華香雞 (已結業)

眾所周知我係雞味濃嘅fans 近排喺灣仔比我搵到一間新嘅餐廳 @wahheungchicken 拍得住我的最愛去到叫咗個二人餐係真係飽到阿媽都唔認得可以好肯定兩個男人去都未必食得晒首先會有個老火湯絕對唔係味精 湯料非常足飲完唔會口渴嗰種唔少得一定係有佢嘅雞係由招牌華香雞同埋烏龍茶香雞組成招牌就係白滷水浸出個味招牌本身已經好食但係烏龍茶香雞隔離，非常之遜色佢嗰個茶嘅煙熏味10分重係齒頰留香 姐非常之喜歡兩種雞都好滑另外一碟都係好大碟嘅滷水拼盤入面有豬手 雞腎 豬耳 雞蛋 腩肉片加埋隔籬嗰個秘製醬汁10分惹味 一定要夾埋黃薑飯食食咗咁多肉，仲嚟多碟菜成餐飯滿足至極

細個住係荃灣老豆成日都買華香雞比我食，自從搬左出去住就無再食過。今日同女朋友係灣仔行開街睇Openrice見倒有華香雞，二話不說去重拾一下兒時味道。坐低直接叫左個深度二人餐。華香雞+茶香雞係呢度招牌，勁好彩抽中倒一隻雞脾。兩款雞肉質都好嫩滑，隻雞唔係超級肥個D肥到好多肥膏，反而佢半肥瘦令到食落無油膩感。另外薑蓉亦唔會喧賓奪主，同埋個蒜蓉鼓油同個雞真係好夾，係出面好少食呢個組合。滷水拼盤呢個滷水拼盤樣樣都滷得好入味，最重要係雞腎真係有驚喜，通常食燒味店雞腎都九成係硬過石頭，今次係滷得入味得黎，又幾淋。另外個肥豬肉 7成肥3成瘦，但係食落一D都唔肥膩。

灣仔駱克道368號有一間叫華香雞嘅飯店，連老外都識去食，就知道係好嘢。今晚路過華香雞，見到有一個一人豪華套餐，價錢好大眾化，只係$88 ，不但有華香雞、又有茶香雞，套餐有飯有菜有湯，健康抵食，又好食。我鍾意茶香雞嘅味道好特別有茶嘅香味，雞入味啖啖肉。華香雞調味同樣好入味，還有雞腎。雞湯浸白菜大大碟，對鍾意食菜嘅我來講，真係十分滿足。華香雞有滷水雞蛋同埋肇慶醉雞蛋，每樣叫咗一隻，肇慶醉雞蛋有特色，酒味香濃，滷水蛋香滑，各有特色。蒜蓉黑醋手拍青瓜非常之好食，用老陳醋同埋蒜蓉調味嘅青瓜新鮮脆卜卜，大大碟先至$35我覺得係必食嘅。我哋叫咗個清雞湯，枝竹白菜，白菜用香濃嘅雞湯浸住，份量好多，上面有枝竹，係健康嘅首選。晚飯平均每個人$100 ，真係平靚正。

地鐵站出行冇幾耐嘅呢一間華香雞地舖 係我近期非常值得欣賞嘅一間粵菜餐廳 因為選擇多粵菜佢哋做得好好 每一道菜都好用心做有雞 魚頭 牛腩等等 菜式但係香噴噴嘅由佢哋煮好感覺真係有故鄉嘅味道吃食得好感動因為佢哋堅持 唔落味精 真係值得欣賞 我一直都好想食魚頭 但係冇機會呢度就有所以一定要點個魚頭暈 配湯米粉凍檸檬茶 魚頭魚雲有好多膠原 唔會太飽呢個餸 但係食得好好味 下午茶華香雞拼飯黃薑飯好香配 腩肉都好好食呀 香雞本身好淋 好香送飯一流 老火湯好夠火喉唔會太鹹好易入口香濃咖哩牛腩配白飯咖哩 好香牛腩份量多後根 有好多好淋好好餸飯 度坐位多店員服務親切又近地鐵站鍾意食雞食粵菜嘅朋友定要嚟

有時出街食都唔知食乜好，通常就搵間平平地填肚算。呢間餐廳外表感覺係平平無奇既燒臘鋪，但又有小菜食，味道更可說是卧虎藏龍。特色四寶套餐 ($75)餐廳名寫著華香雞，當然一定要食雞。 呢個餐除咗有呢度既招牌雙拼雞(華香雞&茶香雞)外，仲有滷豬耳+豬腩，湯及飯。 華香雞不同於平時食開的切雞，是用白滷水浸製，因此雞件整體顏色偏白，帶著淡淡的咸香; 茶香雞則是有種煙燻茶香味，兩者各具特色。薑蓉剁得很碎，薑葱比例各半，唔會過咸。另外滷豬耳及滷豬腩亦好入味。加咗3蚊轉黃薑飯，粒粒金黃又分明。沙茶牛腩煲 (飯餐) ($57)用沙茶醬煮牛腩呢個組合都幾少見，原來都好match。首先牛腩都幾腍，同時牛味極濃郁，加上沙茶醬的味道，真係食完一件又一件，連洋蔥都被我清哂。

