蜜密 (已結業)

食完燒烤，當然要食返個甜品啦！法式焦糖燉蛋配鮮果併雪糕(雲尼拿味)燉蛋很香很滑，配上微焦的糖，面頭脆口，下面軟淋，惟個人覺得燉蛋部份唔夠實，個人喜歡實一些口感，呢d純粹個人口味。鮮果併盤很新鮮，晚餐食得好飽，見到呢個鮮果併盤都零舍開胃。流心芒果布丁配雪糕芒果布丁非常流心，一切開，兩人都wow左一聲，芒果布丁香甜滑，內的流心芒果醬也非常甜美，配上芒果雪糕，實在很滿足。

喺元朗食完晚飯諗住散步去西鐵站，行過呢間小鋪，見到有心太軟，就行左入去。正所謂快人一步理想達到，入去唔夠五分鐘出面已經要排隊。小鋪即係小鋪！！！見到咁繁忙，緊係即刻叫野食，主要目標心太軟，另外問下有咩好介紹，佢推HONEY SECRET!咁即係咩呢？四個字《《《金絲大波》》》（我講既）（＾O＾）抹茶心太軟配豆腐雪糕 － 抺茶味濃，質感好，流心度'一流再流'豆腐雪糕味－清，唔會太搶，佩埋一齊係幾好既。《《《金絲大波》》》－ 外面係用糖拉做一個"大波"入面有啲"夾心朱古力醬一口酥"個波下面有朱古力醬，如果想食甜啲嘅，拮爆個波將啲糖連朱古力醬攪埋一口酥一齊食。大滿足。

做完推淋巴後原本想吃飯，但見到open rice 介紹呢間蜜密甜品好出名, 尤其是 抹茶心太軟, 有時候夜左黎都斷貨，左諗右諗，黎個先甜品後晚飯既倒序法。八點黎一坐底就問定店員仲有無抹茶心太軟， 店員話有即放下心頭大石，打開餐牌慢慢睇。。。一睇又係好大件事。。。太多選擇了，左睇右睇，都係 皇牌甜品系列 最吸引。。。問店員可以將心太軟改成抹茶? 。。。佢地話加8蚊就得。。。我即刻話無問題，無問題, 無得轉先大問題  另一個特別要求就係剛推完油，唔食得凍野，同店員話唔洗俾雪糕我，佢地話幫我雪糕改生果。。。太好了，甘貼心又會彈性處理，我加佢地服務分！皇牌甜品系列 HKD 108 主角上場 - 抹茶心太軟+ 窩夫+拿破崙+ 生果 ，同圖片一樣! 我當然即刻界開個色澤翠綠既抹茶食啦。。。嘻嘻，抹茶還是暖暖的，流心好靚，睇佢慢慢流出來的感覺真好！ 食一啖，真係忍唔住深吸一口氣，重量級既無糖濃郁綠茶好好食!! 就係呢個少少既苦澀茶味，先有一種 "比飲綠茶更綠茶" 既感動。之後食拿破侖--餅脆，中間蛋醬豐富，都唔錯。生果就係新鮮嘅生果。最後就食嗰個窩夫，窩夫就麻麻哋啦，預先做定，凍曬，太甜又太硬。次

今晚Ⓢ和表妹過了一個談心之夜，在元朗蜜密分店嚐了些頗新觧的甜品  想不到在甜品店林立的元朗，仍然能有新的甜品口味呢   ▼店內雖然不大，但是佈置非常精美，很有心思呢！▼下單過後，我們就耐心等待甜品，畢竟是西式甜品，總得花點時間精心製作呢▼和表妹閒聊了一會，先來一個《和風抹茶心太軟配軟雪糕（豆腐味）》（HK$52），心太軟最著重的當然是要流心的啦，蜜密的心太軟不但流心度十足，還非常好吃，跟別家的抹茶心太軟不一樣，流心餡除了甜味外，還有很重抹茶的甘苦味，非常有層次的口感呢！▼抹茶心太軟外觀一流▼豆腐味雪糕球很有趣呢，出奇地圓得可愛，十足一個漲大了的乒乓球▼抹茶心太軟內裡則是非常流心的，讚～▼接著就上了第二道甜品《Honey Secret》（HK$98）。名字是跟蜜密的英文店名一樣的相信一定是招牌甜品吧！我們在menu中看見圖片已非常期待，沒有問及是甚麼來的就點了。一上檯時果然非常漂亮，原來是用糖膠造了一個球形外殼鳥巢，內裡盛著鬆軟的酥皮朱古力多士再配以呍呢嗱焦糖漿雪糕和生果粒非常豐富！▼而且得到店員的親切提醒才知道，原來鳥巢下還有花生朱古力漿可供沾點呢！朱古力迷萬勿錯過Ⓢ❥總括來說，這晚在

