老媽拌麵 (將軍澳中心)

營業中

休息中

必試台灣直送麻辣鴨血！和牛炸醬拌麵 $78居然宜家拌麵麵開始用和牛真係勁🤣 食落的確重啲牛肉味～ 麵底揀左刀削麵 食落彈啲同埋掛汁啲👍🏻 配合埋其他材料好豐富～ 紅燒三寶牛肉麵 $82所有牛肉都剛剛好 滷得非常入味 又唔會過濃！ 肉質又唔會太老 全部都好易咬 十分好！👍🏻 湯底都好出色🤪 好香濃嘅紅燒湯底味 微微辣 的確有像台灣！麵底係細圓麵 偏軟身～麻辣鴨血 $68好耐好耐冇食過好味嘅鴨血 三哥都比不上🥺 呢個真台灣直送！ 食落唔會好散 有小小彈性～同韌性！ 唔會腥 配合麻辣真係好正！底仲有啲娃娃菜 同埋 玉子豆腐 全部都好吸味～ 不過個湯有小小小小咸 偏濃味蘋果梳打 $18正常發揮Overall 價錢偏進擊 但一分錢一分貨 的確係有台灣的感覺～！味道都唔錯 有一定質素👍🏻

食過好多間台灣拌麵 老媽始終都係我嘅心水之選放假嚟食lunch 未夠12點已經差唔多滿座喇私房花雕雞拌麵啖啖都係雞髀肉 煮得好入味醬汁咸咸甜甜又有酒香 杞子感覺都幾養生刀削麵夠闊身 兩邊波浪紋更掛汁麻辣鴨血呢個真係幾辣 平時食開bb辣嘅我食到標晒汗由台灣直送嘅鴨血嫩滑有彈性 中間微細嘅氣孔吸滿湯汁 真係好高質但比起鴨血 佢嘅豆腐更有特式同平時食開嘅唔一樣 佢係豆漿加蛋 食落仲多左陣蛋香 值得一試澎湖花枝丸同樣係台灣直送嘅 點埋個台式甜辣醬 好有台味百香國寶茶係百香果鳳梨醬再加南非國寶茶味道天然酸酸甜甜 茶味幾清香

Bellofood成日都會煮老媽拌麵做早餐🍜☀️但喺佢地嘅分店食又真係第一次😆-🍼豆乳香香雞 $52香港限定嘅台式風味小吃🇭🇰🤩餐廳用豆乳醃製雞肉 所以每啖都食到有豆乳味!醬汁佢提供腐乳醬同醋 新奇得黎又意外地夾😻口感方面 炸粉厚度適中 雞肉嫩滑🍗🍗我認為係必嗌啊!! 真心好好味😚-🌶麻辣鴨血 $68台灣直送鴨血非常滑溜 配上豆腐、芽菜同娃娃菜個湯辣辣地咁 有種藥膳嘅感覺 食完成個人暖晒🤣-🐽香麻豬手拌麵 $88套餐包沙律同湯 蘿蔔湯好清甜 有誠意🥕一上菜就聞到好香嘅麻味🌶但食落去又唔會太辣 反而係舌頭麻麻地咁🤪Total有四件抆得好軟腍嘅豬手 好足料😆當然少不了佢地嘅招牌關廟麵🍜我揀咗刀削麵 彈牙粗身有口感 like it🤪-食台灣野又點少得飲台灣特飲😌呢度有珍珠、鮮奶、涼茶、水果茶、同茶系列🧋我嗌咗職員推介嘅鳳梨茉莉茶($26)🍹餐廳用上自家製鳳梨醬 好新鮮好清甜🍍絕對唔會係個種死甜 唔洗擔心🤣而且仲飲到茉莉綠茶嘅茶味 推介!!😆而老媽就嗌咗老媽黑糖珍珠鮮奶($33)🧋佢好香黑糖味 老媽話食辣野梗要配珍奶😌

