膳德福素食 (已結業)

早前搜索旺角美食見此評價唔錯，就膽粗粗約兩位同事和男朋友來試菜。地點位於先達附近，門面並唔起眼，小心走過頭！賣相：賣相無驚喜。味道：跟一般餃子無異，還可。價錢：＄３０，平均＄５／隻。賣相：跟中菜館「賽螃蟹」無異，紅蘿蔔充蟹子，蛋白充蟹肉．．．味道：撈埋蛋黃食，好味！汁都要埋．．．價錢：＄６８賣相：看圖被半邊雞賣相吸引，來到切左件，賣相欠驚喜！但雞件食落一絲絲，真係以為食緊雞！味道：未食已傳來香濃沙薑味，但食落沙薑味兼唔重！價錢：＄５８賣相：已被香味和賣相吸引，啲菇好似食肉咁，有驚喜！味道：未食已經傳來香濃沙拉味，用菇充肉，味道唔錯，加埋青絲食一流！價錢：＄６２賣相：賣相無驚喜。味道：跟一般壽司無異，還可。價錢：＄３２賣相：賣相無驚喜。味道：皮底係酥皮底，同普遍薄餅無異，還可。價錢：＄７８

一直以來D 對酸的茶式沒甚好感, 所以甚少到吃素(有酸齋)的食肆進食奈何腸胃不聽話, 加上要遵循A 的訓話, 這次就試試新派素食清清腸胃吧來到餐廳時已滿座, 需要等十五分鐘才能入座入座後, 第一個給人的感覺是 - 很迫! 因為餐廳內籠細但設了很多座位身高近190cm 的D, 更連放腳的地方都沒有而環顧四周, 多數的客人都是老街坊和內地人, 多半都是選擇傳統素食但既然來到這裡, 怎樣都要試一試所謂的新派素食AD 二人選了二人壽司拼盤, 芥末烤牛扒和日式海鮮薄餅先來的芥末烤牛扒, 可能是第一次嘗試新派素食的關係, 覺得太妙了味道實在太像真的牛肉, 這個芥末更是神來之筆這件牛扒的味道是完全不能跟那些甚麼素雞素鵝相並論的再來的是壽司拼盤, 第一口的感覺跟吃真的壽司一樣特別是那些魚生類壽司, 完全被蒟蒻的質感和味道複製過來了但這些壽司當中也是有害群之馬的, 就是那些疑似魚/蟹籽軍艦(??)不知何故, 店主會用士多啤梨同龍眼汁的珍珠來彷魚/蟹籽(??)的最後來的是日式海鮮薄餅, 原先以為這個薄餅應該沒甚麼特別, 只是普遍的薄批拿起來看看發現這個餅好像是酥皮的, 細嘗下才知餅是用雲吞皮做的D 一人就

晚上六點半前到達, 店子小小的, 沒訂位, 遲一點到就沒位了.一向吃素都不特別喜歡素肉, 盡量都會點以菜為主的菜式, 所以一口氣點了靈芝菇豆腐煲 ($5x), 豆豉炒薯苗 ($48), 另外因喜愛餃子, 所以點了生菜煎餃 ($30), 兩碗白飯 ($8 x 2):靈芝菇豆腐煲惹味, 但靈芝菇不多, 而且偏油, 但"送"飯一流. 炒薯苗中規中矩, 餃子皮偏濕軟, 若煎得更香吃則更好.這店還有很多素壽司, 但興趣不大, 但見這裡有人推介軟殼蟹卷, 但礙於份量太多, 追加了牛油果鰻魚卷 ($32), 味道不錯.這店子的食物整體不俗, 在旺角找素食店一定會考慮這間店.

唔數唔知~~原來旺角都幾多素食店~~~這見既出品比較貴~~打開個餐牌時系完全無系素食店的感覺的~因為所有菜名同一般酒樓無異~~就算唔中意食素既人來食應該都無咩問題~但一個人無理由點菜食的~~點了午餐裏面的葡汁石斑飯~~送一個餐湯~個湯好清甜~雖然只系粟米紅蘿蔔~不過用料都幾足個飯上到來~原本以為系焗飯出品~原來只系碟頭飯既形式~有d失望~~個齋石斑真系有d鹹魚甘既香味的~不過就好似同個葡汁唔系太夾~~而且比較硬勝在個汁幾好~~帶少少香辣~又無一般餐廳既甘滯既感覺~~所以都可以啦~提醒一句~這裡系要收加1服務費噶~~~

在網上找到這間新派素食餐館，於是就去試一試。店舖座位不多，可以用逼"喼"形容，餐牌種類多，上菜速度快！我們點了軟殼蟹卷-----口感跟真的一樣。鰻魚煲飯-----用豆腐干作鰻魚，味道一流，只是飯底有點濕煎菜肉餃-----想不到最保守的菜色卻是最失望，又或者之前的菜款太出色，以至顯得餃子太平凡，餃皮不夠脆，試過就算～到走的時候忍不住跟老板娘說一定再來幫襯～老板娘聽罷立即給我們咭片說，王次去惠顧有八折～真係太好人喇～～

