葡匯咪走雞葡國餐廳 (已結業)

香港真係好呀，想食咩菜都可以有得食，今晚突然想食葡國菜，尖沙咀又有得食喎，去到美麗華呢間葡國餐廳又唔使排隊，可能時間仲早就即刻可以坐低啦🤗🤗🤗早食飯的好處🤪🤪🤪叫左個葡式烤乳豬，烤乳豬應該係葡國菜來講係招牌菜之一，想睇下呢間葡國餐廳正唔正宗就一定要嗌黎食下🤤🤤BB乳豬個外皮燒得好脆口，而且肉身都保持得好嫩滑，好juicy，再配埋葡式炒飯，真係好好味呀，然後叫咗個霹靂非洲蒜香雞，個雞好大隻，用咗麵包糠一齊拎去焗，令到成件事更加香脆，再嗌咗碟炒雜菜，同埋炸馬介休球，同埋葡國生果紅酒🤤🤤🤤🤤

今日同朋友在尖沙咀行完街，就係這商場搵地方醫肚，一致贊成食這葡國餐廳點好菜後就先來兩杯白酒，加上小冰塊幾甜幾易入口跟上的麵包好鬆軟，同埋熱度幾夠，牛油入面加入蒜頭好好味招牌燒春雞用上芝士及香草去烤焗，雞皮面上仲有麵包糠一齊焗，食落好多一份鹹香同更顯香脆，入面雞肉仲保持肉嫩多汁，另配上疏菜同薯條葡式烤乳豬點了四分一隻，仲配上葡式炒飯，乳豬皮好薄脆，唔會過肥，而乳豬肉非常嫩滑多汁，個飯都好好食仲有提子乾在內甜品係白酒燉啤梨，啤梨去皮而且係仲係無心，成個啤梨吸收哂酒香同汁料的香氣和味道，而質感變軟稔中帶一點點爽口，係整餐飯完美的完結

新年過後飯局特別多，趁著新年跟親朋戚友相聚一番，新一年就嘗一下葡國菜。餐廳位於尖沙咀地站十分方便，所以各友人也很讚成先來杯砵酒暖暖身，被我想像中易入口，且酒精味不濃，很順流入喉嚨。傳統沙甸魚 $55以煎香方式烹調沙甸魚，還是第一次以這方式食，外脆內嫩，沒帶點腥味，值得一讚。招牌燒春雞 $195可選併飯或包，選擇葡式飯確是明智，正宗葡式飯味道， 皮脆肉香肉汁滿滿，各人也十分滿意招牌燒春雞 $195雞件不大，正合我意，更証明肉汁嫩滑，外層包著麵包糠，除了脆還是脆Banana roll $65酥皮的外表，而內餡是香蕉，經過烤焗的香蕉十分香軟味道也較甜，作為甜品也十分合適。

尖沙咀買完好姐妹的生日禮物 近近地去美麗華搵食。望到有間‘咪走雞’葡國餐廳 諗起好內冇去過澳門 一於食下葡國菜 試下呢間餐廳係咪真是要‘咪走雞’。葡式乳豬～ 超級推介！乳豬有好香脆的皮 一啖咬落口 BB豬肉質好嫩 薄薄帶層油脂 juicy！配上肥仔炒飯 酸酸甜甜 葡式西炒飯咁 幾得意。霹靂非洲+蒜香雞～ 非洲雞超辣！愛好辣既朋友唔好錯過 香。辣。惹味。蒜香雞就鋪滿香蒜。兩種雞的做法 各有特色 而且雞肉完全唔老 yummy酥炸魷魚～ 炸粉薄薄 新鮮熱辣辣炸起 重點係魷魚好新鮮軟熟 彈牙得來唔會太硬。最後 點一個傳統蘋果批配雪糕。新鮮蘋果肉配上玉桂 好香。批底牛油味好濃～配埋清香鮮甜的砵酒真是一流。隨心行 又搵到一個真心‘咪走雞’的餐廳！

