老鍋台式火鍋 (金馬倫道) (已結業)

好耐冇去旅行啦，突然想起之前台灣一間出名嘅火鍋店，為咗回味，來到尖沙咀老鍋。聽朋友講佢嘅酸菜白肉鍋10分好味，今日決定過嚟一試。果然酸味好夠，火鍋湯底足料，有酸菜、白肉、娃娃菜、冬菇、寬粉、蕃茄，就咁個湯底已經好高質。先講吓個醬料區，醬料質素不錯，又夠多，豉油屬於較淡味、炸蒜、辣椒、沙茶醬、青蔥、莞西都一應俱全。首先叫咗個手拍青瓜做小食，青瓜好新鮮，配上特製辣汁，開胃又好食😋。之後，打邊爐必備既響鈴卷都係必叫之選。呢間店好有誠意，響鈴都係現炸出嚟，吸汁之餘又保留到小小脆既層次🤪🤪。店員推介我哋食蛋餃同墨魚丸，咁我地又試下，蛋餃夠晒特別，煎蛋皮再包上肉餡，味道唔錯。墨魚丸就爽口彈牙，兩樣既質素都真係唔錯👍🏻👍🏻。最後再試下台灣人最愛嘅王子麵，同我地香港既公仔麵類似，飽肚得黎吸到汁，用於高質湯底邊爐就岩晒。既然入冬，就飲返d清甜滋潤飲品，冬瓜茶同銀菊露就係最佳選擇。整體而言，呢間火鍋店環境一流、夠晒特色，就咁湯底已經夠晒足料。再配上小小食材就夠晒飽肚。店員介紹亦清晰，整體用餐感受都良好👍🏻👍🏻。

之前係台灣食過酸菜鍋已經一食就愛上，今日去左尖沙咀間老鍋再試吓佢地嘅酸菜鍋回味下，點知同台灣一模一樣味道👍🏻👍🏻👍🏻老饕酸菜白肉鍋：鍋裏面有好好好味嘅酸菜帶起左成個鍋味道，好醒胃酸菜我真係食唔停口，仲有極品豬王花腩切到薄薄一片好林吸晒d湯好好味，最正係加埋寬粉條吸收晒d湯好食到不得了，佢仲有其他蔬菜係個鍋裏面。散叫左蜂巢凍豆腐：真係豆腐呢d野吸晒湯汁，邊有得輸呀⋯⋯老鍋丸餃井字盤B：墨魚丸好彈牙，食得出用手打，蛋餃好味😋有晒台灣風味。仲有叫左個小食台灣蒜香腸：台灣腸真好食嘅👍🏻最最最緊要個王子麵：大家都知係台灣必食，加埋酸菜湯點會唔好食架😍冷泡白桃烏龍茶：茶味好清香，最好係無糖。

我們在網上平台 訂了火鍋因為最多只能選四人，但是我們有六人，所以已先致電問可否把訂四+二，把兩枱合拼，他們說可以到該天到時，有一名中年男人(疑似主管)，已態度欠佳要查我們的訂枱EMAIL(此沒有問題，但此人態度欠佳，好像我們是來白吃的)進餐廳時，發現兩枱是分開的，沒有合拼，我們表明已一早說好可以合拼二枱，那位中年主管態度十分惡劣地說網上平台 就是只能四人我要再次說明，是態度極度惡劣不知是否我們用了優惠APPS ，所以他的態度此如惡劣我們上次來吃時，沒有此名中年主管，其他侍應態度不錯的如不想別人拿優惠，又為何要參加優惠APP而且根本是違反對顧客的承諾大家再想到此店時，要三思，以免受氣

