籠太子點心專門店 (已結業)

今日帶大家去飲茶，呢到飲茶之餘仲可以打下卡呃Like唔係傳統舊式飲茶，而係新派野，將傳統同創意融合，所以可以食到傳統點心外，仲有好精緻既創意點心籠太子主要用Tiffany blue 做主調，令你覺得飲茶都可以飲得好文青😂😂打卡必點：原隻鮑魚燒賣唔止個樣呃到Like,連味道都好好，熱辣辣又大大粒既燒賣配埋鮑魚，彈牙好食棧鬼不是炸兩有別於一般炸兩，佢入面唔係油炸鬼，而係包住脆脆既春卷，餡料有蝦膠，西芹，味道唔油膩，幾fresh,外面腸粉皮滑，裡面脆，口感豐富，比炸兩更好食鮮蝦菜苗餃咬開見到好翠綠既豆苗，證明好新鮮，蝦肉好爽口彈牙，味道鹹淡適中流沙奶黃包小心呀，流沙果然名不虛傳，流到周圍係，大家食既時候要小心唔好整污糟衫呀多汁小籠包咬落肉汁滿瀉，而且肉餡鮮甜，唔會差得過上海舖賣既，配埋醋酸酸地好開胃咸魚肉餅飯份量真係好足，咸魚唔係好咸果種，肉餅肥瘦各佔半，所以好重油香，好好味，飯粒軟硬適中，雖然已經好飽，但都忍唔住食埋食得好開心既一餐，價錢唔貴，兩個人捧住肚走，每人都唔駛一百蚊而且冇加一架！ 提番，因為即叫即蒸，所以要等一等另外呢到冇得揀茶架，得麥茶飲，不過麥茶都幾清香！如果下次行開銅鑼灣，

週五晚，等另一半落班，然後去食晚飯，今晚想飲啖無味精老火湯，便來了這裡，晚上飲茶食個飽，加碗飯同例湯，銅鑼灣不加一收費的食店。西洋菜煲豬骨例湯$19好像屋企煲啲，不會過鹹或淡而無味，如果不是因為飽，會叫多一碗。糯米雞$29打開時散發了陣陣香味，最重要是糯米飯滲入了食材與調味料的味道，獻汁顏色不會重，除了冬菇鴨肉 ....，還放了一隻鵪鶉蛋，懷舊，好味。蝦餃$15點了2只，餡料是白色沒其他顏色，皮薄，煙韌度剛好，即叫即蒸。鹹魚肉餅飯$30實肉鹹魚少鹹，肉餅小肥味道適中, 不肥膩，這個碗是大碗裝，一個人，可吃到飽。藥膳雞腳$24三隻全脚, 侍應姐姐說，湯才是精華，建議我們把湯飲盡，因為滋補有益，鳳爪腍滑一咬即開。雪山叉燒包$23包面不是太脆口，但整體不會過甜，叉燒不韌及肥膩。蝦膠釀茄子$22用蝦膠比魚滑矜貴, 而且彈牙, 配茄子食另有一番美味。海皇芝士千層卷$26不單止外面的絲絲脆口，裡面的卷也脆，點點芝士溶化在蝦與冬菇中，剛好一啖的份量，不錯。

今日放工咁岩係銅鑼灣，無野做周圍行，突然想食點心又唔想又係功夫點心咁悶，諗起籠太子係銅記開左分店就決定入去試下新野。今次基本上係全蝦宴，蝦餃蝦春卷蝦腸蝦燒賣，蝦非常大隻又新鮮，唔似平時酒樓個d蝦太細隻，完全係非常足料，滿足哂我呢舖蝦癮！個小籠包都可以一戰，雖然皮唔算薄，但勝在多汁，一咬落去個下會激噴。最後食埋佢果芒果布甸，以為佢會一舊布甸加d花奶就算，點知好驚喜係有三舊又精緻既布甸😆最重要係無加一抵食到暈，有機會一定要encore!!!

