越中意 (已結業)

以前吃過一次，覺得它的春卷好吃，見有人包生菜一起吃，還真未試過。終於有機會再吃一次，但原來還有幾天它就要倒閉了。要了生牛肉河，蒸粉包。湯底不鹹，加了全部它給的辣椒都不會太辣，生牛肉普通。蒸粉包很香的蝦味，厚薄剛好，不錯，若多點內餡就好了。吃完原來還有甜品，當天是椰汁紫米，沒有過甜，不是水水的那一種，只是在紫米上淋上少少的椰漿，還不錯，份量當然不多，也夠了。

在女朋友仔屋企樓下，有間食店名叫越中意想試好耐，當天我倆下午去完荔園，女朋友仔話行到腳痛近近地便去越中意食晚飯啦，女朋友仔仲話，成日經過見到都好多人食架，使我更加想去試一試，但小弟忽然肚仔痛，所以試左小小咋，女朋友仔話行完荔園巧肚餓，啱哂啦食埋我果份。1.菠蘿咕嚕肉飯:菠蘿鮮甜美味，紅椒青椒都好爽口，咕嚕肉汁甜酸拾到好處，肉質好滑又淋，食落又唔會覺得太粉，但去越中意食中式飯類好似怪怪地2.越式豬肉米紙卷：賣相巧靚有豬肉，生菜，紅，白蘿蔔絲，食落好脆好香口，絕無油膩感覺，彈牙非常，係必食既，小弟極力推介      

是日同男朋友去完荔園玩, 玩到又熱又攰，晚餐都唔知食咩好？！男朋友見我腳仔痛，體貼地 話坐車返北角食喇！突然諗起屋企樓下有間越式餐廳，平日經過，好多時都見到廳内坐無虛席，門外餐牌又異常吸引，想試巧耐㗎嘞，就同豬仔講: 我地今晚去呢間開餐吖 ！是晚8點几入座，仲有卡位坐呢  ！茶餐廳既格局，有TV設置，白色牆身掛有字畫及數張招牌菜廣告，感覺新！翻開餐牌，有巧多吸引嘢食啊 ！無奈豬仔肚子唔多舒服，唯有食得輕盈d啦……1.越式米紙卷 : 今期餐牌推介，見張相几靚仔 ，試下喇！一碟4件，色彩繽粉，米卷中有米粉、彈牙靚蝦、生菜、薄荷葉、甘荀絲等。一啖咬落，不油不膩，極爽口涼快 ！中間既配菜: 紅、白蘿蔔絲，酸甜醒胃！2.菠蘿咕嚕肉飯: 見到餐牌有中式飯，越式整中式嘢通常一般般，但豬仔想食，也就點來試試！酸甜開胃飯，菠蘿鮮甜、青椒爽脆，唯獨主角咕嚕肉唔夠酥脆，差少少囉！食物質素唔錯，埋單96蚊，價錢實惠，仲見到有抵食套餐添！下次要來試試呢度既越式春卷、香芧豬排等等，相信應該唔錯！

自選茶餐$33 越式雞絲河粉 越式粉卷 熱奶茶越式雞絲河粉: 粉底比較淡，應該冇落味精，雞絲數量比較少，而且有d'鞋'。姐姐上菜果陣會問你要唔要辣椒(即係辣椒粒，香葉，青檸)。我加曬落去，今到個湯香左。一開始落果陣唔辣，但係會越食越辣，不過都係少少辣，反而到個湯更香。所以建議食果陣，一定要落d香料，因為唔落就成個面真係好普通。粉卷嘅外表唔太吸引，好似普通腸粉，但係一食落口，就會發覺佢同普通腸粉完全唔同，佢比一般腸粉香好多，而且上面嘅香料好脆，夾埋下面d腸粉，上脆下軟，口感十足，值得推介。奶茶可能茶嘅比例太多，好澀口，一d都唔滑，即使加左糖都冇用。所以我最後都冇飲完。Overall個茶餐都幾抵食，33蚊，食得飽，都幾好味。不過記得唔好叫奶茶。

