誠拉麵 (已結業)

同仔仔買完餸，太肚餓都係揾地方食飯！我哋㨂左《誠拉麵》食番個拉麵🍜先！我哋叫左(1)黑·豚骨拉麵(2)明太子手羽 (3)額外紫菜黑·豚骨拉麵🍜-個湯係黑蒜湯，連豹豹都鐘意個湯，配埋叉燒、木耳同我最愛嘅半熟玉子，真係yum yum😋明太子手羽-個雞翼係放滿明太子，脆卜卜，仲要冇骨，不過豹豹試咗話有啲啲辣，可能佢細所以未接受到！但媽媽我覺得好野味！正！額外紫菜-嘩仔仔話必叫，因為佢要用黎點個湯湯食喎！佢應該好欣賞個湯🤤得閒我哋又去食過第二款湯拉麵先！

估唔到aeon入面都有好吃的拉麵🍜今晚我哋食嘅係（特）白·豚骨拉麵$85，有1隻一分為二的流心蛋，3大片叉燒，木耳絲，3片大紫菜。另一碗係（特）豚骨味噌拉麵$92，除咗叉燒、流心蛋、紫菜之外，仲多咗筍絲同芽菜，我仲額外叫多咗餃子同木耳絲～湯底來講味噌湯比起白豚骨湯咸，好睇個人鍾意食鹹味定淡味，我就鐘意食味噌多d而老公就鐘意白豚骨多d😋兩款拉麵的湯底都好濃郁，拉麵好幼能夠掛湯，加埋肥瘦適中的叉燒oishi 😍小食嘅餃子都幾好味，外皮焦黃香脆，入面仲有不少肉汁眼見的衛生情況都唔錯，食客之間有隔板，呢到好處係見到師傅煮食，每位都戴上口罩👍🏻

午飯時間 天氣又熱又濕🥵近近地去Aeon的food count 尋食本來想食別天神拉麵但原來已經轉手了見新的拉麵店都座滿人便試一試吧店員推薦午市套餐但午市套餐只有一款黑豚骨拉麵 沙律 汽水🐷沙律是有點hea的前菜🥗只有芝麻醬同椰菜絲再加幾片蕃茄至於主角黑豚體拉麵🍜味道就更加普通了 只有蒜味😒不過份量都ok 有2塊叉燒作為food court裏的餐廳如果價錢可以再經濟點會更好🤓

因為是在food court 裡的，如果付八達通可以直接到餐廳櫃臺點餐，如果用其他付款方式就要到中央收銀處付款囉，旁邊就是AEON 超市。環境的話，不要對food court 抱有太大期望，全部都是吧檯，有老人小孩不方便，多走兩步便有普通餐桌「黑豚骨拉麵」（正）因為叫的是正，感覺份量好少，$79 真的不便宜，後來看到別人都加小食😟湯底不錯，不會很鹹，但明明是黑蒜油卻沒有蒜香，不過癮。拉麵軟硬剛好，這是出乎意外的。配料只有兩片叉燒，半隻溏心蛋，兩片紫菜和木耳絲。應該不會有下次了吧🥺

很少聽到在foodcourt內可以找到好吃的拉麵。從友儕中得知道這一間"誠拉麵"，朋友們對這裡的麵皆大說不錯值得去云云。一向是拉麵控的我，當然就要來會一會....看到有沾麵可點，極熱愛此道的我固之然就要mark實它。將之變成套餐的話，加多二十五大洋就可來多一小碗叉燒飯，那何樂而不為呢 ?餐內連埋一個沙律上桌，基本上只是將一堆切成絲的椰菜求其撈上一個沙律菜而已。椰菜的鮮度只屬一般，與沙律醬伴勻來吃算是有點菜食落肚，論美味是絕對掹不上車邊....普普通通的一碗魚介湯沾麵，湯味太鹹欠鮮度；叉燒有點像白烚出來淡而無味的；麵條處理得過份硬身實在要𡁻多幾下才能吞下肚；半熟蛋及紫菜已算是最好，前者有流心效果營造出來而後者咬下去甚脆卜卜....至於那碗小叉燒飯呢，肉鹵得雖夠味但肉本身委實是太瘦了甚覺柴口；飯粒更是炊得像半生不熟的偏為硬身，於我而言是絕對不合格....確實未太苟同網上甚至友儕的好評 ---- 究竟這好在哪裡 ? 小弟實在參透不了....