喺銅鑼灣蘭芳道有間專門食中式點心， 旺中帶靜環境唔錯。 我哋去完希慎誠品 發現周圍都人潮湧湧， 決定走入橫街小巷搵食。點心餐廳新開張， 食店座位裝修都 好新淨。餐牌有多款中式古法，即叫即蒸點心。 滾水茶靚 ($3 每位) 雪山叉燒包資料招牌雪山叉燒包。 雪山即係墨西哥包表面嘅脆皮， 咬落口感好鬆脆， 仲配合熱辣辣 鬆軟嘅包， 裏面嘅叉燒餡料好豐富， 一鹹一甜 經典口味。 山竹牛肉球， 有肉味唔會話太多粉去搓。 加上喼汁就係最愛嘅港式點心。蝦腸。 服務員刻意少落豉油， 以品嘗其鮮味。 每一小段都包住大蝦， 餡料豐富， 蝦肉爽滑。 腸粉本身又滑又薄， 米香十足。籠太子蝦餃皇(四隻) 晶瑩通透嘅蝦餃皮凍咗都唔會好韌。 餡料豐富， 蝦肉也是大大隻 。$30 一籠嘅蝦餃皇絕對值得一試。名醬蒸鳳爪$24鳳爪 好入味， 個汁醬有豉香味而且辣辣地非常惹味。 墊底用咗烏冬，盡吸鳳爪精華。古法糯米雞$29份量好大， 差點連個籠都盛載不了。 打開有陣陣嘅荷葉香味， 糯米飯蒸得比較黏， 餡料有冬菇，火腿，雞，鵪鶉蛋， 調味唔太重， 飽肚之選。 鮮蝦腐皮卷裏面嘅蝦依然好大隻。 熱辣辣即叫即煎， 可能火太猛腐皮

早前得知我最受我喜歡既點心店：籠太子，在銅鑼灣開左一間分店，一直好期待去！上星期五，終於有時間去了，之前食過太子分店，不知道銅鑼灣新店味道又如何呢，所以一收工就即趕去。環境方面，店舖不算好大；幸好，朋友一早到了，所以我一入座就有位坐。店員既服務態度不錯，餐廳設有點心紙可給食客慢慢點菜啊！籠太子蝦餃皇 (4隻)：點心首選一定是蝦餃，餐廳設有兩隻和四隻選擇。蝦餃皇外皮厚薄適中，食落又不會太乾的。而蝦餃皇最重點既蝦非常大隻，口感極爽口，味道鮮味；蝦味突出啊！而且隻隻刀好大粒，本人好推介比大家食啊！鮮蝦燒賣皇 (4隻)：食左蝦餃皇吾夠，我地再叫埋燒賣皇。燒賣皇以鮮蝦為主，口感沒有蝦餃皇既蝦甘爽口，但同樣地鮮味，口感彈牙。SIZE比平時食到既偏大粒，如果大家是喜歡食燒賣，可以一試啊。原隻鮮蝦腸：對於我地兩個蝦控黎講，腸粉就一定會揀反鮮蝦腸。依度既鮮蝦腸一定要推介比大家食用，因為真的很好吃！鮮蝦腸既腸好滑身，不會太薄啊；另外鮮蝦是原隻，所以大大隻夾左系腸中，食落又是爽口和鮮味啊！雪山叉燒包：叉燒包上層雖然甜甜的，可惜入面既叉燒料的確太少，食不出醬汁會慢慢滲出既感覺。鮮蝦腐皮卷：腐皮卷尚算脆身，鮮蝦

