譚仔三哥米線 (沙田廣場)

營業中

休息中

今日去食譚仔三哥，因為疫情關係，無人等位，空間都好闊落，一去到就有位。因為遲食早餐，所以叫左平時都會常叫嘅雞肉牛丸小辣小米。不過今次嘅雞肉好碎，咬落又好散。米線就煮得太耐，無彈牙口感。希望下次好啲，

第一篇食評獻給呢間，沙田都冇乜好選擇，呢間嘢都幫襯左好多年。下午五點幾，同呀媽諗住好耐冇幫襯所以去食難得環境清靜，呢個時間少好多人，一坐低已經諗好食咩 可以落單第一位員工幫另一枱客落完單 我見咁近 就叫佢過嚟落單啦 點知佢要我等等 但佢又唔係忙緊等左幾分鐘 見佢冇左回事 唔記得咗過番嚟咁就叫第二個啦，重複情況又岀現，遲我哋入嚟既食客都已經落左單，我叫第二位員工落單，佢又叫我等等谷氣之下 走人唔食！想請問我想落單食碗米線姐 要等到何年何月何日？仲要非繁忙時間 客都係幾枱人 點解可以咁差？想問冇乜客都要等 想落單都要等 如此簡單嘅嘢都要等。如果係繁忙時間我一定體諒，問題係冇乜客 好靜 都要等

唔知食譚仔係咪會上癮 成日都想食譚仔 沙田廣場黎間譚仔成日都好多人 係門口拎左飛先 今次一個人食 所以好快就已經安排到座位 但黎間鋪好多自由行 本身譚仔d位都已經算迫 加埋d喼就更太迫墨丸豬潤米線 (蕃茄湯2小辣)我覺得譚仔既蕃茄辣湯 係我既favor 湯底好甜 雖然係蕃茄湯底 但一d都唔酸 再配上2小辣 個湯底另外食譚仔一定必食墨丸 你明既 仲嗌左豬潤 豬潤煮得岩岩好唔太生唔太老 但細食既女仔食譚仔記得嗌少米線 減1蚊凍檸茶(走糖)食米線必配既凍檸茶

去譚仔三哥食一定不可不叫土匪雞翼自己點整都唔係佢呢種味道咁好味，煎得好均勻，唔會太燶，加上黑芝麻，好香又叫左個魚腐竹笙清湯米線，雞翼咁熱氣，配返呢個清清地岩晒。餸既份量唔會少，唔錯，魚腐雖然唔係我食過最好食既，但佢都排頭兩三位了

Quick lunch加上得一個, 唸都唔唸直接行落3gor, 一個位都唔使點等, 因為坐邊都得, 但有時真心佩服一張圓枱坐足8個嘅做法. 照舊: >雞肉•三小•小米線 (HKD34)唔係太肚餓的話小米線已經足夠, 加上一陣唸住去cafe飲野坐一坐. 麻辣三小辣度真心正! 一路食一路流汗💦, 食咁多次雞肉都keep到水準-多, 好味. 韮菜腐竹經常唔夠喉, 下次試下加多一個餸-腐竹睇下份量會唔會明顯好多先. HKD34實在係學生同埋慳家嘅恩物呢.

食左譚仔都有十幾年了，每次諗唔到食咩都會去食！平時較順路會去譚仔，但今日就特登行多段路去食三哥譚仔。譚仔就食得多，三哥就比較少食，今日黎到，竟然有驚喜平時食日無貨食唔到既豬潤呢到竟然有呀！！仲有新出既特飲，叫左杯柑桔香梅，平時成日飲凍檸茶都飲到有d悶，呢個柑桔特飲唔錯！甜甜酸酸咁，食完辣最岩清新一下味蕾另外黎三哥最中意order 一人小食！一個人都食得晒，又平一半，真係十分好又唔浪費！見到仲有個燒茄子🍆新出，下次黎要試下先

墨魚丸竹笙蕃茄湯米線+口水汁豬耳呢兩樣野加埋杯野飲成70蚊 平就真係講唔上啦 但呢啲連鎖餐廳就係勝在夠快同穩定，一個人食 食完可以啦啦聲走 又唔會尷尬。🔽呢度既蕃茄湯唔算好濃 但都有蕃茄味同酸甜味，餸既方面正正常常 但個份量真心少 叫兩餸每樣扣一半 個量同一餸差不多，咁點解仲要加錢黎叫多樣呢？真心唔明呢個係咩玩法。個口水汁豬耳幾好味 口水汁帶微辣 豬耳爽脆。

唔知由幾時開始，藍妹就唔太鐘意食譚仔，硬係覺得啲野食唔太好味。🤔今次趕時間，求其見到邊間有得坐食野就入去啦。於是，又一次出現覺得怪怪的經歷啦。😅其實叫多幾樣餸既話，價錢真係唔係好抵。—藍妹本身唔抗拒芽菜，但佢啲芽菜好生😡食唔到唯有揀哂出黎。湯頭味道清淡，幾岩藍妹口味，唔會太咸。😊佢啲墨魚丸唔錯既，都叫彈牙。不過魚腐就差好遠啦😱好少食到咁薄既，同兩張卡片加埋差不多😓味道又係說不出既怪。😣—總括黎講，如非必要，藍妹真係唔會食譚仔，總係覺得同一價錢，可以食好少少。