入Foodcourt食野，作為拉麵愛好者，決定試下誠拉麵，最後同fd分別叫左叫左碗(特)豚骨味噌拉麵 ($89)同豚骨魚介沾麵（$88），拉麵有分特同普通，特雖然比多少少錢，但會多好多配料，非常抵食。拉麵嘅配料有3塊叉燒、荀絲、1隻半熟玉子、木耳絲、3片紫菜同蔥花，真係夠晒大滿足，湯底係以豬骨熬製再加上味噌，味噌令豬骨湯底嘅味道更加溫和，令味道唔會太濃郁，直接飲都無問題。另外，麵條偏幼身，但都有咬口。配料方面，玉子煮至溏心，蛋黃黏稠，蛋香十足，荀絲同木耳絲都好爽口同拉麵好Match.而沾麵，麵條較拉麵粗，更加彈牙，掛湯力一流，個沾麵湯由將魚介加入濃縮嘅豚骨湯，香到傻左，啱晒重口味嘅我，配料方面同拉麵差唔多就唔重覆。

今日嚟黃埔shopping，為咗爭取時間，選擇去food court快食，凍凍地食返碗熱辣辣嘅拉麵感覺一流，吧枱設計可以睇住師傅煮麵嗜辣嘅我揀咗赤豚骨拉麵，先試一啖豬骨湯，湯底香濃，再食一啖拉麵，煮得剛好，麵質有咬口，之後就將辣醬撈勻，對我來說不算辣，但香味十足朋友揀咗味噌豚骨拉麵，味噌夠濃，適合愛重口味嘅朋友另追加一份餃子，略嫌煎得不夠香口一向認為food court係填飽個肚就算，食物質素不要太講究，但誠拉麵就超越了一般food court水準，不妨一試

這天跟家人來到黃埔逛街，逛了最愛的百貨公司，吉之島‼️哈哈，這間吉之島特別大，餐飲美食部分和超級市場的選擇都是特別多喔！超市旁邊都有一些開放式餐廳，小丸子啊炒粉麵啊，四處都香氣撲鼻🤩🤩！遠處看到一家有很多蒸氣飄出來🤤就猜想是吃熱騰騰的拉麵了‼️🍜🍜果然是拉麵店啊！😋😋剛好有位置，我們立刻坐下，是自助形式購票，然後叫號取食物喔👍🏻👍🏻店員推薦了我吃原味（白）豚骨拉麵🍜，家人則點則豚骨魚介（沾）麵套餐，另外點了一客烤餃子呢！兩碗麵都很快就來到，我先試了湯底，🤩很香的豬骨湯底，很好味喔！還有叉燒和溏心蛋都是味道和軟度剛剛好，想不到在超級市場內的拉麵店很不錯喔！💕家人的沾麵是個套餐，還另外有一碗叉燒丼，真是份量十足啊😆😆‼️調配叉燒的味道很有在日本吃的風味，麵條也是非常彈牙的～ 我們坐的位置可以看到師傅在煮麵，兩個店員都很勤力，互相幫忙，非常欣賞呢😆‼️如果住在附近的朋友真好啊，可以常常來這裡吃拉麵～不用只有尖沙咀和銅鑼灣才有名牌拉麵店，小店也是不錯之選喔😋😋‼️

