裕興咖啡 (已結業)

之前聽朋友同事介紹得多，講到d多士同公仔面有幾好食，野食好快賣哂同埋要等勁耐咁，搞到減緊肥架我都要冒住食完會重幾磅架風險去試下究竟咩料子。知道佢係開8:00，我同同事所以約8:00係果度等，諗住做第1枱食客啦，去到點知已經差吾多滿座得番3,4個位到，拿拿林坐低等叫野食。輪到我地落order架時候，老闆娘話要等45mins喎，我地異口同聲都話：ok!!我地order左奶醬多士同炒蛋芝士棷菜花生醬多士，大概25mins後奶醬多士來了!!原來吾洗炒蛋架多士會怏到d，非常好可以食住等可能本人見識少，真係未見過咁多奶醬架多士，自己係屋企整都吾會多成咁啦!多士係用麥包烘的，感覺上即刻健康番多士望落都覺得好脆，食落口都係好脆一路食d奶醬係多到滴出泥omg!再等多25mins到，炒蛋芝士棷菜花生醬多士到喇!!老闆娘提我地話如果想香口d可以加d黑椒粉，第1啖食落去其實都幾咸，因為未咬到d菜。當咬到d菜架時候完全中和番芝士架咸味，我地都專登淨係食左d芝士，發現原來d芝士係有麻油味架!!!而且食到淡淡架花生醬香味，果然好配搭。加左黑椒粉真係特別香口惹味，一定要加黑椒粉!!!呢個早餐絕對值得等咁耐，食完實在大

今天去了裕興吃了一個超肥早餐，芝士咸牛肉炒蛋多士加奶茶。不要以為這個多士就只有這三款餡，其實每款多士還附加椰菜和花生醬，所以真的是超級肥！不過很讚的是這裡雖然是街邊檔，但服務異常親切、有禮。排檔由年青夫婦經營（希望沒有講錯），所以食物也是比傳統的創新，多士的組合有很多，不同配搭都會為你帶來驚喜。今次選了芝士、咸牛肉配炒蛋，即叫即做，熱辣辣，餡超多，加上金黃色多士，單看賣相已很吸引。咬第一口，脆卜卜，但吃時要小心，因花生醬溶化後會容易滴汁，不過排檔很貼心，枱上已放好紙巾給客人使用。雖然餡料配搭新穎，但味道異常夾，好味。而奶茶亦很有大排檔風味，茶香、濃滑。不過一早就吃這個多士對女孩子來說的確有點heavy，但如等晏點才來吃就可能會售罄，所以下次可多找一位朋友或同事與你開心share，既可滿足口福，又可試埋個麵，一舉兩得。埋單盛為$41，老闆娘問我有沒$1，正想轉身在背囊找散紙包，老闆娘見我論論盡盡，即時同我講：「唔好轉身揾啦，等我找比你」，又一貼心服務。謝

炒蛋三拼三文治（$41）👅早起的鳥兒有蟲吃🐽為左要食呢個晨早9:30就賣哂既邪惡三文治😈屯門人都可以去到好盡🤤🤤而且得閨蜜先肯陪我癲👯講左n世話要食，食到個刻好感動😭😭個三文治等左一粒鐘🤠Yes係一粒鐘仲要比我地食到最後一份😲個心離一離😵😵個三文治本身有椰菜同花生醬🥜我地就簡左炒蛋+咸牛肉+芝士🧀個包搽左花生醬好咸香😋😋炒蛋同咸牛肉同椰菜係成舊一齊，咸牛肉啲油香不得了而且好夠味👍🏻椰菜爽脆好有口感😍😍成個組合贏哂😎參考下有機會屋企試下整先😙啲奶茶都估唔到有驚喜🤗好中意啲茶味夠出，澀澀地咁好正好香濃😌😌

Spiced pork cube x egg x cheese sandwiches#TGIF ! The best way to keep energetic and refreshed on Friday is definitely having a great brekkie The combination of spiced pork cube, egg n cheese w/ peanut better on the inner side of bread is really tempting and delicious! The volume of the sandwiches can also keep you full till lunch for sure haha Look at those melting cheese in the sandwiches and go to chk this out asap!!ps: YU HING just open frm 8-1345 in weekdays

