緣聚鮮鍋 (已結業)

呢個火鍋放題真係超級多嘢食，性價比超高，平平哋，但係就樣樣都好豐富。晚市任食兩小時。自助區出面有沙律、刺身、壽司、炸物、火鍋配料、甜品、乳酪、雪糕等。飲品超多種類，有清酒、梅酒、茶類、汽水、紙包飲品、熱飲，應有盡有！火鍋湯底揀咗豬骨湯。呢度嘅肉類肉質放題來講算OK。牛肉、豬肉、雞肉等等，而且有多款不同蔬菜🥬、丸類。基本上食物種類一定夠你食！我幾鍾意去熟食區嘅食物，有炸麥樂雞、薯格、薯條、炸雞等等。全部新鮮熱辣辣，相當香脆。甜品亦有多款啫喱、乳酪、雪糕。我食咗乳酪。其實咁多嘢食真係每人食少少都抵！

用餐時間：普通星期4 1900今日係第一日開翻晚市，於是就同朋友黎食下久違既晚市火鍋放題。兩個人坐卡位係坐得幾舒服，因為空間比較多。餃子造型可愛，味道都唔錯。雖然火鍋放題有天婦羅醬係比較少見，有驚喜，但係天婦羅炸粉比較多，而且保唔到溫度，所以唔好食。扇貝未解凍就已經攞比客人，但係好彩食落味道都可以接受。牛肩胛真係好瘦，仲要碟碟都係咁瘦，對於一餐火鍋黎講係好令人失望。雪糕種類，配料選擇都幾多。我今日就靜係試左豆腐味，個人覺得質素都唔錯既。不過抵鬧既地方係雪糕區衛生情況好一般，我睇見好幾隻膠羹都有茶漬。最後埋單連加一就係$458，兩個人平均每人$229。餐廳既食物選擇都幾多，冷盤，壽司，熱食，鍋物呢啲都有好多選擇。而飲品，甜品方面選擇都一樣咁豐富。如果餐廳可以改善一下火鍋材料既質素既話，相信會更加抵食。

久違了的all you can eat~~為了更容易安排家中的孩子，我和先生就當是補祝元宵相約來個最早的晚餐，五點就來到打邊爐！！嘿嘿，史無前例！！這個鐘數其實也不錯，食客相對較少，拿任何食物都不用排隊，待應收碟又好快手，入座先賈先選好湯底，我們選了壽喜燒。刺身、壽司、炸物、餐前小食、飲品甜品雪糕、蔬菜、前菜、麵類都需是自己出去拿取。（單吃火鍋/ 火鍋+任食刺身的收費不一樣，需要show,刺身貼紙才能拿）頭兩三次外出拿食物時覺得花多眼亂，地方大到有點迷失，來來回回還未選好，再走多幾轉就比較快選好目標，非常豐富，熟食全部都夠熱同味道不錯。壽喜燒為甜甜的湯底，其實連火鍋豉油都用不上，個人大愛！肉類、部份精選餃類，沙白等，需要用qr code scan 後單點。以任食的價位來說，牛肉算是好理想，我們點了接近8~10碟，當中只有一碟是肥膏偏多的，其餘都不錯，由qr code 下單到上碟速度也好快。野飲方面更是震撼！是一整排的雪櫃，大量汽水、果汁、各種冷/熱茶類、啤酒、豆腐花同啫喱都有、清酒梅酒沙冰也有，還有乳酪軟雪糕等，大人小童老人家都啱飲。任食自助餐120分鐘慢慢嘆，正！走的時候差不多七點，

二人限聚令終於完結👏🏼相約朋友係大鴻輝中心聚會，友人介紹三樓「緣聚鮮鍋」決定黎個報復式消費同任食，大飽口福。「緣聚鮮鍋」佔左三樓整層，用黑色做主調，十分型格。食物擺放位置幾乎佔左一大半地，價錢方面，任食自助餐120分鐘+ 火鍋🍲都係200幾/一位（黃金時段），琳琅滿目的食物選擇，仲包刺身，特級牛肩胛肉眼。入座前先揀湯底，我地簡左味噌地獄辣同隻色壽喜燒（鴛鴦湯底+$9），入座後用手機📱掃二維碼下單點菜，方便快捷又環保♻️。即使當日人多都無甩單情況，算抵讚。沙律款式選擇繁多，有我最愛嘅粟米🌽、青瓜角、蟹柳絲、沙律菜，仲有預拌好的薯仔沙律🥗、蘋果沙律🥗、三色鴨胸。加適量千島醬十分開胃。刺身方面仲有七款咁多可選擇😍有鮮甜帶子，爽脆希靈魚，大大隻赤蝦與榮螺，仲有細細件一口Size 多款壽司任君選擇，唔會估quota。連餐前小食都吾HEA你，有香脆可口迷你煎堆、帶小辣的麻辣芽菜、懶人無骨泰式鳳爪、爽脆涼拌拍青瓜、韓國泡菜，連酸蘿蔔都有。太多美食不能盡錄😂有沙律🥗餐前小菜，火鍋配料、雪糕🍦、甜品🍮、各式飲品連生啤酒🍻都有，清酒🍶梅酒都有，飲得好盡興。「食肉獸」😍特級牛肩胛肉眼：脂肪豐富，雪花❄️分佈平均

