老鍋台式火鍋 (金馬倫道) (已結業)

首先環境方面非常有特色，燈光偏暗有格調，用整幅屏風分隔座位，抗疫時期都食得安心，值得一讚。湯底揀左經典酸菜白肉鍋，本身已有白肉、酸菜、栗米、蕃茄等材料。滾起先飲湯，微微酸味好醒神，另外要提下粟米，滾到最後仍十分鮮甜！安格斯牛屬於厚切、脂肪較少牛味突出，一碟份量不少足夠兩人食。干貝滑較特別係坊間少見，整體鮮甜爽口，份量多。最後食台灣面，配合鮮甜湯底就算飽一飽都食晒先走。飲品：台灣王子麵：皇帝菜及牛肉：

涼涼地嘅天氣，最想就係食火鍋， 每次食來食去都係肥牛就有d悶啦！今次我決定要食酸菜白肉， 點解選呢個咪就係呢期興囉，人就係咁，隔離飯香， 見人地食就會想食，我亦唔例外。⚛ 老饕酸菜白肉鍋 ~ 嘩一打開其實入面已經好多材料， 有醃製過的東方大白菜，仲有超多片的豬王花腩， 食落一d 都唔肥，仲有風味獨特嘅酸菜，寬粉條，番茄，粟米。⚛ 蛋餃，墨魚丸 ～ 雞蛋皮做得夠薄內裡小小肉都幾 juice ， 墨魚丸夠哂爽彈。⚛ 三秒響鈴卷 ～ 必食之選， 因咁先吸盡湯頭，點三秒一咬落去，半脆半掛滿湯汁超正。⚛ 王子麵 ～ 我地第一次食，知道台灣好出名 ，食落麵質口感似我地的福麵。⚛ 小食台灣蒜香腸 ～ 最最最懷念台灣的小食，所以叫返個台灣睇慰藉下心靈。🥤 抗菊露 🥤 冬瓜茶整體好豐富有驚喜感， 值得再來一次。

天氣越來越冷，特別想圍住打邊爐，今日二個人去，想有點私癮度，靜靜地慢慢嘆，這間口碑不錯，可以一試。自助醬料bar有平時葱、生熟蒜、辣椒粒。老饕酸菜白肉鍋平常好怕酸既食物，這鍋湯又不會酸，反而鹹香，蕃茄、粟米添甜味，鍋內材料多，白肉腩片，大大片，嫩滑有口感，底層有好多寬薯粉。蛋餃、墨魚丸用井字盤裝好，井字過三關咁過癮，蛋餃蛋味濃，配合豬肉饀，啖啖肉；墨魚丸彈牙。涮鍋小羊肉片 肉質味濃，彈牙無膻味，滷辣豉油更正，刺激。台灣蒜香腸煎得鹹香，煮幾秒就得，既即食都得。冬瓜茶 顏色跟杞子杭菊露一樣，冬瓜茶甜度更高。

今日約咗friend嚟到尖沙咀食lunch行街～搵到呢間喺大廈入邊4樓嘅火鍋餐廳🥰佢主打係台式火鍋～見到個Menu幾吸引😍就嚟呢間餐廳試吓～一入到去就見到餐廳以中式嘅裝修做設計😆見到壁畫有梅蘭菊竹😂有啲古色古香嘅感覺☺️火鍋會先選擇鍋底，再有唔同火鍋配料選擇😋醬料$20特別推介沙嗲醬👍🏻好好味😋有少少辣🙈不過接受到～酸菜白肉鍋$158好豐富嘅鍋底酸酸地，但係幾香👍🏻而且有好多舊白肉🤣大大嚿，半肥瘦白肉～食落幾煙韌👍🏻而且有好多生菜，白菜，粟米等等～好足料☺️仲有透明嘅闊粉～好鍾意啲闊粉🥰好爽口😋入口即溶～老鍋丸餃井字盤($98)有蛋餃同埋墨魚丸☺️蛋餃係用蛋皮包住～火鍋淥完之後啲肉汁出晒嚟😋好好味👍🏻墨魚丸幾爽口彈牙😍咬落啖啖肉😆幾好味🥰涮鍋小羊肉片$98好新鮮嘅羊肉片👍🏻而且好厚身😍真係幾正💕唔同出邊有啲比較薄片🙈呢啲羊肉片食落好香😋好值得一試🥰台灣蒜香腸$48呢排冇得去台灣旅行，就好懷念台灣嘅香腸🙈呢碟蒜香腸好有台灣嘅風味😋食得出佢嘅蒜香💕而且仲有陣甜甜地嘅感覺😍一碟切成好多粒香腸粒，幾滋味🥰沖繩黑糖烏梅汁$26酸酸甜甜嘅烏梅汁😋幾開胃👍🏻仲飲到佢嘅黑糖味😍又唔會太甜☺️冬瓜茶$22冬瓜茶

