興記咖啡室

營業中

休息中

#興記咖啡室 之神級西多士🍞🍞有幾神？？？上環古董古玉街附近，跟隔離的古玩店一樣勁 old school style 既港式茶記。而西多士就是這裡招牌食物之一，老闆話必食，就試下有幾神先🙆🙆 。嘩！個西多士d 牛油和煉奶多到成個瀑㳍咁，視覺上已經好正，食了一口就發現不是一般的兩層有花生醬餡的西士，這是一件特厚方包，所以要溫柔的砌開, 因為裡面是軟熟的，外面就是帶脆蛋香味。一路食一路有一個疑問，點解可以唔係咁油膩？原來這個西多士是煎不是炸，所以沒有食到成口油，當然，我覺得炸係香好多，但煎比較健康。😋😋😋🔹西多士 (唔記得價錢，約$20-30) 🙇🙇

同個frd 兩個人黎呢度lunch, 間店位置有d隔涉，要行斜路上。2:00pm 黎到無乜人。呢度最出名係豬潤，但我地兩個都唔鍾意食豬潤，所以我地每人叫左個蛋牛麵，加多份西多士。我覺得幾好食，個麵軟硬適中，牛肉都算多，隻蛋係糖心蛋。西多士煎得好香，加左好大塊牛油同埋煉奶，偏甜，但都好好食。我個frd飲紅豆冰，佢叫少冰真係有少冰，幾多紅豆，佢話好飲。我飲熱奶茶，都幾好飲。埋單$120, 食咁多野黎講算幾抵。

街坊小店，熟客多，熟客們幾乎天天同樣時間出現，店員招呼周到。店不起眼，但很多時都高朋滿座。有活力的店員，確能令一間食店充滿生氣，食客都吃得開心啲。這裡的店員其實都有番咁上下年紀，絕對不是十八廿二那種，但從他們的神態、與顧客的交流，很明顯看出他們很投入工作，投入與顧客的互動。下午茶，兩個人，先點了一碗招牌蘿蔔牛腩麵。蘿蔔甜而沒渣，牛腩入味又夠腍，連個湯底也是鮮甜。再來一客西多士。這裡的西多士不是炸的，是先將麵包浸入蛋漿，浸透了就拿去煎，煎到兩邊金黃就可以上蝶，配以牛油和煉奶，極品。我最怕現在那種在兩片麵包中塗上花生醬的那種西多士，偏偏坊間不少供應西多士的都是這種，還要是炸的，太膩。另外點了一杯凍檸檬利賓納。數片正常厚度的新鮮檸檬，毫不吝嗇的利賓納，酸與甜的交替。其實還點了一份煎豬扒配腸仔的，香煎豬扒夠香夠大塊，不過食完才記起忘了拍照。

發現上環越來越來寶藏，包括了位於荷里活道 它外表吸引力欠奉，簡陋近乎零裝修，以前既我就算經過都唔會唸住入去幫襯。呢幾年覺得社會轉變得好快，快到自己都脫節的時候，可能幾年後一些舊東西只會留在記憶中， 永遠都無機會再試到。 依家年紀越大就越想試返啲舊野，當我試過 後, 我好肯定它是借得保養育的食店。 第一次和朋友來吃了 和 ，沒有留下深刻的印象，但吸引我的反而是隔離枱的 。。。於是我再擇日重賽，在此吃了一碗 $28  即點即煮，好快手一碗熱辣辣的已放在面前，我急不及待吃了一片豬潤，它厚薄適中，爽口彈牙，以薑絲癖去豬潤腥味，豬潤對補充鐵質有一定幫助, 女仕不坊定期吃點豬潤來補充營養。麵條有點硬，煮多一分鐘左右會更好吃。 湯底就是精華豬潤水，為左令自己面色經潤一點所以一喝而盡，大滿足 ! 

是老顧客了，時常與家人在上班的早上，假日的早上或下午到興記嘆著吃。我最喜歡她的蛋牛米粉和西多士，新鮮牛肉醃得夠味丶煎蛋留有脆邊，蛋黃輕微流心；西多士很鬆軟，有蛋香，牛油丶糖漿亦非常足夠搽勻整份西多士，對減肥人士是邪惡的誘惑！除了食物美味，客人在興記還能感受到一份親切感！由老闆到侍應，都是能聊上兩句的人，但沒有必須聊天丶打交道的壓力，一切都很隨意！唯一的小缺陷只是我個人的情意結，在熱飮方面，興記不再用傳統瓷杯，換上了不銹鋼杯，可能易於清潔又不易打破吧！

