誠拉麵 (已結業)

天氣愈來愈凍，凍到唔多想郁，但又要出去食晏。唯有同同事以龜速行去最近嘅food court，食碗熱拉麵。好多拉麵店，但呢間新開個零月又從未食過，所以揀左。我要左味噌湯底拉麵（特），好大碗，有紫菜三塊、玉子一隻，加三大塊叉燒。然後追加小食煎餃子。同事就食白豚湯拉麵（正），份量少D，但都有齊紫菜、叉燒同玉子，追加明太子雞翼。大家夾起麵一睇，原來麵底都唔同嘅。我嗰碗係有加鹼水嘅曲拉麵，不過全全無鹼水味。同事嗰碗就係直拉麵，本身無加鹼水。兩款麵都夠軟熟。而小食餃子皮薄餡多，啖啖好食。明太子雞翼亦啖啖肉同明太子，又香又辣，鐘意濃味嘅人會好鐘意。一邊食，仲可以一邊睇火炙叉燒表演。

白豚骨拉面湯底很香濃好白滑，面條有彈性又煙韌，爽口，無得彈。玉子半熟，很誘人，還有兩片大大塊的日式叉燒。我個人很滿意這碗拉麵。赤豚骨拉面和白豚骨拉面一樣，湯底又濃又滑，只是多了點辣醬，但可以放心，只是微辣，朋友大讚好味。＋25可轉set, 可選5隻餃子或一碗小叉燒飯沒想到配菜小吃都同樣出色！餃子超美味的啊！皮薄餡靚，5隻真唔夠喉！小叉燒飯都好出色，叉燒切成一小塊一小塊，方便淑女食用，叉燒煮得很好，又肥肉，加上芝麻和蔥花更香口。珍珠米很乾身，粒粒飽滿，如果有醬汁撈飯就完美了。食物質素很不錯，服務十分有禮得體，整體來說我很滿意！

平時食food court 都會食魚飯，呢幾日冷鋒殺到，天氣好凍，諗住拉麵有熱辣辣嘅湯底，啲嘢食冇咁容易凍，暖笠笠，所以就決定試下平時少食嘅拉麵。因為我地6點左右就到咗，所以成個food court都冇乜人，正⋯⋯好多位揀😂😂見到呢間誠拉麵，有個後生員工好認真咁準備食物，好似幾好咁。睇餐廳見到有就咁拉麵，有赤、黑、白等拉麵，又有98蚊嘅拉麵套餐。我地揀咗一個黑拉麵，同埋白拉麵轉套餐。等緊嘅時候見到食物嘅準備過程，睇到我果幾塊叉燒「肉隨枮板上」被師傅好認真咁用火槍燒嘅樣，好肚餓⋯⋯上碟啦！！！好正拉麵平時得半隻溏心蛋呢度有1隻㗎！蛋好滑好嫩好味！湯底都好濃味，木耳也很新鮮，如果好似我咁唔太鍾意食肥叉燒，咁就啱呢間，因為佢地嘅叉燒瘦肉比例多啲，冇咁油～反正原來3塊都幾多，我都係食唔晒俾咗男朋友食哈哈不過跟餐嘅野菜餅有啲燶～

放工係AEON 掃完貨想食個快靚正嘅晚餐，行過foodcourt 見到呢間誠拉麵都幾多人即管試下。估唔倒又幾好食！我叫左黑豚骨拉麵，湯底夠濃，有叉燒，蛋，紫菜；朋友鐘意食辣，叫左赤豚骨拉麵。兩碗麵底夠哂，連我咁大食都食唔哂！叉燒勁大塊！仲有三塊咁多！！見到個staff 即叫即燒 叫野食果陣唔知個麵咁夠份量，所以加左小食。追加左餃子同雞軟骨。同樣係即叫即整，夠熱，好好食！Foodcourt 食野唔駛加一，$89 有咁大碗麵真係唔錯呢！

