避風塘興記

營業中

休息中

黎興記食飯, 請緊記book位同埋預留心儀的野食!當晚book左7點鐘2位, 當我準時到達的時候原來要齊人先可以入座, 但經過一番爭論之後, 終於可以坐低, 天氣熱辣辣, 叫返支啤酒坐低慢慢等同埋讀下個menu有咩食先! 等左15分鐘, 好! 齊人開波叫野食先黎3小碟:九菜 - 簡單白灼, 吊少少醬油, 清甜好味粉腸 - 好乾淨, 一d膏都無, 無苦味, 試到內臟的甜味海節皮 - 爽口, 一流的前菜3小碟固然出色, 配埋蟹油辣椒油(中辣), 嘩! 老實講真係停唔到口…黎到呢到除左食避風塘野食, 咕嚕肉係令人喜出望外! 脆! 肉味濃, 薄薄的炸漿包住juicy豬肉… 汁份量剛剛好, 驚喜的一道菜!主角出場! 登登登登~~濕炒辣蟹(中辣), 豆豉辣椒所有味道已經入晒落食蟹到, 豆豉辣椒超級惹味, 另一道菜係完全停唔到手停唔到口呢個係預訂的鴨比瀨, 鴨味濃郁, 鴨油完完全全同湯底混合, 再加上滑嘟嘟的瀨粉……… 好滿足的一碗! 但如果想追求鴨味再濃郁d的呢, 鴨背瀨會係另一個好好的選擇!食完所有野, 個胃重有位淨叫左個果皮蒸泥鯭, 新鮮泥鯭, 蒸到剛剛好!

友人突然興起想吃興記到達大概八點，全場爆滿，差點連出電梯都成問題，入口都塞滿人為了吃得好，就等等吧登記後我們離開了餐廳，先到尖東吃手卷回來差不多九點剛剛好有位兩個人能吃的不多我叫了鴨肚河，鴨肚油香十足，河粉又細又滑，湯底又香又濃，配上他們自家製辣醬，三碗我也吃得下友人叫了鴨絲河，但我没拍照再來韮菜花一小碟，很翠綠鮮嫩，好吃！到了最期待的主菜招牌避風塘炒蟹哇，好香！蟹肉紥實新鮮！這蟹真是我每次回來的理由！小辣已經惹味十足！兩碗河+韮菜+炒蟹+一楂竹蔗茅根+兩罐青島埋單9xx, 的確不便宜但也會再回來

四大四细去食，一早book定位，订得比较早，但一样要人齐才给入，虽然里面是空空得一兩张食紧。开始点菜，招牌菜都有点，濑尿虾，鸭河，六小样，水浸鱼，兩瓶普通红酒。味道还是不错，除了水浸鱼，不推荐。还有价钱要的比以前贵了很多，4500，其实也没什么贵格东西。

避風塘興記，可以說是我們的深夜食堂，以往常來這裡消夜，但因為工作關係，已有好一段時間沒有到來。某個又超時加班的晚上，雖然已接近十一時，但無論如何，今夜就是要吃一碗熱辣辣的燒鴨河，決定驅車直奔，以慰勞一下疲憊的心神。燒鴨湯河是這裡的招牌貨，說實話，我們很多時候，亦是因爲這碗燒鴨河而來。先呷一口濃醇鮮甜的湯底，輕泛著一層薄薄的油脂，人口份㚈順滑，燒鴨肉質甘香結實，自家切製的河粉，口感非常幼細滑溜，可惜份量少了一丁點，我們亦明白這個份量，是店家堅持的黃金比例，但是，美食總是令人胃口大開，整碗吃罷，我們還是感覺，到喉還未到肺啊。魚片粥，粥底口感延綿，濃稠剛好，魚片大而厚實，用料十足，啖啖鮮味。再來兩款味道樸實的必吃小食，白灼海蜇，整碟都是一片片的海蜇頭，爽口彈牙，口感實在。白灼韮菜花，鮮嫩翠綠，簡單淋上豉油及熟油，味道已十分鮮甜，最愛這種簡單的烹調方法。豉椒炒蜆，點了中辣，蜆肉新鮮，鹹辣惹味，而且十分乾淨，完全沒有沙粒，豉椒與炒蜆永遠就是最對味，令人停不了口。宵夜吃至尾聲，經理前來打招呼，原來經理仍然記得，我們是以往的常客，親切地寒喧了一番，談天說地，感覺就像，多年沒見的老朋友重逢一樣，還記得