番茄湯麵🍅同豬扒蛋多士🥪係興記嘅名物，大家去到都會識得點嚟食👩🏼‍🍳，但滷水雞翼先係今次嘅重點推介😏・・・・・・・・・・・・・ 滷水雞翼滷得入味，入口即溶，放入口中甚至無需吮啜，毫不費勁就「骨肉分離」🙈・・・・・・・・・・・・・鮮牛香腸番茄湯麵🍜，佢同勝香園嘅湯底唔同，更加似用新鮮番茄煮成😋，飲落口係天然番茄嘅酸味同甜味，而且湯底濃郁很對口味😚・・・・・・・・・・・・・豬扒蛋多士用左薄身嘅豬扒，豬扒鮮嫰juicy，一啖咬下去就係美味☺️•••••••••••••••••••••••••

之前上網睇到呢間餐廳既西多士好出名，就決定一試。鋪頭裝修雖然唔華麗，但係好有懷舊同傳統既味道。一入去店員就好熱情咁招待我地，幫我地搵埋位，叫我地慢慢睇下食咩。因為我係食午餐，所以就叫左個麵同神級西多。店員見我冇叫野飲，就主動送上茶水，真係好貼心。等左一陣西多就黎左，西多上面有好多煉奶同一PAT牛油，中意食煉奶既朋友就岩晒，西多係即叫即炸，夠晒熱。西多中間搽滿左花生醬，真係好好食呀!呢D小店真係買少見少，好藉得去試

難得假日在中上環一帶遊走，本想找間咖啡店悠閒地坐坐，逛著逛著來到了興記咖啡，懷舊的港式餐廳外貼滿媒體的報導，被相片吸引決定入內一試。一進店內，熱情的侍應馬上找到位子並多拿一張凳子讓客人放袋子，非常細心體貼，值得一讚！坐下後看一看餐牌，點了招牌豬膶麵，滷水雞翼及凍奶茶。豬膶麵薑味濃郁，沒有半點腥味，麵條軟硬適中。奶茶亦很出色，茶味和奶味比例恰到好處，喝下去非常滿足！滷水雞翼一份本來是兩隻，但侍應說雞翼太細多給一隻，真是良心老店！雞翼很入味，肉質嫩滑，值得一讚！性價比非常高，充滿港式人情味的一餐！

依間餐廳其實都幾唔就腳,要爬一段斜路先至到,今日偶然發現,見到咁”偏遠”都仲有唔少人去,必有過人之處,梗係入去啦.入到去,自己搵位坐. 老闆(我估係)入親嚟既都叫朋友,但係又毫無違和感先至厲害喎.睇來睇去都唔覺有飯類,應該只係得粉面類.叫咗個豬扒蛋面加蕃茄底,伙記問飲乜咪答熱檸茶囉.落完單先知完來係唔包飲品既.不過杯熱檸茶都無欺場,4片厚檸檬都差唔多砌得返大半隻檸檬喇.飲完之後攞咗杯茶,厚顏咁自制多杯檸茶,依然夠味喎.即係變相$13兩杯檸茶,我心情先至平伏返少少~豬扒面到果陣,見到湯底淡淡既顏色,其實已經打定輸數,咁既色點會有味吖.所謂煎蛋,蛋黃係全乾全熟既.撩咗幾下碗面,都唔覺有蕃茄碎,到最後先知完來沈晒係底.呷咗淡湯,先發現無想像中咁淡.令我喜出望外既係豬扒,竟然又香又甜架喎,同湯底幾夾,算係近年係茶仔食過最好既豬扒.差唔多食到一半先發現有好多蕃茄係碗底,所以越食越有味.

難得會爬樓梯到上環山頭，上次去 DayDayCook Concept Studio 參加完活動，順路就去旁邊的興記咖啡室吃個「神級西多士」再落山。店員叔叔非常搞笑，剛好遇著非繁忙時間，叔叔見我一袋二袋還特地搬椅子給我放東西，又介紹食物和紅豆冰等等，我也很順得人地點了神級西多士和紅豆冰。店內充滿街坊氣氛，雖然自稱「神級」有點搞笑。這西多士就是最傳統的港式冰室做法，沒有夾心沒有忌廉毫不花巧花俏。比一般方包略厚的方包上面，倒了一杯煉奶和一陀牛油，一切開就如瀑布般傾瀉下來。麵包沒有吸收太過份的油，最特別是底部有一層薄薄的蛋白，很真材實料的感覺。店員叔叔推介的紅豆沙，紅豆是當天早上新鮮熬好，加上鮮奶是很樸實的味道。完全不甜是一大驚喜，紅豆咬起來粉粉的，感覺有點健康無負擔。+++++餐廳資料興記咖啡地址：上環蘇豪荷李活道182號地下電話：+852-2549 3419

