豚王 (已搬遷) 新店位置

返緊工無無了了又一時興起11點幾就出發去豚王，仲天真到諗住無mud人那麼早去排隊食面，點知排了一小時15分才有位，有少少腳軟叫咗翠王，湯很濃亦有層次感，很好，但我認為Mist的清甜版層次高一班。面中上水準未留深刻印象。叉墝一般。企咗好耐，要求高D是一定的

排左好耐隊... 差唔多成60分鐘睇雜誌話1日賣200碗真係無錯架! 因為好多人幫襯雖然入面好細 (大約15個坐位)但係服務生好有禮貌而且煮麵師傅係日本人黎架叫左黑王拉麵($88) & 翠王拉麵($90)黑王夠特別.. 因為係墨魚汁湯底翠王就有濃烈的檻欖油香味比起出面D日本拉麵呢度真係高幾級! 一句講晒"正呀"

早前跟朋友說記，因為時間關係，所以該趕不及在拉麵之旅加入豚王。想不到過不了三天，就收到通知，星期五早上的課取消。當然不能這個千載難逢的機會，一早到豚王排隊等吃。九點去完尖沙咀辦事，吃個早飯立即向中環進發。地點不算太好找，是在蘭桂坊附近的小巷吧。十時到達，還沒有人開始排隊，有點不好意思，就等其他人排了幾個才再加入。十時十五分，店方為我們提供椅子，不用我們站著等。十時四十五分就可以入座，這時椅子也搬回去用。因為一個人的關係，我有幸坐到吧枱很師父煮麵。麵上來時先嚐一口湯，確實不是熱得燙口的那種，但熱度也十足。湯帶有濃郁的豬骨味，卻沒有因為太濃而有腥味，是一個很好的湯底。要求少油，但面層還是浮著一層油脂。但正因為這層油脂，所以湯雖要不是滾熱，麵吃到最後還是熱呼呼的。這裡的麵是幼身的白麵，滑且具彈性。它的蛋味跟麵粉味也不及mist。可是它排湯的功能卻很好。嚐試過只吃麵，不盛湯附著吃，還是依然滿滿的豬骨味。要的硬身的麵，煮得剛剛好有咬口。而且麵滿耐浸，我吃得這麼慢，也沒有變糊。叉燒一入口即時化開，肥瘦比例均勻。不過豬肉的騷味很重，對於我這種不太吃豬的人來說，下次應該會選不要叉燒了。吃飯期間下起雨來

星期五既12點幾去排想試好耐既"豚王"~心諗一定排好耐~但都想去試下~結果排左半粒鐘啫~因為1個人所以都算快~今次試既係"豚王"~湯地味道唔錯~好有豬骨味~叉燒勁"林"~今餐係豚王既2位廚師哥哥請我食既~所以唔洗錢~~多謝晒~事緣待應姐姐誤以為我食完就收走左我碗麵(一望就知仲有好多!!)仲抺埋枱添~其實係有幾個人想坐埋一齊所以我搬位坐~2位廚師哥哥一知道左就勁道歉~最後仲請埋我食麵添~真係好有日本人既文化~又好禮貌~我一定會再黎架!!!

今天終於可以一嚐傳說中豚王的拉麵-雖然住得算近，但因為去豚王需要預備時間和心情去排隊-還是要在早上十時就開始在店外等侯所以說,要先有心理準備才可應付到豚王吃一碗拉麫,也不是誇張。早上起來喝杯咖啡，就飛奔似的落到中環!打算先實地視察一下環境：十時多的豚王還在準備，店名也沒有人等候，所以我也放鬆下來，還到附近的店；但在十時半時回到店外，已經有大約十人在排隊！！！所以要吃豚王是真的要as early as possible地去排隊！！小店於十點四十五分已經放行，也幸好能夠於第一輪吃到拉麵。和一蘭一樣，這裡要先填寫自己的口味,基本上項目和一蘭的大同小異,只是這兒還有豚王,紅王,黑王和翠王四款湯底,和一蘭沒有的黑木耳.今天沒有溫泉蛋,真可惜!!! 我只要了豚王,要了濃味湯底和硬麫條,並加了一份葱. 這兒的每一張檯上都放有芽菜,肉碎蕃茄,芝麻,黑椒和蒜頭醋,顧客可以自行再調味;水也可自斟自飲.菜單和已填的單張差不多,唯一分別是多了一項'笑容' 和'日文教育' (免費), 不錯在一片此起彼落的店員的日文招呼聲中(是教育的一部份嘛),我們等候了大概五分鐘,拉麫就送上,店員並叮囑要盡快吃才新鮮.在碰拉麫

一早十點鐘就去到排隊，已經有十幾個人係前面，初時以爲都唔係好多人，點知排排吓，原來前面既人只不過係黎排住隊先既，之後陸續有人加入，突然變咗好多人~雖然豚王實際係開11點，但係10點45分開始俾人坐低，我地好彩都係第二輪就可以坐底，就叫咗個豚王拉麵~豚王因爲好似日本一蘭咁可以自己tick番自己既喜好既。湯底我揀咗普通既, 麵揀咗硬, 雖然湯底揀咗普通，但係都覺得好濃好好飲~ 麵因爲本身我個人鐘意爽口既，硬對我黎講啱啱好~叉燒就普普通通啦~但係就好滿意佢個special，因爲佢地會得閒就過黎斟水，仲問吓你意見咁，但係係日本人問!!!不過以豚王同達摩既比較呢~ 個人黎講鍾意豚王個湯底，鐘意達摩個麵同叉燒&角煮~ 真係超好味~