之前經過, 看到門口貼著不同的食物照片, 原來全部是素食昨天和侍衛行開先達, 便入去試試看著餐牌, 究竟試傳統素食, 還是試特色食物?看到之前食評, 娘娘便提議試試特色食物, 點了壽司......牛油果鰻魚壽司 ~ 其實唔覺得有鰻魚的口感, 但用牛油果包著, 食落幾清新胡椒咸菜雲吞湯 ~ 很有胡椒味, 娘娘很喜歡!! 雲吞內全是菜, 很多料, 好味侍衛認為, 傳統素菜會較出色, 於是點了..... 芋蓉焗豬扒飯 ~ 上一碟時勁香芋頭味!!! 飯用蛋炒完再焗!! 素豬先煎, 外脆內嫩, 而且無論外形, 以及味道都, 都和豬肉很似, 很好味!!! 侍衛還吃到不停口喔不過, 這店的冷氣實在太凍, 餸菜很快就涼! 侍衛建議分2次點菜, 娘娘才可到熱辣辣的焗飯侍衛~你的選擇及決定始終是對的

朋友第一次到膳德福吃飯。大家都滿意是次晚餐的食物。牛油果鰻魚卷的牛油果再冷一點會更美味。軟殼蟹卷則是招牌菜式。澆上沙律汁，配合炸脆了的假軟殼蟹，棒啊！雖然朋友說跟平常吃過的意大利雲吞不同，但我們都一致認為很美味。意大利雲吞的餡料是菜，很爽脆、清甜。雖然是煎的，但不會過份油膩。經朋友提點，原來那些青瓜絲上的醬汁是哈蜜瓜汁，我一直以為是青蘋果汁……我覺得這客牛扒是必吃的！雖然我較喜歡天然的菜式，但這牛扒真的很美味！起初我對此沒有期待，卻原來很不錯。我們以為是熱的，可能是因為冷盤，所以覺得美味。菜苗當然美味爽脆，配番茄湯酸酸甜甜，清甜美味。她們太心急了，所以來到我面前已餘下一半。可想而知有多吸引。這帶少少濕的炒飯，我喜歡。我們以為是切成一片片的豆腐，原來是一條條！上面是素肉鬆和紫菜，還有鰻魚汁（估計是）。不過，我吃到一部份是辣的。原來有辣醬，但不是全部都有。所以，不吃辣的要小心了。很豐富的晚餐，5人共吃了$405。晚餐來說，價錢合理，而且菜式多是很花巧哩！不過，女店主（相信是）那晚顯得不耐煩，可能是因為客人很多吧。但，這會嚇走想光顧的客人，這點真的要留意一下。

First impressions make a lot of difference, this place is certainly going the right way in terms of service. Although the place is small, my companions were greeted with a friendly welcome, they were offered a place to sit in the air conditioning whilst waiting for a table. Running a bit late my companions went ahead and ordered without me, although the waitress was very happy to wait until I arrived before serving, and timed it just right so that there would be hot food to eat not long after I

再一次來到這一家地方細細的膳得福啦. 呢一次, 我們一於享受一下其high tea時段的折扣優惠, 順道, 叫滿一班老表, 同太太賀壽.說一說年月, 由當初幾位年輕單身的傻傻妹子, 短短幾年間, 我們結了婚, 也生了小孩子. 而她們不不甘示弱, 幾乎個個都加上了一個男伴. 從前的5至6人Party, 搞搞下, 一來, 來了9個人. 我們的團隊只會越來越強大. 這一家小店, 難得係其下午茶優惠時段, 一坐就被我們坐了半個大廳.人多, 食既野自然變化也多. 首先來的, 是每人一件的香芒牛油果苜蓿芽手卷. 手卷, 一定要即叫即做, 食落, 紫菜依然是帶脆的. 苜蓿芽非常之新鮮, 味道不重不腥, 牛油果同芒果cross over 得很好. 爽爽帶脆又有腍腍的芒果同牛油果做口感的變化. 既清新又可口. 上次食過的, 今次極推介的金巴利果壽司. 金巴利果的甜, 配上了做壽司的沙律. 再點一點Wasabi, 食落口, 有金巴利果的甜, 有沙律的cream, 有Wasabi的辛, 有壽司飯的酸, 仲有日式醬油的鮮咸. 百味交雜的好味道. 法式焗多士, 茹素的人

果日突然間好想食素, 所以上網搵吓有咩好嘢, 見呢間好多人都話好, 於是同媽媽6點就去到, 避開繁忙時間呢個冬陰公好正架!同真果d好似的.嗱! 唔係講笑, 呢個係必食推介, 唔食就係你的損失um.....我唔記得呢個叫咩牛肉, 原本d味已經好夠, 再加上汁我就覺得太咸喇(可能係我食得淡)