今晚有空陪媽媽食晚飯，就下佢去銅鑼灣順便食飽可以行下睇下野。其實我一早諗到食點心，係因為之前行經蘭芳道時發現左有間點心店，夜晚飲茶嘆點心比個驚喜媽媽，我平時無時間同佢飲茶而且星期六日酒樓全部迫滿人，所以好少飲茶，就係咁兩母女相約銅鑼灣嘆點心啦！枱墊紙已經有關於呢間餐廳嘅介紹 點心嘅製作茶錢每位$3 經濟實惠鮮虾腸粉 $30送上時已分段，而且每件都有著大大隻虾仁，腸粉帶米香，較舔口都滑嘅！煎虾膠讓茄子 $22 一碟四大件，每件都讓著金黃蝦膠配搭茄子煎香落汁，味道唔錯不過我覺得唔落個汁應該都可以，虾膠質地亦散！多汁小籠包 $24唔係流架，真係如名一樣係多汁的小肉包子，皮薄薄，juicy連媽媽都食左三隻，佢更喜愛小籠包用醋同食。藥膳雞腳 $24送上時已聞到藥膳嘅香味，雞腳浸到剛好不過淋又唔硬，正，精華更是呢藥膳湯，杞子明目有微甜！棉花雞 $30有別於其他酒樓嘅魚肚，較薄身無腥味，特別用上烏冬墊底，吸收晒d雞汁都不錯的！鮑魚燒賣 $34超精緻嘅鮑魚燒賣，雖然細細仔但同樣鮑魚味彈牙，燒賣啖啖肉同虾肉整體黎講 $34 都合理！龍太子虾餃皇 4粒$30隻隻飽滿咬落去好多虾肉，皮薄餡足！

「籠太子熱騰騰即製點心，款式五花八門，保留傳統風味之餘又不斷創新，全部點心自家製造即叫即蒸，令人驚喜。設計是西式cafe Feel，年青人的格局，座位寬敞舒適，一種寫意悠閒的節奏。」《魚肚水餃 $24》魚肚和水餃是分開的。魚肚吸湯爽口，湯底亦清甜，水餃大粒有肉香。《上湯鮮竹卷$22》湯底有木耳、豬肉、紅蘿蔔、椰菜和西芹，味道鮮甜帶肉香，口感亦豐富。《多汁小籠包$24》皮帶煙韌，湯汁豐富鮮甜，肉餡大粒肉味香濃。自家製辣醬，味道好香帶微辣。《薑蔥牛柏葉$24》這款牛柏葉太需要嚼勁。《流沙奶皇包$25》雖然要襯熱即食，但內裡十分滾燙要小心，只需輕輕按壓都已經有流心效果。奶皇餡甜度適中不會膩，包亦夠軟稔。《布拉白腸粉$20》大碟滑身，加上豉油、甜漿辣醬是絕配。《鯪魚肉蘿蔔絲粥$22》粥底綿，入面有鯪魚肉碎和蘿蔔絲，所以粥底味道帶點蘿蔔清甜。《鳳爪排骨飯$30》加上豉油然後拌混是常識吧。飯粒垃分明沒有太乾，鳳爪和排骨都夠入味。

太子有名的點心店進駐銅鑼灣在寸金尺土的地方帶來經濟選擇是日靚湯是金銀花生魚煲豬骨店員強調真材實料無味精呷一口果然是老火的味道這裡的蝦餃燒賣皆可兩隻起跳籠太子蝦餃皇大大粒但不夠彈牙鮮蝦燒賣皇質感略嫌軟身棉花雞是買少見少的懷舊點心店家用烏冬墊底沒有不好吃的理由多汁小籠包一咬湯汁大爆發酒樓點心有好吃小籠包真是不簡單雪山叉燒包是今日的主角質感鬆化是剛出爐的溫度不是炸兩是腸粉包春卷外軟內脆是巧手點心之一鳳爪排骨飯做的不錯飯粒用上絲苗軟硬適中雖然店內人手有點緊拙但職員們仍能侍人有禮和保持笑容