今晚特意去黃埔同男朋友仔睇比卡超個聖誕節景～行吉之島行到餓見到有拉麵店就醫肚～呢度地庫原來都有唔少日式餐廳 。見誠拉麵都幾多人食 就決定食呢間！拉麵有三款～分別有白豬骨湯湯底 黑蒜豬骨同赤(辣)豬骨湯底，仲有一款沾麵。有普通同特別款選擇 亦都可以轉餐～我同男朋友分別叫左黑同赤湯底特款轉餐。本身想食沾麵 但太好賣已經賣哂了qwq我食既係黑蒜湯底加左份煎餃子～特別款係多半個流心溫泉蛋，跟麵三塊日式叉燒 ，比起外面都算係厚切有咬口，肥瘦相當均勻～～黑蒜油好香亦都好夠油份～有濃厚嘅豬骨味！而且濃得來唔係死鹹。好味到我成碗差唔多飲哂！餃子煎得剛剛好 ，即叫即食既關係，咬落係個底係脆卜卜。入面好有肉汁～而男友既赤豬骨湯唔會話好辣，但想唔到咁惹味 ，飲完又想再飲！佢個餐就跟左個小叉燒飯，個飯底用左日本米，上面仲有加蔥同芝麻吊返香味。價錢唔貴，性價比高！

行完街之後, 肚仔已經不停打鼓(其實就無停過😂)聽朋友既介紹, AEON入面有間叫「誠」拉麵既拉麵店味道唔錯 , 咁岩係附近當然要黎會一會佢位置Aeon入面好易搵, 男女老幼都岩食環境👌其實就麻麻好坐, 吧台配腿短的我, 你懂的, 但就好有日本feel食物: 店內主打四款拉麵, 當中包括: 黑蒜、辡味、味僧、同埋沾麵我地楝左黑蒜同沾麵, 再升級食埋叉燒丼+一份餃子, 二人(大食😂)份 流心豚肉黑蒜拉麵拉麵拉麵屬於幼麵, 麵質彈牙, 軟硬適中, 再配合湯底既香濃黑蒜既味, 令拉麵既整體級數得到昇華, 簡值絕配豚肉被火槍燒過, 發出陣陣既燒肉味, 我地ge目光已經被佢深深吸引, 肉質非常細嫩, 每一口都帶有少少煙熏既味道, 好可口 終於、終於到我最期待既沾麵la…………每啖沾了湯底的麵條, 把麵提升到極致既境界麵比拉麵較為粗身, 更彈牙可口, 亦比烏冬彈牙湯底非常濃郁, 少少一羹湯已經麵更香濃, 點一點沾面湯雪入口, 天衣無縫叉燒丼飯叉燒經過切粒、爆香後，叉燒變得更可口肉再配合飯一齊食, 感覺不太油膩, 再加一啖拉面湯, 咁先係happy ending 煎餃子👌餃子外皮依然香脆可口, 肉質

今日啱啱想完堂突然之間好想食下日本拉麵 諗黎諗去都醒唔起黃埔嗰邊邊度有於是就上網搵見到呢間拉麵嘅裝修睇落唔錯於是就特登走過去試吓啦 因為鋪頭係喺商場入邊所以衛生比較可靠 感覺上比其他傳統拉麵店乾淨 但係留意番呢度嘅拉麵同湯底都係固定左我哋兩個人去到分別叫咗兩個拉麵同一啲小食 我哋分別叫咗兩個唔同嘅拉麵share食 一個係赤味豚骨拉麵 ($89)另一個就係特級普通豚骨拉麵($89) 呢度嘅特級拉麵同普通拉麵嘅分別主要係多啲叉燒紫菜蛋同埋拉麵 即係加大版 我哋兩個加大完最尾都係啱啱好食得晒 所以建議如果大家唔係特別想食好多嘅話可以叫普通其實分別唔大 個人來講覺得佢嘅叉燒同埋半熟蛋都唔錯 叉燒唔會話太肥個湯底亦都唔會太油啱晒比較鍾意食清淡嘅人 湯底建議大家就揀返赤味 個人覺得佢比豚骨出色 都唔會太辣因為我哋唔想淨係食拉麵所以都叫咗幾個小食share 去到日本拉麵店冇理由唔叫餃子所以我哋追加左五隻餃子($28) 呢個價錢都算可以接受 但係餃子可以整得再脆的 我哋亦都加咗一個叉燒丼飯 ($32) 呢個價錢有少少貴但係我哋一於試吓佢嘅虛實 因為佢呢間鋪頭嘅叉燒都幾好食所以整做飯都唔會伏 食落又有啲