呢間喺黃埔既誠拉麵真係要推薦一下。餐廳位於一間商埋既美食廣場，最啱中意食日本野既朋友。我同我朋友分別揀左黑蒜油豚骨拉麵同豚骨魚介沾麵。黑蒜油豚骨拉麵既特色在於佢既湯底，豚骨拉麵既湯飲落味道十足，而且又唔算好油膩。雖然呢間拉麵店冇提供拉麵既麵身硬度俾我地揀，但係就拉麵既硬度黎講算係比較適中，就算大家偏好比較軟身或者硬身既拉麵硬度，麵身既硬度都唔會偏離大家既預期太多，我覺得算係比較容易符合一般大眾既口味。糖心蛋同埋叉燒係拉麵店黎講都可以排到中上水準。誠拉麵既拉麵套餐仲會送多款小款同汽水沙律，而且只需要再加多十幾蚊，真係抵到爛！又平又好食既拉麵舖下次梗係要再同其他朋友黎！

來到百貨公司後面嘅food court ，見到呢間新開嘅誠拉麵🍜有Jim面同拉麵🍜感覺都好似唔錯可以望住點樣整🤓赤豚骨拉麵🍜$89有兩個size揀，呢個係多啲材料嘅size “特”要一粒原隻嘅糖心蛋😍望落已經好吸引豚骨味道濃郁，而且真係幾辣，拉麵幼身彈牙，叉燒吸收左湯底嘅精華，更加香口😋豚骨魚介沾面$88個人應為呢度嘅沾面確實幾出色🤩新鮮湯底十分濃郁，偏杰身，溫度適中，不過食到尾就有少少鹹麵質比較粗同硬，亦都彈牙，糖心蛋又滑又甜，叉燒脂肪分布平均食落香口🥰點落濃郁嘅湯底，熱辣辣，吸收晒濃郁嘅豚肉香再加上魚介嘅點綴，呢個配合好惹味👍🏻追加左明太子雞翼啱晒懶人食，裏面滿滿的明太子，出邊燒得香脆😋追加左餃子🥟裏面係豬肉白菜，清甜爽口，算係一個唔錯嘅最佳選擇🤓呢間拉麵都算比到我驚喜，味道都唔錯，價錢OK👍🏻

無意中發現最近幾間AEON都新開左呢間誠拉麵，包括太古同黃埔，另外見到荃灣都準備開，然而就決定一試究竟😁餐廳係開放形式，先去收銀台俾左錢先返位等途中會有啲調味料可以自由加而同款拉麵有分正同特，分別之處就係特會多啲配料，所以貴啲，而個人較大食，所以叫左特。特·黑豚骨拉麵（$89）湯底係有黑蒜油味得黎富濃厚豚骨味，仲有好香嘅蒜調味特·白豚骨拉麵（$85）相對地，呢碗湯底係更濃豚骨味，飲落就咸啲而兩碗麵嘅共同點係配料都係有海苔3片、木耳絲、葱、半熟玉子1隻&叉燒3片當中叉燒係用火槍燒過，未上枱已經聞到勁香，而口感係彈牙麵條係較幼身，軟硬度適中玉子就真係做到半熟，好滑另追加燒餃子（$25）有5隻，味道不過不失仲有明太子手羽（$22）有2隻，食落微辣，味道不俗整體而言係價錢合理，質量都唔差，可以一試

今晚約左好友放工後行黃埔AEON，趁時間尚早，就係food court周圍行下睇下食咩好。見到呢間"誠拉麵"新開張，但都幾多人食，而且開放式廚房好乾淨，價錢又相宜，一於同好友試下！誠拉麵既拉麵選擇都好多下，主打有四款湯底，包括白湯/味噌/黑湯/赤湯，另有豚骨魚介沾麵，天氣凍最岩就係食熱野，就等我試試黑豚骨拉麵！吧枱式座位圍著整個廚房，可以望住師傅煮拉麵既過程。(特)黑豚骨拉麵HK$89好肚餓所以揀左特，餸會比普通size多，包括海苔三片、木耳絲、葱、半熟玉子一隻同叉燒三片。豬骨湯底香濃而不油膩，加入秘製黑蒜油，蒜香撲鼻！麵是幼麵，軟硬度剛好，柔軟但不易斷，掛湯能力佳。叉燒片口感軟腍，不會太薄，肥瘦均勻！特size有整整一隻半熟玉子，流心狀態非常美味！！(特)豚骨味噌拉麵HK$89好友都揀左好豐富既特size，有海苔三片、荀絲、芽菜、葱、半熟玉子一隻同叉燒三片。豬骨湯底加入味噌調味，香滑醇厚不會過稠，幼身拉麵煮得剛好，軟硬度適中，煙韌爽口。半熟玉子呈溏心狀態，三大片叉燒口感軟稔，肥瘦適中！另外追加了兩款小食一同share~烤餃子HK$25/5隻烤得金黃色的餃子內餡恰恰好不會過多，口感偏軟

