職人食事 (石水渠街)

營業中

休息中

今日陪阿女去灣仔整眉，攪到夜晚，已經過咗晚餐時段，好多舖頭都關門，上網搵到石水渠街有間隱世日式餐廳職人食事，營業時間至晚凌晨三點，主打日式料理，一於去試吓！餐廳裝修簡潔，地方不大，可堂食也可以外賣，食材每日新鮮運到，所有壽司、丼飯都係即叫即做。三文魚油甘魚丼飯：刺身厚切又大片，而且色澤鮮明，擺設精美，三文魚肉質鮮美，脂肪豐富。油甘魚肉質口感幼滑細膩、風味鮮甜，食落淡淡甘甜，每口都充斥魚油香。壽司飯用珍珠米煮成，黏度高口感較軟糯，加了酸酸甜甜的壽司醋分外美味！另外還有多款晚餐附送的餐湯真材實料，味道鮮甜。三文魚帶子丼飯：三文魚肉質鮮嫩，帶子肉質柔軟，鮮味濃郁，加上玉子和蟹柳，味道更豐富。24貫松壽司拼盤，全部都係三文魚做成，共有四款不同口味，每款6件。三文魚壽司、三文魚腩壽司。三文魚擁有濃郁的味道，魚脂甘香，尤其係三文魚腩，是全條魚最肥美嘅部份，油脂更豐富，入口即化。炙燒三文魚腩壽司、炙燒蛋黃醬三文魚腩壽司，三文魚腩經過炙燒，逼出更多魚油，口感香滑，再加上蛋黃醬，味道更濃更佳！

平時返工經開已經好想試佢地既丼飯, Menu睇落好吸引而估唔到港島區都有咁經濟既選擇! 今日就買返去同另一半一齊嘆🤭黎到時, 發現佢地係開到零晨時間, 岩哂OT既時候買返公司食住做, 唔怪得有舖頭呢個名啦🥹我就叫左佢地3款晚市推介, 仲有麵豉湯送好抵食！😲1/ 三文魚吞拿魚蓉丼飯 $70鮮味十足既三文魚, 油脂味香, 而吞拿魚蓉加上芥末同壽司鼓油撈埋飯食口感好豐富😋2/ 三文魚赤蝦丼飯 $70赤蝦大大條仲有成三條咁多!! 仲要食落鮮甜同有膏!!!! 好美味! 必推呢個超抵食之款😍😍3/ 炸蝦吉列豬扒飯🐷 $70即叫即做, 炸到金黃脆口既炸蝦同豬扒, 食落唔乾相當Juicy! 同樣力推！！4/ 16貫壽司 $140呢個16貫壽司絕對係壽司愛好者既必叫項目, 壽司精緻, 每一件都即叫即做, 每款都令你齒頰留香👍🏾5/ 花之戀壽司 $50花之戀最正就係有美味既沙律醬同厚厚既三文魚在內, 而幾件事加埋一齊食, 無得頂😋叫左咁多野都係$400, 好岩我同班同事一齊開夜食😂

