蓮香居 (已結業)

已經超過十年無嚟過。今次再嚟，好有童年回憶，好有親切感。中午十二時，已經人頭湧湧，排隊等lift都等十幾分鐘，但值得㗎。上到二樓，一打開lift門，多人到呢，根本行都無位行。三樓都好多人但多左個點心大排擋。張張枱都有人個個都好忙，等左幾分鐘，職員好好人叫我地入貴賓廳坐得舒服d仲唔駛搭枱只不過要加一，同茶錢貴少少但就坐得舒服好多。老公未去過呢種地道茶樓，叫左好多點心。點心唔係話勁好食，但好有細個時食的味道，充滿童年回憶。最開心係有點心車，姐姐好勤力介紹，見到有鮮蝦雲吞，蝦丸覺得好得意。點心都合格，除左粉果皮超厚又乾，入面又好咸，其他大路點心都食得過！蘿蔔糕完全係細個食的味道！點心價錢好平！最重要是無情味，所以食得開心！一班上年紀的職員又勤力又快手又有笑容。連個勁忙的收銀都有禮貌，唔似宜家d集團酒樓，飲茶飲到勁受氣。以後會多多支持！

因為蓮香居比起佢既兄弟店容易搵位，同埋比較企理，所以當想食d舊式點心都會去蓮香居，最鐘意佢既豬手，同埋腐竹千層，另外佢既馬拉糕都好好食，對上一次去天氣仲係比較凍見到有川貝白肺湯，就叫左黎試，非常唔錯，非常足料，而且又唔太貴，係油左少少，建議如果見到唔好錯過~~~

去蓮香居，純粹係好奇，難得僅存的舊式酒樓仍然運作，遊客老遠搭飛機也要去感受一下舊派茶居，我只不過係一個住在九龍的香港人，無理由唔去試一試。舊式酒樓沒有取票攞位的，自己見到有位就坐低叫茶，我地係新丁，侍應問要壼定要盅，完全get唔到, 後來見同枱一位男士用茶盅先明白。沒有影太多相，因為搭枱好迫，舉起相機就影埋人，個人認為去蓮香居見識吓懷舊文化幾過癮，事關仍然保留着用熱水煲加水，推著點心車叫賣的模式，食物質素方面，同樣係停留喺幾十年前嘅標準，我就真係覺得麻麻。

前幾日爸爸話好懷念上環嗰間蓮香居, 話好想去嗰度食冬瓜盅同馬拉糕, 我即刻打去book位先, 最後終於book到位啦！！先嚟呀爸至愛嘅鲜蓮八寶冬瓜盅, 一上枱睇到我哋嘩嘩聲！湯面舖滿夜香花, 超足料, 有蝦, 帶子, 鴨肉, 香菇, 蓮子等等…………, 湯底香甜, 夠入味！！然後叫左生炆龍躉頭腩, 頭腩好厚肉, 很新鮮, 仲有配料枝竹同燒肉, 都整好入味, 但最精彩嘅係最底嘅白菜, 完全索晒所有材料嘅精華！！生炒排骨都ok脆口, 酸酸甜甜！！豉油皇虎蝦大大隻, 好爽口！！生煎蓮藕餅就失色D, 味道太咸, 而且無乜蓮藕味！！最後緊係叫埋必食嘅一籠一個馬拉糕, 熱辣辣又鬆軟！！今晚超幸福呀！！

老婆一向喜歡香港懷舊的酒樓，已經嚷著很多次話要去呢間蓮香居試吓，今日放假，天氣又好，所以專誠過嚟上環試試呢一間歷史悠久的蓮香居，我哋自己搵位，原來是要搭枱的，哈哈，好多客人都帶咗一寵寵雀仔上來飲茶，講真比我想像的來得失望，食物還可以，但係坐得比較辛苦，不過香港人點都要朝拜一下是常識吧