很久沒見面朋友相約我來到葡匯米走雞食晚飯,順道聚一聚。 店門外及店內裝潢都十分吸晴環境富有特色雅致。 時間一晚,都幾多人進來吃呢!** 首先免費送上葡國麵包 葡國麵包非常脆,外層薄薄脆脆的, 內裡軟綿綿的, 可沾點牛油及芝士醬來食。**咁好情調點了白色砵酒。**飲酒當然點了小食【傳統葡式拼盤】 $95 這款有四款小食,分別有葡國帶香辣咸香的香腸, 香口的馬介休球, 酥炸可口的魷魚及 多汁香脆炸雞球,完全是佐酒不錯的小食。**【傳統烤沙甸魚】 $55 烤沙甸 魚用海鹽來調味, 能食出原汁原味,如淋上檸檬,帶出魚鮮甜,啖啖魚肉紮實好香濃,加上魚皮上有少少焦香更惹味呢!**【葡式烤乳豬】 1/4 隻 $280 這葡式烤乳豬是招牌菜餚之一,需要早2-3日前預訂。 乳豬充滿光澤,外皮脆香口,而豬肉軟嫩細緻, 完全不覺肥膩,值得推薦！在旁紅色炒飯帶酸酸蕃茄味, 十分開胃。**【砵酒燴牛尾】 $195 附上麵包 這牛尾入口軟稔又夠味,加上大量的蔬菜, 當然湯汁味香濃及香甜, 配上麵包或白飯簡直一流。** 甜品 Dessert 【葡式西多士】 $45 這大大碟西多士香脆鬆化無比,不會太乾太韌,蘸滿

朋友說好耐無食葡國菜，都有段時間無去澳門，真的有點想念！所以趁住放假的時間就去了尖沙咀這間葡式餐廳一嚐！甫坐下就先來兩杯白缽酒，在假期的開始醒一醒神！傳統葡式拼盤，有魷魚、雞塊、香腸及馬介休球，馬介休球入面好綿密好香！香腸略咸，配飯配酒會比較好！葡式乳豬四分一隻伴肥仔炒飯，是今餐亮點！乳豬皮油光閃閃好誘人呢，皮好薄脆，不會太肥！乳豬肉還嫩多汁，不會太咸！整體味道好配合！肥仔炒飯有提子乾、臘腸既配料，提子乾會比較甜，要睇各人口味！平時飲開羅宋湯忌廉湯悶了，這次點了葡式薯仔花菜湯，湯幾厚身，粉粉的薯仔，幾甜！葡式西多士面頭有好多玉桂粉，西多士好香脆，草莓醬淋上面，醬可以再多一點！廚師專業推介是焗香蕉薑卷，超級酥脆又薄的酥皮在外面，裡面是暖暖的香蕉肉，已經被焗得軟軟特別香！

好久沒見好友C了，想起來也有大半年吧。事實上自她重踏職場後，我們就很少見面了....的起心肝WHATSAPP她一下相約吃飯。一次、兩次，都因她臨時有事甩底而告吹....自此，開始心灰....好了，第三次再約，今次卒之行了。穩陣點，就相約在她工作地點內的商場。看來她插翼也難飛啦....吃的地方，當然由我選....又隱約記起，這間葡國餐廳，前身好像是在西貢那裡的。記憶中，其水準只是一般而已，並不突出....今次來到新舖，看看是否又跟從前一樣，吃完後又會讓人失望而回....午市套餐內，有三兩款根本不屬傳統或土生葡食，小弟自然眼尾也不會去看一下。本來很想點非洲雞的，但近來少沾太辣的東西，恐防腸胃會受罪....故此，還是做穩陣派，跟阿C一同點了砵酒燴牛尾飯....餐有包湯，是一碗鹹到暈，以蕃茄作底的濃湯 (小弟喝後也沒大有心情去深究問這是甚麼湯來)。湯之鹹，再加上湯內的葡國香腸粒，可謂鹹上加鹹。只喝了一口，就將它擺埋一邊....主食牛尾，瘦肉炊煑得甚淰身。黐骨的筋膜位是最好吃的，但偏偏那裡的卻硬得要命；醬汁非常濃，淨吃同樣是鹹死人，但和飯一同撈食，感覺就好一些....最像樣，是嗦飽砵酒汁的紅蘿蔔