估唔到斜路上面有間隱世嘅日式小店🤩舖頭入面有好多隻公仔係黑板上面，全部都係用粉筆一手一腳畫出嚟，仲要好靚添㗎✨而且呢間舖頭剩係得一個人打理，由落單、煮嘢食、埋單、執枱都剩係見到一位員工，野食又好味，真心佩服🥺1️⃣ 炸蝦吉列豬扒飯🐖一個飯有切蝦同埋豬扒，炸蝦有兩大條長長的，吉列豬扒大大塊再淋上燒汁好ᴊᴜɪᴄʏ😋 仲可以蘸沙律醬一齊食，米飯用咗珍珠米，連埋一齊一啖又一啖咁食好滿足😌 最重要係麵豉湯一啲都唔鹹，入面昆布同豆腐嘅份量亦都唔少㗎🤩2️⃣ 日式燒牛扒🥩整緊嗰時已經轉嚟陣陣嘅牛扒香味，牛扒分別切成粒狀同片狀，兩款一樣有京蔥喺面，食落好香🤞🏻3️⃣ 雞翼🐥一份九四件嘅雞翼好吸引，外脆內軟又好嫩😽 加埋檸檬汁食亦會有好ғʀᴇsʜ嘅味，一雞翼兩味😆4️⃣ 壽司🍣除咗有得嗌壽司拼盤之外都有單嗌嘅壽司㗎，因為拼盤有嘅壽司係較為普通款式(例如：玉子、鰻魚…)👍🏻隆重推介嘅壽司係三文魚腩同油甘魚腩，呢兩款壽司上嘅魚腩就好似刺身咁，好厚好肥美，估唔到即使係壽司亦一啲都唔孤寒🤩不過講到我最鍾意當然就係花之戀啦，因為呢度嘅花之戀係用咗兩三文魚所造成，一份有兩件，大大粒又好ғᴜʟʟ，根本就係好好味😆㊙️㊙️㊙️宜家有口福啦✨

在灣仔藍屋附近打卡位唔少玩完去食個壽司個門口好吸引大大隻貓貓在門口好可愛入面的畫勁靚好可愛仲有茶暖任飲叫左個三文魚油甘魚飯好大塊魚生仲要唔會有腥味好新鮮另外叫左個刺身魚生飯都係$100有哂三文魚 帶子生蝦油甘魚 海膽🫢🫢🫢豐盛👍🏻再黎個14貫你睇下個海膽幾正😝😝😝我鍾意佢呢度嘅壽司飯唔會太大嚿 雞翼好香口 仲熱辣辣咁上好香口燒牛扒要讚❤️❤️燒到啱啱好唔會太老而且仲有蔥花在上面同日查食的風味係一樣😊😊😊

📍今次去灣仔藍屋附近搵到一間性價比超高，令人好驚喜嘅隱世日式小店。雖然舖頭唔係好大，但提供嘅野食好高汁，而且價格相宜，推薦大家去嗰度附近嘅時候試一試！三文魚刺身($76)幾驚喜，當中有兩片會係三文魚腩，而且片片都係厚切，油脂分佈均勻好嫩滑。雞泡魚干($70)啱啱拎出嚟嗰陣係熱辣辣㗎！因為我哋揀咗takeaway，食嗰陣已經凍咗，但都好好食，好香口而且口感脆口得來又有少少煙韌又有魚味。海膽及帆立貝壽司 $45 & $32海膽壽司($45)好嫩滑入口即溶，一啲都唔腥🤩大推！帆立貝壽司($32)好滑身爽口，而且都好鮮甜！刺身魚生飯($100)好適合有選擇困難嘅我，上面有甜蝦、海膽、帆立貝、三文魚、油甘魚、玉子同蟹柳，樣樣都大大份，而且啲刺身都係用厚切㗎！三文魚油甘魚飯($80)有三文魚、油甘魚、玉子同埋蟹柳，刺身同樣都厚切，油甘魚肉質好厚滑！總括而言，呢間小店食物嘅價錢唔係好貴，提供嘅質素好好👍🏻刺身好新鮮好大塊好厚，性價比高。不過店內係一人打理，老闆會同時整緊幾樣菜式，建議大家耐心等候🙆🏼‍♀️

放工同朋友去藍屋打卡~係藍屋附近有間日本餐廳，價錢係港島區黎講好合理，入到去環境都幾舒服!16貫壽司拼盤三文魚3件、海膽2件、蟹棒3件、八爪魚2件、蟹棒3件、甜蝦2件，本來仲有芥辣八爪魚2件，但因為賣曬，店主好好俾我地簡2件想食嘅~最後我地簡咗玉子同鰻魚咁多件壽司價錢都唔貴><!!壽司上面嘅刺身仲要超級厚刺身魚生飯刺身魚生飯有油甘魚、蝦、三文魚、帶子、玉子、蟹棒同海膽!!!刺身全部都好好食!又厚又夠凍~日式肥牛拉面肥牛半肥半瘦，師傅仲要用火槍燒香肥牛，未食都已經聞到陣香味~拉面湯底濃郁，仲有少少黑椒味，飲完一啖仲想飲下一啖日式燒牛排燒牛排味道唔錯，份量都唔少~面豉湯面豉湯夠熱～仲有唔少豆腐同獅子狗卷~味道唔會過咸～好飲！