越鐘意今天又要上班了，吃午飯的時候，我在想呀想，究竟吃什麼好呢？最後經過這間越式菜館，看見它的下午茶非常便宜，而且食物豐富，所以一於入去試試。進入餐廳後，看看餐牌下午茶套餐，只需要＄33，套餐包括生牛肉湯河，越式春卷及飲品一杯，我看到生牛肉湯河的湯底可以轉為咖喱湯底，我便被深深吸引着，一於試試咖喱湯底！生牛肉咖喱湯河咖喱味道非常濃郁，生牛肉的份量也不少，肉質非常嫩滑，湯底非常惹味，有很香的咖喱味，而且辣得非常過癮！越式春卷剛剛炸好的春卷熱辣辣，非常香脆，配上新鮮生菜，沾一沾特製酸辣汁，非常清新惹味，亦非常開胃！

5月26日, 食日下午茶時間又嚟到呢度~ 因為佢嘅餐多款得嚟又夠抵食, 下午茶餐連埋飲品都只係30多蚊, 唔怪得呢度長期都咁多人~::: 沙爹香茅豬肉金邊粉 + 春卷 + 凍檸蜜 ::: $33 + $3好鐘意呢個金邊粉夠晒沙爹, 味道夠晒濃, 沙爹味都好香, 不過要整到咁香, 當然係要油膩d~ 豬肉份量都幾多, 香茅味反而俾個湯底蓋住, 整體成個金邊粉都好大碗, 食完都飽咁滯, 仲有個小食喎~春卷唔算多, 3小條咁, 炸得都叫脆, 不過個餡唔知係乜, 淋到好似有d霉, 麻麻地...凍檸蜜好飲, 甜度剛好, 檸檬都幾新鮮, 好清新嘅味道, 加上好少唔駛另加錢就叫到檸蜜, 唔錯~::: 香茅牛肉撈檬 + 粉卷 + 凍檸茶 ::: $33 + $3香茅牛肉撈檬都幾對辦, 酸蘿蔔絲、生菜絲、乾蔥碎、花生碎、蔥粒等配料都齊~ 香茅牛肉一舊舊, 肉質有少少韌, 幸好夠入味. 淋上檬汁嘅檬粉唔會黐到一舊舊, 味道其實唔算好突出, 但都算唔錯啦!粉卷普普通通, 內裡豬肉餡料味道單調, 外層粉皮煙韌, 不過面頭炸蒜同蔥粒唔多, 整體只係一般.凍檸茶大大杯, 少甜少冰都做到. 茶味檸檬味都夠, 唔錯~一

今天享受一人午餐，選了這家越南菜，位於北角，平時飯市也要等位，是一間受街坊愛戴的食肆。還記得第一次來這裡是一年多前，男友帶我來吃他喜歡的春卷；一吃，愛上了！除了春卷，更令我眼前一亮的是這裡的雞絲撈檬，雞絲是我食過咁多間越南野中，最滑的一間，配上凍撈檬，真的一流！今日點了一人餐，$48有粉，小食和飲品。份量不少，以$48來說，可算是物有所值呢！（撈檬加$3） ❤雞絲撈檬 - 小妹覺得雞絲份量比同類型餐廳多，睇樣就知滑。檬粉算大碗，配料有花生碎，乾蔥碎，蘿蔔絲，青瓜絲和調過味的蔥油，伴起來吃很好味道。 ❤越式炸春卷 - 這便是最初男友帶小妹來吃的有口碑春卷，一人餐有3條，細細條用生菜包著吃，兩啖一條。春卷餡料帶點胡椒味，連生菜吃口感更香脆。加上越式甜酸汁後的撈檬更覺色香味俱全，滿滿的一碗，其實小妹每次都食唔晒碗粉，因為3條春加一碗粉連餐飲，份量真的不少。年幾後的今天，質數也沒有下降，難怪飯市總要等位吧！