講真，真係勁耐冇食過葡國餐，以前想食我就過大海，但係近年已經好少去啦！太多人啦！早排上網搵下有邊間喺香港嘅葡國菜，就俾我搵到佢，通常我嘅直覺都幾準，我覺得呢間應該係唔錯嘅（笑）餐廳都幾大又坐得舒服，我地book左位所以去到唔洗等就入座，想讚下佢地嘅服務，真係幾好喎☆ 點完菜好快就送上麵包，其實我覺得普通麵包啫，點知一拎上手。。嘩，熱㗎，仲係外脆內軟嘅豬仔包，個牛油係蒜蓉牛油添，岩哂我胃口（笑）讚 ♡平日不愛魚，怕腥，但朋友想試沙甸魚，我都奉陪，腥嘅話咪俾埋朋友食囉（爆）點知。。又出奇地我食到入口，唧左檸檬汁又唔太覺得好腥，P.S.我只食左魚背脊肉，魚肚位置。。。no, thanks啦！今次某程度上我係衝住呢個爆芝馬介休黎嘅，一上檯我已經異常興奮，好心急不顧儀態咁起動，切開果下都仲好開心，但食左兩啖覺得。。點解冇乜馬介休味，唔通芝士味搶左? 又唔係吖，芝士味都好淡喎，整體黎講只係個炸薯波。大蝦沙律啲蝦好正吖，爽彈嘅口感，就算有粉漿都唔係厚，冇炸到油淋淋，配埋醋沙律，好開胃吖。最後就係呢個乳豬仔啦，我地係2人份量，記得booking時要預訂埋呀！真心。。一定要食隻豬，皮脆肉香又嫩又juic

尖沙咀食午餐 通常貴夾唔飽 一碗雲吞麵五、六十蚊冇走雞。同事推介我去Mira Mall 咪走雞 $100蚊一個午餐 有餐湯/沙律 主菜 餐飲，仲要坐得舒服 即管去試下～午餐～ 砵酒燴牛尾配白飯。+$10 可以有曬沙律菜&餐湯。餐湯：薯蓉葡國腸湯。幾好飲 入口幾滑 間中食到薯仔粒 香腸煙煙un 咸咸地 幾開胃。沙律菜新鮮爽脆 配上蜜糖黑醋汁。砵酒燴牛尾。份量唔細。牛尾好入味好軟熟 主要是用新鮮蕃茄燜 酸酸甜甜。配菜有西芹 薯仔 紅蘿蔔 健康又入味。年三十的午餐 一定要食得好。所以另外點了葡式烤焗西班牙黑毛豬。外面焗到金黃 比起煎的做法 更加香脆。肉質甘香 重點是一點都唔老 嫩滑又juicy 超好食。傳統葡式拼盤。葡國香腸、香脆炸雞、馬介休球、酥炸魷魚。二人份量 可以試到4款食物。四種都好食 最鐘意係香腸 咸咸地 有咬口 開胃。馬介休球香脆惹味。甜品～ Tiramisu! 我至愛。大大杯 芝士味很香濃 芝士控必試。帶著淡淡咖啡酒香 為年三十帶來一個美好的回憶。

甜品好精彩@咪走雞 早幾日和媽媽在尖沙咀辦年貨後在附近找地方食飯，上網見 美麗華廣場的葡匯咪走雞葡國餐廳食評照片非常吸引，加上價錢不萛貴，便和媽媽去試試看 時間尚早，客人不太多，非常濶絡 要讚揚的是這裡的店員非常細心!我們購物後大包小包的非常狼狽，細心的店員為我們處理物品，而且還安排舒適的位置坐下! 這裡採用了各種樸素又美觀的木質傢俱，牆上放滿葡萄牙裝飾擺設，氣氛一流。 食物款式很多，有主菜有小食等!原本打算食有名的燒乳豬，但原來要預先預定的。經店員推介下我們點了兩款主菜和甜品 以這區來說，價錢絕對不貴，經濟一點點上一份意粉都不過一百元左右 店員為我們送上的麵包和水欖~ 是免費的噢!一上手時還是熱呼呼的!而且非常之香!1 牛油吱成忌廉狀，擦起來更容易!味道出奇地好，不是單純軟棉棉的口感，而是食起來有質感份量的歐陸口味新鮮麵包，極有質素 烤焗西班牙黑毛豬$285 即叫即燒的!黑毛豬採半野放的方式在橡木林中放牧，飼料以橡木子、香草等為主，去除了豬肉的羶味，成為了近年來最熱門的食材 媽媽不食牛肉，一點也不羶的黑毛豬就成為她最愛的扒類 厚切啖啖肉的口感，肉的邊位燒香，外