好耐無打邊爐，朋友見到老鍋做緊折扣，好抵食，我地就約埋一齊去烚下烚下啦。可以自己出去揀自己中意嘅醬料。我地叫左個湯底係酸菜白菜鍋，勁足料，有粟米，蕃茄，黃芽白，菇菌，京葱等，湯底酸酸甜甜幾開胃，入面仲有好多薯粉。老鍋丸餃井字盤我地叫左蛋餃和墨魚丸，墨魚丸爽口彈牙，蛋餃香濃蛋香味。台灣蒜香腸每次去親台灣都係必食香腸，好好食。響鈴卷新鮮炸起，無咩油膩感，吸哂湯汁十分好食。我地叫左杭菊露同冬瓜茶，清下熱氣。

天氣涼涼地最岩烚烚下。1900前離座有7折。時間岩岩好。個肚餓餓地。忍唔住嗌咗個小食「鹽酥一口豆腐」。😛豆腐外脆內軟。一啖一口。醬料自助形式。位位$20。😆口淡淡嗌咗個*酸菜白肉鍋*。入面有肥肥嘅白肉。🌽。冬菇。蕃茄同寬粉條。真係豐富到不得了。喝一口湯酸酸的。好開胃😋。甘有份量嘅湯底。食完飽咗2/3🤪仲點咗個老鍋丸餃井字盤。係魚皮餃同梅菜豬肉丸。為食妺👧🏻想講梅菜豬肉味落足料。唔錯。飲杯杭菊露清下熱先😎

天氣轉涼，都係時候打個邊爐，最近去左一間主打台式養生的火鍋店，店內環境古色古香，想不到尖沙咀鬧市中都有這樣的食店。我們叫了美人鍋，一聽就知食左會變靚的，因為有滋補的全隻烏雞，仲有桃膠，極多膠原蛋白，杞子，南棗，紅棗都係補氣血，對女人養血很好的藥膳養生的美食。湯很甜，煲耐的，慢慢就出味，不要浪費火鍋材料，都可以食的。加湯是雞湯，所以唔會變淡，反而真材實料。蛋餃很考功夫，放落去都好快食得，很香的蛋味，餃子湯汁很鮮的肉味。墨魚丸是手打，很濃墨魚味，食到粒粒墨魚粒。千張豆葉紙必叫，拖一拖就食得，很吸湯。去得台式店就自然叫台灣腸食下，甜甜地帶點蒜香，熟食唔好放湯內。飲返杯冬瓜茶及杭菊露都唔錯，下火清熱，甜甜地，呢餐都唔錯。