今日同屋企人去行海味街，預備做節。上環係我最深刻印象係西港城有個胡桃夾子木偶。其他無乜記憶。。去海味街掃貨後就想去食野，媽媽提出去飲茶，甘岩記得有蓮香居，就一於去試下啦！由於我地11點半就到，上到去無乜人，未到飯市！環境好懷舊，我以為仲有痰罐，點知係無啦🤣見到啲點心姨姨推車仔大嗌蘿蔔糕，排骨飯，蝦餃燒賣。好有趣之後啲人就會一窩蜂上去拎食物。基本上所有枱都要搭枱，除非好多好多人😬😬見到酒樓侍應叔叔拎住好大既茶壺加水，幾得意，好似好重甘。我地叫左以下食物：叉燒飽：一籠兩件，熱辣辣有梅菜係入面，我就吾太中意食。臘味糯米飯：呢個有荷葉係底，糯米飯粒粒分明，吾太油，又香，好好食！粉果：呢個我一向吾太中意食，所以我評論吾到蝦腸:每條大概2隻蝦，腸粉夠滑，好食章魚肉餅飯：一個好大碗，夠2個人食，飯香粒粒分明，肉餅就薄薄一片。個人覺得，以懷舊心態去試下係可以既，見識下舊茶樓係點。老實講，我覺得食物吾係勁特別同勁好食，只係食環境食氣氛。員工較霸氣，同有點睇吾起人既感覺！我諗因為老字號出名掛。所以試一次無妨既😬

大年初四。好多食肆都終於啟市🎊包括一直好想去嘅舊式茶樓 -「蓮香居」雖然呢間茶樓一啲都唔近地鐵站，不過可能好多茶客都等左佢初四啟示等左好耐，所以今朝早已經有好多好多人啦！今次係我第一次嚟呢度，原來呢度係好似細個嗰陣時嗰啲舊式茶樓咁樣自己攞位，同埋會有姐姐推點心車，茶客就攞住張卡出去攞點心，仲有個位係啲姐姐煎蘿蔔糕、芋頭糕同埋薄鐺🤩呢個飲茶嘅環境，真係令我充滿童年回憶啊！♥️同埋冇諗過佢啲點心係咁好食㗎！1. 馬拉糕 - 超級鬆軟⭐️2. 腐皮 - 啲腐皮吸晒啲汁，好正😋3. 沙翁 - 佢唔似出面嗰沙翁咁樣，淨係得個甜字，佢都係好鬆軟，超級好味呀😍其他都好正好正！下次一定要再嚟試埋其他點心先得！真心推~推~推！👍🏽👍🏽👍🏽

媽咪話想去飲茶，醒起好耐無去嘅蓮香居。咁啱去到唔使等位，但避不了嘅係要同人搭檯。人越大就越鍾意懷舊嘢，雖然坐得逼咗啲，嘢食要自己去攞，不過都覺得好過癮，充滿回憶。阿姐一推架車出嚟，啲人即刻衝過去，真係手快有手慢無，就好似我咁，唔夠人爭啊炸雲吞雖然好味，不過點都唔及雞札咁好味，最鍾意就係食哩度嘅雞札同鴨腳札，仲有馬拉糕。聽聞豬潤燒賣好好食，仲要係即叫即蒸，所以叫咗籠嚟試下味。ummm.. 果然無介紹錯，好味！啲豬潤仲係好嫩滑好新鮮。

用心製作的食品，吾錯吾錯，下次有機會再來再來，價錢不貴，坐落吾使等好耐，好快有得食，新鮮够熱，味道調較得好好，服務又吾差，都算幾有禮貌。希望下次又來呢度食食食食

昨日陪媽媽去西營盤買臘味，行到三點到諗下有咩食，突然諗起蓮香居就係附近，二話不說就立即岀發！蓮香居二樓和三樓都係飲茶，不過三樓就早啲收因為要準備晚市，無緊要，落二樓囉。由於已經三點幾，就算係下午茶時間都唔使等位，不過要搭檯。 蓮香居保持住點心車，依家真係好少見。我地叫咗三個點心，鴨腿湯飯和燒肉瀨粉～1) 鴨腳扎 ～我本人覺得普通，不過媽媽覺得好味。($22)2) 豬手 ～個汁係鳳爪個汁，不過的確係豬手，唔似其他食肆用豬腳代替。($26)3) 鯪魚球～有驚喜，好味！ 其他酒樓嘅鯪魚球係幾『實』，應該加咗唔少麵粉。 蓮香居嘅鯪魚球相對細件，但食到係魚肉囉！($22)4) 鴨腿湯飯～個湯好清好好味，大大隻鴨腿份量好足！ ($50) 下次要試埋個方魚肉碎粥！5) 燒肉瀨粉～下午茶特價$28，份量足，抵食！ 如果想揀燒鵝另加$2舊式茶樓環境就一定唔會好乾淨，唔好期望太高。

