華輝餐廳 (已結業)

自從第一次吃過華輝後，已經無法忘記它的蘋果批和雞批，今次我又再一次光顧這間茶餐廳，我們一家五人到華輝吃晚餐，本想叫一個大批來試試，但已經售罄，本以為可以帶家人來試試，結果還是要下次再來，真的有點後悔不提早預訂，之後我們在華輝吃晚餐，我們叫了四人套餐，由於那些伙計推介我們吃鹵水鵝片，於是叫了一碟來吃，那些鵝片很薄，鵝肉很入味，這碟餸很快被我們吃光，想不到會有這意外驚喜。

Not until its little advertisement posted outside the entrance then I finally recognised this long standing canton cafe was famous for its home-made pies, instead I was little scared away by its frequent visits by the flies in its display cabinet (unavoidable anyway, simply turn a blind eye to it my friends).Paid a visit once in a saturday's morning with my sis, and tried its chicken and apple pie, those individual ones with full crust around. The chicken pie wasn't anything special but it indee

紅叮一早起床～因為睡不著，太熱了～之後去吃早餐～去了華輝餐廳～聽說這間雞批和蘋果批不錯～入內坐在一張大圓抬～叫了一個蘋果批～加杯凍檸茶～這個蘋果批是迷你版～送到我面前，發現爆開了一部份～賣相差了不少，不過要試食才知龍與鳳～食一啖～甜甜地～食得出蘋果肉～而在批內加了提子乾～而外層則比較軟熟～如果硬的話，咬崩牙，要慢慢食才是享受～吃完一個感覺有點不夠，見到有侍應拿出剛出爐的批～再叫一件三角批～這次是三角形關係，已經看見餡已經流出來～材料足夠～像白汁雞皇飯～有火腿，雞肉，蘑姑，青豆等等，皮還是和蘋果批一樣，這次食到一半，已經覺得飽～但時間還有很多，慢慢來～２者很難說誰比較好食～前者特式，像甜品～後者材料足夠，容易飽肚。迷你蘋果批和三角雞批各９元，一杯凍飲１３元～食了３１元～茶餐廳食早餐算貴了～因為通常叫通粉煎雙蛋那些。但２個批味道方面已經蓋了價錢問題～

呢間街坊茶餐廳響朶的方式都幾奇特,個個講來講去都係講佢的蘋果批佢啲蘋果批雖然唔係平(@$9),但以前真係手快有手慢冇.家陣出咗名,老闆似乎了解到名氣的力量,所以蘋果批出爐真係比以前密得多.雖則係咁,水準都叫保持得到.但佢sales策略就令我有啲為難.而家佢售賣啲蘋果批有兩隻size,細嗰款($9)用來散賣,大個嗰種($54,可以一開六)就留嚟成個賣.之但係我屋企兩個大帝都異口同聲話大批好食啲(可能蘋果的份量多啲啩),但有時佢地就唔係幾願意切開個大批....作為小顧客,唔想令人難做,迫不得已買兩個細批,大帝又咿咿哦哦話口感食味始終爭啲,真係傷腦筋除咗乜批物批,佢啲蒸魚都好拿手.

若不是某雜誌在某期介紹了這裡的隱世蘋果批，從不知這間毫不起眼的茶餐廳，竟會有這樣美味的蘋果批出售。星期日，沒有和爸爸飲早茶，換了跟媽媽吃西式早餐。入到店內，只餘門口一張大枱有空位置，坐下後，因媽媽趕時間，拿拿臨要了一個早餐 A 。落單後，我和媽媽看著大枱上放著數盆批，看似非常美味，便叫了一件蘋果批。老闆娘說蘋果批是新鮮出爐，好好味的。我試一口後，發覺她所言不虛，蘋果餡是用富士蘋果做的，不是打成蓉，而是一片一片的層層疊，蘋果餡滲有淡淡的冧酒和提子香，不甜不膩；批皮牛油味恰到好處，鬆脆非常，只是批皮略嫌甜了少許，但與蘋果餡同吃便能中和。至於早餐 A，火腿通粉用上了出前一丁的味精粉，吃完極為口渴，而且份量頗細，質素不及蘋果批。