星期五跟同事約了吃午飯，由於人太多，挑了間人來得快走得相對來說也較快的米線店。沒錯，就是三哥。相比其他菜，個人覺得三哥這店的炸醬挺不錯，因此這次點了炸醬魚腐米線，酸辣湯底是被定了辣度不可更改。不然想再辣點。魚腐的量挺多，每件都切成小塊，挺方便吃。而炸醬則味道香濃，有點麻的微辣，所以較開胃。腐皮挺大塊鮮的，湯式則淡淡的酸辣，挺清香不會太重味。另點了皮蛋，這店的皮蛋不錯，皮蛋黃很香，皮蛋白也挺透。算是實惠不錯的連鎖米線店。

米線鋪係現今香港已經非常普遍，香港十八區都可以搵到佢地既蹤影。無食一排就感到周身唔自作。三哥米線可以講係全香港最出名既米線鋪，出面米線配料選擇多多，湯底都不斷推陳出新，經常會有新產品推出比大家試。今日有機會第一次試到三哥酸辣湯底，再配上雞肉米線湯底一入口就知道與別不同，酸中帶辣，口感豐富，令人食指大動。成碗米線湯連配料，不需要15分鐘就一滴不留咁食哂，湯底令常常接觸到的米線變得層次分明，平凡中變得不平凡！

好多年前未有譚仔，我女友已經因為好鐘意食米線而帶動埋我都食米線，自從有譚仔之後更加一發不可收拾，分店之多亦令我驚訝乜原來有咁多人鐘意食米線架咩？今晚近9pm去到沙田廣場間呢間譚仔食，唔講唔知，係新城巿方圓一公里已經大大話話有6嘅呢類型米線，都幾誇張！呢個鐘數咁晏都可以有7成入座率都算幾西利我諗成日食譚仔嘅人都會叫開平時食嘅送，同埋有自己一套嘅remark，我地都係，不過我女友今次就俾個新menu打亂，呢排大家都想盡量食得健康d，所以佢就揀左呢個素食米線，最唔同嘅地方就係個湯底，標明係素，但你依舊可以加辣，送更加唔洗講係得素啦！另外落單時姐姐都好細心問要唔要韭菜，因為佢話有種素食韭菜係唔算嘅！就試試佢！送叫左豆卜同生菜，豆卜有4件，生菜都有近半個，先試湯頭，唔知係咪無肉嘅關係，真係缺少左份清甜，味道好淡...我自己就麻麻地，但素食/想食清淡d嘅人就實覺得good！至於d送都係咁啦正正常常！而我就叫左雞肉酸辣米線，如果要食健康少少，雞肉係不二之選，再健康d就走埋腐皮！雞肉好滑，比無三哥個間好食，另外我係習慣食得好快，因為驚d米線浸湯浸得太耐會淋，點知又無喎！湯頭酸辣好開胃，忍唔住係咁飲，仲

Great for a quick bite and a filling cheap meal. They have lots of ingredients and soup bases to choose from, service is OK and be prepared to share a table with someone. No frills dining. Food is good.

以往我食譚仔三哥米線一般都是清湯的，因為我不太喜歡他們麻辣湯的味道。而今天由於同事極力推薦我去試試胡辣湯底，於是我就外賣了一碗炸醬、貢丸胡辣湯米線。由於我公司附近已經有譚仔三哥米線，所以我沒有要求分湯。而且我覺得不將米線分湯可以讓米線有足夠時間吸收湯底味道，更可口。其實即使不選擇分湯，他們亦會將炸醬分開處理。不過我喜歡將所有炸醬免治豬肉一次過倒進米線內，喜歡看到炸醬是熱騰騰的感覺。胡辣湯有濃濃的胡椒香味，在寒冷天氣下，吃了胡辣湯底米線，頓時覺得整個胃也暖起來。很適合胃寒的朋友。一客貢丸也有四粒，足夠吃飽飽。貢丸有濃濃的豬肉和冬菇味，亦算爽口。

喺沙田返工，想搵間平平哋又食得飽嘅餐廳，一定係譚仔。今日下晝就同朋友一齊嚟到三哥度食米線。因為食嗰陣都係11點幾所以都唔係好多人。唔使等位就直接入去食得。同朋友叫咗一個小窩米線套餐二人份量。酸辣湯底，酸辣味酸酸地又唔會太辣容易入口。但係啲餸嘅份量略嫌少咗啲 肉類份量比較少 啲餸嘅味道尚算可以，不過啲牛肉就比較硬普普通通炸醬酸菜嘅味道都唔太突出 炸醬好似普通凍凍地甜甜地嘅豬肉另外加左一個蒜泥白肉，香蒜味濃 香，但係豬肉有少少騷味總括嚟講係沙田想用一個平啲嘅價錢去食lunch ,都係一個不過不失嘅選擇。

這間店對大家來說應該不陌生，午飯時段常常有不少人在門外排隊。是一間很有名的連鎖式平民米線店。湯底選擇頗多，相反配料倒是比一般小店少。土匪雞翼很有名但一起吃飯的人都各點各所以這次就沒點了。清湯底是正常水平過橋米線的份量比一般的多，蕃茄湯底挺濃的而且配料多面底也比一般的多，又不用自已煩惱吃什麼配料。對男性而言是不錯的選擇。最後是中辣的重慶酸辣米線加炸醬，炸醬夠多倒進去配辣湯底一流，然後中辣對愛吃辣的人其實還好。本物就有配菜給芽菜腐竹所以挺夠飽哈。