今次約咗朋友去尖沙咀食飯，地鐵站B出口一出金馬倫道，就見到老鍋台式火鍋就走去試下。鍋底我哋叫咗酸菜白肉鍋，另外order咗蛋餃、墨魚丸、鹽酥一口豆腐、響鈴卷、同埋老鍋台灣麵，飲品就叫咗冬瓜茶同埋冷泡白桃烏龍茶。鍋底既有鮮味亦都食得出有酸菜嘅味道好開胃，而白肉亦都好多好淋同埋好爽口，最緊要口感一流，而且入面仲會有透明嘅薯粉好滑好爽口，真係好好味。蛋餃就係用蛋做嘅皮包住豬肉，熟咗之後入面嘅肉汁出曬嚟，當一口咬落去時候就喺口入面滲出嚟感覺好正。墨魚丸係手打嘅關係亦都超爽口及彈牙。鹽酥一口豆腐我就好鍾意食，因為一啖一口，炸得金黃色金香爽口，食到停唔到口之選。響鈴亦都係火鍋必要之選，入湯底3、4秒放落口食，又脆又吸咗湯底嘅鮮味好味道。另外兩杯飲品亦都好有台灣風味特色，呢餐食到好滿足。

晚上7點，訂左位，不過入到去，被安排室外座位，服務還算可以，之後QR code 落order, 除左湯底，選擇都唔少 最後點左麻辣同酸湯白肉，上菜都幾快手入正題，湯底太酸，牛肉只算普普通通，芝士牛丸叫做唔錯，食食下，真係越來越熱，食得都幾唔舒服下，其實呢餐食物真係唔算太差，但無論環境，性價比都可以話不能接受，最後埋單竟然食左8百幾9百蚊，仲要食得一碟極為普通ge牛肉，no next time bye😶點都好，真心唔推薦

行過尖沙咀見到個易拉架有台式打邊爐，就突然好想食鴨血，咁就嚟咗呢間火鍋店了。我哋兩個人，本來想揀嗰個麻辣湯底。不過午餐食好似有啲Heavy, 最後男朋友揀咗呢個酸菜白肉鍋。男朋友話酸菜好好味，食得好開胃。估唔到個豬腩肉原來咁襯個酸菜湯底的。豬腩肉好靚。肥瘦好適中，又唔會厚到好難咬。好食過平時酸辣米線啲腩肉。 佢吸左湯底少少酸味, 又有本身嘅豬肉鮮味。個湯底仲要有好多塊肉。正啲豆葉紙好薄，我哋放落酸菜湯底一陣，佢已經索到好多湯汁。我覺得佢比較適合用喺美人湯底或者養生鍋。因為酸菜湯浸酸味比較濃，會好易蓋咗豆頁紙嘅味台灣蒜香腸一定要趁熱食，佢唔會話好濃蒜味，大人細路都食得。一啖一舊食唔停原來王子麵即係香港ge公仔麵咁。我哋食到尾聲先落個面，煮幾分鐘就得。菊花蜜唔會太甜，但係又有菊花香味，打邊爐飲有一種清熱嘅感覺鴨血好食，冇腥臭味，又夠大嚿冰菜好靚，完全冇爛。我哋浸一兩分鐘就拎上嚟食，質感爽酸菜湯底入邊有好多粉，QQ 地漿料區有好多選擇。我好鍾意佢個蒜汁，點豬腩肉好好食好match蛋餃同丸都高質，個丸彈牙總括嚟講，呢間火鍋店真係算高質，主打台灣手工野，食材又新鮮。環境坐得又舒服

天氣開始涷，又係打邊爐既時間，酸菜豬肉湯底好正，好多料，好多豬肉個湯底都好香，好入味 打邊爐一流可以，可以飲一碗好正，叫咗一個丸拼盤同響鈴，首先呢件係拼盤有唔同丸,同埋好大粒所以就好好食,響鈴配啲個湯底好入味超好食

尖沙嘴約朋友打邊爐下午茶都幾特別，皆因想打邊爐的同時，又可以好享受下午茶的光陰，真係非老鍋莫屬。老鍋係一間臺灣火鍋店，光餐廳都好幾家分店，最近我係尖沙嘴，第一次下午茶係打邊爐，所以午餐都無食，留肚食好D。這裡的環境絕對是一流，地方寬闊，裝潢華麗，有老臺灣的古典美，加上臺灣音樂，真係很適合聊天或者談生意。我們點了一個麻辣鍋，好正的麻辣鍋完全是臺灣風格，唸著下午茶就不吃太多，但都忍唔住點了好多野食。首先來了一份老鍋丸餃井字盤，有魚皮餃，梅菜丸各4粒。都是餐廳自己包自己整的，這個梅菜丸好彈牙，味道特別外面不一定能吃得到，一定要試試。再點了我最愛的夜市炸臭豆腐，大家如果來吃，這個是必點的，因為真係又夠臭臭地，臭得來香脆😂，果陣味道真係令人回味無窮㗎。仲有響鈴片，也是脆脆的用來點麻辣鍋最正宗不過。最後下個王子麵，就是又彈牙有好吃那種，咁實夠食啦。大家下次如果想好好品嚐老鍋火鍋，下午茶時間絕對是不錯的選擇。

