荔園﹒流金歲月 (已結業)

今年搵下咩商場會有啲萬聖節氣氛，見到D2 Place都有個小巿集，一直都想去呢個商場，次次諗諗下都無咗件事，今次終於的起心肝去喇。其實商場無咩萬聖節裝飾或氣氛，不過就比一間餐廳吸引咗我，餐廳以荔園嘅遊樂設施作設計，另外一樣吸引嘅係有得買近其大熱嘅椪糖。我哋入餐廳嗰陣大概下午四點十五分，坐低後職員比咗點心紙我，同我哋講腸粉已經無晒，點心師傅就嚟收工，要快啲落單。落單後，疑似點心師傅出嚟收點心紙，極不情願咁喺我哋手上接過。除以上外，其實職員都幾有禮貌，食物味道亦唔錯。荔園遊樂場設施，左下嘅木馬真係當時嘅旋轉木馬，雖然經過時間洗禮已經好舊有啲破損，但好有記念價值。消費一定金額送遊戲幣夾玩具，不過個夾鬆到無得再鬆。荔園摩天輪(流沙奶黃包，千層蛋糕，菠蘿叉燒包，鹹水角每款2件)，賣相就唔係咁特出，有啲牽強，叉燒包有啲乾，流沙包唔錯。貢菜牛肉球，呢個普通。鮮蝦春卷(3件)，呢個都無特別。櫻花蝦炒飯，呢個炒飯好味。+$25買咗一盒椪糖返屋企玩。

呢度嘅裝修全部都係圍繞住荔園以前嘅遊戲，有咖啡杯同埋過山車等等。而佢嘅嘢食都係圍繞住荔園嘅嘢🤣～譬如荔園動物園、摩天輪咁。食物嘅質素就一般啦，還好既，但係勝在賣相又靚又創新得意！😍

上次來過，很有回憶，可順便介紹給女兒看看以前一些荔園的趣事。食物造型可愛，也很有荔園風格，只是味道比較一般。今天應女兒要求再次光臨，人不算多，排一會就有位了。去到安排的位置，嘩！張張櫈都有啲食物殘渣🤮，可能是清潔姐姐拾枱時快快手就咁掃咗落去，算！用紙巾掃返乾淨就算。之後就點嘢食，因為不太肚餓所以只暫時點了女兒最愛的摩天輪，以及春風得意腸及蕉積饅頭。春風得意腸還算可以，炸倆的做法但裡面包嘅係春卷。蕉積饅頭造型趣緻，小女兒見到好鍾意，不過口感就比較麻麻， 饅頭外皮非常韌，口感就好似食緊張紙咁😖。食完枱面啲嘢再等多10分鐘左右，因見個摩天輪未到，就舉手諗住嗌人問啦，就如以往一樣舉手起碼要5分鐘先至有人過嚟，都預咗！個姐姐過嚟睇完之後就話「摩天輪一早賣晒啦！」之後就咁走咗去！剩低我同我老婆你眼望我眼，個個O晒嘴，一早賣晒又唔講，係之後賣晒的話又唔通知我哋？我哋唔問的話咪一直係咁坐喺度齋等？😖啲嘢食冇咗都算啦，諗住可以嗌第二樣，但個姐姐丟完嗰句之後就急急腳走咗，又冇攞過張點心紙畀我哋再點，咪舉手諗住攞囉，等咗幾分鐘個姐姐嚟嘞，我又唔小心講錯咗叫姖畀張單我🤦🏻。不過錯有錯着，張單嚟到一睇當堂嚇咗一

荔園對好多人嚟講都係一種回憶， 但係我呢個90後， 其實只係去過一兩次。 但我睇得出呢間餐廳好有心機去裝修。 我叫咗唔同嘅點心， 價錢偏貴，但係每一款的外貌都可以用作打卡。 味道確實普通， 但與朋友一起來的話， 傾下偈打下卡不失為一個好去處。

呢間嘅裝修幾得意，所以入咗去試吓，點知中哂伏，大家千萬要小心🙏🙏🙏餐牌都幾多選擇，價錢偏貴，應該係食佢個裝修。上菜都快，味道一般大排檔質素，偏大碟。食咗10分鐘我突然見到我哋坐緊ge窗口側邊有隻曱甴爬來爬去，我好冷靜企左起身，企喺張枱隔離向職員大叫”唔該”，五米內有個職員應返我哋”買單啦嘛”，然後即刻轉身就走，我大聲叫”唔係呀有曱甴呀，快啲過嚟清理”，點知佢話”oh 打包”，又即刻轉身走。我哋再大嗌”唔係呀你過嚟啦”，佢先好唔情願行過嚟。最後個職員捉咗隻曱甴，另一個職員過嚟問佢乜嘢事，佢話”有曱甴喎”，另一個職員”曱甴之嘛”，好似有問題嗰個係我地。咁啲嘢食啱啱嚟到我哋唯有繼續食。食食吓10分鐘覺得對腳好痕，望吓地板，嚇死我有兩隻曱甴爬來爬去😖😖😖😖😖😖😖😖！！！痴線㗎。我哋都費事再嗌啲職員受佢哋氣，直接行去收銀處埋單走人。喺收銀處排緊隊期間，個收銀阿姐突然之間除低口罩大嗌佢另一個同事，痴線今時今日做食肆解可以唔戴口罩….一啲防疫意識都冇，唔敢想像佢個廚房有幾污糟。同咗收銀阿姐講啲曱甴經歷，俾埋啲曱甴相佢睇，佢都幾好笑，話係正常，因為前幾日滅蟲，啲蛇蟲鼠蟻係會走晒出嚟😱😱😱痴線㗎! 即係