由人氣即食拌麵發展到開實體店說明老媽拌麵有其獨特之處以台灣傳統古法手做關廟面作為賣點佢嘅麵食一定唔可以錯過今次捨棄辛辣 點了清燉三寶牛肉麵($82)湯底少了一份惹味 多了一份清甜更加突顯出關廟拉麵的麵香 麵條爽身彈牙牛腱、牛筋和牛肚三寶表現則中規中矩私房花雕雞拌麵($78)帶酒香的雞件有不少 肉質一般拌麵的醬汁有醬油和酒香刀削麵厚薄適中 口感香Q彈牙再另外點了個炸地瓜條小吃($32)熱辣辣 炸得香口惹味點得過熱黑糖珍珠鮮奶茶 重奶香仙草凍奶茶

🇹🇼老媽拌麵 🍜老成都擔擔麵 跟飲品✅粗麵/幼麵✅含大量花生碎 有食物敏感可走花生✅蔥 已走😂😂✅蘋果梳打 仲有幾個選擇 記得有茶類 都幾特別嘅 ✍🏻接觸呢個brand 係因為 佢之前係🇹🇼歌手 A Lin代言嘅 宜家唔知係咪一樣 食佢多少都因為有明星效應 咁就食下係👍🏻/👎🏻 喺未開餐廳前 佢已經有家庭裝 俾你番屋企慢慢煮 我兩者都食過 自己煮 個味道會濃味啲 香口啲 感覺上就再重口味 岩哂wfh 到頹頹地/宵夜食❤️ 而餐廳食 就食過兩次 都係外賣 同一分店 同一隻拌麵 但之前係weekend 食 所以飲品要另加錢 上一次食 記得係有番啲汁 雖然係拌麵 但如果太乾 唔夠油份 會較難去撈起 今次食啲肉碎冇之前咁香口 竟然食到有陣豆豉味😂😂 同時咬落有啲鞋口 可能肥豬肉較少 但相對上健康啲 都值得一讚嘅👍🏻👍🏻 仲有多條小棠菜 同半隻溏心🥚跟埋 不過我認為可以叫佢少🥜 可能佢見我走蔥 所以就🆙🥜 宜家變咗食花生拌麵多啲😂 同埋隻粗麵性質幾好 問店員邊隻好食啲 佢話粗😂😂😂 睇個樣好似唔夠稔 但

記得以前去台灣好鍾意買老媽拌面翻黎。間唔中去超市補貨都會買佢🤤就係鍾意佢既口感同埋調味。最近佢係香港開左越黎越多分店，好奇佢同自己屋企買既拌面有咩分別，就去試左試。覺得佢食物選擇比我想像中多，雖然佢係拌面品牌，但係湯麵、飯類、小食都整得唔錯。1⃣️川味紅燒牛肉麵（$82） 牛腱幾厚，同埋份量都多，不過個人覺得煮得唔夠淋入味。另外仲有蘿蔔、紅蘿蔔，麵揀左幼麵，幾掛湯👍湯底好濃，不過有啲太鹹。  2⃣️地獄麻辣牛拌麵（$72） 有鮮牛肉片、溏心蛋、菜，麵揀左粗麵，係經典既關廟麵，食落軟硬啱啱好，有煙韌有彈性口感好好😋個底有好多麻辣汁，好好撈🥰不過嗜辣人士表示，可以再辣啲😛唔係好夠喉。  3⃣️魷魚圈滷肉飯（$78）飯類包埋湯同埋前菜。湯係牛骨湯，有啲偏鹹🤔前菜係木耳絲，爽脆，有少少辣，幾開胃。魷魚圈唔算彈牙，滷肉偏乾瘦，不過就好大件同埋厚切。配菜仲有啲豆。都幾豐富。  4⃣️豆乳香香雞（$52）雞件炸得好薄脆🤩雞肉仲好嫩滑。另外跟腐乳醬，幾特別，個醬帶少少奶香，點炸雞黎食好正！  5⃣️韭菜豬肉水餃（$42）水餃皮呈淡綠色，不過食落就冇咩特別既味。韭菜味香，唔錯。  6⃣️澎湖花枝丸（$32）食到入面粒粒花枝粒，