選擇地方比較大和輕鬆的餐廳吃飯是推bb車家長的心聲，如果環境好，bb乖乖的讓大人吃一頓，食物已經好味了100倍（苦笑）但當然如果食物本身好味，又是另一個層次。今天就給我遇到好餐廳，當然要分享給一眾媽媽輩知道！位於美麗華二期，又新又大，環境friendly，不用怕太靜但又未至於太嘈，讓帶bb的食客感自在舒服！葡國主廚偶然會走出來和食客交流，所以目測起碼有四至五枱是熟客。有令人回頭光顧的魔力，除了好客之外，明顯食物亦是有實力的。大廚推介我們要一試這裡獨有的葡萄牙砵酒，加入冰塊，比起一般葡萄餐酒來得豐富，甜美，口感厚重，讓人忘記它的酒精濃度（笑）麵包籃免費奉上，上桌溫暖，配有蒜蓉牛油和橄欖，麵包表面烤至香脆，內裡仍然鬆軟，比麵包店的還要吸引！廚師推介新鮮紐西蘭空運到港的馬刀貝，超級大隻，如此大size的貝類，我是真的第一次見（大鄉里乎？）肉厚又如北寄貝，新鮮的海鮮烹調不用大龍鳳，加入蒜片和香草，以白酒煮，少許鹽，吃出原材料的鮮甜味，無味精，汁好味得給的喝光，沾麵包吃更是無敵！西班牙黑毛豬，上桌就嗅到香味四溢，吃罷海鮮是時候來一點肉了～（流口水）火候控制一流，料靚，不用全熟的西班牙黑毛豬扒，肉

情人節前夕來吃葡國菜來餐廳前已預訂葡式燒乳豬四分一隻甫坐下侍者就送上豬仔包和油浸橄欖經理說橄欖是自家醃製果然美味頭盤點了傳統烤沙甸魚香味四溢油脂味香濃是我非常喜歡的一道菜霹靂非洲雞蒜香雞各半霹靂雞用上periperi香料辣味超強不可低估再強調一次真的非常之辣蒜香雞則鋪上滿滿的蒜泥香口惹味蒜味在口內爆發雞肉肉質亦非常嫩滑重頭戲燒乳豬要上桌了四大件乳豬份量十足外皮烤得極香脆皮下那層脂肪才是重點肉質亦非常細緻幼嫩 果然是嬰兒的肉質再呷一口波圖的白砵酒就好最後點了一份特色甜品Rampanada是葡版的法式多士先將麵包切塊再浸泡牛奶再沾上蛋漿然後炸熟最後灑上肉桂糖霜就完成有機會要試試這款難得一見的地道甜點