-朋友係火鍋迷 無論係台式日式中式定係川式打邊爐 有殺錯無放過 今晚我哋食台式火鍋-🍲#尚膳養生鍋 ($228）湯底滾燙燙 原條人參喺湯中 顏色看似清淡其實參味濃郁 滋補養生-🥟🍡#老鍋丸餃井字盤 ($98）有蛋餃四隻同墨魚丸四粒 蛋餃皮薄餡肉厚實 墨魚滑彈牙好食 點辣椒🌶️豉油食加倍滋味-🥠#夜市炸臭豆腐 ($48）炸豆腐方正大件 點甜醬時係小食 將兩嚿放落鍋當打邊爐 豆腐外皮吸滿人參湯汁 清淡有藥膳參香 -🥓#特級美國安格斯雪花肥牛 ($188）肥牛片色澤亮麗 紅白條紋分明 滾到七成熟 肉質鮮嫩帶油脂甘香 誠意推介-🐽#豬爽肉 ($98）擺碟講究 將豬爽肉砌成朵花咁靚 爽肉即使厚切 滾熟後食爽口非常-📍#老鍋尖沙咀金馬倫道2-4A號利達行4樓

疫市下的火鍋星期6放工後就出左tst去食火鍋，事隔大半年冇來，唔知係因為下午茶時間定點，連埋我地得2 台，staff多過客當然點返招牌酸菜白肉鍋，不過有d失望。白肉好肥而且酸菜唔酸，鍋內配料有寬粉、少量酸菜、蕃茄、栗米。。。。。。再試下推介的台灣麵，椒鹽豆腐就炸得幾脆而且唔厚粉，值得一試墨丸同蛋餃正常但冇特別不過係疫情下如唔做d discount吸引下客。好難會吸多d客來因為正價以呢個價錢會選到更高質的火鍋

難得放假，梗係帶屋企人去食好西，尖沙咀呢間台式老鍋裝潢俾人第一印象係好有中國古風既感覺😌老饕酸菜白肉鍋 $158醃製左既自家酸菜令湯底更入味，寛粉條煮耐左食就吸晒d湯底既精華，仲有一片片極品豬王花腩，個湯底係超值～手工丸同餃子都絕對好味，特別係梅菜豬肉丸 $48、魚皮餃$48 一碟過擺成九方格咁十分奪人眼球～夜市炸臭豆腐 $48炸得好靚仔，完全唔覺得臭，仲有獨家醬汁同泡菜一齊撈住黎睇，多重滋味😋同台灣食到既一樣好味！鴨血 $68口感勁綿滑，而且唔會腥，師傅切既厚度亦都適中。冰山茶王烏龍茶 $26台灣支裝茶，獨立包裝衛生又好飲，解去火鍋既油膩同解渴～

第一次食台式火鍋，我同朋友點左酸菜白肉鍋，以為會好濃味但原來只係微酸。湯底都幾足料有好多白肉，仲有最中意既冬粉。手打丸類同干貝滑都唔錯，有鮮味，最後既台灣面都好食，好夾個湯。其他野就冇乜印象。中午去得幾枱客，生意難做。如果多啲台灣特色小食會更好。

