葡匯咪走雞葡國餐廳 (已結業)

朋友話尖咀美麗華商場開了一間葡國菜，想去試吓，好就捨命陪君子。原來呢度都有餐包㗎，配上橄欖和黃油，加上面包脆扑扑，秒殺是常識。傳統烤沙甸魚，茄汁沙甸魚食得多，烤的還是第一次。廚師用上海鹽做調味，好味。炸馬介休球（傳統葡萄牙咸鱈魚炸薯球），傳統的葡國菜，熱辣的，滿足。砵酒燴牛尾配香脆面包，牛尾炆得很腍，刀也不用就可輕鬆入口，配上脆包，汁都清埋。特色奶昔（薑，雜莓），好特色的味道，有興趣的，值得一試。傳統蘋果批，熱辣辣，用料多，滿足。法式西多士，喜出望外之選，多士很鬆軟，外層很香，必點之選。

一早約左舊同事慶生，佢話想食葡國野，咁就安排左去咪走雞幫佢慶生。準時到達，侍應生安排入座，好意外平日食飯都爆場，感覺食物應該不錯。舊同事乜都食，話想有驚喜，叫我點埋菜。我只能按我心水點菜，哈哈。。。。先黎豬仔包，熱辣辣的，外面少少脆，裡面軟綿綿！點左前菜，傳統烤沙甸魚同葡式蒜香雞球炸得好乾身，皮脆，雞肉仲好JUICY，好好食！傳統烤沙甸魚，外皮脆脆，比想像中大條，上枱仲好熱，魚肉好鮮嫩，超有水準！必叫菜色！我地都叫一JAR RED SANGRIA，慢慢品嚐，一邊食野一邊飲下，呢度既SANGRIA都好足料，生果好新鮮，紅酒比例剛剛好！特式大蝦沙律，一見就食指大動，大蝦大大隻，超彈牙，一口都食唔晒，烤得剛剛熟，配埋醋汁沙律，好開胃！白酒煮紐西蘭活刀背蜆，上到枱真係，每隻蜆好似同成包紙巾咁大，好新鮮，煮得好鬼鮮甜，入完一個表一個，白汁煮，清得黎帶出既鮮味，真係好難形容，只能夠講，必叫菜式！黎到葡國餐廳，呢個菜式是必選的，因訂位果陣，侍應提醒這個菜式是預訂的，我當時已經訂左1／4 隻乳豬，不能不說，乳豬做得非常出色，咬落去，脆到朋友都聽到，肉質好嫩，超正！最後上埋甜品，砵酒烤菠蘿，第一次食，

香港雖是美食天堂，但原來萄國菜餐廳選擇不多，難道最近要到澳門才食到好食又正宗的葡國菜？上星期走到Mira place 2 逛逛發現了新開了家葡國餐廳，一看餐牌看到有乳豬食已急不及待立即訂枱，預留1/4隻乳豬。今晚終於一試！舖內環境四處以葡式佈置，大大張國旗掛上牆上，具有花紋個藍白階磚，充滿風味。店內單枱都是菱形的放著，枱與枱之間有足夠距離，空間寬敞，是聚餐的好選擇。除了我們預點的1/4隻乳豬，還有葡國特色菜 - 非洲雞店員先送上餐包及暖水乳豬即未介奶之豬仔，1/4隻有四大件，光是看肉身已看到油份滲出。用香草醃製及燒製過程中塗上多層橄欖油，外皮香脆，皮下一層薄薄的脂肪更讓肉質嫩滑、肉汁豐富，跟中式的乳豬完全兩回事。乳豬香味滲透到紅飯當中，飯中混有蕃茄，可以中和膩感。由葡國人從非洲引入澳門的特別菜式 - 非洲雞。之前所食過的都是放醬汁在雞上，以濕的形態示人，但今晚來到面前的竟然是乾身的雞.... 是不是點錯了呢？吃下去，表面平平無奇的雞外層竟有濃烈香料味，辣味還慢慢趕上來 ; 肉質意想不到的嫩滑，帶點椰香。這道非洲雞有意思！有驚喜！最後叫了份燉啤梨甜品作結尾，名字很特別，樣本放在甜品櫃可供