吃一頓裕興的早餐，大抵是個浪漫又固執的事。只開週一到週五，只開到中午，堅持即點即製，絕不提供打包，亦不存在催單，愛等就等，緣分未到，也不挽留。運氣好的食客，等上十分鐘半小時能一嘗究竟，而大部分時候，往往需要乖乖等上一小時，修煉耐心，運氣稍欠缺的，隨時是「尋隱者不遇」的情節。人世間的美好，大概都需要加倍耐心。老闆娘會在你下單前如實告訴你，需要等多久。「半個鐘，等唔等」「咁耐？」「等唔到就下次黎啦」這樣隨性，彷彿說的是別家的生意。「等⋯梗係等啦。」慕名而來的信徒，都有了一個願打一個願挨的準備。坐下來，向同一桌的食客打聽了一下，方知自己運氣算好，「佢話我地要等56分鐘。」「咁你都等呀？」「黎到都預咗啦」於是大家繼續等待⌛️⌛️⌛️我點的是「五香肉丁芝士椰菜花生醬三明治」。本以為自己的耐心和飢餓感一樣，已經消耗殆盡了，味蕾卻還是不爭氣的被驚艷到。怎麼說呢？是個很有心意的香港本土的味道。當然是港式的三明治，但是椰菜的清爽多汁和花生醬恰到好處的濃香，出奇的搭！肯定是有心人才想到它們可以這樣和諧的在一起。多士烘底也處理得很好，成色金黃，crisp而不至於乾，還有麵包的香氣。可惜時間緊迫，幾乎覺得自己這樣匆

早已聽聞過裕興的三文治有多出色有多美味，同樣亦早已聽聞過裕興的三文治有多難才能吃得到。下雨紛紛，這次在中環辦完事後約中午十二時特意一到裕興，雖然人說它們的三文治在上午九時前就會售罄，但仍抱著一絲希望一問老闆娘，竟幸運地給我品嚐得到。芝士炒蛋花生醬椰菜三文治烘底 ($34)雙拼炒蛋三文治可以選擇配以鹹牛肉、司華力腸、火腿、五香肉丁或芝士當中其中一款。多士烘得相當薄脆可口，芝士有如瀑布一樣洶湧流出，花生醬濃而炒蛋滑溜，整份三文治相當多汁。跟餐的熱阿華田同樣值得一讚，味道濃郁，沒有過份稀釋。終於明白到為什麼這份三文治會吸引到那麼多人特意早起前來，下次下次相信我亦會願意乖乖早起，就為了這一份回味無窮的三文治

為咗食我真係可以去到好盡，返工都不願這麼早起身，但聞說這裡的人氣三文治很多時都於10點左右就售罄，因此明明返11點的我卻8點半就出門口去搵好野食，果然早起魚兒有蟲吃，人氣三文治真的名不虛傳。早上的中環人人都趕著上班，但偏偏裕興的食客願意付上時間去等一份早餐，大家都靜靜坐著等候，絕對不會聽到有人抱怨催單，因為落單時老闆娘都會囑咐一句“大概有30張單左右，需要等30-40分鐘哦”，而老闆就努力於爐頭不停手密密煮，男主內女主外，倆小口子擔起整個茶檔。坐著的一小時內，不時都見到老闆娘與熟客打招呼，溫柔有禮; 老闆忙於煎炒之際，見到熟客換了新形象，亦送上一句“剪咗頭髮，好好睇喎”，逗得客人非常歡樂，小小的茶檔除了充斥著煮食傳來的香味，亦充斥著濃濃的人情味。“雙蛋五香肉丁椰菜花生醬加芝士三文治烘底”餐牌內任選的任何一款涵料，單吃都會覺得很咸或者膩口，而椰菜正正可以中和這個感覺，再配上雙蛋及花生醬，我更貪心地加上芝士，份量十足，味道真的非常豐富，芝士都從旁邊爆漿出來，十級邪惡，但這三文治的好食程度已遠遠戰勝邪惡。美食感動了味蕾，人情溫暖了人心，這才是我們的香港~

早上八點二十分黎到裕興，已經座無虛席，因為呢度係一人製作，所以等候時間較長，但好野係值得等待既。咸牛肉炒蛋芝士三文治 $41 連熱飲超。有。份。量。我呢個三拼豪華版，無得輸三文治本身已經有椰菜底及花生醬，所以我呢份咁多餸既三文治食左半份已經飽。麵包烘到又脆又熱辣辣，半溶芝士同咸牛肉炒蛋味道好夾，配埋花生醬令到味道好有層次、好濃味。非常有飽足感。五香肉丁炒蛋三文治 $36呢個雙拼望落薄啲，上枱時無咁震撼，但其實佢都好有飽足感咖。少左邪惡既芝士，多左份港式茶記平實味道。花生醬同椰菜係佢既特色，椰菜令份早餐感覺健康啲，食落fresh啲。花生醬就令成個三文治好juicy，會一路食一路滴汁咖。奶茶茶濃奶滑，好有水準餐牌