西多士絕對是香港的經典食物，不論是大街小巷裡的茶餐廳，還是隱世村落中的茶檔，都會供應這款食物。雖然製作不困難，加上各師各法，不過一食便知高低，坊間總有一兩間做得特別出色。在吃到這家的西多士之前，我對西多士不存好感。因為看到它的樣子，就會聯想起一塊雪白的麵包放到油內炸，吸了不少油……直到某天看到網上來自小食神（他有上過電視的）的推介，對這家的西多士讚不絕口，甚至把它稱為「神級西多」！威力如此強大，我就儘管一試，看它是否可以改變我對西多士的觀感！點了一客西多和一杯熱奶茶，等待食物之際，發現其他座上客都是吃麵和通粉，原來不少人都喜歡這裡的豬扒蕃茄通粉和豬潤麵。不過我是為西多士而來，這次就不嘗其他了。茶餐廳奶茶的水準總不是太差，茶和奶拌和得恰到好處；我沒加糖，但在奶和茶之間也嘗到些許甜味，不覺苦澀。終於，神級西多士出現了！看樣子，似乎不那麼吸引，那一刻，其實我也有點失望。不過，原來它是走「其貌不揚」的那種路線的西多士！細心看看，它的麵包有一定的厚度，在焦黃的邊緣上，絕對不難發現雞蛋的痕跡！麵包先是蘸上了雞蛋的蛋汁（看來也有1隻蛋呢），之後慢煎（對，我相信它不是油炸，吃過你就知！）最後，還慷慨地

朋友介紹呢間小店，出名食豬潤麵， 門口貼了雜誌及名人介紹。不過小弟唔喜歡食豬潤，所以叫咗鮮牛肉煎蛋麵及凍奶茶。見師傅逐碗好有心機慢慢煮，雖然客人只有三幾位，但都等了好一段時間先有得食。麵來了，湯底有些泡泡，小弟仲以為是鮮牛肉煮成的湯底， 點知吃了一口，的確有牛肉湯味，但公仔麵味粉的味更濃， 鮮牛肉都算合格，但無乜特別，煎蛋雖是即煎，但係蛋黃是煎到半生熟的唔合格荷包蛋，麵煮得唔錯。凍奶茶味道香滑，算幾好飲。不過此店早餐時段不提供套餐， 散叫接近$50的價錢都唔容易接受。

清哂朝早工作, 一個人去文武廟附近閒逛, 充下電, 下午再做過。行經興記, 記得有個肥仔食家(一向唔太認同佢係)講過呢間係好野, 一於去試下。一入到去坐左7、8成滿 (時間係2pm左右), 都幾堅!叫左碗火腿沙爹牛肉一丁 + 熱好立克一丁剛熟, 好! 火腿係一般火腿片切絲沙爹牛肉食得出加左好多鬆肉粉, 而且沙爹味唔入味, 差!最搞笑係個幾片椰菜, 我明白對於商家來講椰菜易處理兼食安危機細, 但作為食客, 永遠都係期望見到既, 係一條青綠色既蔬菜......湯底滾水, 無咩值得講。正當失望之際, 飲啖好立克, 正! 呢頭好少有好立克真係飲得出好立克香味! 好多都係一細羹粉沖一大杯水。呢方面要俾個讚佢!整體而言, 唔覺得特別出色。希望係未食到佢真正實力, 下次會再來。

今日又中雜誌啲招，去咗荷李活道間興記，完全名不符實，仲係某食神才子介紹。首先必食至出名西多，又話即叫即製，柯打完先浸蛋漿，再慢火煎10-15分鐘。點知件西多2分鐘到咗，睇落去金黃，食落去好失望。唔夠熱，仲要入面係無餡，同埋真係唔覺得煉奶有咩特別， 大快活都有啦。之後叫咗碗面- 豬扒餐肉面(一丁加$3)，盛惠$26，諗住試下個蕃茄湯底，再加$5，飲品都唔包杯。豬扒同餐肉，真係你想整得難食都幾難，無驚無喜。加$5嘅湯底，完全唔掂，得雞碎咁多蕃茄蓉，求其搵啲蕃茄膏加水，唔該你食吓蘭芳園或者勝香園先啦，中上環食蕃茄湯底，大家都有返甘上下要求!食啲咁嘅嘢，唔飲杯嘢下火，收我$13一杯凍華田咁抵，點知淡到飲淨半杯。之後埋單每人$50，同雜誌介紹平均消費$30，足足多咗66.666666%。聽日要即刻食返蘭芳園或者勝香園補數。

一間上環隱藏小吃店, 一直覺得太多好多人成日只會寫大眾化食店, 但其實好多食店真係好有heart, 可能店鋪自己既, 不用因為租金成本影響食品質素,實在難得豬潤米- 維記食到街知巷聞, 這間有驚喜, 新鮮豬潤厚切有口感, 用了花調酒漹過, 沒有豬醒味, 加上還用了薑絲一起煮出來, 豬潤水喝清鹵水雞翼 - 很入味, 但肉質較鞋口煎豬扒- 比較薄身尚算juicy ,味道有像香矛味