豊勝手丼 (已搬遷) 新店位置

Blue Monday要食好西安慰一下自己，朋友介紹銅鑼灣有一間高質日本丼物，二話不說帶埋我去試店內環境富日本味道，璧畫、木牌、酒瓶，十分精緻。再看看餐牌，有各式丼飯定食，小食和飲料，款式不少，我們點了兩款丼物和果酒。二重鰻丼（$198）原條星鰻和原條鰻魚，這個組合實在是重量級。星鰻較薄身，肉質軟滑，滿滿的魚味，我和朋友都讚好。而鰻魚厚身，啖啖肉，加上烤過後的焦香，令人一刻愛上。飯配上醬汁和海苔，更香口。季節魚廚師發辦（$258）師傅揀選了當造的刺身，製成丼物，由於我們事前不知道有什麼材料，令人更期待。滿滿的刺身，我們頓時變了心心眼。烏賊十分爽口，吞拿魚及吞拿魚腩很鮮味，而平日不吃海膽的我，也覺得海膽很鮮甜和creamy。而飲品方面，蘋果酒和柚子梅酒很清新，酒味不算濃烈，很適合與閏蜜小酌一番。而每份丼物，已包括了味噌湯，前菜和沙律，個人覺得也是誠意之作。這個價位也是物有所值。相信不久日子，我也會再來試試其他丼物。

通常女仔一齊，都會係諗起食日本野。之前已經嚟食過一次，見地點方便，又帶咗同事嚟呢度食lunch。店舖雖小，但睇得出裝修都花咗啲心思。另外，臨走前想去洗手間，先知道原來隔離鋪都係佢哋嘅。我哋叫咗廚師推介丼，海膽同中拖羅係我嘅大愛！超鮮甜，入口即溶。另外想大讚佢個沙律同蕃茄仔！廚師自製嘅粗，酸酸甜甜，好開胃。另外叫咗個二重鰻魚飯，個飯索曬啲鰻魚汁，甜甜地黏黏地，好惹味。我哋仲試咗個柚子梅酒同新出嘅蘋果酒，淡淡的酒味，似汽水，適合飲酒初哥。

大滿足！！今日同女朋友行街，行到攰攰地，無意間發現了豊勝手丼。想起早前有朋友向我介紹這一家餐廳，於是我毫不猶豫就進入去了。餐廳環境整潔，地道居酒屋的設計，配合著流行日本歌曲，未食已經俾左我唔錯既印象。坐低睇睇張menu ，花多眼亂，一時諗唔到叫咩食。於是我地就先叫兩杯酒飲飲先。我的是淺間蘋果酒。女友的是京姬柚子梅酒。蘋果酒甜，易入口，好飲！但酒精濃度也有8%。至於梅酒個人認為有點酸，但女朋友非常喜歡。畢竟人人口味不同啊！在我們頭癢要點甚麼吃的時候，職員主動上前，並俾了一些意見我們。實在難得！最後點了一個四菱海鮮丼（$198）和雲丹卜口丼（$238）四菱海鮮丼有加拿大海膽，赤蝦，真鯛，三文魚。非常出色。海膽鮮甜。三文魚腩大份有口感又新鮮！配上前菜和湯！至於雲丹卜口丼則是原板韓國海膽，吞拿魚腩飯！相對之下這份的海膽雖然沒有加拿大海膽那樣鮮甜，但也不錯👍吞拿魚蓉十分足料！整體而言，這家是親切有禮，誠意十足的丼食店！價錢雖然不是平民價，但偶而食一兩餐絕對是物有所值的！

相約家人到銅鑼灣食日本料理，這家食店装修平實，位於百達中心，店員安排座位，並介紹成為VIP於生日月份會有刺身一份。我選擇了敖沢雲丹丼，是赤蝦，韓國原板海膽，日本海膽和碎葱吞拿魚腩，是餐嘅招牌食分品之一。赤蝦很大隻，成三吋長，蝦肉十分鮮美爽甜。原板韓國海膽，色澤橙黃，海水味較濃，有鹹香，好味。日本海膽色澤淡1黃，相對海水味較淡，但頗鲜甜香滑，入口即溶，有鹹蛋黃般回甘，兩種海膽各具特色。碎葱吞拿魚腩飯清香嫩滑，正宗日本米飯，暖滑可口，份量十足，好一頓满意嘅午餐。