大熱天時要由九龍去元朗幫老闆拎嘢，我已經面燶燶，再加埋咁嘅天氣，真係唔中暑都偷笑，當攪掂哂準備搭西鐵出返九龍嘅時候，經過一間甜品店，由於我已經出汗出到脫水咁濟，就決定入去飲杯嘢．坐低睇完餐牌，我就比呢個咁獨特的甜品名字吸引，所以就點咗杯黎試下一上台，侍應就好細心叫我攪均先好飲，因為蜜糖沈哂起杯或，我攪完一飲，已經將我嘅怒火同熱火降咗一半，非常冰涼，飲品帶有少少柑桔酸味但加埋蜜糖的甜味，甜酸味非常適中，而且有好多蘆葦果肉，簡直係啖啖肉，消暑之選，飲哂之後簡直將今日嘅怨氣全部掃除．

去開元朗買老婆餅孝敬婆婆和媽媽，經過這間甜品鋪，於是便入到試試。鋪頭面積偏細，但麻雀雖小，五臟俱全，甜品種類繁多又有創意。拿破崙系列永遠都係甜品當中其中一個我既最愛，於是我點了芒果拿破倫$52試試，結果沒有令我失望。賣相簡潔，酥皮鬆脆兼好廷身，而且切開都唔會全部碎掉；吉士醬做得好好，仍清晰見到粒粒雲尼拿籽，一D都唔膩，再配上又脆又鬆化既拿破崙皮和甜甜的芒果雪糕，口腔好像產生化學作用，每一啖都令人回味，可惜芒果有小小酸，但配上雪糕食就中和左酸味，平衡感做得非常之好。 

某晚和女性朋友在元朗食完拉麵後，因為我們女仔的「第二個胃」仲未飽，於是我提議行去蜜密食靚靚的甜品了。呢晚雖然係星期二，但係都差唔多坐滿人了，好彩入面仲有兩個位俾我地。上次我來已經係半年前了，到而家都仲好記得上次無食到的綠茶心太軟。於是，今次我就叫了和風抹茶心太軟配軟雪糕 (豆腐味)。心太軟都做得幾挺架，裡面的綠茶漿流晒出黎都仲未塌下，之但係蛋糕都做到外挺內鬆軟，而且都好有綠茶的甘甘澀澀的味道，不甜，偶爾吃些不甜的甜品都不錯丫~ 圍住綠茶心太軟有幾粒細細的日式糯米糍，粘粘的淡淡的又幾煙靭，撈埋綠茶漿來吃都幾滋味。此外配上清甜的豆腐雪糕，兩者味道相當匹配，心太軟和雪糕交替地吃下去，既可令綠茶的澀香更顯突出，雪糕也可中和一下澀澀的味道。伯爵茶焦糖燉蛋伴鮮菓拼雪糕 (雲呢嗱味)，賣相讓人感到很豐富。燉蛋上面塊焦糖做得幾薄脆，燉蛋都幾香滑，還有少少的伯爵茶味，跟原本甜甜的焦糖塊混在一起，就唔會變得過甜，都幾岩唔鍾意食太甜的朋友。雲呢嗱雪糕係稍為實一點，不過都幾香甜幾滑，然而呢晚天氣熱，但係雪糕都唔會好快溶，雪糕的質地都幾適合炎炎夏日。甜品伴有新鮮水菓粒：有西瓜、奇異果、芒果、士多啤梨和提子等，味