This place is renowned for it's perseverance towards traditional style of Canton dining. Yet, persistence is definitely not contradictory to food quality and proper service. It is definitely okay  to search for a seat by myself since that's the traditional norm. Grabbing food from the cart follows the same logic. I have no grievance on these and actually that's the appealing part. However, the most provocative,  my choice of wording seems a bit harsh, but yes, the following behaviours really sou

今日一大朝早起身,同家人去飲下舊式茶樓,食下一D手推車既點心好多人都用焗杯去飲茶,不過我自己就唔敢用..因為太熱唔太識倒茶D茶都好香好味,可能真係大水煲咁水滾茶靚茶係幾靚,沖左好多轉都仲好夠味D仕應渣住大水煲去倒入D茶客既杯,其實都幾考功夫,一黎重二黎熱...將水倒入去仲要預算倒到咩位停手又要小心唔好倒落茶客度魚肚扎--魚肚都好正唔會有陣味,食落去都唔錯蝦餃--蝦足料..皮都薄,食落好好食咸魚肉餅飯--肉就比較肥左D,咸魚都OK既大包--大包好少地方有得食喇,入面好足料,都OK,不過個皮鞋左D

突然好想飲茶，向左走有蓮香樓；向右走有蓮香居。前者的印象是要無限搭枱，飲餐茶同打扙無分別。后者都要搭枱，但情況好得多，起碼無咁多國內同胞。於是襯午飯過後就沖左去位於「上環蓮香居」。上了二樓大廳，同街坊搭下枱。伙記伯伯個樣有點cool, 但我感覺到他其實都好nice 茶介 $12 挺合理。沖好茶乖乖地等點心車推過來。向來心急的我左望右望搵點心，其實我一心只求見「麻容包」一面。原來我真是好好彩，吾使三分鈡手推車將各式各樣的包子送到我面前。我一眼鎖定了它「麻容包」$18一寵三個，拎上手夠軟熟，一啖咬落去吾算熨口，第一啖只見到小許麻容餡，接著狠狠咬下第二口，就咬到滿囗麻容餡，炒過麻容特別香口，沙沙的口感，比起什麼流沙類包點，我更愛這些原創、全統的點心，而且吃得得更健康。

幾年前已經想食呢間茶樓已家甘有香港特色既食店賣少見少難得今日去開上環，緊係要搵定地址去好彩一入就有侍應帶我地去搵位坐，吾洗自己搵位，2點幾去到，都已經成場坐滿人。裡面會有幾個點心姐姐推住架車仔圍住個場行，睇岩咩就可以拎張單心卡去蓋印拎點心。好彩今次可以食到聞名既豬潤燒賣同馬拉糕。整體上既點心都吾差👍值得一試*馬拉糕真係好搶手，一出爐，d人就出晒去拎，真係手快有手慢無。

夏日炎炎，想同朋友飲下茶，嘆下點心，就黎到呢間懷舊茶樓喇！下午兩點幾嚟到呢到，上去二樓，平日呢啲時間黎到即時有位啦🤙🏻 首先叫左壺香片啦，水滾茶靚又解渴呀果然嚟飲茶梗係要食點心啦，呢到仲有阿姐推點心車架～實在好懷舊呀叫左棉花雞，蝦餃，瑤柱燒賣，豬膶燒賣，金錢雞，叉燒包，仲有時令既蝦子柚皮棉花雞呀蝦餃呀都不過不失啦，叉燒包都幾香又鬆軟架！瑤柱燒賣上面有啲瑤柱絲，食落口有淡淡既瑤柱香，燒賣口感香軟豬膶燒賣賣相就一pat野咁，不過豬膶就林而有膶香，肉味鮮軟！金錢雞呢個名菜就緊係要試一試啦，呢碟最緊要趁熱食呀！如果唔係啲豬油就會琼晒架喇！上層係雞肝中間瘦叉燒下層係肥豬肉，一口咬落去有三層口感，肥豬肉爽口，油而不膩，叉燒香而不韌，雞肝都好鬆軟，值得一試壓軸就係蝦子柚皮，香軟林林既柚子皮配上蝦子香味既汁，夠入味....係個人覺得稍為鹹左少少啦整體都唔錯丫，下午茶同朋友黎呢到吹吹水都幾好架！三個人食左三百蚊到啦～算係咁喇！