放工之後來到附近辦事. 完成之後見時間不多又想吃點清淡的, 在街上閒逛幾分鐘之後就決定了在越中意吃。原因也簡單, 一是因為里頭的食客不少有七成滿, 二是因為門面乾淨企理, 三來價錢也是合理。簡簡單單, 是真真正正的簡簡單單, 也樂得輕鬆自在。越式牛肉金邊粉晚餐選擇極多, 可以吃個碟頭飯, 又可以叫餸食飯, 或是吃碗麵都可。見湯麵套餐價格便宜又豐富, HK$48 有麵有小食有飲品, 也就「是你了」!基本麵食當然是生牛肉金邊粉了。湯底清香不油膩, 金邊粉亦夠滑溜。牛肉不是絕頂香, 但就勝在不會過份肥膩, 加上極入味的大蘿蔔, 竟也吃得滋味。豬頸肉粉絲T 常常笑我與豬有仇。事關各種肉類之中我最愛的就是豬, 由其是當豬頸肉在菜單上出現時, 我總是不由自主地就點了。今次不吃檬粉不吃金邊粉, 竟要了粉絲。粉絲卡路里低, 爽口, 也是我的摯愛之一呢。份量超多, 打破了「吃粉絲不會太飽」的印象。而豬頸肉竟是另上, 可以保持脆邊的口感, 驚喜。唯醃得太甜了一點, 不是人人受落。(T可是甘之如飴!)春卷 (跟餐小食)小食有數款選擇, 揀了粉包和春卷一試。粉包上台時熱熱的, 外皮略厚, 餡料豐富。除了切粒蔬

早上辛苦運動了兩個多小時，總愛跟白老鼠去找美食，消耗後又補給。肚子餓的時候沒有特別的要求，天氣熱得很，我只想喝好喝的。沒有特別的選擇，乘車去到那裏便去那裏找吃的。一餐午餐價錢不要太貴，簡簡單單就好了。這間小店的套餐價錢尚算合理，加上套餐附有小食，而且選擇也相當合我們口胃，在沒有太大的期望下選吃了這兒的午餐。小吃、撈檬加上特飲，這個套餐的配搭不錯。雖然是套餐附上的小食，但蒸粉包的外皮不會太硬，也不會太爛，不像是早就蒸放在鍋子裏的套餐小食。香茅豬肉味濃香口，雖不是地道的越南味道，但肯定配合香港人的口味。牛肉不是我的那杯茶，全交由白老鼠處理，不過看起來很鬆軟，應該不錯。百香果綠茶沒有甚麼特別，但運動後一杯凍飲，明知道不應該也得喝一杯。海南雞飯套餐也有1/4隻雞，比起很多海南雞飯專門店的套餐有份量得多了。不像是用浸雞法來處理，雞肉好像被蒸過，幸好雞肉依然十分嫩滑，而且很入味，雖然沒有正宗的三種醬汁，配上類似沙爹的醬汁，又有另一番美味。還有油菜加特飲，絕對是滿足的一餐。饞嘴的我看見午市小食只是$28元，加上剛有消耗，吃了應該不會增長的，在大魔鬼白老鼠的支持下，點了炸蝦餅，沒有特別驚喜，但起碼炸蝦