開業近40年，食過的人都讚的華香雞，我都到訪了灣仔店，雖然空間唔算好大，但懷舊裝潢，多了一份親切感。 門外仲放了兩張木椅，方便等位的客人，夠哂細心💕餐廳提供多款抵食套餐，好似這個～一人豪華套餐，有華茶雞飯、鮮雞腎、雞湯菜、黃薑飯、老火湯，都只是$91 華茶雞就係招牌華香雞拼茶香雞，華香雞皮爽肉嫩，皮下有一層薄薄晶凝的骨膠原啫喱😌 茶香雞味道就較濃，帶有煙燻香雞腎爽脆，黃薑飯成碗都呈黃色，芳香撲鼻。 另外還有其他牛腩及白鱔，看上去都好吸引。 潮式沙茶牛腩煲飯餐，包老火湯及飯 $57，一大盤，熱騰騰🔥🔥🔥，牛腩份量好多，加入洋蔥，香草等，牛腩軟腍夠入味

話說好耐冇食過港式燒味，前幾日突然口痕就拉埋朋友去灣仔的「華香雞」，餐廳主打坊間少見嘅烏龍茶煙燻雞，位置唔算多，不過都見到唔少街坊點外賣返屋企食。<華香雞拼茶香雞飯> $60轉黃薑飯+$3凍鴛鴦奶茶+$3朋友鍾意食雞，於是叫咗雙拼華香雞x茶香雞。華香雞用咗餐廳秘製招牌白滷水浸製而成，屬於經典口味之一，雞味相當濃郁；茶香雞則是秘製醬油及烏龍茶燻製而成，煙燻味明顯，兩款雞肉質嫩滑鮮香，再加埋薑蓉食好正。我尤其喜歡茶香雞，連雞皮都非常入味茶香四溢。黃薑飯好香唔油膩，用咗雞湯黎煮，推介要轉黃薑飯。<豉汁白鱔煲> $118<黃薑飯> $15我就點咗豉汁白鱔煲，除豉汁之外，仲有仁稔、欖角、薑蔥、梅菜同麻辣口味。本身想叫仁稔白鱔試下，但店家話仁稔唔當造，所以叫咗豉汁口味，一大盤數唔少有幾多就鱔肉。白鱔爽口彈牙，豉汁既鹹香更能帶出白鱔既鮮甜。附送的老火湯喺花生鳳爪湯，雖然喺免費但有唔少料，上網查完先知原來呢個湯有健脾和祛濕的功效。

依間係親戚建議我去推介嘅🤭緊係即刻去試下啦！！！果然浪不虛名😽一齊同我感受下啦！💬 一人豪華套餐人氣套餐🤭個人認為第一次去係必食，心大心細嘅我都會再食！套餐包括主打華香雞+茶香雞、鮮雞腎、雞湯白菜、老火湯華香雞：肉質十分嫩滑，雞皮好滑，怕唔健康都想食埋🤭，加上薑蓉食仲正，薑蓉都係欣賞位置😍係真係蓉！！對於麻麻食蔥嘅人，都唔怕呀！🤤茶香雞：味道好有特色，係用烏龍茶去製作，非常入味！真心色香味俱全👍雞賢：好爽口🤩同雞肉間住食，即刻食唔停口🤭雞湯白菜：清香嘅雞湯加上白菜，菜葉吸收哂啲雞湯，食落好香💓老火湯：標榜不用味精，係眉豆薏米茨實雞腳湯，飲落真係好有煮家湯嘅感覺💓回頭食: ⓨⓔⓢ💬 原味清湯牛腩飯佢有煲/飯餐揀，一上檯以為自己叫錯咗煲嘅款🤭（心諗： 點解咁多嘅）清湯腩最緊要肉質夠冧，仲有爽滑嘅牛筋，而佢嘅湯底係由牛骨熬製，加上芹菜🤩係我最鍾意嘅配搭！！每啖肉都滲出清而濃郁嘅牛湯香氣👍👍回頭食: ⓨⓔⓢ💬新鮮手拍青瓜 （蒜蓉黑醋汁）青瓜份量都唔少，調配嘅黑醋汁酸酸甜甜好夾，食落爽脆開胃，加埋生蒜一齊食，又帶點少少刺激感😍我喜歡！回頭食: ⓨⓔⓢ總結一下，老字號果然老字號😍，我覺得大件、足料