要食好嘢，就要有堅定不移嘅決心？聽落好似好悲壯咁。但想喺裕興嘆番件熱辣辣嘅新鮮製三文治，此話一啲都冇誇張。只係上晝營業嘅裕興，一般打工仔每次能夠光顧到嘅時間，就只有早餐時段（雖然裕興話佢地收一點九，但點解Lunch食唔到佢地？一路睇落去就明。）。係呀！事關連裕興都要響應政府實行呢個五天工作運動。廢話少講！今次去試食裕興嘅五香肉丁炒蛋三文治烘底。由我一坐低，就有個皮膚白白淨嘅女士埋嚟知會聲我，因為Orders多，至少都要等二十至廿五分鐘。雖然一早睇食評就有網友講話要等上五個字嘅時間，但礙於本人始終心急趕返工，心裡總會遲疑一陣。侍應見我眼定定冇回應，便慢慢行開繼續招呼其他客人。然後我心諗，反正都嚟到，等就等啦！我再次向侍應姐姐表示落單，然後佢仍然好有耐性咁聽我慢慢點菜。戲肉嚟啦！三文治上枱嘅時候，我真係有心動嘅感覺。整體望落層次分明！餡料多，縱然內有花生醬和肉丁炒蛋，塊麵包烘底仍然係好脆口和香口。讚！美中不足係...反而舖名叫裕興咖啡嘅咖啡，唔算真係好突出。當我一路食，就已經一路構思緊下次再嚟要食咩了！哈！

難得放假，一個人最愛此時四圍蕩去找吃.....來到士丹利街的 "裕興"。記起上次來時，已是好幾年前的事了....前陣子有不少食友在公眾平台上post了不少這裡烘三文治相片，此時回想起來，印象中竟好像沒有吃過....再睇見那三文治澎湃饀料欲一湧而出的賣相，著實是頗引人的....專登避開了早餐高峰時候的去，很輕易就找到了位。就在下單之後，落單阿姐就已相告要等約三十五分鐘東西才能上桌。我第一個反應是愕了一下然，隱約記得從前就算是叫一碗餐蛋麵也不用等久的。不過現在想來，得一個人一支公去製作全部的廚房出品而且又是即叫即做的。慢，亦是正常不過了....望望手錶，現在才九時五分，還有許多時間可以慢慢等。正所謂慢工出細貨，食好嘢自不然是要等等啦....等了十分鐘後，熱咖啡卒先上場。這比起我初時預計等的時間，已是快了不少....初呷時，竟感到這咖啡有一咲鹹味，真奇怪.....接下來鹹味一去，舌頭就感受到一唉濃濃的咖啡甘苦。正常有的一股酸味並不很重；入口後回甘比慣常茶廳的咖啡強得多....很特別的口感及味道....不經不覺等了一陣，烘底雙拼三文治便隆重登場。此時再喵喵手錶....九時四十分，真的是三十五分

今天可以遲點上班，就決定步行到裕興吃午餐。12點鐘，看過食評大概知道要品嚐三文治看來都沒有機會。不過我還是這樣的喜歡橫沖直撞，即是大概知道沒機會吃到我還是要走去行一下。裕興是一系列大排檔來最入的那一家，在12點鐘的繁忙時段，這裏人流很多。我找到位置坐下來。第一句問有沒有三文治。美美的老闆娘回答，沒有啦！說真的有點失望。就先點了個雞蛋鹹牛肉公仔麵。一杯凍奶茶！這一刻我在想，大概吃美食的幸運已於上一次的澳門天巢內用完。不過能夠吃一碗公仔麵也不錯啦！誰不知隔了幾分鐘，老闆娘走來告訴我還有最後一份三文治，問我要不要！我當然二話不說就高興的連聲多謝啦！沒有等得好耐，這份令我期待已久的三文治送到我的面前。配上十分之可愛的小花碟。特別吸引！原來這裏的三文治都會配上生菜和花生醬。除了吃西多士我會吃花生醬，一般情況下我對花生醬都不大好感。不過看見這一份豐富的三文治，漂來淡淡的花生香味，為我對花生醬的形象改寫。大概有兩寸厚的三文治，外層焗得乾脆，裏便的鹹牛肉炒蛋配上芝士，10分熱辣辣，而且芝士更處於半溶狀態，配上流出來的美味花生醬汁。完美！整個配搭於口腔內交融，第一次吃得如此高興！向來不太喜歡吃方包和面包