位於荃灣中心呢一個美食中心今次就同朋友揀咗食自助餐任食自助餐120分鐘加火鍋兩小時自由任食成人 $208除咗電子餐牌揀嘢食出去自助餐區域重多自助餐揀嘢食嘅區域超級大😍種類都非常多油日式壽司刺身🍣普通炸物熟食沙律小食糖水雪糕飲品應有盡有！亦都可以加錢買$10隻嘅生蠔價錢都幾抵火鍋方面一入場就可以揀湯底我哋揀咗沙嗲湯底但係加湯嘅時候係普通熱水價錢來講我都覺得幾抵食 食材都好新鮮我見啲職員都好勤力去refill自助餐啲嘢食抵讚！

天氣涼涼地，又係時候打邊爐啦，二人限聚令都要食嘢㗎！之前行過大鴻輝見到有人派傳單”緣聚鮮鍋’‘好似幾得咁喎，於是上嚟open rice 睇吓食評發現確實唔錯！上到去立即揀湯底都有成八款湯底任揀，加錢仲可以變成鴛鴦鍋添，由於朋友唔食辣野所以揀咗番茄湯，蕃茄味濃郁一放低湯底就拎咗一碟好靚嘅牛肉俾我哋，入口即溶又唔會太肥，正到不得了除咗可以手機Apps落單之外，出邊仲有好多不同款式任君選擇沙律吧啲蔬菜種類繁多，生菜蟹柳絲粟米蕃茄仔都係我至愛！加少少日式芝麻沙律醬，十分之開胃日式刺身，壽司🍣，最鍾意佢全部細細件，食材又夠新鮮,唔覺唔覺又食多咗，但係唔得我都未開始打邊爐，要hold住呀老友！前菜款式都勁多，樣樣試D真係欲罷不能！餐前小食熟食區都有好多選擇， 我重食咗成碗豬腳薑醋甜品都有好多款式自助飲品區又食到攬住個肚離開，放題來講都算勁多嘢食，咁嘅價錢超級抵食，要去海濱公園行吓散步消化一下

和朋友慶祝生日，在緣聚鮮鍋訂了4人枱食海鮮粥底蒸氣火鍋，首先上枱嘅係龍蝦海鮮盤，龍蝦同大蝦爽口彈牙，元貝、花甲及蜆都很鮮甜，賣相同味道都一樣咁正，店員提供了一份提示客人蒸煮每款不同海鮮的建議時間表，令我們不會把海鮮煮得過熟，達致最佳效果，很貼心呢碟頂級牛肩胛，很有咬口，肉味很濃把龍蝦頭放入蟹粥底內令火鍋湯底更鮮甜提供多款火鍋料可無限追加店內提供很多食物，包括刺身、沙律吧、涼拌、小食、甜品、多款飲品及 Somersmy 蘋果酒大大隻嘅蝦刺身、三文魚及帶子都非常鮮味，呢餐很滿足