天氣開始轉冷了 十分想念台灣的美食特別是台式火鍋 不如來一客麻辣鍋/養生鍋吧如果不想排過江龍 老鍋會是個好選擇環境裝修得古色古香 用屏風隔開了好幾區而且每枱有一定的距離 很有私隱度 就像一個個包廂.麻辣鍋🌶選擇了小辣 吃起來真的有台灣的風味入口不會是四川的那種麻辣 反而是淡淡的十分舒服鴨血QQ滑滑 而且很厚 有衝動想追加鴨血呢豆腐份量很多 吸湯力超強 一咬開在口中爆發湯汁.老鍋丸餃丼字盤🍢難得可以雙拼 揀了最愛的蛋餃和墨魚丸蛋餃煎得很漂亮 當中的肉餡份量也不少 有肉汁的墨魚丸應該是手工打成 吃起來好彈牙和有墨魚粒.美國梅花豬肉🥩沒有點牛肉 反而叫了客梅花豬因為覺得口感會更加之滑嫩 結果沒有令我失望每一塊都很大 油脂分布得不錯 吃起來沒有牛那麼膩.鹽酥一口豆腐🧆好少見火鍋店會有單點小菜 有不少台灣夜市的小食例如臭豆腐 香腸 花枝丸 甜不辣 鹽酥雞等但我叫了鹽酥一口豆腐 因為是推薦菜之一上菜是真的有被嚇到 很大的一盤呀豆腐炸得外脆內嫩 灑上滿滿的蒜香片 吃過不停.冬瓜茶🥃真的很佛心 用了啤酒樽裝 大大的一支冬瓜茶略嫌有點甜 但充滿台灣的風味 蠻好喝的.冷泡白桃烏龍茶🍵個人偏愛這枝 烏龍茶帶

除咗係台灣食過台式火鍋外，係香港就未食過，所以就搵咗個同我一樣嘅朋友一齊去食台式火鍋🍲餐廳環境古色古香，以中式鏤空屏風分隔座位，既美觀又多一點私隱👍🏻▶️酸菜白肉鍋（$158）呢個鍋有粟米、蕃茄、冬菇及寬粉條等，當然唔少得酸白菜及半肥瘦白肉啦！寬粉條煙煙韌韌幾好食，而蕃茄及冬菇吸收晒啲湯汁，每一啖都夾雜著酸酸地嘅湯汁同食，非常醒胃😋白肉份量都幾多，又爽口彈牙，好似食極都仲有咁😆雖然有個醬料區，但我哋都覺得火鍋湯底及配料都已夠味，所以都無蘸過任何醬料😋▶️老鍋丸餃井字盤 (8粒)（$98）拼盤有魚皮餃及梅菜丸，魚皮餃屬正常水準，梅菜丸幾彈牙，感覺有啲似梅菜蒸肉餅味道😂我都係第一次食梅菜丸，有驚喜👍🏻▶️手拍青瓜（$48）青瓜夠爽脆，配同麻辣醬汁一齊食都幾惹味，重點係唔太辣，我同朋友唔食得辣都食到👍🏻▶️千張豆葉紙（$48）豆葉紙淥一陣就食得，豆味都幾濃，口感帶點煙韌，與湯汁同食一流😋▶️老鍋台灣麵（$58）呢款麵有當歸及綠茶兩款味道，可火鍋或冷麵兩食，我哋就以冷麵食法！當歸味道真係好出，有驚喜😍而綠茶味感覺較淡，配冷麵汁一齊食好清爽😋▶️冷泡白桃烏龍茶（$26）味道清香，有淡淡嘅桃味，烏龍茶配火鍋都

人人都想去旅行，計下上一次去旅行已經係一年前嘅事（😢😢）。太耐無邊爐，今次係為當希望自己去一次台式邊爐。呢度都幾大，疫情關係，間格算係闊落（由於我地實在太肚餓，快速入座）約左7點半，但到不上預期，我哋打去講自己會遲，飛埋的士都只能8點先到，店長好好，都有留俾我哋。主打黎啦，我地要酸菜白肉拼養生鍋，228元。湯頭係好飲，而且啲料都好足。牛舌心，88元，夠哂有味，而且仲係大塊而多，都幾抵食。有雲呑半份，48元，黑松露蝦丸，58元，鵝肝墨魚丸，58元，粒粒都好有特色，味道都唔錯。（4個人係最佳打邊爐人數）一口豆腐，48元，好酥軟，粉又唔會過厚，正！三秒響鈴卷，48元，夾個下係堅脆。我哋有叫份鴨血，68元，可以，但唔係台灣食到個種。杞子杭菊露，88元（壺），都幾清甜嘅成餐食左4百幾元，都ok👍🏻，有9折（即免加一），滿足下過下癮都好。