今早起來，決定要刻意地慢活一天。開飯網友提供資料説，裕興的老闆娘會事先張揚，要等30分鐘才可大快朵頤，正合慢活的精神，就選此店為慢活一天的起始站。放慢了步伐，到達裕興，時為早上十點正，馬上可以入座。客人其實不多，漂亮的老闆娘還是那一句，要等半句鐘啊。我點了點頭。老闆娘再加一句，是30分鐘啊，我再點了點頭。今天想吃三文治，裕興提供的配料有蛋、五香肉丁、火腿、咸牛肉、午餐肉、芝士、腸。五香肉丁三文治比較獨特，因此選了五香肉丁炒蛋三文治(烘底)。耳邊不斷響起打蛋之聲，鏗鏗鏘鏘的；同枱的小情侶，要的兩份三文治，都是上了一份，等了好一陣子才上另一份的。一切一切都顯示了，每份早餐都是一份一份的、慢慢的、認認真真的在做。心情慢下來，感覺食物很快就上來了。一口咬下去，熱辣辣、香噴噴。很久沒嚐過即烘的多士，居然有少許感動。五香肉丁和炒蛋都被搗碎，混和花生醬和椰菜，溶為一體，你中有我，我中有你，超級匹配。吃的時候，醬汁不斷溢出，弄得我滿手都是。心想，寫食評時要提醒吃貨，最好要自携濕紙巾。忽聞一把甜美的聲音説，你要不要去洗一洗手。抬頭一望，原來是老闆娘。我心存感激地走到檔口傍的洗手盆，把手洗得乾乾淨淨，回來

每個中環上班族都應該食過或者聽過裕興大排檔😈呢一款咁足料嘅三文治係由老闆精心炮製每1份三文治都係老闆一手一腳自己做👏🏼由於老闆自己一個人整所以多數都係供不應求😅即時係朝早係到排隊都要等成一個鐘😲但係好食嘅食物就係需要等待🕐🕑💤難得老闆堅持食物嘅質素都唔會假手于人，真係好值得令人欣賞😊樓面方面就只有老闆娘佢非常親切同埋細心而且效率都非常高👍🏼，兩夫妻嘅搭檔非常合拍👫炒蛋雙拼三文治餐($34)(炒蛋鹹牛肉芝士椰菜花生醬)記住一定要烤底因為都不要加錢🤑已經係第二次食但係水準依然keep住唯一遺憾嘅係冇流出黎嘅芝士但係食落材料仍然夠椰菜同花生醬嘅配搭好少有亦都意想不到嘅夾☺️炒蛋炒得香滑好味💃🏻全拼餐($42)-司華力腸五餐肉炒蛋公仔麵🍜材料簡單相信係每個人都會識煮嘅食物，但係呢啲絕對係陪伴住香港人成長嘅食物！明明知道係對身體冇益，但亦然會忍不住食😈午餐肉同腸切成薄片然後加上煎蛋🍳(同平時食嘅炒蛋不同)就如一塊薄餅一樣😊味道談不上特別，但係係簡單又好味

炒蛋五香肉丁芝士拼椰菜花生醬三文治 $34+$5又未去到要倒塔甘早起身 但對於我地依啲放牛地區人士 都要7點半鐘出門 根據可靠foodie既資料 去到應該都仲有得食 最後8點8左右去到 仲有得食 但老闆娘就話要等30-35分鐘 為左食點都等啦一泥俾佢既半溶芝士吸引住 影左佢360個會合先肯收手 最後食落都仲暖暖地好欣慰 烘底好脆 五味交雜 究竟最後邊個勝出呢?我就覺得五香肉丁同花生醬都突出 而芝士就有幾啖 但炒蛋就好奇妙地匿埋左 可能被淹沒左 只見到包邊有少少蛋黃汁 整體好濕潤係我鐘意既感覺 椰菜質感都剛好 吾會太淋吾會太生 仲有五香肉丁辣辣地勁惹味少見識既我的確俾佢既濕潤同花生醬同埋五香肉丁稍稍驚艷到 但對於特登甘早出去食就未到WOW囉

有一種浪漫叫放假都晨咁早起身去食早餐第一日放假，的起心肝，八點半起身黎食裕興，尋晚上網睇好多人都話三文治九半就會賣哂，今日9點50分嚟到都仲食到好開心啊！ 不過都要等25分鐘先有得食。揀咗炒蛋雙拼三文治餐配熱飲(配$34 凍飲 $36，加配料 $5/款)，呢款三文治本身有花生醬同椰菜，配料我揀咗五香肉丁拼炒蛋，另外再加$5要埋芝士，夾埋即係：五香肉丁炒蛋芝士椰菜花生醬三文治烘底聽落呢個組合好似好奇怪，但係夾埋又真係幾好食，五香肉丁辣辣地同花生醬完全無違和感！芝士味其實唔算好特出，但加咗會再鹹香啲同邪惡啲， 難怪呢度只開一至五，每朝都咁多人嚟食！除左炒蛋雙拼三文治，呢度嘅麵一樣咁出名，麵餐有3款，貪心啲咩都想食就叫咗個全拼餐(配熱飲 $42 凍飲 $44) 有午餐肉、司華力腸、炒蛋。食之前要撈一撈啲麵同湯，唔係個味會唔均勻啊， 麵質煮到挺爽滑彈牙，算係唔錯，但未算係非常出色。相比之下，呢度嘅三文治做得比麵好，不過要食到真係要有早起嘅決心呢