環境：平日夜晚八點幾，人唔多，環境都幾乾淨，有大電視。 服務：一個幾好笑容的男侍應幫我地落單 ，叫左“沙嗲牛肉飯”同“甜橘汁鳳梨雞球”。過左一陣上左碟“沙嗲牛肉炒河”，我問個女侍應 “我叫飯，唔係麵”女侍應黑面話 “下？我地無炒飯，得炒河咋wo”，我仲以為我自己看錯餐牌，叫她比多次餐牌我，一看，明明就有 ：沙嗲牛肉飯”！我叫多次個女侍應，比個餐牌她看，話“有沙嗲牛肉飯啊”。 她立刻去check部機，之後翻黎，又黑面話“唔係我落單架wo，你問返落單果個人”。 我即刻黑返她面，她先無再黑我面，面部表情松容返少少，話“我幫你問返果個人”。然後去叫返個男侍應過來。我估可能個女侍應係senior／老闆娘，個男侍應係junior，都無謂要他比人鬧，他過黎之後問我咩事，我話“我本身叫左沙嗲牛肉飯，但你比錯左河粉我，不過算啦，我照食啦”，然後個女侍應係我面前拉住呢個男侍應咬耳仔細細聲講左幾句野。 過左一陣我後面果張枱都有投訴，我男朋友話可能係個侍應送搞亂左我地同後面果枱的食物。個女侍應就鬧另一個面無表情的男侍應“你點做野架？”。 食評：“沙嗲牛肉飯”牛肉幾滑，個汁幾惹味，唔會太辣，不過河

前日(12-5-2013 Sun)同男友’探’完我媽媽後,先到深水埗整啲o野,然後去北角探亞太,我o地去到北角,佢話搵o野食,其實我都未肚餓,我o地搵到呢間,見2:00pm開始有下午茶餐,而時間係1:43pm,等多幾個字啫,於是都攞飛等.等到1:55pm有位,睇menu,冇下午茶餐o既?問問 應該係經理o既人,佢答2:30pm至有.啊.男友已經決定要咖啡牛腩河,飲凍奶茶.我就要$45.00o既越式燒豬頸肉拼越南扎肉燻蹄飯,不過我問可唔可以改湯河?經理話冇得改,咁算啦.然後要熱奶茶.之後經理返轉到同男友講,佢o既咖啡牛腩河冇飲品跟,問佢會唔會改第二啲o野飲,男友就要$16.00o既凍胚芽奶茶,回知轉頭佢返o黎問男友係咪要胚芽好立克.男友話好啦,要胚芽好立克,真奇怪!其實我想叫經理將我o既餐飲改為凍胚芽XX,將我杯熱奶茶當係男友o既order,咁就可以平啲,但都係冇.如果佢醒目,佢應該自動咁改.然後都係飲品先到啦,我o既熱奶茶都係冇乜茶味,係意料之中.而男友o既凍胚芽好立克呢,嘩!竟然可以淡到飲唔到好立克味,離譜.之後我o既越式燒豬頸肉拼越南扎肉燻蹄飯到o到o黎,扎肉同燻蹄各兩片,先食扎肉

昨日溫書溫到發霉的時候，心血來潮跟媽媽到這裡舊地重遊。因為之前已經吃過，覺得這裡的食物水平也不錯，所以不介意特地坐地鐵到訪我們大約一時到達，已有不少人在門外等候，不過由於我倆太肚餓的關係，也放棄了再覓餐館於是我們爭取時間在門外決定所點的菜式而5 分鐘後便能入內我們點了一個一人的自選粉麵餐(包括前菜，粉麵，餐飲):春卷+香茅豬扒撈檬(需另加$3) 另外一個是越式炒飯這個炒飯外表是頗吸引的，眼見當中的配料也有不少，札肉、蟹柳、蛋絲、蝦...整個炒飯也很有火候，嘻若要比喻，我覺得有點像我們的揚洲炒飯，不過還要好吃調味不會太咸，當中札肉煎得相當香口，味道不錯!!! 會使你有一種衝動繼續吃推介推介! 第二道來的是撈檬坦白說，這個較令我失望首先，他們把那些香茅豬扒放上撈檬之上，個人來說已不太喜歡，因為豬扒的油會滲入撈檬之內，影響味道，扣分了其次是他雖有加入蘿白絲及青瓜絲(在撈檬之內)，可是那些蘿白絲難以分開，感覺上比較馬虎，我覺得這個可以處理得更好!然後是那個檬粉，質感上有點"一餅野"的感覺，很難跟青瓜絲和蘿白絲融合，這個.. 我覺得可以再改善至於香茅豬扒，我認為味道可以再濃一點，(我以前曾在這裡