上星期約左朋友去荃灣緣聚鮮鍋食火鍋放題，餐廳面積頗大，枱同枱之間非常闊落，餐廳防疫措施亦做得非常好，有檢測體溫以及不同的防疫措施，令食客都吃得安心。入座時就一個黑蒜火鍋湯底，不久後就送上幾款特級牛肉和豬肉，牛肉放進火鍋湯之中輕輕灼熟幾秒即可食用，入口充滿黑蒜油香，而肉味十足，無需點醬料調味。火鍋配料種類繁多，大部分都放在自取區，食材琳琅滿目，可算是我吃過的火鍋放題中數一數二豐富的，蔬菜、丸類、炸魚皮、響鈴等等應有盡有。另外，有部分需要冷凍處理的食材則以手機點餐，例如牛肩胛肉眼、羊肉、雞件、扇貝、餃子等。值得一提的是高湯小籠包非常有驚喜，內餡飽滿，一口咬下去湯汁隨即在口中爆發，相當滋味。而火鍋麻糬厚來就是流心芝麻湯圓，外皮煙韌，有濃濃的芝麻香味。除火鍋料以外，餐廳亦提供壽司、刺身、天婦羅等日式料理，刺身水準非常不錯，首推介三文魚、帶子、牡丹蝦刺身。三文魚相當新鮮，而且口感肥美，我們來回重複拿了三回，非常推薦。另外，亦有三文魚壽司、鰻魚壽司、腐皮壽司、帆立貝壽司等供應，質素絕對比得上日式放題店。其他食物的選擇亦相當多，有沙律、拍青瓜、蒜泥白肉、泰色鳳爪等冷盤，亦有炸薯角、炸雞球的熟食，值得

香港的疫情反反覆覆,趁政府未收緊措施前,與好友約個飯局,順便配搭美酒,火鍋放題絕對是個好選擇;對於與我同住新界西的好友,一約局自然最先選擇附近的美食集中地-荃灣區;這次交由好友來決定食肆名單,憑藉咨詢了其他友人的意見,最後揀了大鴻輝中心的緣聚鮮鍋;由扶手電梯直上,可以避開繁忙時段的排隊時間;入口處放置了測溫機及消毒搓手液,現時是必備裝置;入場前在門口櫃台先選了鍋底,可省去等待時間,是個好做法;侍應生帶領我們來到貼窗的卡位坐下之後,隨即遞上一張附有二維碼的入座紙及一客冰鎮的上品和牛肉片;近窗的卡位可以看到街景及半空的夜景,視野更為廣闊;用手機掃了二維碼進入官網來點選食物,環保之餘又更加有效率!鍋底隨後也遞上來,好友在架設著自帶的美酒時,我就先出去揀取食物;整個餐廳的面積佔地頗大,高樓底及以黑色為主調,既型格又有空間感!食物食材品種齊備,款式豐富,第一站當然選刺身!由帶子到甜蝦到吞拿魚,見其質素甚高,就先選這三樣吧;拿了醬油及芥末後就回到座位上,好友也處理好第二主角的美酒,就用自帶的清酒來配搭這些刺身;雖然此店任飲的飲品選擇亦是琳瑯滿目,但較優質的刺身配上好一點的清酒,自是更加互相提升!帶

今日同老公去左荃灣緣聚鮮鍋嘆下呢個超抵食嘅火鍋放題 !平日嘅夜晚去，任食兩個鐘大人$208，我覺得呢個價錢真係超值呀 ~......入場前先揀1個湯底，有好多款選擇，我就揀左壽喜燒煱，甜甜地，有大葱。埋位之後就可以用手機點火鍋配料。自助吧有好多餐前小食，熱食，壽司，炸魚皮、炸雞粒、薯條、薯角等等，好啱小朋友食。火煱配料選擇種類好多， 瓜菜、即食麵、丸類、魷魚、豆腐，應有盡有。魚生刺身即叫即切非常鮮美三文魚，大蝦，帶子，希靈魚，吞拿魚。仲可以自費食即開生蠔，10蚊1隻。飲品就好多選擇，啤酒,汽水,果汁，連Apple Cider都有, 花茶成壺任沖。到左甜品胃出動，蛋糕、啫喱、雪糕、糖果，連軟雪糕機都有啊！大飽口福，下次要再Encore !

完全比價錢吸引到🤩🤩平靚正放題！第一次黎，感覺店內空間感大，又乾淨☺️湯底揀左蕃茄同麻辣 諗住一個清d一個濃味d 蕃茄湯底比麻辣味香濃，唔錯揀鴛鴦鍋底加$9 都幾抵😊😊食物種類多 質素以任食黎講係中上👍🏼種類分分鐘多過出面某啲酒店自助餐壽司bar好吸睛！ d魚生好肥美！拎刺身都好開心，因為師傅好重手😁😁最愛油甘魚，新鮮😊😊另外，熟食選擇都幾多，仲有驚喜！竟然有大大隻少蜆！ 好惹味！ 點食物有影QR code落單 同出面自助形式兩種QR code主要有加錢食品類 火鍋配料類 海鮮類等等 都係自助個邊冇嘅 甜品都有驚喜 店家推介嘅荔枝果凍值得一試 雪糕吧更加有海鹽味雪糕 🍦係其他放題或酒店自助餐比較少會食到嘅味道 都推介大家試😎😎另一個讚嘅係待應 收碟快 令你可以keep住添加野食😁😁以呢個質素同食物種類泥講絕對對得住個價錢 見佢仲有唔同嘅優惠 例如生日88折等 算非常抵食