久違既  🚁又不幸地出現啦。。。先講服務，係唔錯既，店員會主動serve你同斟水，環境都乾淨企理既。但食物質素真係硬傷💔我地叫左以下食物：🥘老媽秘製麻辣鍋 $1️⃣1️⃣8️⃣火鍋雖然有辣椒粒，但一d 都唔辣，個湯底咁啡色咁濃，飲晒應該好咸，店員仲要幫我加湯，我即刻自行加水😅配料有鴨血、丸、菜同牛肉。牛肉得3，4片，攤左一陣仲係凍到夾唔起（見圖）雪到咁唔方有肉味…丸既質素中矩中距。總括來講，呢個價錢我覺得overpriced💸🍜川味紅燒半筋半肉牛肉麵 $7️⃣2️⃣我係麵食店食火鍋，寫差評欠公允。隔離位試埋佢個牛肉麵，湯底同火鍋一樣，即係冇辣味。同埋點解麻辣同川味紅燒都係同一個湯底🤷🏻‍♀️見到牛肉都覺得佢柴口同乾，牛肉無咩骨膠原。麵條係用左拌麵果種闊麵，好有麵香，可惜都救唔返個麵，唔合格❌🐓 豆乳香香雞 $5️⃣2️⃣見到香港限定🇭🇰就試下佢。我係接受到呢種味道，味道似腐乳走辣，比較奶香。但隔離位接受唔到，覺得太漏。我覺得炸雞配搭鹹辣味會比較夾。🥥金羅漢果海底椰 （熱）$ 2️⃣2️⃣隔離位話呢杯野係成餐飯個味道最好既🥲海底椰切片，溝埋羅漢果，唔太甜，又滋補～🍻柚香啤酒 $4️⃣2️⃣無咩柚香味既啤酒，好彩都唔係太甜，即係普通啤

味道只屬於快餐級數，唔特別。食物味道一般，感覺唔似即刻煮嘅，所以啲伴菜，例如蘿蔔絲青瓜絲，好似放咗好耐有啲乾嘅感覺，而且唔夠熱。不過杯珍珠奶茶嘅味道就幾好👍🏻珍珠軟硬啱啱好，成個餐呢樣嘢最好！但餐廳整潔，員工亦有禮貌，值得一讚。

因為工作需要去左將軍澳中心，見到老媽拌麵，上次係北角匯食過一次覺得都幾好味，就想再去食一次。最重要係點零鐘都好多空位，咁就入左去啦。 坐底叫左個川味紅燒三寶牛肉麵（牛肚、牛筋、牛腱）同洛神花茶。店鋪裝修空間感幾好，侍應姐姐都幾好睇🤣 而且佢地仲好貼心咁問需唔需要加底，係免費嘅。因為上次食拌麵個份量都真係好似細左啲，於是就加底啦。 大約5分鐘左右，個麵就到啦。點都好，飲啖湯先啦！湯底略咸，微辣，而且香料味就唔多。我就覺得麻麻地。牛肚好食，爽口冇怪味。牛筋炆得好入味，軟滑。基本上做到呢兩點已經好好！牛腱就有啲失望啦，筋位有咬口，但唔入味。唔太合我口味。而麵基本上都唔會點衰架啦，煮得剛剛好，好食！ 杯野飲呢就等耐左，差不多半小時後先到。洛神花茶酸酸地好開胃，唔會太淡太水，不過甜左啲，飲完仲口渴。同我預期中，涼茶一啲的感覺唔同。 總結，出品可以，不過略貴，全餐食左$110

夜晚早食飽飯，返屋企前覺得想食個清淡d既野，再加個餐，在老媽拌麵點左個”素未謀面”外賣，等咗10分鐘咁就可以拎走了。呢個”素未謀面”算特別，真係好健康，外賣分兩盒，一盒豆漿湯、一盒刀削麵，麵上面鋪左蕃茄、煎蛋絲、青瓜絲、紅蘿蔔絲，夠哂清淡，好唔好食我覺得真係好個人，你如果食開重口味當然覺得唔好食啦；反之，要是素食、清淡既人應該覺得挺合適。

