蜜密 (已結業)

今次黎到元朗，同女朋友食完飯之後，就搵糖水。。見離遠見到呢間小店有好多人等位。多人等位係質素既保證，於是我決定試下。甜品種類都算多，而且價錢也算適中，見到隔離table食緊呢到d 皇牌甜品系列 honey secret。睇落好靚。份量都好多但由於晚餐食得太飽。所以今次就食返最喜愛既法式焦糖燉蛋拼鮮果拼雪糕 $48。 等左一陣。甜品黎到。正。估唔到燉蛋係心型仲要咁大兜，平日好多地方食都係好細杯，咁呢到算好抵食。燉蛋上面d 焦蛋好夠脆，而且蛋又好滑，配合埋滑滑既雪糕一齊食，冷熱口感混在一起。味道極豐富。食完蛋之後，仲可以慢慢食下d 鮮果盤，記住點小小雪糕黎食。估唔到呢間小小的店舖。但甜品質素咁高，下次去元朗。會再黎試下。

今次同朋友Cardy食完dinner之後, 心血來潮想食甜品,記得之前友人推介過元朗人氣創意甜品<蜜密 Honey Secret>我地黎到時已經9點30分左右, 見到門口已經企左人係度等位,當日係星期四, 估唔到平日都禁多人!我地等左20分鐘左右,入到去見到坐位唔多,大約可以坐20人左右,而我地就坐左2人台,店舖牆身貼左好多相!Menu上面好多野都好想食, 不過岩岩食完dinner,所以只叫左2個推介甜品!因為新鮮製作, 所以等左10分鐘左右~<比利時朱古力窩夫配雪糕>HK$52賣相已經好吸引,師博好有心機用朱古力醬畫左花紋D比利時朱古力醬好香滑而不“流”, 再配上鬆脆的窩夫, 好好味,不過建議窩夫熱D會更好<和蜂抹茶心太軟配雪糕>HK$52係我最愛的抹茶味!!一刀切開見到心太軟中間的抹茶流心流出嚟喇!綠茶味道濃厚,旁邊仲放左日式風味的小珍珠&紅豆蓉,好正呢! 露露推介呢個!下次想玥去試皇牌之一的<Honey Secre><蜜密 Honey Secret>地址:元朗鳳攸東街9號好順意大廈B座地下15號舖

不知打從何時開始，元朗甜品不再只有B仔；新派甜品店一間接一間的開張，蜜密是其中之一，亦成為女友期待萬分的一家店。原因？大概是那綠茶心太軟吧。曾多次說過一試蜜密是否如一眾食家般讚不絕口，但總是因為各種原因無法成行；終於，這天剛剛工作不太忙，可與女友看過叮噹電影後趕回元朗，一試蜜密。位置不難找，基本上從新元朗中心天橋一直走，再走過一道橋和二十米左右，便能夠找到這家小小的甜品店。抵達之時，狹小的店已坐滿，門外亦已有至少7至8 人在店外等候，均為年輕食客；店內只有一個廿多歲的女侍應。走到門前，那女侍應亦愛理不理，任由筆者跟女友站在門外好一會，才給予我倆一張籌。由於蜜密店內空間實在細小，它所供應的甜品製作需時，加上店內食客均似是剛入座不久，冗長的等候時間可謂意料之內，不難理解，但亦可以體諒。然而，筆者可以說，這差不多40分鐘的等候時間，是相當不值，至少，區內有更好選擇。就在等條期間，店內唯一的女侍應數次走到店外。印象所及，至少一次是走出店外跟駕車來到的朋友聊天，一次更竟是在門外抽煙（一個店內食客看不到的位置）！在這說明，筆者討厭煙民，但明白煙民有其需要，亦體諒那些在不影響他人情況下吸煙的吸煙者。

係元朗南山圍踩完單車後肚仔餓餓又唔想食晚餐，決定黎到這家 Honey Secret 用甜品潤潤喉～中文名叫蜜密很有趣，店子小小卻坐無虛席。牆上也掛住手寫的餐牌，有些甜品更加是每天限量的喔～餐牌上有幾款店主特別推介的，而我依舊點了我的最愛燉蛋和心太軟。先來個班蘭焦糖燉蛋拼鮮果拼雪糕，平常很少可以拼三款東西，叫一樣就有３種口感，新果既爽甜，雪糕既香滑，加上暖暖的綿密燉蛋，真是一大享受，燉蛋上的焦糖燒得很脆，厚薄適中，比一般燉蛋更滑，濃厚的蛋漿味真的很棒！另外和蜂抹茶心太軟外表好像雪山，綠色的心太軟顯出強烈的相比感，旁邊還放了一些小珍珠和紅豆蓉，好有日式風味～一刀切下去爆出濃濃的抹茶漿，趁熱吃特別濃郁，一級棒！