經過藍屋再上發現小店，CP值幾高！而且留意到枱面好細心咁提供牙線比客人用🤭仲有兩幅客人送俾舖頭嘅話都好可愛！舖頭門口有塊板寫咗啲優惠套餐幾抵食～🔹帆立貝甜蝦飯（$100）海鮮新鮮，飯量都好多，飽肚之選！🔹壽司拼盤16貫（$140）好鍾意佢嘅壽司飯唔會太大舊，係一口壽司嘅size，食材都幾新鮮，個人最鍾意係蟹籽，咸香之餘口感勁卜卜脆！🔹日式肥牛烏冬（$70）佢係豬骨湯底，而且牛肉全部都有煎香過，份量都好多，個人最鍾意係呢個🥰🔹燒雞翼（$40）就咁燒香加啲檸檬已經好好食！🔹日式燒牛扒（$35）燒得啱啱好，啲肉仲好嫩配埋個汁同埋洋蔥碎好好味！Menu參考：⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10CP值： 8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

今日參觀藍屋後，閒逛下附近嘅街道，發現呢間低調壽司小店，價格親民❤️小店環境簡約乾淨，裝潢帶有日系風格🇯🇵店舖主打外賣，但店面都有小量座位可以坐係度食。店中餐牌有好多選擇，有刺身、壽司、丼飯、手卷、燒物同小食等，師傅仲即叫即做☺️即時叫左啲壽司同燒物外賣帶回家☺️刺身魚生飯 $100必食！每日由師傅選擇新鮮食材，今日款式係油甘魚、三文魚、海膽、帆立貝、甜蝦、墨魚、左口魚裙邊、蟹棒、玉子同蟹籽，共有10款刺身❤️每件都肥美又鮮甜，厚切足料，性價比高，非常抵食。壽司拼盤・松 (24貫) $220三文魚 | 甜蝦 | 帆立貝 | 墨魚 | 北寄貝 | 油甘魚抵食之選🍣！現場睇住師傅整壽司，每件壽司都肥美又新鮮，鮮味十足😍咁多款式當中，我最喜歡帆立貝壽司，帆立貝肥大肉厚，滑嫩軟綿；另外，油甘魚壽司魚肉呈淡紅色，肉身肥美油分高，食落淡淡甘甜，每口都充斥魚油香氣；甜蝦壽司🦐蝦身鮮甜，非常膠口👍海膽壽司 (2貫) $45搽用左日本海膽，海膽好肥美又帶有光澤，色澤為淺橙黃色，味道甘香鮮甜，齒頰留香，口感細膩綿軟，好creamy！鰻魚壽司 (2貫) $18鰻魚魚油香味濃郁，非常彈牙又juicy，外脆內軟😋仲燒到