今日同朋友帶埋BB食下午茶，平日下午茶時段多數都唔駛等位，而且地方幾乾淨，又夠寬敞，感覺幾適合推埋BB車，所以好多時有朋友黎都會帶埋bb喺度TEA。環境:寬敞，冷氣溫度適中 ... 有電視設備 .. 環境不錯... 食物:我地兩個人，叫咗兩個越式湯粉套餐，有餐前小吃﹑一碗湯粉及一杯餐飲。餐前小食叫咗一碟春卷，一碟粉卷，湯粉就叫咗一個生牛肉湯河，一個雞C撈檬。餐前小食粉卷皮薄但就冇咩餡，又唔夠熱，但係個春卷就好味，鬆脆香口。朋友話個生牛肉湯河，個湯式底好清，但食唔出越南菜的香料﹑香葉味，而落單時話明走蔥，但黎到都冇走到，要朋友自己揀返出黎，而我個撈檬溫度都有D怪，撈檬係暖嘅??餐飲方面就轉咗珍珠奶茶，哩個就不過不失，冇咩特別 .... 其實哩間餐廳都食過好多次，但今次嘅食物令我有D失望~~~~ 服務:除咗漏咗走蔥嘅ORDER ... 有個女侍應上食物比我地隔離枱時，右手落食物，左手仲攞住一個熱湯麵 + 小食，下午茶時段人唔係特別多人，我地座位後面都有好多空間，但女侍應左手嘅湯麵同小食竟然係隔空喺阿女架BB車頂，而佢手上嘅湯仲有唔夠0.5mm，就倒落架bb車，當時BB喺車度瞓緊覺，我即時同

佢好多丸餐, 我們選左2人餐, 有春卷(最愛生菜)馬拉戔抄白菜仔, 香矛雞翼, 生牛肉河, 雞絲金邊粉, 例湯居然有(中式老火湯)食物無失望,樣樣中規中舉, 不過不失, 係經濟之選

星期日、天色晴朗、但心情並不十分雀躍？ 皆因今天要飛回澳洲的老家了，加上原本於兩個月前訂好三星餐廳 Caprice (打算兩人離港前撐枱腳）的預算，被吃壞了肚子，正在臥病床中的大人破壞了，未能成行，唉！家姐、姐夫唯有陪我在居家附近覓食啦，姐姐提議去 越中意，因為之前在街巿附近的舊址幫襯過，食物也挺不錯的，現在城市中心商場地下的新店，再次到訪更感覺新址較為方便與整潔，座位亦較前寬敞與舒適。 姐姐話事點了： 自選二人湯粉餐 $138，海南雞餐 $58 （因時間尚早海南雞未做好所以改為菠蘿海鮮炒飯，但價錢不變，十分欣賞服務員的變通能力） 「越南春卷拼扎蹄」食味只是一般，個人獨愛越南春卷，因為春卷皮十分酥脆，咬下嗦嗦有聲，加上酸甜汁好醒胃 「蒜茸炒芥蘭」略嫌獻汁過於濃稠，但尚幸芥蘭總算非常之鮮嫩無喳，所以亦不至於失望而回 姐姐恩物「香芧豬扒」挺不錯的，但相比下還是較喜歡 蕃薯苖小館 的蒜茸與椒鹽味道，而肉質亦以它略勝一籌，因為這裡的比較乾身和淡口 令人嘩然之作「香芧牛肉粉」平時慣性吃生牛肉粉的我，發現它的誘人香氣與味道，有過之而無不及，用牛肉、牛骨、香芧、洋蔥熬製的湯底，入口鮮甜無比，附著