3個女生都難得來到元朗，當然要食到盡，又怎能放過甜品這一環呢！聽過朋友介紹這家(對我來說)有點偏辟的人氣甜品店—蜜密，的確不停有食客光臨，到我們用餐完畢後已經是全店滿座了。店面很細所以桌椅都比較迫。打開MENU就看得出店主的心思，每樣甜品都各有特式，一時之間很難做選擇。本來想試一下門口寫的新甜品和蜂抹茶紅豆拿破崙配雪糕，可是店員說已經賣完。於是便點了一個伯爵茶焦糖燉蛋拼鮮果配雪糕，賣相很精緻。伯爵茶焦糖燉蛋的焦糖做得很好，不會太過了火，燒出剛好的甜味。而燉蛋味道蠻不錯，而且很幼滑，加上有淡淡的伯爵茶香味，很特別。不過鮮果就不是每種都夠甜，像奇異果就很酸。而朋友就點了芒果拿破崙。拿破崙旁滿是鮮芒果，賣相亦同樣吸引。拿破崙Custard的份量超多，而且做得很香滑。另一位朋友則點了香蕉朱古力waffle，是3個甜品中較為遜色的一款。最主要是因為waffle烤得比較硬﹑乾﹑及有點燒焦了的味道。相信如果時間控制得好一點會是一個很好味的waffle，因為食得出waffle本身的醬做得很香牛油味。不過最特別的地方是甜品中的雪糕都做得很漂亮，而且很夠凍，是很適合炎炎夏日。

今日係一年一度「糭子節」大家都放假一天，所以就約左好姊妹入黎元朗行街街，當然要去食三點三---下午茶先啦～我地揀左近元朗西鐵站既「蜜蜜」，因為食完之後可以長驅直進行曬兩個商場^^係門外睇緊有咩食個陣，店員已經好熱情咁招呼我地入內坐，唔使點等位⋯very good因今日實在太太太熱了，我地叫左杯「不能說的蜜密」飲，因為都幾大杯，所以我地兩個share飲，另外我地一人叫左一款甜品，我好中意食waffle既關係，店員推介試下「比利時朱古力醬窩夫配雪糕」，而好姊妹就揀左充滿童話感覺既「星星、月亮、太陽」不能說的蜜密（蜜糖、蘆薈、梳打）---因為係杯底有蜜糖，店員好窩心咁提提我地要拌勻先飲，呢杯「蜜密」好多蘆薈粒粒，以上三樣野撈埋一齊，入口有爽脆既蘆薈肉同蜜糖潤喉，岩曬天時暑熱潤一潤，解解渴比利時朱古力醬窩夫配雪糕---呢個waffle有驚喜，原來以為比利時朱古力會好甜，但佢配埋外脆內軟既waffle，就變得易入口、冇咁膩，食多件都仲得，waffle除左有朱古力醬舖面外，佢仲有另一款，就係新解waffle上灑左啲糖霜，而呢一款配埋呍呢嗱雪糕一齊食，效果不錯，又暖又凍星星、月亮、太陽---「星星」

好耐冇同CHICKEN食甜品，見係附近有幾間選擇，比較之下就黎左蜜密因為有好多甜品都好吸引，而且最令我地感興趣既就係Honey secret，一個圓波波咁，唔知入面包住啲咩，所以決定依到係我地既最後一站～～環境幾細，大約放到四五張枱，不過有時見店員行去隔離，唔知係米有隔離鋪（唔清楚）就係中間果個波波好吸引我地XD不過一睇餐牌，價錢都幾貴，但難得黎元朗就豪一次牆上仲有其他甜品照片，餐單，裝飾等終於黎到期待已久既Honey secret，賣相同圖片既一模一樣，外層係一絲絲好細密既糖漿織成，咬落去好脆，而且糖漿會係口中慢慢溶化，真係食出甜蜜密既感覺XD球狀入面有幾件朱古力一口酥，碗入面都有朱古力醬可以點，一口酥好鬆脆，配上甜甜既朱古力醬非常夾我非常中意個一口穌呀～好推薦既甜品，不過價錢方面的確有啲貴呢星星月亮太陽，個名夠晒浪漫，一黎到我地就即刻估邊個打邊個XD都做得幾有特色～有楊枝甘露、芒果雪糕同芒果拿破倫，芒果拿破倫既酥皮好鬆化，而且吉士忌廉味重，細鈿舊食落好滿足，而雪糕方面係正常既芒果雪糕，味道唔會好假，楊枝甘露最出色，柚子幾甘甜，而且旁邊既星星椰果非常好食，好有芒果既果香，所以我地食得