我成日路經呢度都以為佢係海南雞冇乜特別😅原來唔係🤣今日放工路過八卦望下，原來有茶香雞😳即刻忍唔住衝入去😍剛好放工時間，差唔多滿座，好彩咁啱有人食完🥳叫左半隻烏龍茶香雞💲1️⃣0️⃣8️⃣，加多個潮式沙茶牛腩飯💲5️⃣7️⃣配黃薑飯➕💲3️⃣😋烏龍茶香雞份量幾大，雞肉超嫩滑😋少少茶味，仲有煙燻嘅感覺，雞皮厚薄適中，唔會太肥亦唔會太乾，食埋皮都冇罪惡感🤣好欣賞個潮式沙茶牛腩，一上枱仲滾緊，夠晒熱，食到最尾一舊都仲暖👍🏻沙茶味好香濃，牛腩係半肥瘦，好入味仲好夠稔，仲有幾塊又大又軟硬適中嘅牛筋👍🏻開心🥳$57真係抵到不得了平時出街食飯都唔常見到黃薑飯，就算有都係得黃色冇味🥲呢度嘅黃薑飯落足料😍正👍🏻舖入面嘅ee都好好人，聽到難搞order都勁有耐性👍🏻

呢間位於灣仔與銅鑼灣文界嘅廣東雞專門店，係一間40年老字號，古色古香的木系裝修，盡顯小店人情味。深度體驗套餐（$238）叫咗個二人餐，包晒所有招牌菜式，有湯有菜，均衡晚餐😌華茶雙拼雞鴛鴦雞可以食到招牌華香雞同烏龍茶香雞，兩款雞肉嘅肉質都非常嫩滑，有如食緊海南雞一樣，食得出係新鮮雞華香雞用上秘製白滷水浸製而成，食完唔會口渴，撈薑蓉食一流而茶香雞則以烏龍茶混合秘製醬汁煙燻製成。後者非常驚喜，茶燻味濃而不咸，食落過癮。滷水拼盤包括豬手、豬耳、五花腩肉、蛋、雞腎，樣樣都十分入味，陣陣五香味道，同樣唔會死咸。豬手炆到淋晒，腩肉層次分明，肥瘦剛好。套餐奉送老火湯、上湯浸白茶，可選揀白飯同薑黃飯，薑黃味淡淡的，粒粒分明又幾解膩。店內亦標榜所有菜式都不含味精及亦其他添加劑，一間人均六七十天然又好食嘅小店實在值得一試💪

「 華香雞 」自1988年開結已經創立35年，依加有荃灣同灣仔兩間分店。佢地嘅雞出名好食，除此之外其他菜式都好唔錯，而且最平$55就可以食到連老火湯/熱飲嘅飯餐，套餐都係由$65至$238。今晚一行3人，嗌咗三個餐，有讚無彈食到飽飽埋單都係$208，性價比好高！《 特色四寶套餐（一人分）💲75 》華香雞拼茶香雞+滷豬耳+滷腩片配白飯（黃薑飯+$3） + 老火湯（清補涼兩款雞都好嫩滑，一食就知唔會係雪藏雞。華香雞用白滷水浸製有鹹香；茶香雞用秘製醬油同烏龍茶燻製，好香煙熏味，連皮都好食～隨餐仲有滷豬耳同滷腩片～後悔無叫黃薑飯！老火湯係《 清補涼 》，好足料又原汁原味，好清潤！仲有我大愛嘅鱔食！有豉汁、仁稔、欖角、梅菜、薑蔥同麻辣六款口味選擇，我媽就揀咗欖角～《 欖角白鱔飯 💲73 》連老火湯/熱飲一盤上熱辣辣，鱔肉大件，睇見已經好想食！入口仲正，魚肉鮮嫩肥美，欖角加埋魚汁撈飯一流！《 潮式沙茶牛腩飯 💲57 》連老火湯/熱飲都係一大盤上好吸引，而且沙茶牛腩真係好似無乜地方有得食，好有特色；牛腩用咗坑腩，炆得入味又夠稔，呢個價好抵食～近近哋又多個飯堂了～

