越南蔡 (已結業)

jun 10, 12.........去完食友家小聚後,都仲好飽吓............本來打算回家做埋d嘢............但食友喺地鐵內提議去呢度dinner............即刻改變主意.........真的"為食"假不了...........hehe...........4人來dinner............叫咗 : 1) 青檸梳打 (hk$26)-食友叫咗,無話見有嘜特別comment2) 烤牛肉濱海 (hk$58)-看過食友嘅推介後,我哋當然要跟啦-自上次去咗佐敦嘅百x後,就認識到濱海喺以1糰米粉墊底-米粉上再撒上炸過乾蔥,蒜片碎同花生碎-而牛肉就烤到好啡黃色,入口暖熱,10分juicy,嫩滑-將2者包在1片生菜內,再+上越式魚露汁,真喺滋味非常3) 酸子石斑塊 (hk$72)-這是off menu,都喺跟食友推介而叫的-魚塊炸過,外粉卜得不厚,汁醬亦炒得好掛醬,全黏住魚塊-入口甜甜酸酸,點知辣味隨之而嚟,被冷不防的偷襲了1吓-辣對於我哋弱者嚟講都有點gag..........不過好彩有甜酸集於1身,味蕾不止於偏重辣度-味道豐富嘅菜色,伴以白飯最啱~~~~

之前食開嘅"清亭燕萍", 呢家改咗名叫同搬咗去地鋪! 一於去新鋪試下先,叫咗牛油雞翼, 勁香牛油味, 好正再叫咗個"香茅豬扒撈檬", :好食, "越式雞扒配糯米飯"呢個糯米飯,軟綿綿,好特別, 好好食!

我是喜歡吃越南菜的，不過有質素的真的不多，屈指一數，只有廖廖數間。回想十多二十年前，越南餐廳比比皆是，當中最欣賞的莫過於銅鑼灣景隆街的越興園。由從前的越興園至早前的清亭。燕萍，我也是忠實支持者。好景不常，清亭。燕萍在早前結業，自此以後，心想不能再品嚐好味的牛油雞翼，不是味兒，幸好得知越南蔡正是清亭。燕萍的主理人，他們再起爐灶，吸引了我與友人一同前往。招牌菜牛油雞翼真的非常味美，牛油與蒜香並重，別店絕對做不出如此出色的味道。雞翼外層炸得香酥鬆脆，蒜香突出，牛油香則慢慢滲出，越吃越滋味。為了迎合客人口味，除了原味外，還加添了香辣味，會有點像椒鹽的味道，原來是將洋蔥、蔥段及辣椒來炒，再放在原味的牛油雞翼上，令味道更有層次感，少許辣味，確實非常惹味，是一個好選擇。總喜歡點上少許小吃，今次只點了炸春卷及烤豬肉濱海。春卷炸得鬆脆，餡料紮紮實實，不錯不錯。濱海即是煎米粉，但又不會煎成金黃脆卜卜那款，而是帶少許煙靱，配上烤豬肉，層次感大增，蘸上特製魚露後，開胃又美味。突然一鍋熱湯及一盤生牛肉送來，大家也感驚訝，因不是太多人知道越南菜有涮牛肉吃，它正正是越南名菜 - 牛肉七味中的醋鍋牛肉。用上了牛骨湯作

昔日在景隆街吃越南菜的小店，在數月前搬到謝斐道這邊演變成越南蔡，對過去舊店所引起的家族問題，店主也不想大家太著重於這裡。無論名字怎變也好，食物味道依舊就已經足夠。當舊店關門時，大家以為也沒法再品嚐鎮店之寶牛油雞翼，幸好店主在另一邊把它帶點來，讓這老味道得以延續。相約了朋友前來晚飯，這裡地方很大，地方寬敞。先來原隻泰國椰青，$38，椰青水味道清甜，先喝數口清新味蕾，迎接以下的菜式。鎮店之寶牛油雞翼，$65有六件，分別有原味及辣味，雞翼送來之時已傳來陣陣香氣，外表不會炸得過火而焦。雞翼先生炸再加入獨家調配的牛油、蒜蓉、蔥等配料去炒，個人試了辣味，炸漿層十分香脆身，帶點油膩，少微許辣，吃得辣之人會感辣度不足，但整體是香口惹味。炸春卷拼濱海，春卷炸得香脆乾身，包著的餡料不太鬆散，這個令人喜愛。濱海以網狀的脆米線作底，配上香茅豬肉，味道一濃一淡相夾起來，再點上少許魚露調荐，酸酸甜甜，令人開胃。醋鍋牛肉，$80，這是越南人用來宴的「牛肉七味」的其中一道菜式。越南人會用煎、煮、烤、炸、蒸、涮、伴七種方法，做成醋鍋牛肉、鐵板牛肉、牛肉卷、米紙包牛肉、牛肉餅、沙律牛肉、牛肉粥這款菜式。店主把其中一款帶給