最近有穩拉麵癮 成日都想去食拉麵 見到黃埔吉之島又開左拉麵店就去試下環境都好舒服 係圍住師傅坐的個感覺唔錯 見廚房都係乾淨既叫左個套餐 有麵，沙津，餃子同野飲好似好豐富甘沙津幾新鮮 起碼唔係梅梅爛爛既菜餃子推介好夠味 而且細細隻一啖一隻好過癮沾醋更惹味了先講講個沾麵賣樣幾得仲有溏心蛋 同好幾塊肉係面好豐盛既感覺麵質係粗而煙un的個人幾中意呢種麵掛湯既程度一流沾湯度有一粒粒既肥豬肉 添左油香味而叉燒都幾靚仲加埋個溏心蛋好頂癮湯拉麵好香！D湯有好濃既豬骨味同埋有少少麻油味麵質係幼既 入口感覺好順口都唔錯連埋少少木耳夾雜左係入面 口感好微妙跟餐送野飲可樂係我既最愛上枱既可樂係冰凍既 都幾有誠意不愧為誠拉麵同埋仲有一個好好既地方係佢吧台咁既設計 一個人去食都唔會覺得監介因為格離左右都係甘

今日同表姐一齊去黃埔Aeon Style行街買野，行到夜晚8點，就費事出去搵其他餐廳食晚飯，所以決定去Food Court搵野食。Food Court 有各種不同類型的日本餐廳，天氣凍凍地就決定食返碗熱辣辣既拉麵，暖下胃，眼見誠拉麵未試過，而且又唔洗排長龍，就決定今晚食依間啦。 2個人一人一碗拉麵，再加配烤餃子、鹽燒雞軟骨小食。我就試左豚骨味噌湯底，紫菜偏淋，湯底有少少味噌味，拉麵彈牙 ，但都幾重鹼水味，半熟蛋流心，叉燒偏肥普通，用左火槍輕一輕燒過，但焦香味不足。餃子我見到係急凍包裝餃子，用煎爐煎底，但煎既時間太短，餃子底唔脆。最差係鹽燒雞軟骨，烤到燶曬，咬都咬唔開，真係唔明白，點解咁都可以上菜比人食，我懷疑店員係眼尾都無望過碟雞軟骨，自己出品都唔留意，差到咁都可以比人，亦浪費左食物，實在太過份，最終成碟2串食唔到。我地都費事換，因為覺得換完都唔會好食，整體質素低於水平，永不再黎。

今日放學經過黃埔入咗去食碗拉麵 見呢度平時唔算多人於是就試吓啦 入到去叫咗個特級豚肉拉麵 同普通拉麵嘅分別係多咗幾塊叉燒半隻蛋同埋紫菜同其他拉麵店唔同呢度嘅拉麵冇得揀粗幼度 同埋湯底 但食落去嘅面都唔算太硬 食咗朋友嗰個赤味覺得比普通豬骨湯好食另外亦都加咗幾隻餃子 🥟 不過咬落去佢嘅餃子皮唔算太脆 同埋已經有少少凍 希望下次你食餃子可以做得好啲不過呢度嘅侍應都算好見到我哋坐低都會主動拎調味料過嚟 同埋會建議我哋點樣食最好