自從係台中食過酸菜白肉鍋就念念不忘，今日去食個台灣火鍋解癮鍋底選擇了老饕酸菜白肉鍋，鍋內有寛粉條，白肉及其他配料寬粉條吸收了酸菜湯底非常醒胃惹味，鍋內白肉非常多，可以不另點肉類另外點了，魚皮餃，梅菜豬肉丸，鮮炸響鈴，夜市炸臭豆腐，老鍋台灣面熱冷兩食魚皮餃比平時的大粒，不同於平常滑滑易散的口感，有鮮味梅菜豬肉丸坊間比較小，所以點黎試下，味道比想像淡，就是普通肉丸夜市炸臭豆腐，炸得很乾很硬，但喜歡香口脆口感覺的，會喜歡，跟臭豆腐的酸菜則酸辣適中，惹味老鍋台灣面熱冷兩食，有兩款面條，一幼一粗，個人較喜歡粗的面條，跟面的醬汁像醬油味道濃郁，若不喜歡冷食可放進鍋內飲品點了冬瓜茶及冷泡白桃烏龍茶大推冬瓜茶，比在台灣飲的更濃厚

天氣涼，一定要食火鍋，今日假期，搵朋友一起到這家，這家有不少湯底，天氣熱，口淡淡，試下老饕酸菜白肉鍋，鍋內已經有多片大片白肉腩片，啖啖肉好滿足，肉香伴隨油脂香，好嫩滑，還有超甜粟米，彈牙寬薯粉，湯內已有多款配料老鍋丸餃井字盤魚皮餃大隻，肉汁多，皮煙韌；梅菜丸內梅菜味甜，肉丸彈牙，像梅菜肉餅味道，我喜歡台灣蒜香腸煎得夠香，鹹香，作小食都不錯老鍋台灣麵台灣麵有兩款，可以即食當冷麵，白色幼身香滑，淡灰色較粗較彈牙三秒響鈴卷半份4條香酥脆，煮3秒吸收晒湯精華杞子杭菊露 清甜解渴冷泡白桃烏龍茶茶香透出淡淡白桃味，解滯

近日天氣開始轉涼🍂 又係時候打邊爐🍲早排小編試左一間主打台式火鍋既食店😋一入到去見到食店裝修古色古香而且坐位都分隔得好闊落 環境相當唔錯😆.🥘酸菜白肉鍋（$158）湯底酸菜味道好出 酸酸甜甜 好開胃配料勁多 有爽脆酸菜 彈牙肉片 新鮮蕃茄🍅香甜粟米🌽同煙韌薯粉等等 .除左湯底之外仲點左台灣蒜香腸（$48）蛋餃拼墨丸 台灣麵（$58） 同蜂巢凍豆腐（$48）🍖香腸咸甜適中 味道不俗蛋餃墨丸新鮮😙台灣麵可兩食 冷食清新簡單不過麵條軟身掛湯度佳👍🏻小編就覺得落湯底一齊食就更好食.整體黎講價格唔算太高份量足夠 材料質素唔錯 值得一試🐥

湯底揀咗酸菜白肉鍋，本身以為湯底只會有基本嘅配料，點知原來入邊已經有豬肉酸菜蕃茄香菇粟米同寬粉，仲要份量都幾多叫咗一份台灣先有嘅千張，其實係好薄好薄嘅豆腐皮，雖然好薄但係有好濃嘅豆香，放落湯底一兩秒就食得，估唔到香港都有得食！肉方面叫咗酒香白肉，本身以為湯底唔會有任何肉所以叫咗呢一款，點知原來係同湯底一樣，但係出咗所以就冇得轉了最後仲叫咗一個丸拼盤，有梅菜豬肉丸，麻辣丸，韭菜餃同魚皮餃每樣兩款，都幾有趣酸梅湯都幾大杯，打邊爐解下油膩啱晒

酸菜白肉鍋。估唔到咁足料，有粟米、冬菇、蕃茄、酸菜，腩肉仲好多塊，仲有我最愛的寛麵酸菜白肉鍋，酸菜好開胃，不算太酸，適合大部分人的口味！美國梅花豬肉，大大塊，啖啖肉。蛋餃，墨魚丸。墨魚丸好味，非一般街市貨色，由墨魚膠手打出來🥰而蛋膠内釀入豬肉。臭豆腐好好味！必食之選，不屬於好臭，臭豆腐外皮十分脆，內裡豆腐保留小小汁，配上甜醬，好正！建議上菜後，立即食，否則會硬左。另外，冇泡菜，台灣都係甘既配搭😋