難得好友娘娘有時間微服出巡，必需要配合娘娘食好西，今次去了銅鑼灣蘭芳道的“籠太子點心專門店”飲杯茶食個包。之前多數去太子店，現在銅鑼灣開了另一分店，試下水準是否一樣先。我們二人點了六碟點心，先來一個有“不是炸両”，果然不是，原來是用粉腸包著春卷，比炸両更為香口惹味，一個價錢同時有腸粉同春卷兩種享受，非常超值。接著有“ 原隻鮑魚燒賣” 迷你鮑魚彈牙爽口，燒賣的蝦及豬肉味平均；“ 籠太子蝦餃皇” 餡料是大大隻爽蝦， 可惜蝦餃皮略有點厚，口感都很煙韌。再來“名醬蒸鳳爪”及“家鄉咸水角”，味道不過不失。我與娘娘在當晚最愛的點心是“ 海皇芝士千絲卷”，單睇外型真是可用千絲萬縷來形容。一口咬開千絲卷有脆脆的聲響， 鹹鹹的芝士味很出色，夾著外層的麵條一起吃，相當可口， 滋味無窮，我們會掛念你的。

有美國分公司同事來開會商量要事，因為他只有二天時間逗留，所以開會開到晚上，我負責送美國同事回銅鑼灣酒店，大家都肚餓，經過蘭芳道的籠太子點心專門店，是一間食港式點心店鋪，地方整潔企理。美國同事說好耐都冇食過港式點心了，難得甘岩來到，不如入去食，品嚐一下吧！入座後奉上香茶，點心紙上有很多款點心，是即叫即蒸的，原隻鮮蝦腸，蝦都好大隻又爽口，腸粉滑溜，並將蝦腸切段方便進食。籠太子蝦餃皇，皮薄餡飽滿，鮮蝦和笋調得夠味又爽口。鮮蝦燒賣皇，餡料的鮮蝦和豬肉彈牙有口感，味道不錯。蜜汁叉燒包，包皮鬆軟，义燒餡料甜甜的，熱腾騰食最好味！古法糯米雞，夠大隻又足料，，糯米夠軟熟，餡料有冬菇、豬肉、义燒等加上特别調製的醬汁，十分惹味。鳳爪排骨飯，飯軟硬適中，排骨林滑，鳳爪惹味，加上調製過的甜豉油，份外美味。鹹魚肉餅飯是用梅香鹹魚，肉餅除了鮮味還帶有鹹魚的香味，口感彈牙。

有時夜晚想食點心，除左去某間點心連鎖店之外就好少地方有得食，但估唔到原來響正銅鑼灣鬧市之中都一樣有，更加估唔到嘅係，價錢仲相當相宜，真係好值得介紹畀大家試下！呢間位於銅鑼灣嘅「籠太子」點心🥧，佢地嘅點心都係自家製造、即叫即蒸，熱辣辣新鮮好味，性價比極高，令人非常驚喜！今日晚餐🥣先叫一客原盅蒸飯：鳳爪排骨飯，排骨飯好好味，熱辣辣食完胃口又飽肚。另外試左幾個點心，分別有經典既鮮蝦燒賣皇、籠太子蝦餃皇，白蝦肉新鮮且彈牙，咬落相當可口；其他點心仲有特色既南瓜🎃煎堆仔、魚肚水餃🥟、四寶雞札，幾樣點心嘅水準都相當之高！最後仲食埋甜品：香芒沙律盞，係一道好有心思同特色嘅點心，絕對令人一試難忘。最重要係，食左咁多點心埋單價錢都唔算貴，今餐真係令我非常滿足呀！

