緣聚鮮鍋 (已結業)

從網上知道該晚上放題依架中午推出芫茜點心所以吸引我同屋企人去, 坐下侍應即放低一大碗芫茜, 唔係吖？？完全臭不到芫茜味道, 已經驚, 叫了含有芫茜點心包括荷葉飯,腸粉,燒賣,餃子,春卷等等, 完全沒有芫茜味道, 如果合上雙眼吃這些點心根本唔知道有芫茜.地方大, 不太迫, 因為位置在3樓唔需要排長龍坐升降機, 冇得預先訂枱, 星期日中午不需等位但都幾滿.食物上枱不慢, 正常速度.一心去吃芫茜餐, 中伏及好失望！一定不會再去.

大鴻輝多打邊爐就出晒名依間緣聚鮮鍋據聞勁多自助野拎就去左試試埋單502/2人佢地係用QR code落單 蠔仔 扇貝都有 豬牛種類反而就唔算多我會話依間野打邊爐種類唔算多 唔係主菜反而出到去睇 壽司又有 小食又有 刺身都有😂 真係太多太多刺身我拎左螺肉同埋帶子 夠新鮮！拿 我就勁易肚痛既 中段先食都冇屙😂小食我就拎左煎堆...😂 唔好笑我 真係幾鐘意食 食左三粒仔 豆沙餡 但唔種豆沙味 岩晒我🤣炸雞食左一粒 比較乾至於野飲櫃...好震撼😂 成十格櫃 由頭睇兩次我先揀到咩野飲 我試左隻好似芒果汁 矮罐 比較普通🤣

今日同家人食飯，選擇了火鍋放題大家都很開心，去左菳湾大鴻輝入面的緣聚火鍋。在疫情之下暫停外出食火鍋，現在疫情驟為好少少，就同媽媽爸爸食下。熟識的環境，但因疫情坐得得寬闊左。張枱夠大， 坐位 舒適闊落。識食一定食生冷野先，食下壽司。雖然款式不多，但基本的都有，而且刺身乾淨衛生。 等緊個 芫茜皮蛋 火鍋湯 湯底， 滾煮時 濃郁的湯底 散發出芫茜的香味，還可以去試下一些炸物，有薯格和麥樂雞，連香蕉糕都有。 餐廳還有肉丸、餃子，扇貝、蔬菜等等任食。 不單止有基本肥牛，還有嫩滑雞肉。 還有好有特色的鴛鴦芋圓。 食完之後，還有雪糕乳酪食，還有多款口味的布丁和curry，真係要預留少少肚食甜品。

店名緣聚鮮鍋 Grand Together，的確這裡空間大而舒適，食物選擇多，不同口味的人都應該滿足到。湯底有八款選擇，因為想沾生蛋液，所以選了壽喜燒。湯底一上已聞到濃厚香味，後來才想起我們整晚都沒有用到其他醬料。一坐低侍應先送上肉類(三牛一豚)，放題的價錢來說質素算不錯，牛肉牛味香濃，肉質嫩，我們都有再order，而梅頭豬肉更比牛肉出色。值得一提侍應收碟算密，下單後上菜亦很快👍🏻雖然本身知道是自助餐，坦白說原本沒有大期望，食完肉出去想看看有甚麼菜，卻逛了好一會才捨得回座位 ，選擇實在比預期豐富很多。壽司、魚生都新鮮，最欣賞魚生有油甘魚和帶子，而且不是平價放題質素前菜有很多選擇，螺肉、八爪魚、泡菜、枝豆、炸物，我們不斷提自己不要吃太多，要留肚繼續火鍋火鍋配料方面亦豐富飲品選擇比一般火鍋店多，除罐裝、紙包飲品外，生啤、清酒、梅酒也不缺看到朱古力噴泉（今天暫停了，沒留意是不是因為疫情）、甜品counter，差不多忘了今晚是來吃火鍋或許整體自助餐的質素並非酒店級數，但這個價錢我們覺得單是選擇多已值回票價！下次聚會會再來