上週日節目十分豐富, 整個下午都在港島區朋友家中進行一場探訪加大食會, 大家聚頭, 自然買來大量零食甜吃, 加上主人家又很貼心準備多款美食, 務求將家的胃都填得滿滿的。 離晚飯時間不遠, 故不方便再作打擾, 大家也打算各自回家。 但就在乘車途中, 有食友提議到銅鑼灣吃越南菜, 聽他介紹後大感興趣, 又成了這場匆匆的飯局。 生怕週六晚市旺場, 馬上打去訂座。 到達時只見店子只半滿, 是因為附近太多食肆的關係嗎? 格局近似茶餐廳, 但就闊落企理得多, 一點也不迫夾。據知這店是由前清亭.燕萍的主理人開設, 那對食物水準自然有一定信心和期望。 基本上和這位食友吃飯, 他都會專責點菜, 無須我們費心, 坐著等吃好了。 烤牛肉濱海($58)受到力推, 沒理由不試的。 牛肉烤得微焦, 很夠香口, 整塊都是嫩嫩的, 入口無筋, 不會咬不開, 那種滑是自然的, 最怕被處理得像糕一樣的可怕質感。 因用蒜蓉和香料醃過, 難怪愈嚼愈香, 惹味得很。 單吃過後, 又試試伴上濱海同吃。 以米粉製成的餅薄薄的, 帶濃濃的米香, 又鬆又爽, 面頭的炸乾葱、蒜片、花生碎等大有點晴之效。 隨手拿塊生菜, 包起牛肉和濱海,

見到有間咁大嘅越南餐開咗，諗住試試。本身都好鐘情越南菜，特別係牛粉。今日落大雨，去到門口嗰位小姐都好細心咁幫我放好把＂姐＂。又到去見得三張枱有人，入面我諗都有五十張二人抬。好失望咁因為見到有人食緊嘅牛肉粉個樣唔多對路，咁就叫咗個笳汁牛腩飯要炒飯底。牛腩好＂鞋＂好大件，茄汁得甜味，唔明點解要加一片凍青瓜同凍蕃茄片喺D汁又面，炒飯又油又多salt。$61冇野飲，下午三點都冇餐，難怪冇人。鋪咁大所以D食物價錢好髙，但係都比D水準吖。唔會再去亦都會叫D朋友唔駛去。

五月十四日 (星期一)上個月前來銅鑼灣做Gym，一出地鐵站也偶然會收到越南蔡的宣傳單張我們亦對越南菜有興趣，而且相比其他東南亞菜，越南菜較不油膩，可算是健康之選擇日不如撞日，今晚就過來一試小店早前得知清亭。燕萍結業，令不少食客感到可惜原來店子的其中一位老闆開了這家越南蔡而且開在Gym Room附近，那我們晚飯又多個好去處小店有湯／撈檬粉飯和各款小食供應，可謂應有盡有，還有串燒和火鍋等等一於小試牛刀，點了個撈檬，牛油雞翼以及雞肉和牛肉串燒蝦餅切得整整齊齊，但吃落不夠熱蝦餅則較硬身，略嫌不夠彈牙，蝦味可再濃一點檬粉份量多，而且加入不少生菜及紅蘿蔔絲，吃來口感豐富且感覺健康特別一提，撈檬的魚露十分鮮味，酸度也適中，令檬粉吃起來非常醒胃每款兩串，串燒望落乾身牛肉串吃落口感較實，牛肉味較清雞肉做得遠較牛肉好，肉質嫰滑，沾上沙嗲汁吃特別惹味!即叫即炸的牛油雞翼，終於送上牛油雞翼是這裡的名物，真令我們引頸以待剛炸起的牛油雞翼吃時要小心，熱辣非常外脆香脆，充滿牛油和蒜香味，非常搶味雖然雞翼經過高溫炸過，但雞肉仍然不油且呈乾身，值得一讚等也等得有價值那客牛油雞翼令我回味至今下次一於再來，要一試它的火鍋有

我的朋友似乎對牛油雞翼上了癮~所以，這天又到越南蔡。原味的牛油雞翼，仍然，正！！今次點了一份香茅豬扒，一般。香，但肉唔得腍。例牌，我的最愛醋鍋牛肉和炒金邊粉（唔記得影>.<）。仲有軟殼蟹濱海，蟹都幾大隻。由於早幾日先來過，老闆認得我地，這次送了甜品~HAHA黑糯米同綠豆都不錯，不太甜。