平時係香港地比較少食葡國菜，不過生活總要有點新鮮先會精彩，更何況係味覺呢。 所以今次係女朋友屋企附近搵左間葡國菜<<葡匯咪走雞葡國餐廳 >>。 呢間餐廳當日黎到時都好FULL下，所以大家人多最好訂位。 餐牌都好有份量 點完餐後，每枱客都會送上一客餐包，是入口小小軟多多脆果種，牛油及橄欖油當然唔少得。 我地得兩個人，眼闊又肚淺，所以點左一份<<傳統葡式拼盤>>，二人份量，剛剛好。主要有四種小食，葡國香腸、傳統馬介休球、脆炸魷魚件及香脆炸雞球。我個人最愛就係傳統馬介休球，第一次食，入口小小咸，軟軟的，口感好特別。脆炸魷魚件同樣都十分可口彈牙。葡國香腸就比夠咸，最適合食得咸既人。 <<葡式烤乳豬>>，係今次最期待的，所以一早訂左，我叫的是1/4隻。一碟四大塊，外皮香脆，豬肉又唔會覺得好肥。 而件碟的葡式炒飯，味道微酸，撈左提子乾，都幾特別。仲跟埋沙律菜。 甜品點了<<葡式西多士>>，一碟八大塊，就咁睇有D似臭豆腐。不過入口就好西多士，外面小小甜，入面都

剛剛準備放工，收到朋友電話話佢本來約好的食伴病倒了，訂了餸菜食飯，馬上需要搵人陪，我剛剛得閒，奉陪到底。早前已經聼過葡𠥔米走雞 Mike's Kitchen 之大名，早已想一試。原來是座落商場一樓的店舖，開揚簡約富色彩。兩個豬仔包熱騰騰上，新鮮香脆，配牛油及橄欖，已經好好食。食了幾様，最喜歡呢兩款。白酒煮紐西蘭刀貝蜆 $245刀貝蜆真的好大隻，大成咁第一次見，肉質鮮又厚，個湯有些鹹水味，唔知道是否想迎做海水的新鮮感覺，仲加了西芹及蒜片，抵食。葡式烤乳豬 $288 1/4只招牌菜式，見到乳豬有油光，已知肥美。果然皮脆肉嫩並重，真心喜歡肥美的人一定滿意。配埋葡式肥仔炒飯食，味道更加濃郁，料好足。服務方面唔錯，出了問題亦友善建議，環境開揚舒適，價錢合理。

原本諗住同老婆慶祝生日，點知根本係惡夢既食物⋯叫左3樣野，炸魷魚、刀貝、燒雞。第一樣炸魷魚，油到不得了，明顯冇逼返d油出黎⋯第二樣刀貝，上枱既時候竟然係暖既，應該係後尾佢再落左白酒，所以酒精冇輝發到，有d苦、加上唔熱既海鮮，不知所謂。第三樣先係大佬級，燒雞咸到不得了，個廚師應該賭馬賭輸左😓完全唔明咁垃圾都有咁多好評？

平時大約二個月一次會過大海，但絕非賭博，因貪佢近近地又可歎吓葡菜，但一隻白鴿就打到澳門亂晒籠，雖則垃圾已清理，衛生問題應該有排搞，還是疊埋心水留港消費。近日老友話我知美麗華酒店新開了一間葡國餐廳，揾日一齊去試菜，咁擇日不如撞日，就今晚去試吓。踏入酒店直上一層電梯轉左面就到達這間Mike's Chicken,地方雖不算大，但餐廳的環境簡約又舒適，藍白牆磚，一睇就感覺好有葡國feel。首先叫了二個萄國餐湯，一是葡式薯仔花菜湯$55，很地道的葡式味道，餐湯很清淡，湯中放了少量椰菜。幸好有熱烘烘的餐飽送食，否則湯的味道和配料畧感太寡。另一個是蘑菇忌廉湯$55，湯底雖帶有濃香的蘑菇味道，但始終湯底比較稀，和我平時在西式餐廳飲開的蘑菇湯有點不同，可能這是葡國的特式吧。主菜是砵酒燴牛尾$195和葡式香煎盲糟魚$185，用砵酒繪的牛尾，加入頗多的甘荀一起燴，所以汁的味道帶甘甜，牛尾經多個小時的炆燴，肉質鬆輭，酒能把肉的鮮味帶出，更何妨葡國紅酒出名香醇，所以用紅酒燴過的牛尾味道特别香濃。用牛尾燴汁配飯或麵包一起吃，各有不同口味。特别喜歡葡式香煎盲糟，魚的表面煎得香脆可口，入口真的有脆的感覺，但魚肉就嫩滑

