翠園 (太古城中心)

營業中

休息中

同爸媽係太古城中心3期飲茶。雖然訂左位，但都要等十幾分鐘先有位。叉燒腸粉嘅叉燒夠瘦，但腸粉厚左少少吾算好滑。蜆芥鯪魚球，炸到金黃色好香口且彈牙，點埋蜆芥醬，甘甘咸咸。再用個籃裝住夠特色，同樣脆脆哋，吾錯吾錯。奶黃包外面鬆軟，入面奶黃吾會太甜但就少左d啦。新鮮熱辣辣，小心奶黃燙口呀。蝦餃皮薄，隱約見到入面餡料，鮮蝦新鮮爽口。一品砂鍋飯份量都算可以，食材包括帶子、燒鴨、瑤柱同冬菇，加埋d醬汁，味道吾錯。米飯粒粒分明，有口感。個人認為，如果再煮焦香少少，會更加惹味。

舊同事係太古城見完客，約我同另一同事到翠園飲茶。餐廳裝修得好華麗，由於附近有幾座商業區，午餐時段一定爆滿。好彩有訂位，同埋舊同事早到，吾使等就有位。餐廳有好多款點心同菜式。煎、炆、炒、焗、燉、炸梗有一兩款啱口味。車仔豬腸粉好滑，加埋甜醬同芝麻醬更加香。值得一讚餐廳採用竹籤拮腸粉比較特別，方便食客。帶子菜苗餃，皮夠薄可以見到裡面嘅餡料。帶子爽口，菜苗够新鮮翠綠。珍珠雞餡料豐富，雞肉夠滑，糯香且煙韌。但略為咸少少。叉燒包外皮鬆軟，叉燒吾太肥，加埋醬汁夠多，有水準。蜆芥鯪魚球，新鮮炸起，色澤金黃，好香口彈牙，加埋蜆芥醬更加惹味。而盛載鯪魚球的巢同樣炸到好脆。鮮竹卷腐皮有d韌，勝在餡料好入味。

今日day off, 一家人出去太古飲茶, 之前食過西苑, 性價比一般,有點貴, 就去試下翠園第一次去食唔知可以用gulu online拎飛, 排左30分鐘, 下次醒目download左拎飛先🤥🤥環境幾好, 大玻璃望住鰂魚涌公園, 好開揚, 坐得舒服, lunch time人好多, 侍應好忙🤢, 但佢地都幾快手, 值得一讚叫左1碗貴妃雞米粉, 鳳爪, 灌湯餃, 一口南非鮑魚撻, 粟米魚肚粥, 陳皮牛肉腸粉份量岩岩好夠3個人, 尤其個栗米魚肚粥同埋鮑魚撻好食, 可以再去食🤤🤤

打左電話黎book 大枱中午时候12:30 一去到就立即入坐叫左好多野食⋯特別要讃下下面個兩樣野食～～燒腩仔好脆，唔錯！！驚見有胡椒餅，當然要叫啦好香胡椒味不過辣左少少而其他點心都ok ！不過坐就迫左d⋯

今日一家人來到太古, 見翠園唔算太多人排隊, 便入去晚飯.上菜都好快, 地方寬敞, 坐得都舒服以下係令我有印象既菜式：【脆皮燒腩仔】燒腩仔塊皮又真係幾脆既, 肥瘦均衡, 係我最喜歡吃的【蜜汁叉燒皇】味道雖然稱不上做「皇」，但不過不失啦我比較欣賞係佢個汁, 甜度適中, 很惹味【燒雞】個皮都脆既, 肉質算幾嫩滑如果個醬油可以惹味d 會更好【乾蔥豆豉爆雞球】雞球很入味, 不過我最鐘意食既係佢d 蔥, 很香口【紅燒豆腐】個汁味道都可以，豆腐入口都滑【咖喱牛腩煲】完全唔辣, 牛腩都夠腍同入味整體來說, 菜式味道中規中矩, 份量適中, 可惜冇乜驚喜.

以為用app攞左飛就他他條條??NO!在現場所見熟客不斷插，插，插....，其實吾比我睇到咪當吾知囉，但偏偏又係我面前做，最衰我過年無比利是，否則插嗰個一定係我!!