小弟從小就係日本痴, 剛從福岡回來, 而博多既拉麵真係本人多年至愛!!今日有個為食friend話一定要試下豚王, 本身如果要我排成粒鐘去食碗麵, 講真我真係吾會排囉.但係個friend好義不容辭咁幫我去排住等, 就到先打比我, 咁就去一試啦.見到Order 紙上面供客人填寫麵食喜好, 喺香港嚟講係有heart 嘅 ! 坐低見到碗麵睇得出吾係求求其其煮碗麵出嚟嗰隻. 賣相幾好, 配料好足!! 檯上仲有鮮蒜頭, 芝麻......供客人再調味.味道係偏濃, 但因為傳統的博多湯底係以豬骨熬煮起碼10小時以上，所以明白偏濃係正常但都是偏咸一啲.麵份量屬於正常, 麵質爽身彈牙, 叉燒厚度切得很適當味道亦都好味.碗麵喺香港嚟講可以話有水準!! 可以一試!!要彈嘅係碗麵完全吾夠熱, 一碗正宗日本拉麵放上檯是要熱騰騰, 給客人一種幸福感. 這點真係有代改善, 除非故意整到碗麵吾熱等你可以快d食完就走到下位, 但係咁樣就違背咗日本拉麵精神.但係收到成 HK$90 一碗拉麵 (其實已經比喺日本食拉麵仲貴), 依一點都留意吾到就失敗咗d.知道日本達人陳生開此拉麵店係想將日本拉麵傳統味道及文化帶黎香港, 希望可

黎左3次..每一次都話買曬.終於等左2個鐘食到啦. 叉燒好"林"有好濃ge咖哩球.好好食!!豚王: 豬骨湯底好濃..叉燒好"林"同日本無敵家ge湯底有幾分相似for食緊好熱ge拉麵個陣飲.好爽最衰冇蛋.下次黎想試下蛋 同埋另外個2種湯底不過我覺得d麵小得制..可能希望你+10 麵有日本拉麵ge味道. 排一個鐘值得ge.

有一排無上openrice，發現自從上年十一月開始，有一間開係中環老蘭附近嘅拉面店有好多人激讚，好奇嘅我於是揀左個星期五去一試究竟果度舖仔細細得十幾個位，所以我１１點半去到已經排晒長龍睇下條龍排到幾長，排到去垃圾側邊都要照排等，原來人為左食真係可以咁刻苦無耐就有人過黎派落單紙，我揀左最原味既豚王排到１２點半終於有得入，但後面條人龍仲係好長間舖頭得十三個位，入面煮麵有兩個師傅，鋪面就有兩個好有禮貌嗁嘅侍應招呼Ｄ客幾個人都識講日文，耐唔耐會好有氣勢咁大叫日文（我唔識聽）搞到我以為自己真係去左日本ＸＤ等左４個字，我碗麵終於到喇！未食已經聞到好香！一試個湯，啊！幸福的感覺一湧而上ＸＤ麵好彈牙，係蛋味差少少，同埋叉燒太瘦不過比好多香港拉面店好好多最後我清左碗湯ＸＤＤＤ為左食碗面，前前後後由排隊到食完，足足用左兩個鐘不過我覺得值得嘅因為佢個環境同食物都比到人置身日本嘅感覺機票錢都慳番喇～

有朋友去豚王食完後話唔錯，不過一定要排隊囉，咁就立即打電話約朋友去試下啦，點知我朋友係11點前到達已經有好多人排緊隊喇，大約11:30老細就派左張order 紙及menu 比我地，原來張order 紙下面寫左個number，我地係142及143，我覺得奇怪唔係咁快買凈57碗，就問我後面位靚女佢幾多號，佢話141原來order 紙係由200號開始派，等到12:10老板就叫我地座低，我同朋友兩個都order 左豚王加木耳，但當日就冇糖心蛋供應囉，等左幾分鐘亞姐擺左兩碗麵係我地面前，佢話襯熱食，我見碗麵買相都ok但我朋友就同我講，加左木耳都咁少既就開始食啦，點知一入口就以為自己身處日本，碗拉麵真係好有水準好夠熱好好味，食完埋單發覺點解隔離D木耳另外用隻碗裝住既，我就問老板係咪每碗麵都有木耳架，佢答係，我問點解我地另加既木耳無比我地，咁佢就退返錢比我地不過唔好意思都無聲囉......