原本諗住去登龍街果間食嘅, 不過好多人等位, 咁就提議食新開呢間啦。之前上網都睇有人讚, 門口又貼咗好多介紹咁...一入到去, 望落啲擺位好似大家樂 feel..., 仲幾嘈下添，但係佢有樣野幾好嘅就係, 佢有個布箱咁嘅野俾你放袋，不過我都係差不多食完先知...到講食物喇。鮮龍眼冰/ 青檸梳打，正常無話好唔好飲。烤豬肉撈檬，烤豬肉啲份量好似少咗啲,同唔夠香, 不過個檬就幾滑, 我就嫌個汁無乜味。香茅豬扒河，男朋友無乜 comments，無讚亦無彈，應該係正常味道。烤豬頸肉，個賣相唔差架，不過食落就好唔鍾意，唔香之餘個質感我同朋友都唔鍾意，個豬頸肉太過稔，完全唔係我想食果個感覺，加上佢唔香，好似有少少叮番熱俾我嘅感覺!我同男朋友都覺得，會唔會只係我地食唔慣，不過下次都唔會再去呢間....

看著有點歷史的老牌食肆相繼結業,但不夠一個月又在別處重生.當中的恩恩怨怨並沒有興趣知道,作為一個食客只關心自己喜愛的菜式有沒有保留及水準是否一樣!得知牛油雞翼重生,來這裡目的便明確不過.地方可是比在謝斐道2樓時還要大,正正等如辣蟹莊舊址的大小.餐牌上的食物和舊店大致相同,也有供應一般數十元小吃主食連飲品的套餐.凍滴漏咖啡----向來對這飲品也情有獨鍾,但對這裡的是不大滿意!漏斗及盛熱咖啡的杯子不是透明,看不到情況那知道滴完沒有?待了一會拌勻底部的煉奶倒入冰杯內份量是小了一點,幸味道不錯!甜度適中味濃而不苦.醋鍋牛肉----微酸的牛肉湯鍋以酒精爐加熱,溫度是明顯不夠.同時放多兩片生牛肉入鍋,湯已沒甚反應.略灼過的牛肉嫩滑肉味亦濃.而且墊底還有不少的菜及粉絲吃畢也甚飽肚.吃時覺得湯的酸度不算強還頗開胃,但喝一口卻是酸勁十足!生菜翠綠爽嫩件數足.極討厭某些店舖是四件春卷,給兩片又蟲蛀又不新鮮的生菜!真不知這算什麼意思.越式拼盤----每款兩件陣容看似不俗...粉包皮太厚不滑溜,豬肉蝦片韌韌的咬不開,扎肉,燻蹄味道質感均屬正常,春卷做得比舊店還要好一點,外皮鬆脆內裡餡料包得不死實.香辣/原味牛

由於於附近工作關係, 今次係第二次光顧呢間餐廳, 第一次無寫到食評! 今次寫番! 點左以下食物1) 烤牛肉撈檬:烤牛肉幾香, 但略嫌份量較少, 只有數小片; 檬粉幾滑, 亦唔會好似有D越南餐廳咁, D粉'痴'埋一舊, 實實咁! (2) 生熟牛肉河: 即生牛肉片+熟牛腩, ok la! 本人唔係太喜歡個熟牛腩,但湯底幾鮮幾甜! 河粉都好滑。(3) 炸軟殼蟹: 呢個好味wor! 配埋個酸甜醬好惹味, 隻軟殼蟹都有番咁上下份量 (4) 三色冰: 唔會太甜, 好味! 三色料亦足 總括而言, 不是好驚喜個種, 但想食越南菜, 都會諗起呢度! 下次試下個原個椰青焗飯先 (見到前篇食評幅相好似幾正咁! )

在舊店時代已經是常客，最近睇雜誌見到老闆個樣，先知佢地搬左去謝斐道橋底~地點唔算好就腳，但亦唔難搵，就在銅鑼灣廣場二期下面的Buger King路口轉入，直行到橋底，正正在新星海鮮酒家旁邊，五代同糖對面！一入門口就見到胡鬚仔老細，同埋佢父母亦落場幫手，親切~~講真佢地菜式真係好多，量多自然有參差之處，不是道道精彩。但以我多年的經驗，食以下幾款，絕對唔會死錯人~HAHA~牛油雞翼 $65/6件雞全翼上粉炸，再用牛油、蒜茸炒，真係好濃味！個人覺得同舊店時期差不多。另外有個香辣牛油雞翼，加左辣椒、葱、蒜同炒，我覺得牛油味反而被蓋過。我還是喜歡原味的~~原個椰青焗飯海鮮炒飯底，放入椰青內，淋上椰奶做的醬汁，入爐焗。上桌時跟一杯椰青水送上，證明是即叫即開一個新鮮椰青製作，消除了我地成日覺得「菠蘿炒飯個菠蘿係咪會重用」之疑惑~HAHA~個飯唔知點解，我想用「好軟滑」來形容，好夠味，吃時我習慣會刮埋D椰青肉來食，熱烘烘，清香~~醋鍋牛肉 $80哩個我見雜誌極力推介，於是今次點了一試。唔錯，牛肉湯加左醋、香茅，夠味，牛肉我相信係牛柳，唔係雪花但片得薄，用湯「洗一洗」好拎上來了，仲有少少粉紅色時吃，夠軟