一向很喜歡吃雞批，無論係茶記以至連鎖店如pie & tart嘅出品都愛吃。特別是pie & tart的，牛油味極濃，豐足的餡料，一向是我心目中的No. 1...一聽到有其他朋友推薦好吃嘅雞批，小弟必會試試。這裏最特別的，就是雞批係可以一大整個買走，size足可以給七至八個人分。自己都可算是頭一次看見如此大嘅茶記雞批...批皮味道不像pie & tart的那麼甜，但質感都同樣頗鬆化；餡料不算太多，主要是雞柳肉、火腿及青豆，反而白汁比例上就比較多...講味道，是頗不俗的，但若讓小弟可以選擇，我還是會揀pie & tart嘅出品...有機會試埋蘋果批，才完滿....

幸好來到時，雞批還未售馨，更有客人拿着兩大個急步離開。雞批切成三角狀上碟，内裏豐盛之勢，一覽無遺。除了大量的白汁雞肉外，還配有火腿、洋蔥、蘑菇、青豆等，外觀已很誘人。餅皮油水充足，就連邊緣位置，亦十分鬆化，加上雞批上枱時還暖，皮脆香口，餡料豐厚，確實好味！雞批：一件：9元 / 套餐：20元

下午約一時到達，萍果批剛出爐～我們買了兩個小萍果批，兩個小雞批，每個九元正，再加一個炸蛋球($4)由於我們剛吃過LUNCH，沒有即時吃～回家後，便開動了！萍果批：一般，萍果酸了一點。（放凍了，建議叮熱吃會更好）雞批：好吃！(我叮熱了一個給媽媽，她說很好吃）炸蛋球：不太好吃，太油了～(整張牛油紙有一半是油呀！)不夠蛋味！不過體積很大～老闆娘態度很好，雖然不停游說我們買大批，收銀亞姐也很好人～

活動完畢後可選擇在大埔墟走 or 返柴灣~咁難得北上..就join埋住大埔ge同學仔逛到夠記得大比表哥表姐講過~有間好出名ge雞批蘋果批~試過特登揸車黎都買唔到..次次都沽清但問左幾個同學..都唔知邊度有出名的雞批&蘋果批...諗住放棄之制...原來係正熟食市場入口對面~超開心有2個新鮮出爐ge大雞批同半個大蘋果批ja~~即刻每樣半個~拼埋一個~($9件..一整個有6件)不過姐姐話下次買一個咁就方便d拎走~又唔洗熱住切~切得唔靚~因為大大批要逮介回屯門~所以小比等唔切啦買個小蘋果批即食先得~~~~~(都係$9)檯上有個切開了的大雞批~~已經睇到小比口水分泌增加....因為真係好creamy咁.....原本叫呀姐幫我切埋一件件~佢話一定會散晒~最後比左成8,9枝叉我~話到時食ge時候成班人一齊叉啦~hahah一出門口就先吃了個Apple小批~~~~好似有3種唔同ge蘋果Mix埋~富士蘋果爽口酸mei mei~加埋其他apple~仲有幾粒提子乾(雖然小比唔太鍾意食~但幾粒又無影響)好味道~個批本身薄得黎又幾脆幾挺身~不過食完個小的~都覺得大ge應該會好味d~因為批ge比例會相對少d返到屯門

5月25日, 嘗試了小size雞批($6)。皮: 不夠酥皮, 不夠脆, 且略帶甜, 不喜歡。餡料: 份量十足, 不太濃味, 雞肉很多, 鮮味嫩滑, 紀廉汁很豐富。總結: 不是那種令人回味的。