朋友想食火鍋，我又想食刺身，最後大家傾唔掂數，一於搵一間又有得食火鍋又有得食刺身壽司嘅放題-緣聚鮮鍋。我哋揀咗特濃沙嗲湯底，坐低就可以用QR code點餐，點餐表入邊主要都係肉類海鮮類同埋一啲要加錢享用嘅食物，另外亦都可以行出去自己夾其他火鍋料。特級牛肩胛一定要食，牛味濃，又滑。呢度可以揀嘅海鮮都有唔少，沙白，扇貝，蠔都可以仼叫。出邊可以拎嘅有丸類，蔬菜類，同粉面。值得一提嘅係粉面選擇非常多亦都有好多平時比較少見到嘅例如日本素面日本葛絲同近期好Hit嘅台灣雞絲麵另外出邊仲有小食區，沙律區，甜品區，飲品區。飲品選擇非常之多，連我減肥中營養師推介嘅纖解茶都有，食完飲番盒罪惡咁都冇咁大。。哈哈😄甜品有雪糕機🍦，正呀。不過可惜係而家疫情暫停咗朱古力噴泉。爭啲留咗我最鍾意嘅日本美食區，除咗壽司之外刺身都係任食，三文魚，吞拿魚，油金魚，希靈魚，帶子，榮螺片，赤蝦。。都有咁多款可以揀。刺身厚切新鮮，質素唔錯

以往曾經係荃灣大鴻輝中心唱k同食過日式放題，都知呢到一向幾旺場，餐廳都算多。今次試下呢間號稱有火鍋又有自助餐嘅餐廳，連加一$200幾就食到，又真係幾吸引。今次揀咗$188任食自助餐(升級刺身)+火鍋，以呢個親民價錢而言，餐廳嘅刺身同壽司選擇比想像中豐富。刺身有三文魚、魷魚、玉子、赤蝦、帶子等，每次可以揀三款。新鮮度不俗，而且切得尚算厚身。特別推介赤蝦，有光澤又啖啖肉。壽司水準亦不過不失，值得一試。創意火鍋配料揀咗芋香鴛鴦薯同火鍋麻糬，兩款都係主打甜味嘅丸類。前者食落似有餡版芋圓；後者則夾以黑芝麻餡，同湯丸有異曲同工之妙。意外地我又幾接受到呢兩款火鍋配料。另一款驚喜火鍋配料有高湯小籠包，坊間火鍋店較少見，可惜外皮厚身咗少少。肉類主要揀咗美國穀飼肥牛同特級牛肩胛肉眼，兩款肉嘅牛味較重，脂肪比例偏多，適合一眾牛魔王。海鮮方面揀咗沙白同蠔肉，兩款肉質都偏結實，蠔肉算係幾肥美。App內選擇唔算好多，反而自助區域選擇較多，有炸物、沙律、各式火鍋配料同甜品等。炸物分別揀咗薯格、薯餅、薯條、麥樂雞同鹽酥雞，一次過滿足炸物控嘅幾個願望，如溫度上再熱啲會更好。甜品同飲品區選擇亦不少，甜品有唔同雪糕款式、奶

嘩數一數原來成年幾冇來過了， 今次#metime 時間，想找個任飲任食的地方同好友暢所欲言，所以決定近近地來返緣聚，因為食晏左回家都超方便。緣聚地方真係好寬倘，座位唔會迫， 飲品櫃超大，多款飲品任君選擇，拎完飲品我就直去刺身區到拎我最喜歡的刺身啦！有三文魚，赤蝦，玉子，榮螺片，希靈魚，帶子和魷魚，刺身夠新鮮鮮甜美味。壽司細細件每款都拎d😊，轉頭我又被炸物吸引了，因佢熱辣辣一盤盤拎出來搞到人忍唔住出去拎 🤣， 仲有唔同的頭盤，螺肉八爪魚咁， 食完已經飽左一半，但點都要留肚，因為來打邊爐的。我地叫左黑蒜湯底，好友太熟呢到架部，自動用 qr code 落order ，我出去行一轉，打邊爐食物已經到齊， 我成晚都好幸福因好友不斷夾火爐食物比我， 牛肉，豬肉夠嫩我地都食左兩 round 呀 😊✌呢到d 蠔都唔錯。最後緊係要食返甜品做結尾嘅，我去左雪糕櫃到，整左幾個雪糕球，任食來講呢到真係幾好。