真係要分享吓呢間餐廳第一次寫食評留俾你！！！價錢就 228+10%款式好多。。。火鍋料都正正常常，生菜，丸乜都有。唔好期望佢哋個海鮮，扇貝同埋蠔都係冰鮮飲品款式都多，甜品食得落口熟食都還可以，冷盤嘅豬肉好似臭臭地。刺身難食，食完隻蝦成口都係沙，三文魚切到一岩一忽，帶子有浸腥臭味。師傅洗洗下嘢，帶着同一對手套執刺身俾你！！！壽司方面還可以，正正常常。其他職員嘅服務態度都一般般，餐廳衛生一般般，成地都係癡粒粒。我懷疑呢間餐廳搵咗好多打手！根本不值得去試！係超級超級唔值呢個價錢。如果呢個價錢喺大鴻輝中心，基本上間間都有得食。

最近天氣有啲凍，又係到咗打邊爐嘅季節。所以我又約咗朋友去咗打邊爐，我哋總共四個人去咗荃灣嘅一間日式火鍋放題，去咗食晚飯。價錢都好易明一睇就明白，仲可以任食兩個鐘頭。我哋約咗7:30pm。首先揀咗湯底先，我哋揀咗豬骨湯底同埋壽喜燒湯底，豬骨湯底味道比較濃，而壽喜燒湯底就比較甜啲。呢度叫嘢食多數都係網上面落單，所以好方便。另外出面仲有好多嘢食可以自己拎，又有熟食又有魚生，仲有好多打邊爐嘅配料。出面仲可以見到師傅喺度切緊一條好大條嘅吞拿魚，真係好新鮮。呢啲都係可以喺出邊拎嘅，好似有壽司咁，就唔使驚肚餓啦。呢個就係肥牛，牛肉肉質好滑，唔使點咬就可以吞落肚

呢道真係好大，出面有超長的自助區有多款食物自取，好仏去左食自助餐咁。壽司款式不少，而且質素不差，三文魚大部分係腩位，非常肥美。刺身每次可以拎三款，新鮮鮮甜，特別赤蝦非常大隻，滿足蝦控。冷盤熟食味道不差，款式同樣非常多選擇。呢度既熟食好多，炸既，煮既，炆既都有。呢度超多飲品，連日本啤酒都可以任取任飲，要回本無難度。一輪努力後拎到成枱野食，睇相都開心。除左自助區，部分食物如牛肉可以用qr落單，唔洗成日行出行入。麻辣鍋比想像中辣，放題來講湯底算出色，而且仲有鴨血。呢碟係坐低就送的，雖然得一碟無得再叫，但任食的牛肉品質都唔差。任食既牛肉大大塊，肉質唔錯，打邊爐真係唔可以無左牛肉。自助的丸類中最喜歡台灣腸。甜品除左有雪糕，布丁。最有驚喜係可以自己整，凉粉，外面有好多配料，可以自己整一碗最岩口味的。整體食得好開心，因為真係好多款式，每次出去自助區都可以拎到好多野食。店員服務好好，每次都好快收碟，唔驚張枱無位攞野

又想打邊爐又想食刺身?今晚去左緣聚鮮鍋，一次過滿足左我兩個願望!位於荃灣大鴻輝中心3樓，有扶手電梯，唔洗迫升降機~入座前先揀選火鍋湯底，壽喜燒鍋附送日本雞蛋。餐廳設卡位，環境寬敞舒適。食物種類選擇多，有餐前小食、沙律、壽司、刺身、麵食、熱食、火鍋配料、雪糕、甜品、各式飲品等。另有特別火鍋配料設二維碼下單，如肉類、丸類、海鮮、天婦羅等等。特級牛肩胛肉眼脂肪豐富，口感滑軟細嫩，肥而不膩。西班牙梅頭豬肉肥瘦均等香腍軟滑，肉味充實。羊肉片軟嫩鮮香無膻氣，口感細膩。刺身油甘魚柔軟細滑、吞拿魚鮮嫩結實帶子肉厚多汁、榮螺片爽脆鮮美。飲品有汽水、茶、啤酒、梅酒、清酒等等，更設乳酪、雪糕、啫喱、涼粉等等，多不勝數。