銅鑼灣購物後，在附近食肆開餐，日式美食是我經常選擇，食館位於横街，門口標示採用正宗日本米，當然要幫襯吓。我喜歡吃吞拿魚拖羅，餐牌上的午餐颇吸引，於是選擇了一款吞拿魚為主嘅卜口丼: 吞拿魚，吞拿魚腩，碎葱吞拿魚腩。先試赤色吞拿魚，很嫰滑鲜甜，唔似一般貨色有腥味。再食吞拿魚腩，厚切滑溜，油脂分佈均匀，色澤鲜明，入口即融，食完滿口芳香，仍有魚味回甘，確是同凡響，回味無窮。碎葱吞拿魚腩甚有層次，軟滑香口，美味嘅日本米飯又是一項驚喜，有醋而不覺酸，自然可口，店員話採用"一見鍾情米", 果然名符其實。

星期六都要返工，唯有對自己好D~放工同同事去左豊盛手丼，位於謝斐道468號百達中心地下，地理唔算有優勢，可能都比較少人知有依間鋪。餐廳好細，得4張枱16個位。我地到時岩岩好有位唔駛等。餐廳雖少，但設計都好日式，掛左好多刺身牌。選擇好多，有D係已經SET好左，仲有「車仔丼飯」，即係可以自由選擇食咩刺身。我都係貪方便，揀左馥之丼 ($238)，係碎蔥吞拿魚腩蓉+黑松露火炙帶子~仲有配前菜、配料、味噌湯~黑松露火炙帶子有6片，每片都燒都外熟內生，好考功夫。外面火炙過有D香口，而入邊又有刺身的鮮甜，口感唔錯。少量的黑松露能提升帶子的鮮味。不得不提碎蔥吞拿魚腩蓉，非常新鮮，軟軟地，用黎送飯一流。大滿足!

今日同事帶左我去食好西，係一間係橫街的小型日本丼飯餐廳。地點位於一蘭隔離。餐廳比較細，仲充滿日本味道，設計、環境、擺設都令人好舒服。仲有好多得獎lable 同可以免費添飯返左一個星期工，獎勵下自己，揀左赘沢雲丹丼 ($308)，睇圖片見到係一大堆海膽，原來係原板韓國海膽、日本海膽、赤蝦2隻+碎蔥吞拿魚腩蓉。海膽份量多到見到都流哂口水，入口好香甜好滑溜，仲好新鮮，唔會腥，超正~赤蝦2隻，夠哂大隻，新鮮爽口，鮮蝦味出眾。碎蔥吞拿魚腩蓉我之前未食過，今次第一次食，好滑好新鮮~用海膽同吞拿魚腩蓉黎撈飯食，奢華的午餐。餐廳原來可以join 會員，生日黎食有折。鍾意食丼飯的朋友可以考慮下join~

今日同朋友一起食丼飯，餐廳的裝修很有日式居酒屋的風味！更挂滿用木製成的餐牌，很有特色。餐廳的丼飯選擇比較多！看到我地都唔知食咩好，因爲樣樣都好想食。最後店員推介我們食春日限定的丼飯。我們點了一個春子鯛丼和豐蝦丼，因爲係季節限定，所以餐牌暫時無！但餐廳的黑版上就有寫。春子鯛丼係用左全條的鯛魚製成，賣相相當吸引首先是有鯛魚刺身，另一邊就是經過火灸的鯛魚。鯛魚刺身，肉質結實，魚香鮮味豐腴帶點彈牙，配上餐廳自家製作的醬汁更能提出魚鮮。火灸後鯛魚未完全熟透，下層依然有刺身的質感。經過火灸的鯛魚，鱼香扑鼻！面層的鯛魚熟透後質感柔軟細棉，魚香豐腴帶鮮甜味道。上層軟棉，下層爽彈的口感很有趣，味道亦很有層次感。十分不錯。最後就係估唔到原來鯛魚的魚骨都食得！！！整條魚的魚骨被炸得鬆脆惹味，好快就被我食到骨都無得净。餐廳的丼飯如此高質，下次一定會再光顧。