呢間係台灣手工麵專門店 主打古法做麵 用日光自然風乾麵條 換言之係食台灣菜既! 菜式 綜合湯麵 黑糖珍奶 麻辣鴨血麵 甜不辣 香蔥酥餅綜合湯麵,即係乜都有齊 有鴨血,台灣墨汁貢丸 肥牛片 脆響鈴 湯底飲落帶點藥膳味,淡淡既中藥材香氣 鴨血嫩滑 大大件好咬口 墨汁丸 食落比貢丸多了墨魚肉粒仲多了墨汁既香味 也很彈牙脆響鈴吸左湯汁食味更佳麻辣鴨血麵配以小堂菜和豆腐 鴨血 湯底又麻又香又辣 同樣都係以中藥材入湯,辣得黎唔攻鼻係柔和既辣勁鴨血同豆腐都係非常嫩滑,吸左辣汁更加味美 麵條彈牙吸汁,好食!甜不辣類似魚餅,比起魚片軟身少少,純魚肉做所以係偏軟身既,口感煙韌最後係黑糖奶茶 茶濃黑糖香甜 奶味不重 珍珠夠彈牙平均消費$250評分8/10老媽拌麵 將軍澳唐德街9號將軍澳中心L1樓133號舖

夜晚睇戲前諗唔到食咩好，男朋友就提議黎呢度食，果然有d驚喜我地首先叫咗個麻辣鴨血，入面既份量都唔少，仲有芽菜、娃娃菜同豆腐，個汁都頗為香辣，鴨血好入味，每啖都爆曬汁我地加咗$18要冷泡茶，支茶有d草青味，唔係完全冇味既，不過又唔係甘甜咁樣。之後就叫咗個川味紅燒半筋半肉牛肉麵（加麵）黎share，我地叫咗幼麵，冇乜特別，不過加咗麵個份量都係較少，牛肉得2塊，一厚一薄，牛筋都係差唔多得2舊，青紅蘿蔔都係各2舊，然後有條菜咁。我就覺得主角牛肉牛筋既份量可以多返少少，不過味道係唔錯既，食材都夠入味，微辣咁樣，湯底都夠濃，食得辣既朋友可以加d麻辣鴨血既麻辣汁落去食，再惹味d。

☆ 𝙈𝙤𝙢’𝙨 𝘿𝙧𝙮 𝘿𝙤𝙤𝙙𝙡𝙚老媽拌麵將軍澳唐德街9號將軍澳中心L1樓133號舖一心見到佢招牌個名就會諗”一定要食拌麵啦” ”伴麵應該最好食”，但係食完我就覺得個湯麵好食好多，唔知係因為麵底唔同嘅關係，定係揀錯款呢？✦ 蔥油嫩雞拌麵覺得太油，麵底係幼麵，唔好食，一餅野咁痴住晒(._.)✦ 川味紅燒牛肉麵湯麵個麵底係粗麵，好好食好有咬口，但係又唔會好硬，湯底雖然話係川味，不佢個辣我都食到幾啖⁄(⁄ ⁄ ⁄ω⁄ ⁄ ⁄)⁄ 所以可能想食好辣嘅朋友仔就未必啱，因為我唔係好食到辣，另外個牛肉都好好食好軟淋。✦ 滷牛筋個滷水牛筋煮得好入味，彈牙。✦ 凍冬瓜檸檬✦ 熱金羅漢果海底椰飲品正正常常。

🐂川味紅燒牛肉麵-本身唔食牛既我 見到都忍唔住飲左一啖湯 飲完已經覺得自己好似返左台灣甘 牛肉味濃湯底 好正🥰牛肉好大塊 同埋都幾滑 麵底質地偏硬 份量都幾大碗 推薦👍🏻🥟韭菜豬肉水餃-好多韮菜 如果食牛肉麵 有個多韮菜既餃子 可以平衡返味蕾 醬汁係普通餃子醋 皮唔厚但係有少少煙韌 見到綠色以為有韮菜味 但係原來無咩特別味道😂🦑魷魚圈滷肉飯-港式滷肉飯 味道正常 材料好多 魷魚圈如果再濃味d就好喇～老媽伴麵實體店行簡潔小清新路線 舒服～如果掛住台灣 可以入黎食碗牛肉麵止一止渴先～

今日出街食飯，外賣左一份留定第二日返工食。係老媽拌麵買左份地獄麻辣牛肉拌麵 ($72)。地獄麻辣又未算好地獄，可能我食得好辣，不過佢切細左辣椒咁加落去，係惹味好多既。份量就唔算多，牛肉同麵既比例都合適，算唔錯啦。