今日來d2 two行下，順便係度食個午餐。叫咗5樣嘢食，石鍋揚州炒飯咸淡適中，但味精味多咗少少，整體都幾好食。，黑松露燒賣，原來得兩粒，食得出用料幾好，不過都係貴咗d。外婆紅燒肉，好好好好食，肥而不膩。蒜香鳳爪，煮得好入味，唔錯。椒鹽豆腐粒，表面脆入面嫩，比較仲意食咸既人，會覺得淡味咗d。整體既食物質素都唔錯同埋口味會偏淡少少，會再幫襯。

22/8/2021 夜晚6點9入座，之前食過兩次，覺得個炸子雞真係好好食，食完重買多隻外賣俾外母食添，但今次真係覺得好差下，如果唔改善真係遲早執得！今次見門口張海報係主打芝麻炸子手撕雞，真係幾吸引架，餐牌重話係必食用黎影相打卡添！2大人2小朋友入去坐低，一坐低樓面姐姐話：無點心呀有無同你地講呀？ 哦！無諗住叫不過衣家知喇。 當然就Order 隻雞先啦，姐姐好快答：賣晒！ 果下呆左呆，睇黎佢都答左好多次。呢個係重點推介既餸居然夜晚6點幾就賣完，但門口既海布無講，呢下感覺俾人呃左入黎。唔緊要，無呢味就叫其他啦，士多啤梨骨，岩小朋友食，但黎到半粒士多啤梨都無，我又呆左問姐姐呢碟係士多啤梨骨？姐姐話有士多啤梨汁喎，睇相就知咩料啦，真係好差下！另外叫左個石頭窩飯，黎到個窩只係暖既，完全無正常個效果，飯焦當然無，重要好油，咁既料無心機影相啦，差！另外因為無咩好叫，叫左個魚，鐵板上賣相算ok,緊緊合格啦。走時同收銀個叔叔反映左，話唔夠人做野喎，但開門做生意，好應該交返基本野掛？ 佢又唔覺得有問題呢下先堅，絕對唔會再去！

荔園我就真係未去過 淨係知佢以前係喺我屋企樓下🤣估唔到呢間茶樓咁有創意 揉合荔園嘅元素 相信唔少香港人都充滿回憶🇭🇰餐廳勁多打卡位 仲有仿照遊樂場設施嘅位 不過原來要𝒃𝒐𝒐𝒌 嗰日去冇得坐😭.📌荔園摩天輪 $108佢呢到有兩個好出名嘅拼盤 不過今次就試住一個先😌差唔多每一枱都會嗌一個🎡唔係得個樣 真係好好味😋上面有四款點心:包有Guts就係老虎仔流沙奶黃包🐯一摵開就流晒出嚟 鹹蛋味好重 沙沙地😍烏龜菠蘿叉燒包超鬆軟 面頭脆卜卜夠晒甜 加埋入面嘅叉燒 小朋友一定鍾意🐢恐龍千層糕 口感好軟鬆 有啲似馬拉糕 仲有層奶皇喺中間🤤最後係小刺蝟鹹水角 味道正常 幾煙韌不過唔夠脆🦔.嚟到當然唔會淨係食咁少野😌呢到仲有好多點心同炒小菜🥧.📌係愛呀！ $30佢係南瓜夾心芋絲餅 整到心心咁好靚💕真係炸都好脆 有驚喜🥳入面除咗有芋泥仲有南瓜蓉🎃食落好綿密 豐富咗個口感😎不過就唔太食到南瓜嘅清甜味🙈.📌單骨蜜糖雞翼 $48𝑻𝒐𝒕𝒂𝒍有八隻😛都係炸得好脆 炸皮好薄 唔算太油膩😚雞翼好大隻好厚肉 仲要好𝒋𝒖𝒊𝒄𝒚又滑😍底下面有好多蜜糖 小朋友一定鍾意🍯.📌士多啤梨骨 $98原本以為係撈咗士多啤梨醬嘅𝒓𝒊𝒃𝒔🍓點知