難得來元朗吃晚飯, 飯後當然要再找個好地方吃甜品滿足一下。選了這間{蜜密}作為今晚的終點站。這裡晚上十時多還是人頭湧湧的, 排隊大約10分鐘後入座。店舖面積小, 不過牆上的掛畫、店家推介板上的字跡和櫃板上的公仔等, 散發著一種可愛小巧的感覺。這裡的甜品分為「心太軟」、「焦糖燉蛋」、「拿破倫」、「窩夫餅」、「皇牌甜品」、「伯菲」、「楊枝甘露」、「特式甜品」、「傳統糖水」、「鮮果汁」、「沙冰梳打」和「特式飲品」多個系列。來到這裡, 當然選擇店家皇牌人氣甜品 - 「和蜂抹茶心太軟配雪糕」($52)! 一上枱, 便聞到抹茶香味。事不宜遲馬上切一刀! 一刀下去大量抹茶醬沿著切口位"湧"出來, 濃郁的抹茶香, 也隨著溫熱的抹茶醬撲鼻而來。混著抹茶外層吃一口, 口腔滿滿抹茶香非常滋味, 如果抹茶外層質感能再幼滑一點會更加分。旁邊的小丸子煙煙韌韌有助增加口感;抹茶雪糕球味道清清的溫度冷冷的, 幫助平衡心太軟的甜膩感。這個「和蜂抹茶心太軟配雪糕」好吃, 有機會會再來品嚐這裡其他的皇牌甜品。

係元朗食得晚餐，通常我都食埋甜品先返屋企嘅今次就去西鐵站附近嘅蜜密淨係食個流心都算有綠茶味，但連埋個心太軟外層食就無哂綠茶味＞＜都係外層＋流心＋雪糕一齊食先比較有綠茶味。店員推介的比利時朱古力醬窩夫配雪糕，本身不是朱古力迷，但這甜品我係包底清哂！朱古力醬調較得剛剛好，配窩夫一齊食都唔會覺得“漏”！但驚喜位其實係個窩夫，微微脆嘅表面，食起黎卻十分濕潤，唔會太乾太硬搞到好難吞，即使食到最後，表面無咁脆，但內裡仍然好鬆軟！

附近人流不多，但店內店外卻人堆在等吃，當然我也不例外在店外排隊等候，店內位置不多大約可坐十多人左右，看到餐牌每樣都想吃一口品嘗，當然我沒有這樣財力這樣做。班蘭焦糖燉蛋拼鮮果拼雪糕－左邊芒果配西瓜跟士多啤梨和奇異果，中間雲哩拿，右邊焦糖燉蛋，配搭新奇。焦糖燉蛋表層焦糖薄薄一層很脆口非常甜配上熱燉蛋外脆內軟。　

因為是初七人日, 所以晚飯後諗住搵一間未去過既甜品店. 搵到呢間有好多人讚好又冇乜差評. 所以入左黎試下....點左版友推介既星星月亮太陽....個賣相係OK但中間果個拿破倫真係唔係好得, 睇落去係好靚. 但食落去硬同埋淋的, 同埋只有甜味. 再試埋另一個推介既朱古力窩夫, 一樣, 都係個樣睇落去好唔錯. 朱古力醬上再加一層深色的花紋. 睇落去係幾靚. 但食落去....個窩夫係凍的. 又有點淋左同太乾. 個人感覺如果窩夫已係凍晒味道一定唔好. 個舖位位置比較偏僻, 而價錢野食又唔係好吸引. 不過服務態度算係幾好, 但係論坐得舒服同埋食物味道享受方面就一定唔會再來了~_~

新年期間，難免大飲大食 ，哈哈～ （唯有待番工日子以麥片相伴做早餐做我的最佳拍檔 XD)呢到心太軟除左大路款式朱古力心太軟，仲有女生大愛「和蜂抹茶心太軟配雪糕$52」，我就試你啦～ 靜靜等待中～～綠色的心太軟到了，未食已經聞到抹茶香，急不及待切開，綠色的溶漿即刻湧出黎～ 味道方面可以的，最喜歡除左紅豆仲配有小丸子，但個人認為蜂蜜香比抹茶味更出，所以有少少失望。特色飲品系列「不能說的蜜密 $32」由梳打水、蜂蜜、蘆薈粒&店主秘方調制。很美的～登登登，攪幾下變左綠色，so funny~有獨突的香味，甜甜的，可能加左蜂蜜很潤口～～ 不錯不錯！皇牌甜品系列「星星。月亮。太陽 $68」整個系列圍繞芒果設計出黎，當中分別有芒果雪糕、芒果拿破崙、楊枝甘露。呢到既拿破崙很有蛋香，吉士creamy 相信全是自家制，一層層的很鬆化。楊枝金露很足料！！味道good，很濃喔^_^ 呢杯份量岩岩好～我要求比較高呢，覺到唯一美中不足地方是雪糕方面，味道不夠濃 質地creamy d更好～