老公很想吃放題火鍋，即時想起緣聚鮮鍋，對上一次來已經大半年前了。但食物還是依然的多，壽司、刺身，依舊新鮮。我們選擇了豬骨湯底，清甜好味。我們都急不及待先用QRcode order一些火鍋食品，例如沙白、扇貝、牛肉、蠔肉。 食材新鮮，沙白肉大大粒，沒有沙。蠔肉重蠔味，扇貝柱肉厚實。壽司區一如以往的搶手，蝦和三文魚都很新鮮， 蝦肉爽口彈牙，榮螺肉鮮甜。 壽司選擇也不少，經常有不同款式推出。另外還設有火鍋配料自助區，各式各樣的丸類，菜類，菇類，麵食等，都分門別類的在不同區域， 種類繁多，可隨心選擇。 還有一些餐前小食，炸物，應有盡有，還會不時更換。飲品選擇夠多，梅酒，清酒和各款汽水都任飲。女士們最愛的甜品也一應俱全，乳酪、涼粉、甜品杯等。 還有小朋友最愛的雪糕，也至少提供六款口味選擇。

緣聚鮮鍋是我相隔大半年的第二次光顧，印象非常深刻。前段時間因為疫症關係關閉晚市堂食，於是在放寬堂食後，第一時間預約。食店的防疫措施亦做得非常好，枱與枱之間用膠板相隔，給人食得安心的感覺。入座時先選好了特濃沙嗲湯底，安座後店家隨即送上每枱只限一客的特級雪花牛肉，油脂雪花非常均勻，肉質鮮嫩，牛肉味濃，不用點任何醬汁，也十分美味。之後我們用手機下單，點了牛肩胛肉眼、西班牙梅頭豬肉片、羊肉片、雞件等肉類，以及扇貝、高湯小籠包、玉子豆腐等的火鍋食材。值得一讚的是送餐速度非常快，下單不久火鍋食材便立刻送上。除手機下單以外，餐廳亦提供其他火鍋食材工食客自取，例如蔬菜、丸類、響鈴、炸魚皮、山根等，選擇繁多。另外，沙津、冷盤、小食也有不少種類供應，推介大蝦天婦羅，外皮香脆，肉質新鮮彈牙，入口仍然保持溫熱。餐廳的另一賣點當然是刺身，由廚師即切，有三文魚、吞拿魚、鱲魚、帶子、赤蝦等，以及很多不同種類的壽司。三文魚刺身非常新鮮，當晩供應的三文魚靠近魚腩部位，油脂感重，入口美味，油香四溢。另外，赤蝦刺身亦非常值得推薦，尺寸大而蝦肉也新鮮甜美。

身為芫荽黨黨員，見到有芫荽野，當然唔會錯過。呢間餐廳，本身係做任食打邊爐，呢期就出咗芫荽點心。閒日放假，就約左朋友去食下午茶點心。只要點芫荽點心，就有一大碟芫荽送俾你，正！見到都開心😎😎我地兩個人，叫咗唔係好多野，芫荽就叫咗呢幾款，其餘仲有叫鳳爪、蝦餃，不過冇特別影相，因為真係冇咩特別🤣🤣芫荽蝦腸，唔係好熱，同普通腸粉冇咩分別。芫荽春卷，其實冇乜芫荽味。個餃其實係最好食，最有芫荽味，終於明白點解佢要比一碗芫荽我，因為所有嘢都冇咩芫荽味😅😅芫荽點心嘅餐牌。仲有其他點心，如果當一間普通酒樓咁去食，其實OK嘅，同埋都幾抵，不過抱住食芫荽嘅心態去食炒少少失望🙃🙃

大鴻輝入面好多都係放題🔍今次呢間係我好耐之前同幾個朋友一齊去食嘅「緣聚鮮鍋」.麻辣鴨血湯底🌶食落無想像中咁辣😢只係小麻，略嫌有啲淡🥺.肉類，有美國殻飼肥牛🐄特級牛肩胛肉眼🐂西班牙梅頭豬肉🐖幾款肉都唔重好肥，肉味重😋.海鮮類🌊有蠔肉🦪沙白、半殼扇貝🐚Size唔會太細，雖然係雪藏❄️但都有鮮味😉.特色丸類🍢粟米餃子🌽高麗菜肉餃子🥟餡料飽滿👍🏻高湯小籠包就好推介💁🏻‍♀️好多湯汁，個皮唔會太厚😌火鍋麻糬、芋香鴛鴦薯🍠似係甜食，但都幾新奇😬.刺身、壽司區🍣刺身新鮮且厚肉🤤.沙律區🥗熟食區🍤蔬菜區🥬麵食區🍜種類多元化🤗適合唔同人口味🥰.飲品區，有花茶🌸即磨咖啡☕️唔同紙包飲品🧃罐裝飲品、啤酒🍻梅酒、清酒🍶生啤.甜品區🍮比較普通🥺不過都選擇多