朋友推介過我幾次話豊勝手丼的丼飯係食過的餐廳最好的！今日剛在在銅鑼灣附近就同朋友去左食la。餐廳裝修主要以木為主，好有日本風味道！餐廳的門口更貼滿得獎的證明和海報，看來真的很收歡迎！我到達餐廳的時間已經係網上9點，但依然不斷有客人進入。餐廳丼組合眾多，望到真係個個都想食，最後見到黑板上有季節限定的蝦丼飯蝦丼：呢個蝦丼分別有4款來至唔同國家的蝦，其中包括：阿根廷的赤蝦，夏威夷的牡丹蝦，日本甜蝦和手長蝦及蝦膏丼飯材料十分豐富，仲會附送前菜沙律，小食同味噌湯。雖然全部都係蝦，但係食的每一啖都有唔同味道和質感！令我最印象深刻的係長手蝦！首先長手蝦係我第一次食，而且不是每間餐廳都有。長手蝦：肉質鮮嫩彈牙，味道極為鮮甜完全唔腥 ！話係蝦中的極品亦不為過。阿根廷的赤蝦：赤蝦經過火灸鮮味更出，赤蝦肉質飽滿，彈滑爽脆。夏威夷的牡丹蝦：蝦肉肥碩，蝦肉較爲柔軟細棉，食落去有少少張口。日本甜蝦：甜蝦題型較少,，有少少粘粘的口感，但味道亦很鮮甜。最後食曬D蝦仲可以用蝦膏撈飯，蟹膏鮮味甘香！很快就把丼飯吃完。餐廳如朋友所説一樣真係好高質！下次一定會再來。

今天去銅鑼灣見完工，想慰勞一下自己，要食豐盛一些，行經這小店，充滿日本風味的門面，加上其實自己未試過滿滿刺身嘅丼，今次…「機會嚟啦飛雲!」餐牌上有各式各樣的丼，亦有自選配搭的丼，圖片亦相當吸引，究竟我應選哪一位佳麗好呢?!正當我在苦腦之中，女侍應伸出援手拯救了我，介紹我今期限定，即餐牌上沒有的 -「豊蝦丼」。點菜後，欣賞下店內佈置，都一貫日本風，店子小，坐椅只有十多張，算是精品日式小館。豊蝦丼的陣容可不少，幾款蝦刺身爆滿了丼碗，最回味的是手長蝦❨店員說是來自紐西蘭❩﹐切開了3小件，放回蝦殼中，非常精美的佈局，吃起來有種清甜的味道，是其他蝦沒有的。第二愛吃的是牡丹蝦❨來自俄羅斯的佳麗), 這是啖啖肉的一哥，看到它肥美的身段，已叫我口水流，加上新鮮的質感，非常滿足! 接著是赤蝦，爽彈口感，表面有少少炙燒，令到蝦味更濃郁，更香。最後係甜蝦，有三隻，而且貼心地去了蝦尾的殼，吃起來時，一啖一隻，夠爽快!這個丼除了鮮蝦出色，另外有一個重要靈魂，就是蝦羔!我覺得是咸蛋黃醬的高級海鮮版，咸香鮮甜混於一羔，伴飯一流! 跟餐還有鴨胸沙律、螺頭(前菜)、湯，所以都很豐盛。這餐相當完美，我亦相當回味!

香港人一向都愛吃日本菜，每當假期不少人甚至會飛到日本，只為吃其一口的新鮮。在銅鑼灣的小巷中，看到這家店，店面小小，甚有日本風味，連門口也是設計成日式敞門，未入內已經仿如置身日本。餐牌上可謂琳瑯滿目，樣樣吸引，一於試試招牌「海之幸丼」。上菜那刻真的震撼！擺得好看之餘，每款魚生，一看就是真材實料。那片拖羅真的像和牛一樣，油脂分佈均匀，咬下去油滋滋，那滋味真的齒頰留香！油甘魚切得厚厚的，爽甜新鮮！海膽赤蝦，鮮甜高質！不能不提這家的飯，這家的飯是用一見鍾情米，精選過的！還能任添呢，我忍不住也添了碗！在香港的日本餐廳不少，但高質的真需要緣分。這裡更有會員計劃，食飯有折，生日更送刺身一客呢！