元朗的食肆有如雨後春筍，路線也隨著港人的口味轉變，西式甜品店和餐廳隨處可見，除了傳統的港式糖水和麵家，食客有各式各樣的選擇。小小的甜品店只有十來個座位，裝修成秘密花園，果然甜蜜又保密。餐牌很全面，中式西式都有，有傳統的香蕉船，也有創意無限的新作。Honey Secret把店名也押上去，值得一試。得知售馨，有點可惜，怎料店員說等30分鐘就有，她也到廚房幫忙製作。看到完成品和店主的誠意，這30分鐘沒有白等。雪糕雪得很硬，可以慢慢吃，但沒有特別。重點是以糖拉出的完美球體。金黃的巢，令內藏的一口酥顯得份外高貴。一口酥暖暖的，酥脆帶淡淡牛油香，醮上朱古力醬，味道可以。還有士多啤梨和藍莓，除了添上色彩，也中和一口酥的熱氣。喜歡朱古力醬的稠度，但過甜。賣相比味道更勝一籌。朱古力焦糖杏仁伯菲花紋畫得高貴優雅，加上長長的脆片，讓正中心的伯菲更加突出。意想不到的是，紅紅綠綠的醬，竟是青蘋果和紅莓味，酸酸的，為味蕾帶來清新的衝擊，跟伯菲和朱古力醬形成強烈的對比。改名伯菲，其實是意式semifreddo。朱古力和焦糖味道不夠鮮明，卻提高了整體的甜度。很喜歡夾雜在內的大量杏仁，好吃又有咬口。味道上仍有做得更好的

同樣是最近大熱的元朗小店，之前在網上看過蜜密精緻的甜品賣相後已想一試，是晚在元朗繼續新店美食巡禮。蜜密鄰近元朗西鐵站，但蜜密位置並非熟悉的食區附近，很容易會在大廈間錯過。不過當天的食客不少，聽鄰桌食客們的對話，原來已不是第一次到訪，相信這小店已吸引了一群捧場客。蜜密甜品選擇以西式為主，餐牌背面還有少量中式糖水，價錢合理。食店比想像中更小，但整體企理整潔，舊磚式設計的灰牆上有黑板列出皇牌人氣甜品榜，可以讓心大心細的為食客人給點意見，不過第三位的數量好像過多呢，哈哈。首先點了「星星、月亮、太陽」（＄６８）。會點選這款甜品是被其名字吸引，小時候很喜歡創作，曾經在家裡畫過一個以此為主題的故事，所以對此有種難以言喻的情意結。「星星、月亮、太陽」集合了三款甜品，細問下知道從左邊數起，是代表月亮的芒果雪糕、太陽的拿破崙，以及星星的楊枝甘露。賣相精美，以黃色芒果作主題的甜品吸人眼球，好奇的我再問問為何中間的拿破崙代表太陽，原來是因為從上面看，其菱形的酥皮形成一層層，集中看中間的芒果會有太陽的錯覺，雖然我還是覺得渾圓的月亮雪糕比較像太陽！楊枝甘露旁邊有星星形蒟蒻，很可愛煙韌！三款甜品中最喜歡中間的拿破崙

趁tea time無咩人，就走去試下呢個幾出名既甜品店地方唔大～一入去就寫左呢間舖最多人叫既ranking list叫左TOP 1和蜂抹茶心太軟和風木板上面有小丸子，超小形既士多啤梨同藍莓，紅豆，同埋抹茶雲糕一切開心太軟：漏出黎一堆抹茶醬流出黎～皮可以再脆少少就完美！整體黎講唔算好膩，因為佢有旁邊既生果紅豆料俾你中和翻、而個cream我嫌唔夠多，因為好好味抹茶雪糕一開始硬到石頭咁，最後俾我直接淋左d抹茶醬上去等佢溶味道唔錯，但可能個醬濃過雪糕⋯搞到有少少淡左味⋯難得黎元朗真係要試下～不過聽過夜晚好多人等位⋯同埋每日每款甜品都有限定數量架！