成日聽人講香港有好正的拉麵食,一向覺得好多都係名過於實,昨日約個舊同事食午餐,本來想話約尖沙咀,佢話佢放假不如去港島區食好野.我話有冇好提意,佢知我鍾意食拉麵,話去中環食一間叫豚王的拉麵,不過要一早去費時排隊排到冇心情食,我話我聽過不過未去過.我們約咗10:30去門口等,點知已經有10幾人排隊,10:55有個阿姐每人俾張紙我地選定先,我要最基本豚王加蛋加黑木耳,個朋友就要黑王加蛋加紫菜指因為之前佢食過豚王),11:00正開始就座好彩第一輪入到,大約等20分鐘先有野食,冇辦法啦咁多人一齊落單碗麵到咗發覺外表唔係好靚,飲一口湯竟然唔係好熱不過又唔係凍,味道幾好不過覺得比較咸,麵一般,隻蛋幾好雖然唔係咁溏心,不過好過好多日本餐廳,黑木耳一般如果爽啲有咬口會好啲,叉燒一般,整體算係一碗不錯的拉麵,朋友碗黑王佢話好咸,我試一口湯原來佢係加重味噌味,紫菜係一塊包壽司的冇特別味道,我朋友話早知叫翠王試下,不過佢話都好食.如果唔使等太耐我應都會再來食,因為聽到有人叫一碗餐單上冇的麵,我都好想試下.

真係本人嘅榮幸能夠第一篇食評就介紹呢間實至名歸嘅全港最好味曰式拉麵!!其實今次已經係第三次去排隊,因為頭兩次唔係無時間就啱啱賣晒是曰拉麵...但品嘗完個拉麵之後就算再嚟等多幾次同樣等幾耐都值得!! 首先個湯嘅濃味係在於味重而不厚豬骨濃湯分泌得油而不膩不稠可以感受到𧾷雀躍味覺接著麵嘅質感係會給予不斷惙下去的欲望...整個配合得天衣無縫...只可惜在不再售賣溫泉蛋...

是日出去中環辦事, 而且老細又出了差到汕頭. 嘩, 真的完完全全的自由上午. 既然咁自由. 相信我都可以take一個long lunch吧. 11時, 首先把要交給銀行辦的東西放低俾銀行經理, 說明食完飯才回來. 我要這麼早, 這麼急幹嘛? 要拜訪豚王, 必定要預好多時間, 打蛇餅.幸好早了來, 人龍不算太長, 若是搭正中午的食飯時間, 我一入隊, 絕對不會在這一個位置. 最嚴重時見過, 條人龍排到去街尾的公園內. 第一張相, 大概是 11:26分鐘拍的, 我join條人龍的時候大概是11:15. 排到店門口, 拍呢一張相時, 已經是12:02分. 名物, 的確是要一點耐性去等. 排隊期間, 店方為了省時, 預先把點麵紙仔, 每人派一張. 細看張紙仔, 非常之detail, 要那一種麵, 要濃要淡, 麵要硬要軟, 全部簡單易明, 剔幾剔, 剔啱我們的要求, 店方又簡單易明, 不用問, 不用出聲, 一坐得, 基本上, 你就立即有得食. 排隊期間, 遇上了一個食歷頗深的梁姓大哥, 邊排, 邊分享大家的食歷

是日星期四(年初八)，之前聽過這裡要等好耐的，估不到......我們大約11點到逹已見人龍，果然名不虛傳，結果等了個半鐘。在等候期間會有一張落單紙讓你先選擇口味，我揀了"豚王"並加多隻半熟蛋，但等到差不多埋位時，店員話半熟蛋已沽清(真的有點兒那個，為何半熟蛋會那麼早就沽清呢?)，只好接受現實"冇蛋食"。終於等到了，還可坐在吧檯位呢，見到2位日本師傳很努力地煮麵，等了一會兒便上菜了，碗麵外表看來不怎麼吸引，吃一口湯，很"正"夠鮮味，不知採用了什麼材料，完全可將豬骨的"騷"味完全癖除，很美味的湯底；至於麵質方面，採用了細直麵，由於等了很久，所以決定加麵，先試"硬"的，口感都算順滑彈牙，之後再試"超硬"的，反而沒有"硬"的來得彈牙，而且感覺好像還未熟似的，所以個人認為"硬"較"超硬"好吃；叉燒是用原件切片的，較為"鞋口"，但正合本人口味，因為夠瘦。不過整碗麵中，本人認為最敗筆的是蔥粒，因為沒有"啤水"，所以青蔥味大強烈，有少許影響了麵的味道，所以建議大家不用加$5選特多蔥了。服務方面都算OK，起碼店員在那繁忙的情況下都沒有黑面，還幫客人拍照。環境當然稱不上舒服了。整體來說，味道是好的，但如果

第一次來的時候，因不知要等這麼久，故此只等了一小時便放棄了。今次有備以來，早於十一時三十分便到了。一來到見到龍尾其短，以為執到寳。後來才知龍尾巳轉至前面小公園了。一看便心知不妙，但又不想放棄便決定硬着頭皮：等、等等，一直等到二時三十分才有位坐。這次無言的等待是有成果的！點了一個濃味、硬麵加少許味噌-------超讚！真是食咗當去咗曰本食拉麵。老公原本不贊成花時間去等，但食飽之後也不停大讚--等得有價值。女女也非常開心，嚷着要再來呢！當然，這是必然的！ see u later!