個朋友請食飯，我本來想去passion, 但friend 話貴，所以過左對面食點心！無特定期望，只知道太子都有分店。因為新開，地方都算乾淨和寬敞。睇完餐牌，覺得點心都幾有創意。精選老火湯 - 雖然係例湯，不過係我最愛璋魚湯，所以覺得唔錯。鳳爪排骨飯 - 飲茶必食，排骨比較肥，鳳爪唔錯。籠太子蝦餃皇 - 可自選兩隻或四隻，只選了兩隻，蝦幾大隻，幾新鮮同爽口。藥膳雞腳，藥材湯味夠濃，雞腳都幾冧。香滑反斗糕 - 其實係馬拉糕，細細杯，一口一個好易食。皮蛋牛肉腸 - 皮蛋跟牛肉配搭幾得意。上湯鮮竹卷 - 鮮竹卷幾好味，湯比較油。魚肚水餃 - 有驚喜，原來唔係餃子包魚肚，而係湯內有原塊魚肚。可能無特別期望，食物反而有驚喜。

經過銅鑼灣，發現籠太子開了分店，之前在太子也有光顧，一於入去試下先，在門口見到外賣有9折，在附近住都幾好。是日老火湯，蟲草花鯪魚湯$，$19 大大碗，鮮甜滋潤，而且沒有油。多汁小籠包 $24小籠包非常熱，要小心享用，而且咬開有好多肉汁流出，配合新鮮豬肉餡好正。不是炸兩 $29透薄的腸粉皮包著好似炸春卷，內裡有蝦肉、西芹等，外面軟滑，內裡香脆，中間餡料豐富，相當有層次感。籠太子蝦餃皇 $15有2粒，超抵呀~~蝦肉超級大粒，爽口彈牙，好好味。黑椒金錢肚 $29金錢肚好有黑椒香味，夠入味，辣辣地幾惹味，質感軟腍帶點爽口。煎蝦膠釀茄子 $22彈牙的蝦膠配合入味的茄子，味道相當配合，而且茄子一點也不油膩，醬汁味道很好。

好不容易才捱到10月尾！每日返工除咗趕project, 更要跑數，chur到連飲茶嘅時間都無。好在太太知我辛苦，帶我去銅鑼灣一間新開嘅點心專門店。慰勞我之餘，亦同時幫我打打氣💪🏻餐廳整體好幾舒適同乾淨、張檯亦夠曬大！餐牌上主要以港式點心為主。全部都係即叫即製！Menu上幾多選擇，重點係茶位係每位都只係三蚊🤯（相信係全區最平）原隻鮮蝦腸🥢腸粉果皮幾軟滑，亦唔會太過厚。至於蝦則大隻爽口！唔錯唔錯🤤芝士千絲卷🥢賣相吸引嘅千絲卷炸外層金黃香脆，食落唔油，而內層有蝦同有芝士，味道不俗。鮑魚燒賣🥢依個鮑魚燒賣絕對唔係講笑，可以原隻鮑魚連燒賣食都係第一次。愛鮑之人要試試！😘34都真係幾平🤪香芒沙律盞🥢最尾，就以沙律盞作結尾！撻皮好薄好脆、而沙律入面主要有蘋果、士多啤梨！幾精緻同特別。服務細心、價錢貼地、點心大件抵食！值得再黎食👍🏻

平時行開銅鑼灣都係夜晚，有一日突然心血來潮，想係夜晚食下點心，就search到呢間位於銅鑼灣嘅點心店，價錢便宜之餘仲要味道唔錯，相當抵食!排骨基本係我飲茶必點嘅點心，呢度嘅排骨味道唔錯，肥瘦適中。咸水角食落外層香脆，糯米味甜甜地 加埋入面咸咸嘅豬肉咸料，非常好味。鳳爪炆得相當腍，味道十足，好食!蝦餃本人相當推薦!入面嘅蝦肉大大粒，口感彈牙，冇雪蝦嘅味道，食得出相當新鮮。燒賣亦相出色春卷炸得非常香脆，入面亦係大大隻蝦咁，非常好食。奶黃包係流心咸，食落甜甜地，奶黃香重，令人回味無窮。腸粉非常滑，入面亦咸料十足。食咁多野都唔洗200蚊，真係非常抵食