早了放工, 致電齋妹時說她正身在旺角. 於是, 一走人, 便直指MK進發. 而第一件事, 便是安排二人的晚餐. 一路在火車上找旺角的素食店. 不過, 有不少食店是位於太子那一個, 唔係太就腳. 慢慢搜尋之下, 看見一個未聽過的名字. 而這名字就叫做膳德福.地方好細, 我們幸運的, 來到時, 剛好有一檯準備結帳. 我們只是等了不足3個字就有位坐. 之後來的一批人, 就冇咁好彩. 我們上哂菜後, 她們行了一轉之後, 都未有位. 看得出此新店非常之旺場. 所以我們總是覺得, 係香港搞素食館子, 係有得做的. 等位時, 我們已經把正常同晚飯套餐既Menu熟讀. 位子一準備好, 茶也泡好. 我們就點了以下的美食. 金巴利果壽司, 金巴利果, 以我卹知是外國人用來釀甜酒的其中一種果. 而食, 就真係第一次食. 味道甜甜的, 有點像紅莓但甜度, 比起紅莓甜多了. 這樣包壽司, 味道非常之特別. 用此果肉, 加上沙律, 下面包飯. 食下食下, 覺得味道同賣相有點點似曾相識. 金湯蟹皇翅, 呈金黃色, 是南瓜同甘荀的所為, 味道甜美. 混入了忌廉的湯, 更加突顯出南瓜帶兇的濃香

因為經常都係鋪頭旁邊搭小巴番屋企， 所以都知道開咗一間小店起初都無咩人入去 後來每日經過都見到幾多人食又見到出面影D相好吸引 都想去試下尋日終於有機會啦下午茶堂食仲75折點咗3樣野 2 個人食 伊面就比較普通 但就不會太油 因為出邊好多素食都會勁多汁同好油最好味係牛油果鏝魚壽司 入邊仲有D蔬菜好清新 芥辣牛好得意 上邊仲有D香料 加埋D青瓜絲食 兩種質感好特別食咗三樣野都已經好飽 但見隔離台的法包同壽司SET 都好正下次都要再去試下先

這天剛巧是下雨天，又是下午茶時段，當日店內不是太多人。店內環境比較擠迫，可能置於旺角區租金貴的地方。聽聞這間素食店，是剛開業不久，所以人手十分不足﹗一個服務員要招呼全店顧客，所以該名服務員全程＂黑口黑面＂。在沒未滿座的情況下　(當時有二張吉的六人大枱），該名服務員竟然，要求我們二人坐近廚房的油煙細枱﹗因為，我見當時都無乜人，所以我要求過大枱。這服務態度，令顧客十分不悅﹗撇開，服務態度，環境擠迫﹗壽司質素、款式，都十分不錯﹗值得一試﹗

有日同事話lunch想食齋,醒起先達隔離條街有間素食店,決定一試.到達後發現座位不多,可幸剛剛有人埋單,不用等位.Lunch都有頗多選擇,我點了個三絲炒麵. 一上檯發覺外型好得,真係好似; 食落都唔錯, 炒得有"獲氣"之餘又唔會落太多茨.另一位同事點了鰻魚飯,同樣有不俗的賣相.其實大部份的"肉"都是菇類物,經過有心思的設計後仿真度大大提高,值得一讚!Lunch set加十蚊可以換購一份壽司, 但今次未有order; 不過見到其他食評都有讚壽司,下次可以試試.

旺角係好多嘢食，但其實食嚟食去都係嗰幾間都開始食厭，點知響openrice見到有呢間新齋舖，見好耐冇食素，食評及照片都感覺不錯，於是決定一試。點知一試就充滿驚喜，d菜式好新穎，完全有別於傳統齋菜畀人老土厭悶嘅感覺，有日式、西式、港式，齋睇menu都唔覺入咗齋舖，食物味道及口感絕對帶來無限驚喜，平時我只會睇人哋嘅食評，今次忍唔住要寫個食評like一下。軟殼蟹卷食落同真嘅軟殼蟹質感差唔多，不錯。爆醬珠珠扮魚子好得意，充滿士多啤梨果味，好特別。三文魚、吞拿魚、飽片都造到同真嘅一樣，就連口感都好似。其他仲有青瓜果子壽司&飽粒壽司(希望我冇估錯)都造得很不錯，推介啦！脆脆的法包上面塗上牛油果及芝士，再焗至金黃色，上枱已香噴噴，食落唔會好漏，必吃之選！薄餅底好特別，係用雲吞皮造，食落好脆，唔會好似穌皮嗰d咁油，加埋d素海鮮&配料，好似食緊真pizza一樣，最緊要係食多2件都唔會飽到食唔到其他嘢，正！上枱已經好香芝士味，意大利雲吞加埋個白汁造得好好，食晒都唔覺漏，又係完全唔似食緊齋，好like呢個。賣相同真嘅金菇牛柳卷一樣，個黑椒汁又係好好味，可惜個牛柳食落似午餐肉多d，但齋都可以造到咁神似，都算不