冇因為假期訓到自然醒,反而早起左.唉...冇用apps攞飛真失敗,lee個失敗付上代價---等左1個鐘.reception擺左個牌寫著"用餐只有1小時45分鐘'',但點解都要等咁耐?門口都咁多人?正當我想走的第2次,終於有位了!酸菜鹹鹹酸酸好開胃,花生唔益又脆耍趁熱食,因蝦餃皮薄餡靚,蝦爽口彈牙,放凍左有腥味好似係新點心,之前冇,設計得好精美.入面係似芋角但撈左鵝肝碎,不過冇鵝肝味.外面炸到好油,白色部份食得,但整到好似硬左的麪粉,都係冇味.湯有肉味,餃入面有豬肉,元貝夠大粒,花膠冇味

今天與好友往太古城吃晚飯聚舊，這裏交通方便，選擇多，最終選擇了太古翠園酒樓，6點鈡入座，這裏已座無虛席。首先點了一㒁䥫板义燒，义燒味帶甜，又彈牙，又以甜豆伴碟，正。第二道菜是鮑魚粉絲煲，鮑魚有咬感，蟹肉絲混入粉絲內，三樣嘢夾埋很好味。第三個菜是鍋粑醬爆鱈魚，鍋粑脆脆夾著酸甜的雪魚，入囗魚軟淋但又夾著脆脆的鍋杷，口感很特別又香口👍有時間的話，我一定會再來試其他菜式

今天約了朋友在港島區聚會，之後就搵下區內有甚麼好的飯聚地方，朋友多想吃中菜便去翠園晚餐！服務員很快為我們帶位，叫了香茗普洱茶，不錯很香點菜時間前菜蜜汁叉燒同玫瑰豉油雞，很好醬汁一流肉質不會硬實，雞肉也滑溜梅菜的香甜全被芥蘭吸收，咸甜爽脆炆斑塊的魚肉非常新鮮，肉質很厚身，加入乾蔥爆香再炆，是佐飯一流佳品XO醬爆海鮮香辣嘢味，加上蝦仁同蚌片很爽囗，西蘭花也不錯燕窩湯羹，很多燕窩同蛋白綠豆沙也很好，不過甜整體服務不錯，並且上菜速度快！環境舒適優雅，食物有水準！不會太咸或太甜的調味海鮮做得很好

同屋企人食飯，通常都係食中菜，諗住翠園係美心集團，都有d保證。以前食開太古間美心皇宮，結業之後間唔中都會去下翠園食飯，但今次食明顯質素差左。我地冇叫套餐，全部散叫。叉燒好多舊都好瘦，唔夠鬆化，好失望。唔知係咪因爲我地唔係叫鐵板叉燒，所以總係爭d呢⋯🤔燒腩仔，肥瘦唔均勻，食左好幾舊都係好多肥膏......好在皮夠脆彌補返圍蝦炒滑蛋，ok啦，炒得幾香嘅，但蛋又唔係話好滑咋喎⋯上湯蒜子時蔬、鮮菌翡翠苗，純粹係想多條菜食下。😑士多啤梨🍓脆肉排最好食係呢樣喇，酸酸甜甜，肉排夠鬆化，肥瘦均勻，夠開胃！海鮮翠塘豆腐，海鮮有蝦仁同帶子，下底嘅蒸蛋白都好滑，好好送飯。珍菌炆斑腩，呢個認真搵笨，d斑腩冇乜肉食，好多塊都大大舊骨😠蝦子炆柚皮，蝦子味唔夠香，不過柚皮炆得都算入味，唔會太淋，老公咁大個仔都冇食過今次食左好多舊。裝潢同餐牌都係走中高檔路線，但味道真係冇驚喜，俾咁嘅價錢，出面有好多好選擇⋯

如果要乘坐公共交通工具都要行一段頗長嘅路先可以到達但如果你係用的士的話外面係雙黃線附近冇得落㗎如果屋企有老人家唔行得又唔願意坐輪椅嘅話千祈唔好嚟呢間食整體上都算滿意芋頭蝦球 蝦嘅比例好少醬汁冇乜味燒豬都算唔錯夠脆燕窩 啖湯夠曬濃味不過質地我就麻麻係落獻嘅湯羹最差就係個菜勁冇heart就咁用上湯淥完打個獻就上枱最重要係咩呀佢根本就未晾乾曬啲水啲湯水同獻混埋一齊恐怖到難以形容全餐我最鍾意食佢嘅水餃皮薄餡靚勁足料因為現場勁多人服務未到位