我呢度所有嘢都麻麻哋，係個雲吞同埋普通桌菜唔錯！菜心少渣，同埋幾時先甜不過其他嘢就真係不敢恭維佢呢個份量呢個質素都真係幾差！呢度係環境非常之好！影相打卡或者同小朋友玩都唔錯，不過嘢食都真係幾難食，你睇吓嗰個下午茶嘅春卷由細，又唔吸嘅賣相仲要得一條…我諗大家見都覺得唔開胃佢個香蕉就係比普通饅頭差少少，尚算送嘅但係真係麻麻哋好味雲吞就幾香，而且唔會好多肥肉，係個湯好鹹，其實唔飲湯都唔怕嘅～如果大家為呢度食嘢又唔嗌點心又好似好奇怪..

要乜冇乜，收服務費同茶錢但冇服務又冇茶比個裝修吸引入去，但食物質素仲差過街邊茶記咁好裝修，好心整頓下個廚房 煮好啲嘢食安排入坐又差，冇組織隨便帶人d野食冇 落單又唔講，要你等得耐追問先同你講一肚氣！非常不建議試除咗裝修，其他嘢全部都係伏！！冇咩事 唔好試

同女女玩完見到荔園有位緊係入去飲返個茶先！呢到裝修都好懷舊好靚，仲有過山車坐位，超正見到餐牌有好多好別緻又可愛既點心！我地就叫左精選午餐「Q版樂園拼盤」$48包括有「流心奶皇包」、「黑松露燒賣」、「黑機露野菌餃」、「滋潤紅棗糕」每款各一件留心奶黃包麵包超鬆軟，奶黃餡又香又甜又流黑松露燒賣足料又惹味，野菌餃下皮煙煙銀銀餡料陣陣黑松露香味，超好味！另外仲叫咗個「荔園動物園」$108包括有：造型流沙奶黃包、恐龍千層糕、恐龍蛋燒賣、雪兔蝦餃王（每款2件）蝦餃入面嘅餡料大大隻蝦超足料燒賣上有一粒鵪鶉蛋識落更有口感仲有個千層糕都非常鬆軟好味㗎！仲有點少得呢個「烏龜菠蘿叉燒包」造型別字又可愛，面層鬆脆麵包鬆軟簡直冇得彈！

今日去荔枝角逛一逛，第一次嚟D2商場,D2 商場都有好多嘢食, 第一間見到地下間咖啡室排晒隊，真係好想試但係又好肚餓，唯有上去再行一轉睇睇先，跟住經過見到 荔園 流金歲月，即時比佢個名吸引咗，因為荔園相信是好多人的兒時回憶，入到去裝修都好得意，真係有少少遊樂場的感覺，坐低見到餐牌點心，選擇都好多，簡簡單單先叫個乾炒牛河試一試先，一上枱，賣相還可以，但係食落去鹹到不得了，雖然肚餓都食唔晒，中伏的感覺他已經在冇興趣叫其他嘢食埋單走人。

之前行過見到裝修好靚，好啱打卡，不過就無緣食飯，今日再次到訪D2，決定要試一試！本身想叫個打卡點心摩天輪，（見過朋友打卡都幾靚）但晚市話無點心供應，有點失望..但之後比我地見到隔離枱有點心🤷🏻‍♀️咁唯有簡簡單單叫個飯，小菜吃住先啦！不得不說，食物方便其實都唔差，但員工態度就有待改善啦⋯⋯佢既石頭鍋炒飯幾好味，夠鑊氣，而且份量都算大..女仔細食可以同人share!士多啤梨骨都有驚喜，脆卜卜又有味👍🏻煸豆就不過不失咁啦⋯⋯

相約一位好耐無見嘅姨姨喺荔枝角短聚一下，我擇左呢間裝潢充滿童真感嘅荔園餐廳，晚市有粉麵、小菜、點心🥧石鍋楊州炒飯份量超多，兩個人share都得，用石鍋裝住令整個飯一直保持溫度，飯粒煙韌，有叉燒粒、蝦仁做配料充滿口感，當然在價格上與茶餐廳相比固然會貴一些。

約朋友在D2 Place 補祝她生日，她選了這一家説要懷舊一下，所以就直接去試試。除了小菜還有點心，之前見相片造型好得意，就選了一些，結果強差人意。免仔蝦餃和熊仔流心飽尚算可以，雖然免仔有點走樣還是蝦餃，熊仔還是流心但飽有點乾硬不夠新鮮。最大問題是香蕉鏝頭，賣相確實有趣，但要費很大氣力才抿得開，又乾又韌，真係好過份！總括而言，所有點心都不新鮮，應該已經是製作良久，已經過了保質期！今次我們只吃了點心，未知小菜如何，但經營者沒有用心經營，消費者也不用再給機會了！