其實係香港住都幾好, 不同國家既美食都有得選擇仲要好多新店出現, 真係單單搵新店來試都係一種樂趣...睇到OR見到銅鑼灣有新店出不過此店又話係以前某店改名搬到來這條街再重開...對於我來講好味就得唔理佢係新定舊...地方好大唔洗擔心無位要等.一入去店員都好細心問我地要唔要藍放袋, 這一點又係值得一讚.2個人叫左生熟牛肉粉, 牛油雞翼(4隻)同埋一個咖哩黃鱔配法包...叫左3樣野我地一致認同唔會再來..味道好一般我地令願去回香河食好過.講番個牛肉粉個湯底不及香河最慘係我地覺得佢有加入少許味精啦令我有點失望, 至於成晚最差係個咖哩黃鱔唔知係唔係黃鱔唔配個咖哩呢...2者食物都好似唔岩味咁咖哩唔算香黃鱔又無味完全係唔夾呀...最好味都係個牛油雞翼雖然唔算充滿牛油香但炸得夠香唔油已經好難得.

銅鑼灣老字號「清亭。燕萍」早前結業，還以為牛油雞翼快將失傳，幸好最近得知其中一位老闆轉開了「越南蔡」，新店就在「香港大排檔」旁邊，這晚就去試試。當我走入謝斐道，先後有兩位阿姐派宣傳單張，其中一位是「越南蔡」，她說「越南蔡」是「清亭」老闆開的，另一位則來自「名堤」，位置正是「清亭。燕萍」的舊舖位，那位阿姐又說是「清亭」開的，我不解，再三問之，她才說：「是新老闆重新聘用一班舊伙計所開的新店」。既然如此，當然繼續去「越南蔡」，甫入店見到老闆，才發覺原來是「燕萍」老闆開的。「越南蔡」、「名堤」、再加上機場的「清亭」，原來這次是一開三，真的弄得我頭頂冒煙！說到環境，其實「越南蔡」跟當年的「燕萍」倒有幾分相似，但地方大了一倍有多，看來老闆狠下決心，要發圍了。新店仍然保留著一絲傳統，侍應們必須將餐牌背個滾瓜爛熟，一看號碼，即能說出所指的是甚麼菜式。或者這晚人客不多，感覺服務比以前是有改善的，各司其職，連老闆也親自落手做傳菜，很不錯。先來的是豬皮絲撈檬 ($40)，幼條的豬皮絲，入口帶一點爽脆，略具鹹香，跟一眾配料撈來吃，味道還挺搭配的，但要留意這裡的魚露口味偏淡，即使落得重手一點也無妨，只怕撈檬會變

以前在景隆街，有間出名的樓上鋪越南餐廳，我跟友人都經常幫趁，卻在二月尾光榮結業了。原本以為再吃不到他們的招牌牛油雞翼，最近在友人帶路下，竟跟老闆重遇了！原來他們三月開始，搬到銅鑼灣謝斐道地鋪，新店非常寬敞，座位之間空間感亦大，坐滿人也不覺擠迫。甫進店，已見到臉孔熟識的老闆一家在店內打點，他們跟客人亦有講有笑，感覺猶如回到昔日般親切。打開餐牌，菜式選擇多，大部份都是舊店已有的，亦加了些新創作。鎮店牛油雞翼多了一款香辣口味，椰肉海鮮炒飯亦是新菜式。老闆則推介他們的炒粉麵，於是今次點了一道炒金邊粉，果然惹味亦夠鑊氣。另外也吃了蒸粉包、醋鍋牛肉、炸春卷等，我跟友人一致認為，味道跟昔日水準不相伯仲。以後也會再來呢！香辣牛油雞翼 $45/四件 $65/六件這道必吃！雞翼外皮炸得脆卜卜，再用牛油、蒜茸、洋蔥及辣椒炒過，帶微辣，非常惹味。炒金邊粉 $60同樣是推介作，扎肉、雞絲、蝦、蛋與金邊粉同炒，濃郁鹹香，吃落不會油膩。蒸粉包 $35米漿做成粉皮，比一般越南餐廳吃到的更薄，內裏是炒過的木耳、豬肉、沙葛及冬菇。醋鍋牛肉 $80聽老闆說這道是越南「牛肉七味」的其中一道菜，當地人用來宴客，在牛肉清湯內加