Weekend特登出灣仔食呢間日式小店，朋友話呢間的刺身同燒物好高質，咁就去試一試😆刺身魚生飯 $100魚生飯配料真係極豐富，幾乎滿瀉咁濟，可惜當日無海膽，不過老闆就係其他配料加多d😆好欣賞左口魚裙邊同吞拿魚拖羅，呢兩款都非常肥美，味道鮮甜細膩，仲要塊塊都厚切，真係超正。雞泡魚干 $70睇落燶燶哋，但咬落都幾香脆，又唔會好乾，配沙律醬好好食😋三文魚刺身 四片 $40無諗過會咁大塊咁厚身，食落鮮味十足，真係大滿足😌中華沙律 $25正常發揮。日式燒牛扒 $35牛扒都燒得幾腍，味道好濃郁，唔錯👍🏻雞翼 四隻 $40雞翼燒到外脆內軟，雞肉夠哂juicy，好難得食到咁嫩滑的雞翼，不過味道鹹咗少少。三文魚鮫 $45魚皮位燒得好香脆，魚鮫的肉好嫩滑，而且都大舊。P.S 店內有兩幅勁精緻的掛畫😍職人食事 (石水渠街) (灣仔)灣仔石水渠街82號地舖*上述文章只供參考及以當時價格為準

小店係唔起眼嘅上坡位有少量堂食座位營業時間至凌晨3點有種深宵食堂feel😗***🥢三文魚吞拿魚蓉飯 $70🥢跟麵豉湯刺身新鮮三文魚超級厚身吞拿魚蓉係純魚蓉✨蔥花另外撒係上面👍🏻跟飯嘅麵豉湯好多配料😋豆腐嫩滑 啖啖都食到海帶而且唔會好鹹 正***🥢海膽飯 $190好少食海膽唔知算貴定平😂海膽鮮甜好creamy自製海膽拌飯一流😍***🥢日式燒牛扒 $35呢道菜係今晚嘅MVP!!層次豐富 外層烤香內層滑嫩以性價比黎講冇得輸！***🥢油金魚鮫 $75🥢燒鯖魚 $35店主用火槍灼過所以表皮香脆😋鯖魚肥美 比較多細骨要慢慢食油金魚鮫好多肉 油脂唔多唔會膩✨

餐廳資料：職人食事 (石水渠街) 網址: https://s.openrice.com/QrbS0xUKB00~uP1QGAA地址: 灣仔石水渠街82號地舖電話: 61689355最鍾意四圍去找美食，聽聞灣仔喺藍屋附近的呢間主打外賣的平民小店性價比高，且食材新鮮，所以一於與喜愛吃日本菜的媽咪來試一試！三文魚刺身果然夠新鮮，而且厚切，肉質鮮美，質感超級好，入口即溶，有豐富的魚油及三文魚獨特的香味；帶子鮮甜多汁；燒牛扒不會過熟，牛肉味濃郁；多春魚及鯖魚煎得恰到好處，色澤金黃，魚肉入口香脆，多春魚的魚春爽口；鰻魚壽司的鰻魚夠軟熟，媽媽食到要encore；花之戀賣相精美，米飯鬆軟而有口感，醋味適中，加上適量的蟹籽及沙律醬令我們大增食慾，當中的三文魚亦鮮嫩，肉質鮮美，口感細膩，相當不錯；左口魚壽司的左口魚鮮嫩彈牙，散發出濃厚的鮮甜味，讓我哋回味無窮😋整體而言，小店雖然裝修簡約，卻充滿日式小店的風味，最重要係價錢實惠，但沒有將貨就價，食物質素相當高，我感覺我點的全部食物都物超所值，絕對值得一試！

喺灣仔藍屋附近見到呢間小店，主打各式丼飯同壽司刺身，精選嘅刺身丼$70就食到，小店有少量堂食位置，但主要都係做外賣單。有多款刺身壽司嘅選擇，佢啲壽司拼盤平均$10就有一件，款式都幾多，叫完之後師傅每件即刻手握，技巧純熟，嘢食性價比極高，平時行開呢頭都可以外賣買走！------------------------------🍣◖松 - 壽司拼盤◗ $220總共有24件壽司，有三文魚6件、甜蝦6件、帆立貝3件、墨魚3件、吞拿魚3件、北奇貝 3件，平均一件$10都唔使！嗰日咁啱冇晒吞拿魚，師傅換咗油甘魚，刺身鮮甜肥美，叫一個拼盤已經好豐富！🐟◖三文魚吞拿魚蓉丼飯◗ $70佢有個定期會轉嘅晚市精選Menu，上面有啲好抵食嘅丼飯，$70就有一碗，仲要包一碗湯，魚生配搭唔錯而且份量好足，用上魚腩部位，加上蒜蓉吞拿魚蓉，口感綿密creamy，好食！🍱◖鰻魚飯◗ $100有差唔多原條鰻魚喺上面，搭多兩件玉子燒，鰻魚好厚肉，滿滿圖燒汁嘅香味，丼飯大大碗一定夠飽！🌟 Encore指數：9/10