貴價美心快餐正所謂: 冬大過年.  唔想正日同人逼, 早兩日容易少少訂位.今年近近地訂咗"太古翠園",  坐低睇啱咗個6人餐, 同屋企人食剛剛好. 可能知我好肚餓,  上菜速度奇快, 話咁快成枱都係餸.<<燒味拼盤>>有叉燒, 燒鴨, 油雞同海蜇.<<脆炸黃金香芋丸>>即係芋頭丸, 燶咗D. <<頻倫雞>>燒雞半隻, 食唔出有幾頻倫<<豉味翡翠炒鴛鴦肉>>翡翠係翠肉瓜, 鴛鴦肉係豬頸肉同鴨胸.<<韭黃瑤柱羹>>無味湯一碗<<蟲草花浸翡翠>>豆苗, 比較清新.<<清蒸花尾斑>>夠大條, 唔會蒸得太老.<<原隻鮑魚扣花菇>>一人有一隻鮑魚同花菇, 剛剛好. <<棗茸糕>>甜品係用紅棗打茸的糕點, 唔止唔會太甜, 簡直無味. 6人餐 - $1488 , 仲包橙汁一JAR, 茶水連加一. 不過唔包前菜(花生鹹菜

一班同事數埋都十幾廿個，最好就係酒樓落腳，點心都可叫多幾款。翠園一向口碑都唔錯，美心旗下的中菜系列餐廳。老實說，成個香港餐飲業，基本上美心飲食國都佔左一大半，唔好話做得好出色，但至少做到預期standard，唔會太差個種囉！點心水準係預期之內，但椒鹽尤魚鬚郤係意料之外的出色！有驚喜喎！鐵鑊仔上枱，既精緻又能保持熱度，係聰明之選！條條尤魚鬚約女士手指的粗度，大條有睇頭。不過咁大條通常慘過食刷膠，一啖咬去，嘩　！超正！薄薄一層脆皮包住，真係外脆內軟，而且鮮味無窮！真係好惹味。呢碟尤魚鬚真係一絕，絕對係對美心呢個品牌改觀！

今日八個朋友食飯Book定檯食中菜見到有個半席六位用既餐，只係$1,060首先有芝士龍蝦伊麵古法桂花炒魚肚，好似炒飯咁大碟炸蝦丸，有成九粒架！冬瓜盅要預訂，所以我地只可以食冬蓉羹雖然係六人餐，但係我地八位都有一人一大碗鮑魚伴花菇，繼續大大碟架！大大條清蒸沙巴😋😋瑤柱泡菜苗醬油雞我地驚唔夠，仲加左鴨同埋加左咕嚕肉個餐仲有包埋甜品架！鮮奶椰皇糕！食左咁多野，每人都只係180,二百蚊有找絕對抵食如果想食冬瓜盅，記住提早訂定

美心飲食集團的餐廳愈開愈多，中菜、咖啡、和風包羅萬有。然而香港人只愛新茅廁，新店開張吸引大量人流，熱情過後宛如潑出去的水，已是覆水難收。如何能令餐廳歷久不衰？除了把食物造得夠水準，還需不定時地推陳出新，與時並進，研發不同的美食，又或是創造不同的主題。讓食客每次惠臨，都是歷久彌新，回味無窮。 未必每每需要創新研製，有時候出一招懷舊風，亦是別有一番韻味。美心飲食集團旗下的翠園酒樓最近便推出海南風情，追朔中國海南島的地道美食，重新打造昔日之地方美饌。老饕們食指大動，於假日下午特意一嚐。 海南味道有四主打，分別是酒香和樂蟹、海南加積鴨、沙薑東山羊與及白切文昌雞。這四道菜式坊間又謂曰「四大公司泊馬頭」。翻查資料，原來「四大公司泊馬頭」乃在牌九賭局中之術語，意思是莊家拿得一手爛牌，於是各賭徒便有福了！莊家通賠，人人有份，永不落空。而四大公司，則為當代上海的四大企業：先施、永安、新新、大新。小的不知何解海南瓊州之四名菜會用上「四大公司泊馬頭」的稱謂，但只要好味，小的便甚麼也不計較了！ 加積鴨與平日廣東愛吃的烤鴨大異其趣。鴨身沒有經過烤燒，採用淡色醬油醃製，令鴨兒保留原有金黃的色澤。外型有點像切雞，