今日放假，所以就去咗黃埔Aeon行下街，咁啱經過呢間拉麵店，所以就去坐低試下😋。我真係非常鍾意食豚肉，所以我就叫咗一碗有辣味嘅豚肉拉麵😍， 另外再追加咗一份蔥花同埋筍絲😎。拉麵嘅湯底非常濃郁，而個拉麵未追加之前，入面已經有超多配料😶，例如有流心蛋、紫菜、木耳等，啲配料同拉麵一齊，食落嘅口感真係超夾👍。 而且我追加嘅蔥花同埋筍絲嘅份量真係超多😆，啲荀絲食落仲要非常爽口，價錢咁平就有咁多嘢食真係物超所值😝。拉麵入面嘅豚肉份量都超多，每一塊豚肉都有我手掌咁大👋，而且啲豚肉係即叫即燒，所以食落口感真係入口即溶😍，唔會話好韌。我覺得拉麵轉為套餐嘅價錢比較抵🤓，因為佢仲會另外送埋小食同埋飲品。所以係小食方面我就叫咗碟餃子，呢間店啲餃子真係皮薄餡靚😀，啲餃子配埋佢哋嘅醬油去食，真係超級好食😊。呢間拉麵店嘅水準真心高😙，下次經過Aeon，我都一定再會去食。

去Aeon 補給下，順便搞惦埋晚餐，求其揾左間人少少，唔駛等既，點知比我揾到間有誠意既拉麵店拉麵有5 款，有豚骨湯、黑蒜油湯、辣味、味噌同沾麵，基本既味道都齊晒喎我揀左黑蒜油同沾麵，加$22仲可以轉set,有叉燒飯同餃子，仲有汽水，咁我當然加左坐係吧枱一路等麵到，一路睇住店員淥麵，燒叉燒，認真工作既店員令我幾期待拉麵的味道黑蒜油拉麵率先登場上面薄薄的一層黑蒜油令人望到已經食指大動叉燒有兩大塊，溏心蛋有半隻，配料有木耳絲同蔥花！偏厚身既叉燒輕輕用火槍燒過，將油香逼出黎，不過本身叉燒肥瘦均勻，所以就算女仔食，都唔會heavy 同唔會膩呷一啖湯，冇我想像中油膩，偏濃，好香蒜味麵屬於幼身，因為我隔左一陣先食，開頭都幾驚會淋，但仲keep 到彈牙喎而且我鍾意木耳同麵一齊食，爽脆木耳令口感更加豐富朋友既沾麵好吸引眼球超大塊既叉燒令人垂涎欲滴沾麵既麵較粗，望落似烏冬，但比烏冬幼身。蘸一蘸豬骨濃湯，麵條超級掛湯，食落口係滿滿濃郁既湯同彈牙既麵麵既彈牙程度係十分我自己偏愛有口感既！提一提，沾麵份量都幾多下，女仔如果叫沾麵可以唔好追加咁多野，會食唔晒店員話如果下次點餐可以話埋比佢地聽你想要麵既軟硬度，佢地

本想打算逛逛超市買材料做飯，最後還是敵不住拉麵的香味誘惑(˶‾᷄ ⁻̫ ‾᷅˵) 點了個 赤特豚骨拉麵$89 不算是很出眾 但還是令人很滿足 上面滿布木耳絲和蔥 面底是直面 硬度適中 叉燒要瘦肉較肥肉多的 肉質鬆軟 但我還是鐘情於肥脂叉燒 所以這個不太滿足到我 但不喜歡太肥的就很適合～ 赤辣醬辛而咸 很適合重口味的我(⁎⁍̴̛ᴗ⁍̴̛⁎)同行朋友點了個 黑特豚骨拉麵套餐$111 配餃子和汽水 大滿足！黑湯是很香黑蒜味和豚骨味 很濃厚但也清光光(°▽°) 他的面略嫌稔身 不過整體還是很好的～ 是很滿足的晚上٩(˃̶͈̀௰˂̶͈́)و

首先餐廳位置都尚算易搵，交通方便，AEON百貨周圍亦有不同食肆。店面位置不多，但都坐得十分舒適。而店面只有三位員工，但能各施其職，分工合作，一碗拉麵就是如此誕生。友人選了豚骨魚介沾麵，而我選的是赤豚骨拉麵。兩份拉麵都轉套餐，有一罐汽水和一份小食，我選了餃子三隻，而友人選了迷你叉燒丼。店員亦溫馨提醒沾麵需要多等十分鐘，值得加分！而赤豚骨拉麵香濃美味，帶有一點香辣，愈食愈起勁。麵質適中，豚肉和其他配料都十分充足，吃得十分滿足。吃完拉麵亦禁不住喝它的湯底。至於沾麵則屬於冷沾麵，魚介味道不算濃，拉麵偏粗身，麵質有咬口，配料充足，屬一百分的沾麵。小食的叉燒丼燒得香口，小小的一碗不太膩，嗜食如友人般，一碗拉麵配上一碗叉燒丼剛剛好！至於餃子煎得脆身，皮薄料靚，三隻亦只能剛好淺嘗，但對於女士們來說，也是十分足夠的！是次用餐體驗是一百分，反而友人希望多幾款沾麵口味就更加好。絕對會回頭的一間拉麵店