食訂左既葡萄菜啦。前菜食常見既炸馬介休球 Traditional Portuguese Salted Cod Potato Fritters $55，其實有個加芝士係推介。雖然話係咸鱈魚，但有薯仔中和咸味，一粒接一粒，都唔洗飲水。熱辣辣麵包配香草牛油同黑欖仔 綠欖仔。豬仔包既包！好軟，係好似食脆片，點左欖油好重油味，應該叫埋湯，嘻嘻。1/4葡式烤乳豬 Roast Suckling Pig，要pre-order先有得食 $280。乳豬下有飯，飯係微酸 有提子紅椒青椒 仲有葡國臘腸炒飯，嗯 好解乳豬既油脂。但飯太軟口。豬皮有點晶瑩剔透，帶淺黃色。乳豬肉都嫩，特別好濃油味，乳豬底有香料，入味既。仲有是日推介藍帶焗盧魚，配菜有cheese potato芝士薯仔，薯仔 燒蕃茄 西籣花。魚上有脆脆，魚皮硬帶炸脆，好一流！必食！魚肉淨食，係可以享受哂盧魚獨有鮮味。如點配紅汁，鮮中帶濃。環境不錯，裝飾都有好多葡萄嘅感覺，好闊落。

葡國菜在香港不是主流有天和朋友有幸到尖沙咀一嚐葡菜風味頭盤先點了我最愛的沙甸魚傳統烤沙甸魚皮脆肉嫩放在枱面上已聞到陣陣的燒魚香令我憶起某年在波圖的杜羅河旁吃的沙甸魚傳統葡式拼盤可一次過滿足四個願望葡國臘腸鹹香炸魷魚也外脆內嫩烤乳豬賣光就要葡國黑毛豬醃料中以胡椒味最突出店家烤至大約半生熟左右肉質粉紅肉嫩因伊比利亞黑毛豬是吃橡果的所以煮至不全熟也不成問題霹靂非洲雞絕不能小看PiriPiri香料辛香惹味連雞胸肉也嫩滑無比但要準備幾杯白開水葡國甜品不少得木糠布甸味道剛好不甜膩提拉米蘇酒味濃烈正宗口味但不是我杯茶有時候盲目追求正宗的味道是故步自封的表現

成日都走去澳門食葡菜，今日就一試係香港既葡國菜，係較靜既商場入面食都食得舒服啲。見到好多好有心思既裝飾，葡國餐廳緊係要有隻公雞係度喇！門口有張四人枱佈置得好靚，幾個人坐係度飲下野傾下計就最岩。餐包熱辣辣，有牛油同橄欖任揀。好出名既《爆芝馬介休球》($68)，外面炸到金黃色，入面整開就係滿滿既芝士。再黎個《砵酒燴牛尾》($195)，有五六舊大大舊，已經勁入味同勁淋，當然要加上汁撈白飯。一定要預訂既限定《葡式烤乳豬》($280 1/4隻)，跟埋飯唔驚唔飽，食乳豬最重要係咬落去皮果下卜一聲，皮真係勁脆，中間層脂肪反而較厚啲。甜品要左《葡式西多士》($45)，外層炸得香脆，中間麵包軟淋加上有啲生果，最好係唔會一咬成口油。跟住飲埋兩杯《Mocktail》($45)就食到飽飽喇！店名: Mike’s Chicken Comida de Portugal Restaurant地址: 尖沙咀彌敦道118-130號美麗華廣場2期1樓167號餐牌:

美國菜、歐洲菜、法國菜，大家一定吃不少，但葡國菜，大家又有沒有嚐過？最常吃過的都是葡汁焗雞飯吧！哈哈其實我一直都想嚐下葡國菜的滋味，要在香港吃正宗葡國菜原來近近的尖沙咀就有了。是次晚餐，和朋友分享了傳統葡式拼盤二人份($95)、葡式肥仔炒飯二人份($95)和香蒜燒春雞全隻($195)。甫坐低，店員便拿了熱呼呼的麵包給我們。先上餐前小食，傳統葡式拼盤(評分7/10)，拼盤有馬介休薯波、酥炸尤魚、炸雞和葡式腸仔。一碟拼盤就可以品嚐多種食物。其實，在我有記憶以來，應該是第一次吃葡國菜，是有驚喜的。原來葡式臘腸是這樣咸，所以，建議大家一定要配上一些麵包或飯類中和一下。炸雞還是一般食的炸雞、炸尤魚也是一般食的炸尤魚，沒什麼特別。馬介休説穿了其實是咸鱈魚薯仔球，挺好吃的！再來的是葡式肥仔炒飯(評分7/10)，菜名非常特別。還以為它會用上肥肉炒飯，原來並不是。它是葡國非常傳統的菜式，用上葡國臘腸、提子乾和青紅椒和茄醬炒成，還是第一次嚐這種風味的，挺特別呢。最後吃了香蒜燒春雞(評分9/10)。蒜蓉香草舖滿了整隻雞，雞身非常滑嫩爆汁，蒜味特出。超正！現在回想起都馬上食指大動。大家不防一試！