連續寫兩次食評，搞到好似幫佢賣廣告咁，不過....好味嘅食物一定要同大家分享。上星期日試過蘋果批後，心思思想試埋雞批，所以今早又去碰碰運氣有冇雞批賣，好好彩又埋埋出爐，眼見店內已有太太們買緊，好彩我買到一隻大雞批。熱辣辣，拎返屋企，當然要試吓先，一切開批里面嘅餡流出嚟，批皮係曲奇皮，真係好脆，批皮甜甜地，齋食皮都好ok，特別係熱辣辣食，一食上癮；餡料係白汁雞肉、火腿絲加青豆，味道似食白汁雞皇意粉咁，都幾creamy嘅，所以食一件都好飽。當我走入店內，老闆娘已經忙緊替客人pack緊半個大雞批，佢好小心慢慢pack，客人話可以將個批疊上面，老闆娘即解釋唔可以咁，佢會壓爛個批，所以一定要分開pack，我在旁睇，眼見老闆老公婆好緊張啲批，果然由製作到賣出都係用個心去做。最後，老闆娘又比左卡片我叫我第日可以打電話嚟訂，唔駛撲空。電話：26574028 / 26566420

今日晨早去街市食早餐，食完都係約8:00，大埔市政街市對面一間餐廳因被某雜誌介紹其蘋果批及雞批後，所以要買都唔容易，一早就會賣清光。同事睇過誌雜總是嚷着我買給她吃，就算係隔夜都無冇謂，所以今日去碰碰運氣。其實此餐廳於大埔多年，但我從未去幫趁過，今次是第一次，入到餐廳，剛巧蘋果批出爐，原來有大有細，我就買左一隻大批，剛巧又有炸蛋球出爐，媽媽又想一試，所以買左一個大批同兩件蛋球，盛惠$62($54大批、蛋球$6)。回家後，第一時間打開個批，因為仲係熱辣辣，所以放佢出嚟吹吹，以免焗林。一個大批可分六件，切了兩件留給家人，其實拎返公司餵給蝗蟲同事，試了一小口，果然好味，蘋果是用了新鮮蘋果，不太酸、個皮好鬆脆，有濃牛油味，做得出色，難怪如此受歡迎。此外，炸蛋球做得亦十分出色，外皮脆，內里好軟滑，兩者食品，我覺得蛋球做更加出色。買批時，同老闆娘傾兩句，她稱由於雜誌效應，多了很多慕名而來食客，所以，以前只做一、兩轉，現在會做多少少，現清光就再做。而她亦給我一張名片，方便我打電話睇吓有冇批賣。下次我估...我會買雞批！

今日同男友行經大埔墟，被華輝出面的燈飾吸引，於是走了入去，我們坐在卡位，分別點了雞批和蘋果批各一件，味道相當不俗，有別於一般雞批和蘋果批，而且材料很足，聽說是老闆每天親自整的，所以數量有限，非常受歡迎，吃完後我們還外賣了整個蘋果批，回家慢慢品嚐。

經過個多來的裝修，華輝由原本勁殘舊昏暗的茶餐廳，變成裝了LCD 大電視，一室光猛，光潔明亮，感覺舒服衛生了許多。星期日上完教會，跟爸媽妹4 人試試裝修後的華輝。點了揚州窩麵、燴牛脷飯和勝瓜魚崧飯，三者中最差是燴牛脷飯，牛脷無味兼起渣，個汁又不知是甚麼來的，總之就not good；但揚州窩麵和勝瓜魚崧飯又出乎意外地好，窩麵餸多，有蝦、叉燒、雞腎、肉片、時菜，好大兜，絕不比酒樓遜色；勝瓜魚崧亦不賴，只是個茨汁太杰身。份量都ok，碟頭飯就少啲，埋單$100，都叫抵食。

冰花蛋球已賣少見少，只有舊式茶餐廳才會做，而且價錢絕不便宜，閒閒地$4-$6一個，不過近日發現這間餐廳只賣$3，而且SIZE巨型，吃完超滿足，只是蛋香不夠，粉略嫌多了一點。切記蛋球早上九時半左右便會出爐，但不一定日日有得賣，試過幾次都撲空，那位阿姐才告訴我要睇師傅得唔得閒做，認真巴閉！