今日同朋友去食黃補新天地的誠拉麵，d麵好好食不特止，個環境都好好，好清潔。我今次就叫左個黑豚骨拉麵，佢係加左黑蒜油的豚骨湯底，而白豚骨拉麵就係原味，赤豚骨拉麵當然就系辣味啦。有機會真係要試晒咁多種口味。我真係食到停唔到口，隻糖心蛋都好好食，好嫩滑，蛋黃甘香我就點左個咁豐富的餐啦，我另外再加多了一碟煎餃子，同一碟日式叉燒，好正啊。仲有其他的選擇，要走蔥，多香油都可以個黑蒜油加上個硬面，好有味。個黑蒜油又唔會咸，食完唔會口渴。如果大家有咩想食都可以叫追加定食的，唔一定係叉燒同餃子，重有其他選擇。而家就開始食拉麵啦，不過食之前，記得點餐個時可以選擇個麵底的硬度。我就揀咗硬身，口感岩晒我。另外叫多碟叉燒，食得滿足啲。可以試下點黑蒜油湯底，別有一番風味。D叉燒肥瘦均勻，好嫩。d餃子好有料即叫即煎，淡淡肉，又煎得唔燶。好好味，加啲點就一流。而我的朋友就選左沾麵，沾麵都別有一番風味，我離遠都聞到了沾麵的香濃沾麵湯味到 ，流曬口水。下次同朋友一定再來食佢。

是日考試，同朋友考完個勁難既financial model examination，成個人都散晒啦😔咁考完試梗係食餐好西慶祝下。Poly canteen又閂咗門，置富都食到厭晒啦，返hall附近又無野想食，行下行下就行到aeon，諗起food court都有大量日本野就盲中中試咗餓我喜出望外既誠拉麵。Food court有得用機點餐勁方便，朋友就用機點咗黑蒜拉麵，而我？梗係第一時間走去court睇下啲人食緊乜先，睇下睇下發現有我最愛既沾麵😱仲要court落單先有😈想試既朋友記得直接黎點餐啦。咁難得兩個人一齊食梗係點多一份餃子一份叉燒share，食到飽飽先好去🤤朋友個黑蒜拉麵黎咗先，黑蒜味超重，我坐係隔離麵聞到🤤好濃厚，苦苦哀求之下佢俾我試咗一淡，好味係好味啦，不過麵身偏淋，原來朋友揀咗軟身既麵，我個人偏好硬身小小，鍾意硬既朋友記住，落單果揀硬身啦，好彩有得揀😝 至於我個沾麵呢！由於係自己揀既關係，麵身好硬，重點係掛到湯，有口感得黎又好味，食到我Jap Jap 聲😚我覺得沾麵個湯既濃淡真係好難控制，試過食到啲好濃，初入口好好食，但食食下就好厭，又食過啲無乜味既，好似食緊淨麵咁😭而誠拉麵依

湯底味道較濃！重口味啱食！半熟蛋好好食！香蛋味，好滑～拉麵硬度適中～喺美食廣場有得食拉麵都不錯！不過價錢略貴～而且份量唔係好大～付款後幾分鐘有得拎，速度都幾快！

本想打算逛逛超市買材料做飯，最後還是敵不住拉麵的香味誘惑(˶‾᷄ ⁻̫ ‾᷅˵) 點了個 赤特豚骨拉麵$89 不算是很出眾 但還是令人很滿足 上面滿布木耳絲和蔥 面底是直面 硬度適中 叉燒要瘦肉較肥肉多的 肉質鬆軟 但我還是鐘情於肥脂叉燒 所以這個不太滿足到我 但不喜歡太肥的就很適合～ 赤辣醬辛而咸 很適合重口味的我(⁎⁍̴̛ᴗ⁍̴̛⁎)同行朋友點了個 黑特豚骨拉麵套餐$111 配餃子和汽水 大滿足！黑湯是很香黑蒜味和豚骨味 很濃厚但也清光光(°▽°) 他的面略嫌稔身 不過整體還是很好的～ 是很滿足的晚上٩(˃̶͈̀௰˂̶͈́)و