同朋友到了尖沙咀的一間葡國餐廳試試，一早book了枱，六點多來到，餐廳已八成滿座。餐廳內好多都是熟客，口碑好好啊。店員先送上水及餐牌，餐具乾淨精緻，感覺不錯呢。店內裝修簡潔，好識合聚餐。全餐又朋友發板，先來一杯Port酒試試，真係唔講得笑，居然可以咁清香，濃郁的葡萄香，加一顆冰味道更佳，雖然唔係專家，但絕對飲得出係靚酒黎。麵包已預熱，軟綿綿的好正，旁邊有蒜味牛油同橄欖，塗麵包一流。白酒煮紐西蘭活刀貝蜆餐廳力推的刀貝蜆，由紐西蘭送到香港仲係生㗎，新鮮活蜆黎！Size超級大隻，蜆肉口感豐厚，十分彈牙爽口，有食緊象拔蚌之感，用白酒煮得鮮甜，個汁勁正幾乎飲哂呢。葡式海鮮湯飯好似係餐廳新品黎，同西班牙炒飯唔一樣，用濃湯上，有點泡飯feel料方面有蝦，帶子，魷魚等，不過都不重要，最正係個湯呀，超濃的海鮮味，所有精華都在湯裏了，連飯食勁正，好好味立即KO。葡國芝士多士伴玉桂砵酒醬點少得食甜品呢，葡國西多士十分香軟的西多，吸了砵酒醬又香又甜，仲有少少砂糖增加口感，勁正。焗酥皮香蕉薑卷配蜜薑汁仲點左香蕉酥卷，嘩，又係勁好味呀！！用酥皮包著半熟的香蕉，有口感得黎又香甜，仲加左薑，另甜品無咁膩，同蜜薑汁好夾

位於尖沙咀的葡匯咪走雞葡國餐廳，是一間由葡裔大廚主理的餐廳。香港的葡國菜餐廳不多，有些是正宗葡菜，有些是加入新元素的葡菜，今晩便來嚐嚐這間餐廳吧。來這裡用膳，最令我期待的是餐廳的自家製餐包。超大一個餐包，豪氣呈上，包控很興奮阿。餐包是法國豬仔包，是平常夾豬扒的麵包，外皮香脆，內裡軟熟綿密，濕潤度，氣孔豐盈，抹上牛油，香氣四溢，怎會不滿意呢。白汁煙肉蘑菇意粉$90最喜歡吃 Carbonara，想不到葡國餐廳也有卡邦尼吃呢。意粉粗身大條，份量充足，熟度剛剛好，富有嚼勁，白汁濃稠，奶香豐盈，緊緊包著意粉，加上煙肉片。鹹香惹味。招牌燒春雞$195心心型的燒春雞阿，不知是否快要情人節，廚師才有這個擺放的念頭呢。燒春雞向來不是我會點的東西，春雞肉厚大隻，面層撒上類似包糠的芝士碎，香脆美味，肉質略為乾柴，雞脾位較為滑嫩可口。薯條較為乾硬，可能炸太久啦。焗酥皮香蕉$65餐廳有兩大招牌酥皮甜品，分別是焗香蕉和焗芒果。兩條肥大的酥皮阿，賣相好吸引，酥皮口感超酥，一咬散滿一地，特別是頭尾兩段，酥脆感最高。內裡是焗熟的香蕉，質感軟滑，甜度很高，加入薑汁，很特別呢。

位於尖沙咀美麗華廣場二期一樓的葡匯咪走雞葡國餐廳，主打正宗葡國菜。每次去澳門都會試傳統葡國菜，想不到尖沙咀也可以吃到高質素的葡國菜。餐廳的位置十分方便，在尖沙咀逛街後，便可來吃葡國菜。餐廳的環境十分闊落，卡位的位置私隱度高，牆上掛了一幅風景照片作裝飾。第一味為葡式薯仔花菜湯 (Traditional Portuguese potato and kale soup)。這款湯的材料包括馬鈴薯、葡國臘腸和羽衣甘藍。湯的口感幼滑清新，完全沒有油膩的感覺。餐廳還奉上了一客小餐包和自家製的橄欖，包烤得內脆外軟，橄欖的味道也不錯。點了小食爆芝馬介休球 (Traditional Portuguese salted cod potato fritters with cheese)。這咸鱈魚炸芝士薯球像拳頭般大，外面炸得金黃，還有一支迷你葡萄牙國旗作伴碟。芝士就藏在馬介休球的中間，一切開芝士的香氣四溢。這小食外脆內軟，頗為惹味。主菜則點了葡式烤焗西班牙黑毛豬 (Iberico Porco Preto)。廚師烹調的時間拿捏得宜所以表面香脆，肉則十分juicy又無渣，味道也十分鹹香。甜品則點了酥皮白酒燉啤梨配