華香雞琴日下就經開灣仔，見到一間餐廳「華香雞」， 個招牌寫住「懷舊的味道 健康的國度 始創於一九八八年」好吸引 ，再加埋好多人叫外賣，應該幾好食，於是就諗住入去食！雖然門口都係有一級，但今次個門口係比較窄，連我部輪椅都入唔到，最後決定轉外賣打包拎走食，走去附近公園食！1.華香雞拼茶香雞飯$60＋$3轉黃薑飯 配老火湯（7/10）呢個雙拼雞飯係招牌華香雞加烏龍茶香雞，兩款雞嘅肉質都比較硬咗少少，每款雞都有4舊，加＄3可以轉黃薑飯，黃薑飯有淡淡黃薑味，飯粒係幼長形，入面仲比咗薑蓉，薑蓉係乾身唔油幾好，仲有幾條白菜仔，呢盒飯真係好健康！至於老火湯呢，去到公園坐低先發覺比漏咗，店員太忙太多外賣，我體諒，最多下次飲返！2.川味辣香雞飯$57＋$3轉黃薑飯 配熱咖啡（8/10）呢個川味辣香雞飯有少少辣，唔會好辣，又唔係麻辣，適合食到少少辣嘅人食，雞肉肉質都比較硬咗少少，入面嘅雞有8舊，加＄3可以轉黃薑飯，黃薑飯有淡淡黃薑味，飯粒係幼長形，入面仲比咗薑蓉，薑蓉係乾身唔油幾好，仲有幾條白菜仔，呢盒飯真係好健康！咖啡香滑帶少少酸，幾好飲！3.新鮮手拍青瓜（配：蒜蓉黑醋汁）$35（9/10）呢個青瓜好爽脆

🐽天氣涼涼地食下呢間老字號雞店先😌。👅特色四寶套餐（$75）呢個係一人份，有咁多野食而且有咁多件雞，都幾抵食😃華香雞拼茶香雞係呢到既招牌！雞肉部位好平均😙原味雞肉用白滷水醃，滑得黎有咬勁👍🏻雞皮偏厚口感爽滑，雞味幾香濃😋點少少蒜蓉豉油已經好夠味！茶香雞味道再重啲，用醬汁同烏龍茶燻製，食到有陣煙熏香味，又幾特別喎😝不過茶香雞肉質嚡口啲！滷腩片半肥瘦，質感爽彈🤪滷豬耳好爽脆，個滷汁唔會過咸👌🏻黃薑飯（+$3）陣黃薑味好突出，感覺好有誠意，原來係用雞湯煮！係略厭乾身左少少🤨但送飯食一流！。👅潮式沙茶牛腩煲（$98）上到枱仲滾緊😆沙茶汁好香好惹味，不過再濃味多啲都ok😬牛腩同牛筋都好入味！估唔到我地兩個女仔都食得哂🫢。👅紹興醉雞腎（$28）雞腎好爽脆，酒味香得黎濃度岩岩好😗唔會好嗆～

放工去銅鑼灣食飯 距離地鐵站不斷的 這間餐廳 '華香雞' 同普通嘅燒味店好唔一樣 佢裏面主打懷舊 建康嘅餸菜 主打係雞 同埋魚 全部都係即點 即刻做 好新鮮 梅菜白鱔黃薑飯$76梅菜量好多我好鍾意 食梅菜 白鱔有好多塊 好新鮮 份量都算多 配上黃薑飯 感覺好懷舊 老火湯好夠火喉 好足料牛腩汁白菜煲$65 白菜洗得好乾淨好新鮮 白菜好翠綠 份量都好多配飯啱曬 加上我最鍾意嘅檸檬茶 呢個晚餐好飽足 地方細細但係座位都幾多 全部用 木製家具感覺好懷舊 嘢食好食 可以再嚟enore 鍾意食雞嘅朋友覺得一定唔可以錯過

今日同朋友行過灣仔，見到有一間比較本土嘅餐廳， 於是好奇就走入去試吓～因為想一次過試晒出名嘅華香雞同埋茶香雞，所以毫不猶豫咁樣揀咗一人豪華套餐，價錢唔使$100就已經可以食晒兩種雞，有飯有湯仲有一大碗菜，仲有雞腎😱😱 我個人就比較鍾意烏龍茶香雞，因為個味道比較濃郁，有啲煙燻味嘅感覺～華香雞滑，但比較岩鍾意食清淡啲朋友正當我哋覺得好抵食嘅時候，第二個餐在上咗菜，我哋叫咗沙茶牛腩煲，一上到嚟又係勁大碟，而且仲要係啱啱整好啲汁仲係會起泡泡，好似食鐵板餐咁樣！買個餸都知牛腩本身材料都唔平，但佢又係包埋飯同湯都係$60唔使😱😱 真係抵到癲，而且味道都相當不錯，牛腩好軟林入味。呢度個裝修都好老香港嘅感覺，所以我覺得好啱遊客過去食，可以感受吓香港嘅地道美食～