呢間隱世日式小店性價比超高！好抵食之餘又高質！之前係觀塘嗰陣冇機會食就執咗，而家開返一定要試下！小店以外賣為主，入面得幾張檯仔坐～三文魚油甘魚飯油甘魚好厚切，食落好肥美好新，三文魚都勁肥美🥹食落好滿足三文魚刺身(8片）每塊三文魚都勁厚切！其中有兩塊仲要係三文魚腩！🥹魚油勁豐富勁肥美🥹魚香味十足，超正！鰻魚飯原條鰻魚燒完再切開，肉質好肥美，面頭再有少少檸檬粉解膩，配埋珍珠飯幾好食左口魚邊壽司油份超豐富，食落去入口即溶，美中不足係冇燒過

今日同大家介紹嘅呢間餐廳位於灣仔藍屋附近，餐廳裝修充滿日本風情，麻雀雖小但係五臟俱全。餐廳提供少量嘅座位，另外亦可以外賣。不過提提大家因為每一件壽司都係手握嘅，等候都需要一定嘅時間。🌟壽司拼盤十六貫$140三文魚3件、蟹棒3件、芥辣八爪魚2件、八爪魚2件、甜蝦 2件、北寄貝2件、海膽2件🌟壽司拼盤二十四貫$320三文魚6件、甜蝦6件、帆立具3件、墨魚3件、吞拿魚 3件、北寄貝 3件壽司拼盤嘅種類都唔算多，每一個件數都有唔同嘅種類選擇。值得一讚嘅係壽司飯比起一般用機整嘅好食好多，睇得出店家有用心機去做每一件壽司。魚生方面都幾新鮮，三文魚肥美，海膽鮮甜，最重要一點係佢嘅生蠔好新鮮。不過因為我哋外賣要拎返屋企，都需要一段時間，如果店家可以提供埋乾冰就會更好。📌 職人食事 (石水渠街) (灣仔)灣仔石水渠街82號地舖#灣仔美食

晚上去了位於灣仔的職人食事，這是一家專門提供日本料理的餐廳。門口長這樣。 😎menu長這樣 餐廳的裝潢非常簡潔，讓人感覺非常舒適和放鬆。他們的菜單提供了各種不同的選擇，包括壽司、刺身、小食跟燒物等等。壽司拼盤包括了三文魚、三文魚腩、灸燒三文魚腩和灸燒蛋黃醬三文魚腩。每一片三文魚都切得很厚，讓人一咬下去就能感受到豐富的口感。三文魚的鮮味和質量都非常優秀，特別是灸燒三文魚腩和灸燒蛋黃醬三文魚腩更是讓人回味無窮。除了三文魚外，壽司拼盤還包括了其他的配料，如芥末和醬油等等。除了壽司拼盤，我還另外點了甜蝦壽司。甜蝦的鮮甜與壽司的搭配非常完美，每一口都充滿了海鮮的風味。甜蝦的質量也非常優秀，肉質鮮嫩！！炸雞吉列豬扒飯我哥說份量非常豐盛，肉質鮮嫩多汁，讓人吃得非常滿足。角切鰻魚飯第一次吃鰻魚和玉子搭配的食物，想不到居然可以這麼搭！！而且份量也相當大。另外這兩款晚餐更附上免費的味噌湯，讓今晚的晚餐畫上完美的句號。外賣餐盒長得很有質感。 😍