天氣開始涼，朋友提議去尖沙咀老鍋吃台式火鍋。台式火煱注重養生，口味比較清淡。店子鄰近地鐵站，交通便利。店裝飾雅緻，坐得舒服，有私穩。服務也很週到。叫了招牌酸菜白玉鍋。湯底酸香醒胃。內有秘方醃製東方大白菜，豬王花腩，寬粉條，冬菇，番茄，粟米，大蒜等。寬粉條吸了湯的精華又滑又好味。豬腩肉望似肥，但吃入口爽口有肉香，吃多幾塊也不覺膩。湯開胃有營。嘉美農場雞肉肉質軟滑有肉味，好吃。自家製極品水餃蝦肉彈牙好味。墨魚丸爽口美味。蛋餃薄蛋皮包肉碎也不俗。夜市炸臭豆腐有質感，好味不油腻，推薦和泡菜一起吃。千張豆葉纸很出色有豆味，吸滿湯汁更美味。老鍋台湾麵冷食或放湯都好味。杭菊露和冬瓜茶微甜，清熱好飲。大家吃得很滿足開懷，价錢合理。希望限聚令進一步放寬，大伙兒一起來打边爐。

約了久久未見的朋友去打邊邊，第一時間就是想起老鍋麻辣鍋，總覺得麻辣鍋就是台灣的才好吃。看到openrice 上下午時段有全單半價，朋友還說我下午打邊邊很奇怪，結果那天去到是差不多滿座的！*這是主角麻辣鍋，其實湯底好吃怎樣都好吃，記得之前吃過另一家的麻辣鍋是偏咸的，沒有香味也沒有麻辣味，真是好失望，完全是毀了那次的邊爐。老鍋的不錯，是有麻也有辣，好像還有一些龍眼在湯底，配料有滿滿的鴨血和凍豆腐。*牛我們選了最便宜的美國安格斯雪花肥牛，意想不到的軟和很濃的牛味！真的是很不錯！*其次最印象深刻的是這個丸餃井字盤，全都是手工做的，你吃就知道。梅菜豬肉丸很香，梅菜味道很出，但麻辣鹵肉丸是第一的，口感有點像是福州魚丸，但有點麻辣味，裡面的鹵肉也很好吃，必點！*我們點了最近很紅的豆腐紙，口感像是更薄的腐皮，主要是沾汁吃，想點一個不飽的可以選這個。*另外這是我第一次吃的王子麵！這種「小食部」feel 的麵打邊邊真係很適合，那麵的質地有點像福字麵，但更吸汁，而且還是素的！*頭盤點了這手拍青瓜，有點微辣很開胃。*飲品我們都點了冬瓜茶，很香冬瓜味，不會一味看死甜，好喝。

今日血拼尖沙咀後，在回家途中被位於金馬侖道利達行的「老鍋台式火鍋」廣告牌吸引，就決定來一個Early Dinner 😛😛老鍋台式火鍋店位裝修很有台灣古式的風味🥰🥰老鍋台式火鍋不是任食，但價格也合理，湯底有四款，麻辣，酸菜，養顏，養生，有辣有唔辣任君選擇😁朋友不吃辣，所以選了酸菜白肉鍋- 配菜有粟米，蕃茄，腩肉片，大白菜和酸菜...味道酸得來帶點蕃茄味，很特別亦很醒胃😋😋 湯料很足加埋寛粉條，二人其實已經好飽🙈🙈🙈老鍋丸餃井子并盤，有墨魚丸，貢丸，蛋皮餃和極品水餃...貢丸彈牙多汁😋😋餃子皮薄餡足👍🏻👍🏻炸響零，即叫即炸，滾一秒，👍🏻夜市炸臭豆腐，熱辣辣新鮮炸，皮脆內軟，配上酸菜，台灣味道回來了👻👻杞子抗菊露，甜度適中，火鍋後清熱氣，絕配👍🏻👍🏻