朋友介紹美麗華酒店廣場愈來愈多野食，今晚一於去打打卡，尋找特色食物。點菜後，侍應端來了香脆麪包。這個香脆麪包是免費的，豬仔包外脆內軟，蘸點牛油及橄欖油來吃，好。加入橄欖粒，更好。傳統葡式拼盤包括葡國香腸、馬介休球、炸魷魚片和脆雞粒四款食物。葡式香腸是醃製食物，保留了臘腸的濃烈味道，但沒有廣東式臘腸那麼硬，較香軟有肉味；香脆雞粒炸得有點火了，太乾及硬了，有點失色；馬介休球薯仔味香濃中帶點鮮味，不俗；酥炸魷魚件最有驚喜，外脆內軟，保留了魷魚的香軟煙韌。四款食物中，我和朋友都最鍾情這款小吃。這個刀背蜆一上枱，我和朋友都不禁說了一句︰「好大隻呀！」刀背蜆很巨型，每隻都有半個豬仔包大，size 比湯匙還要大。 刀背蜆很鮮甜，用白酒來煮，既可除去海鮮的腥味，又可將蜆的鮮味提升到更高層次。我和朋友對這款刀背蜆菜式都讚不絕口，不一會便 K.O. 了整碟刀背蜆，滿足！滿足！見旁邊食客的意粉蠻不錯，我們也要了一客。這個海鮮意粉用料十足，絕不欺場，除了大大隻的青口和大蝦外，還有魷魚片、帶子、石斑魚片，以及三色椒、鮮磨菇、橄欖及洋蔥等配料。用料十足，味道調教得亦好，茄汁的酸味不會太過份，可以將食物的鮮味發揮得

雖然未有機會親身到過葡萄牙嚐當地的菜肴，但早前喺澳門食過一頓美味既葡國菜後一直對佢地既烤乳豬念念不忘上次行過美麗華見到有人喺呢度食緊葡式乳豬香噴噴，賣相好似幾得咁啵！一問之下原來乳豬係要訂左先有得食既，所以就早幾日book左1/4隻，準備帶埋女皇一齊食今日中午同女皇黎到，原來午市仲有set lunch喎咁就先要一份“砵酒燴牛尾飯”HKd$80+10%既lunch set同預訂既1/4份既“葡式乳豬”HKd$280+10%先跟餐要份沙律開一開胃先之後炆到淋曬入味既牛尾都連埋白飯送上黎啦食住咁入味既牛尾，身為包控既我忍唔點上一份即焗既“法式包”HKd$10+10%黎食下先之後主角乳豬都送到上黎啦一碟有四大舊既乳豬仲會配埋個葡式炒飯（肥仔炒飯）同沙律菜添每舊乳豬都皮脆肉嫩，豬味十足處理左咸胃之後，甜胃又係時侯出動啦睇完甜品meun同個display櫃之後....我地決要一份“砵酒烤菠蘿”HKd$65+10%兩大塊鮮菠蘿烤得又香又甜又多汁，既可滿足甜胃又可一解食乳豬既膩感週六中午可以係舒適既環境之下同女皇食左一餐葡式午餐的確不錯

前兩個星期在澳門原定想吃葡餐，但因行程編排過密而錯過了食葡餐的機會，同事話不如試下在香港食葡餐，以彌補之前的遺憾。來到尖沙咀，輾轉間來到美麗華商場二期，乘電梯往1樓，葡匯咪走雞就在眼前。餐廳裝修具有葡國風情，除了懸掛了葡萄牙國旗，還有一幅幅葡國風景畫。傳統葡式併盤有多款小食選擇，包括葡國香腸，傳統馬介休球，酥炸魷魚及香脆炸雞粒，最喜歡馬介休球，鬆脆之餘又有淡淡魚味。爆芝馬介休球忍不住再點多一款馬介休菜式，這次加了層層芝士，芝味香濃。葡式烤乳豬 (1/4隻)乳豬烤得皮脆肉嫩，非常香口。砵酒烤菠蘿沒想到菠蘿與砵酒的味道很夾，酸甜的味道再混和酒香，是味覺的最高享受。芝士蛋糕質感鬆軟，入口淡淡芝士

Since we have to cancel our trip to Macau due to typhoon, we will spend that money on Portuguese food. This restaurant is located in a quite spot so not a lot of people can find it. While waiting for my friend, I ordered some fried calamari to stop my tummy from rumbling. It only took a few minutes after I ordered it and it was ready to serve. The presentation was alright, even through the coating of the calamari was falling apart, it tasted alright with the aloe sauce. Their freshly made garlic