今日嚟到一間位於位於銅鑼灣嘅一間日本料理，就喺地鐵站嘅附近唔需要行好遠。門口店面非常靚，入面嘅環境好似去咗日本嘅燒酒屋咁樣。入面只有五六張枱，所以要食嘅話最好提早打電話預訂。我叫咗一個廚師發板丼，一碗丼飯包羅萬有，可以同時享受依幾款唔同嘅魚生。每一塊魚生都係非常厚切，入面嘅吞拿魚最為出色因為新鮮所以完全冇腥味。海膽撈飯絕對係人生一大嘅享受，鹹鹹地嘅魚子再將黏黏的飯昇華。建議先食魚生，然後再撈飯十分唔錯。另外飲品方面我點左柚子檸檬酒，酒精濃度唔高，而且非常容易入口飲完之後仲會好開胃，個人10分推薦

即興搵食搵左銅鑼灣一間居酒屋。店內面積不大..有4張枱大概坐到16人左右..店員親切💁‍♀廚師選用日本米🍚食材亦由日本直送🇯🇵Menu選擇都超多🤩講明日本直送..成件事感覺都係新鮮既🍺一路食刺身丼一路啤酒*💰$238 馥之丼🐟碎蔥吞拿魚腩+黑松露火灸帶子丼包埋麵鼓湯、🥗沙律同半份半熟蛋🍱火灸帶子圍圈佈滿整個飯…有小小黑松露味* 中間係碎蔥吞拿魚腩💰$288 卜口丼🍱有3款不同既吞拿魚刺身。吞拿魚+吞拿魚腩+碎蔥吞拿魚腩🐟3款新鮮既吞拿魚刺身。丼包埋麵鼓湯、沙律同🥚半份半熟蛋...……………………👱‍♀肥妹小編.........................

豬仔係周未去左銅鑼灣一間出名日本料理裝修主用原木的顏色 入面有多款唔同嘅定食同埋丼飯雖然睇到花多眼亂但最後豬仔就揀咗最鍾意嘅吞拿魚丼飯一上枱已睇得出吞拿魚色澤非常新鮮而且能夠一次過享受晒吞拿魚各個部位拖羅切得夠厚身入口即溶魚油脂慢慢滲入口腔唔點Wasabi齋食都覺得好好味蔥粒吞拿魚蓉仲可以撈飯個set 仲有面試湯面試湯同沙律一個女仔黎食一個餐份量啱啱好啦如果唔夠食嘅話仲可以添飯飲品有唔同日本飲品或酒水最後我揀咗杯柚子梅酒梅酒嘅濃度唔高非常容易入口另外飲完一杯之後好想再飲多一杯

話說早幾日聽個同事一輪咀咁講話食佐間超勁日式刺身丼飯點，問佢叫咩名又話唔知點讀，搵佐一輪原來間店叫 "豊勝" 讀音係"禮"我就出佐名鐘意食刺身，梗係去試下啦，仲要係我地頭銅鑼灣。黎到就見到大大個招牌寫位豊勝手丼，店唔係大，但好有日式風味，真係可以話一望就知係食日本野啊黎銅鑼灣食野最緊要早，唔係就真係好多人，今日都唔例外，星期六12點黎到，唔使等位店唔大，但勝在好闊落，食野最緊要坐得舒舒服服啊嘛。店入面寫明用日本米，算你啦，日式丼飯一定要用日本米，煮得好我真係唔要餸都可以食兩大碗啊仲要免費添飯望下MENU，好多好多選擇，仲可以自選配料，但我已經俾個超強海膽丼飯吸引住啦心諗，放得係MENU左上角，仲唔係餐廳皇牌仲要有齊韓國同日本海膽，仲有赤蝦同送飯最正既碎蔥啓拿魚腩蓉落佐單唔使等好耐就黎啦，賣相真係超正，勁過相啊赘沢雲丹丼$308原板韓國海膽+日本海膽+赤蝦+碎蔥吞拿魚腩真係成板韓國海膽上，仲要超級肥美既日本海膽配菜都唔馬虎，大大碗沙律菜，仲有八爪魚沙律同埋麵鼓湯先黎CLOSE UP兩隻大大隻既赤蝦先赤蝦好濃蝦味好鮮甜啊，比相像中大隻再黎梗係一大堆既日本海膽啦，好重份量，全部好肥好飽滿啊，