樓夜晚無點心，嚟到龍太子點心專門店，就再無藉口唔入去啦～其實我一個人都點了唔少點心，最主要係呢間真係好平！！平均十幾蚊就有一籠！！但咁抵食都質素又幾好！！所以性價比極高！！好似我叫了大大粒燒賣（仲可以分別叫兩粒/四粒）、鵪鶉蛋燒賣、仲有成2-3隻白蝦嘅蝦餃皇！！粒粒都落重本唔馬虎～另外我都好滿意佢嘅超香嘅梅子醬金錢肚（下面墊咗啲烏冬）、一咬就爆汁小籠包、仲有皮薄餡靚嘅牛肉腸。最後，我發現咗餐廳嘅辣椒油！非自家製不旦只，入面仲有獨門秘方，因為佢好特別咁加入咗蝦米！甜甜地唔太辣非常香！

$182飲茶真的十分超值，而且亦吃得十分滿足呢！😋記得這裡前身是一間粉麵店，從前有時侯亦會光顧。而現在是一間吃點心的餐館，試一試吧！真的什少在晚飯時吃點心。看到有無味精的老火湯，點！只是$19便有一大碗😍另一半最愛吃這裡的潤腸$29 即叫即蒸！蝦餃皇$15 2隻可以點2隻實在太好了！黑椒金錢肚$29 略嫌太稠我很喜愛吃的魚肚水餃$24生炒糯米飯$30😋鳳爪排骨飯$30選擇都唔少再說一次「超抵食」而且老板娘十分有善！