假日下午本想去B仔涼粉,但朋友說另一家甜品店更吸引,原來是蜜密,之前吃過一次確實不錯今次坐下想試試上次沒渴到的不能說的蜜密,因樣子很得意原來是蘆薈薄荷梳打,但當中味道仍有小小特別,店家始終不肯說是什麼薄荷梳打味道相當幽香,有汽的感覺令味道昇華了一倍蘆薈相當清甜,吃起來口感亦一流下次會再試試其他甜品

這間位於鳳攸東街的甜品店, 店子小小, 門口小得令人一閃即過, 但人氣可大呢! 不少人由市區千里迢迢來到元朗一嘗其獨特而又甜蜜的滋味.一口氣點了兩款人氣甜品, 沒騙你, 這兩款真的是銷售排行榜的首一, 二名呢!和蜂抹茶心太軟配雪糕 ($52)朱古力味的一太軟就食得多, 抹茶的還是第一次試呢!用匙子把心太軟破開, 抹茶漿緩緩地湧出來, 女孩子看到一定會無不心動. 溫暖鬆脆可口的外層, 伴搭柔軟溫熱的抹茶漿, 一口吃下, 一次過嘗到兩種不同的口感, 方為品嚐心太軟的妙法呢!抹茶味道甘香, 帶點微苦, 抹茶粉下得相當重手, 但又有蜂蜜的加持, 所以甜與苦兩者的味道很平衡, 比平時吃到朱古力味的心太軟更富有層次, 而且沒有朱古力般甜膩, 女人一定大愛!心太軟旁邊伴有白玉丸子, 紅豆泥, 豆腐雪糕, 整個搭配都很有日本京都的feel. 白玉丸子軟糯, 紅豆泥香甜綿密. 豆腐雪糕豆味濃郁, 甜度適中.一口心太軟, 一口白玉, 一口紅豆泥, 再一口豆腐雪糕清洗味蕾, 味道濃淡濃淡的順勢而去, 一道甜點, 帶給我多重味感體驗, 大滿足!星星.月亮.太陽 ($68)一個浪漫的名字, 說穿了, 其實是三款

作為一個” 九龍人” ，極少機會去新果區，難得黎到元朗，當然晚飯、行街、甜品直落啦。在眾多熟食店中，遠望有一間甜品店。就試下佢啦！當晚與友人點了兩款甜品。1. 和蜂抹茶心太軟配豆腐雪糕 ($52)賣相很好，抹茶味很香，配搭豆腐雪糕味道很好。2. 星星、月亮、太陽 ($68)三樣甜品中，我較喜歡中間果件(應該是月亮掛)，拿破崙餅鬆脆併忌廉不會太甜。哈哈，一個價錢，能試到三樣甜品，感覺上已覺得賺了。

心情唔好當然要食甜野 去左呢間小店 座位唔多 但裝修唔錯 揀左抹茶心太軟 presentation幾靚 墨綠色既心太軟 面頭鋪有白色既糖霜 旁邊有幾款唔同既水果 紅豆 cream 同小丸子 當然唔少得一球圓圓既抹茶雪糕 一切開心太軟 可以見到十分流心 濃郁既綠茶漿味道啱啱好 抹茶味幾突出 食到添加左少少蜂蜜 但唔會過甜 有些少澀味 配埋旁邊甜甜既紅豆茸食啱啱好 食到有d滯仲可以食下d水果 中和翻個味 小丸子亦口感好好 煙un軟糯 雪糕味道亦唔錯 唔係平價既雪糕 但略嫌抹茶味唔夠重 而且好硬好圓所以有d難整開黎食 不過冰凍既雪糕配埋暖暖既心太軟食一樣咁正 冰火交融 食完心情好翻哂

呢日同露媽2母女係元朗食完dinner,之後口痕想食甜品,就帶左露媽去<蜜密>,上次同朋友食過都唔錯!露媽點左<伯爵茶焦糖燉蛋拼鮮果配雪糕>HK$58見個賣相已經好吸引,左邊伯爵茶焦糖燉蛋,焦糖面燒得岩岩好,食落有淡淡的伯爵茶味,好滑中間係雲呢拿雪糕好好味右邊仲有新鮮的雜果今次我決定試下,<星星月亮太陽>HK$68左邊係楊枝甘露滿滿的芒果肉, 香甜爽口中間的芒果味千層酥好鬆脆,Cream好幼滑右邊的芒果雪糕都好好味,平時好少食芒果製品,因為好驚食到酸,但<蜜密>的芒果選材新鮮,次次都食到香甜的芒果肉!