麻辣鴨血湯底，好足料，內有大量大蔥、辣椒、鴨血、千張豆腐皮，鴨血口感滑滑，食落好入味，千張豆腐皮口感薄身，豆香味濃，湯底辣度4分。特級牛肩胛肉眼，肉質嫩滑，肉味濃厚。西班牙梅頭豬肉、美國穀飼肥牛，肉質肥適適中。牛栢葉，食落好爽口。沙白，食落好新鮮，味道鮮甜。半殼扇貝、蠔肉，肉質肥美，食落鮮味十足。芋香鴛鴦薯，紫薯丸、蕃薯丸，內有芋泥，口感煙韌，味道清甜。火鍋麻糬，芝麻湯圓，口感軟糯，芝麻流心效果突出，芝麻味道濃郁。魚皮餃，皮薄餡多。高湯小籠包，內有湯汁，食落好香口。蜂巢豆腐，食落好入味。大蝦天婦羅，口感酥脆，大蝦肉質彈牙，配以天婦羅汁食用，味道更佳。飲品，包括有73種不同紙包飲品、罐裝飲品、啤酒、梅酒、清酒、生啤、花茶、即磨咖啡等等。

今日放工系大鴻輝呢度食打邊爐，我地選左緣聚鮮鍋冇咁多人，又唔逼又坐得舒服。入去之前選定湯底，有好多湯底選我地選蕃茄湯底。自助吧食物有好多有壽司，前菜，熟食，甜品，熱食，飲品，雪糕，仲有打邊爐，丸，菜等。特級牛肩胛肉眼，牛味香濃，肉質又嫩好好味。除左外面自助外，仲可以用手機落單落肉類，海鮮，餃子等。生蠔大大隻又肥美，豬紅又正又彈，扇貝又新鮮鮮甜。蔬菜和丸放落蕃茄湯底里索埋湯的精華超好味。壽司飯好軟熟，三文魚又新鮮。刺身帶子，希靈魚和螺片全部都好新鮮。啫喱又夠煙韌，又唔會好甜

最近黎左大鴻輝打邊爐🍲依間邊爐食物款式多 任飲任食🥢💰$228/1 而且加少少錢就可以有鴛鴦鍋今次就試左麻辣同蕃茄湯底🌶️🍅兩個都好濃郁餐廳地方真係幾大 有好多唔同區域拎野食 亦都幾寬鬆🤣依度食物款式都幾多除左一般火鍋配料之外🥬🥟🥓仲有壽司🍣 刺身 天婦羅🍤沙律🥗 涼拌小食🥒 餐前小食🍟 炸物 🍢甜品有 雪糕同乳酪 🍦而且飲品都幾多選擇🥤🍹 連梅酒同清酒都係任飲🍻🍶肉類同海鮮配料用QR code落單 方便🤣有魚 蠔 沙白 帶子等等🐟🦪牛肉肉質唔錯 入口嫩滑🥩刺身方面 蝦 同三文魚都好唔錯 夠新鮮🦐

想食壽司刺身，又想打邊爐，又想食依樣嗰樣喎堅信小朋友才做選擇，所以決定嚟依到，食晒咁多款我哋揀咗沙嗲湯底一坐低就會拎啲靚牛嚟食有得用QR code落單肉類海鮮都有落完一輪之後就出去拎嘢食醬料非常齊全先嚟啲壽司刺身做前菜丸類選擇勁齊全，最開心係竟然有台灣腸正餐前小食都有幾款炸物菜又係有好多選擇個場真係好大😂😂😂想食嘅嘢太多，出三四次先拎得晒拎完一大輪終於都坐返係個位食嘢最後仲有我最鍾意嘅朱古力！！！食咗咁多嘢同咁多款，每人先係$229好抵食