正所謂一不離二，與好友共聚晚餐後當然接著下一場 - 甜品。最近openrice十大排行榜的蜜密，可以會一會你。約9時到達，差不多滿座，幸好還有2個位，遲來一步已經要等位。單看menu 已相當吸引，平時西式的甜品心太軟、窩夫、拿破崙也可選擇。然而傳統糖水系列也有，不怕沒選擇，只怕選擇太多困難症。比利時朱古力醬窩夫伴雪糕 $52賣相精緻，猶如咖啡上的拉花般的朱古力醬在窩夫上跳躍著。比利時朱古力醬的確好香濃，有點驚喜，而且甜度剛好很適合我。不過窩夫上檯只是微暖，質地是稔身，沒有我喜歡的外脆內軟。而雲呢拿雪糕單食味道略淡，可能要配合比利時朱古力醬，以免太膩。和蜂抹茶心太軟伴雪糕 $52蜜密皇牌推介第1位，當時要試試，以壽司木板上甜品，顏色相當分明。切一下時綠茶醬就澎湃地湧出來，一發不可收拾，要手機食先好有難度，只好幫佢止止血才拍照吧 XD流出綠茶醬有點帶金閃閃的，可能加蜂蜜關係，綠茶味不算重，頗適合抹茶的入門食家。心太軟如果再焗的時間多點，可能外皮會有點脆，綠茶醬也會較濃及厚身。甜品中用的雪糕每球都是圓圓的好可愛，原來店主想方便處理，所以放在雪櫃雪起備用。抹茶雪糕切開有點像蜜瓜生果，這個抹茶味

難得入元朗，當然要試下呢期火紅火熱嘅蜜密啦！為免要排隊，所以今晚决定食左甜品先。位置都幾僻，都揾左一陣先揾到。雖然睇左食評已有心水，但都係睇睇menu先！ 首先上嘅係和蜂抹茶心太軟。果然無錯，以木板上，賣想已經贏哂，亦聞到好香。切開，綠茶漿湧出。 試一口，甜甜地，少左d 綠茶味。第二口，點上旁邊嘅綠茶粉，苦苦地帶有綠茶香。係綠茶控嘅記得要點綠茶粉呀！值得一讚嘅係球綠茶雪糕，真係好圓，而且唔易溶！綠茶味唔係太濃，但配上濃味嘅心太軟，唔會喧賓奪主。另外，雪糕、紅豆、小丸子、cream都不太甜，所以食完都唔會太膩。冧酒提子伯菲又係另一水準之作。賣相又係一貫的吸引。 淺嘗一口，哇，不得了，好濃烈嘅酒味，由喉嚨至鼻腔都充滿酒香，係愛酒嘅朋友必選的。慢慢食，點埋旁邊嘅醬，會更易入口。伯菲做得好有層次，有少少似雪糕加左cream嘅感覺，好滑。而且夾雜左不少提子乾、朱古力脆脆、nuts,口感更豐富。所有甜品都係即叫即整，大家要耐心等候，而且店子細，太約只有十多個位，唔想等就要避開人多嘅時候啦！

元朗, 自從有左西鐵之後, 對九龍人如我, 方便得多, 一場來到, 又點少得醫飽「甜品胃」, 唔講唔知, 呢到真係多左好多野食, 甜品也榜上有名, 有朋友帶路下, 終於來到一間小店, 門外暫時未見有人龍, 一坐下, 年輕女店員給我們遞上餐牌, 最喜歡有圖片的餐牌, 正所謂,「有圖有真相」0麻!款式多數是西式甜品, 連特飲亦有提供的喔~我同朋友們的眼睛同時停在上圖的甜品, 好靚呀! 賣相拎滿分, 唔知味道係咪一樣呢? 一於就叫呢兩個啦 除左餐牌上, 內面掛有一個牌仔, 上面寫有佢地皇牌甜品, 數量有限, 真係遲半步都分分鐘售罄, 識我既朋友, 都知我鍾情於waffle, 比利時朱古力醬窩夫, 正是我杯茶, 最後也order埋呢個~ 先上桌是比利時朱古力醬窩夫配雪糕, 比利時朱古力醬就好似咖啡拉花咁佈滿係窩夫上面, 幸好窩夫不是薄身那一類, 自己偏好厚身一點, 朱古力味香, 也不至於食完要馬上飲水這般"漏", 窩夫則普普通通, 如果可以更外脆就very good啦, 反而個雲呢拿雪糕唔錯, 唔易溶之餘, 同平時食開雪糕更幼滑添另外上桌就是美得似藝術品一樣的法式焦糖杏仁拔菲, 另外旁邊的朱古