今晚同屋企人去試呢間，見係九龍區有海鮮食唔洗去咁遠，所以想試一試。我地一早book定位，入去到坐低，環境算不錯，舒服的，坐低無耐，有位姐姐就問我地食咩，顯得有點心急，以為有餐牌睇原來係張台到，有些有價錢，有些要問才知，如果你要試，必須問清楚價錢！！我地叫左一碟炒蜆，一碟螺，一碗湯河，2隻瀨尿蝦，不算太多，因為兩個人食用，食完都唔覺得飽，蜆有點鹹，而瀨尿蝦雖然啖啖肉，但其實比較乾同鹹，比想像中一般,湯河還好，但粉的量比較少，螺就幾好，清淡d最後，諗住埋單睇幾錢，因為我地預唔過千既，亦無諗過會咁貴，同店員講為何海鮮這樣貴，她們還說我地沒問幾多錢，是我們的問題！用大聲的語氣話我們，又話下次不想見到我地，一次就夠！！這樣也沒法子，誰叫我們食前沒上open rice看食評，看見大家都跟我一樣的情況，對於我來說這一間只有一次。。或連試也不用，不值得。。食餐飯一氣肚

避風塘興記未試過。所以跟朋友六人一起去吃晚飯。結果吃了一肚子氣。食物質素一般。店員全程黑面。我們6人吃的只是一般質素的海鮮。埋單竟然差不多要4千元! 由等位到吃完店員全是一貫黑面。還看到短髮女話事人向一對已就坐的夫婦和他們的小孩很不客氣地說: 你們book了兩位，現在這算是兩位嗎!! 你的小孩不佔位嗎？你們佔了三個位! 這算什麼兩位! 看到這一幕已感到這店不大對勁!我們叫了避風塘炒蟹、6隻瀨尿蝦、6隻聖子，鹽油水煮蜆，上湯白菜，六小福。惡夢開始。炒蟹是避風塘風味，蟹篕很大跟蟹身瘦小沒有什麼肉很不合比例。8百元多元一隻真的很貴。瀬尿蝦很野味，一碟6隻收大約2千元一碟不值。味道/煮法跟別家海鮮店沒大分別。聖子不太鮮甜，還可以啦六小福一碟有粉腸，土魷，豬肚，菜心。。。餐前小吃，猪肚好吃，其他不值一提。。上湯白菜 吃的時候看到每顆白菜頭都有很多啡色污點…… 無言!真的已經不想吃下去。興記常常有一大堆人企在門口等位。現在終於明白。我們6人齊了5人，但店員堅持人齊才可以入坐。還說如果你訂了12位，只來了十一位我們也不會安排枱的! 看到店內有幾張空枱，我們和其他已book了位的客人全迫在狹小的門口

兒子女朋友是大陸人，聽朋友介紹五個人去晚飯。叫了避風塘炒蟹、瀨料蝦、六小碟、豆支油皇炒蝦、椒鹽泥猛、聖子，燒鴨河等炒蟹還可以，蝦就很咸，泥猛也咸，聖子沒有那新鮮味道（$45一只），燒鴨河可以，不過60元很貴，六小碟好、瀨料蝦就一般（不過很貴）。本來推薦星班，45元一兩，算了。買單3千多，覺得不太划算，去西貢可能仲平D

昨日下午我與男友一起去咗位於利強仔隔離哪一間的餐廳，我上一年的紀念日都系系附近渡過的喇，好開心吖！兩個人的小小世界或者平凡咗啲，但係俾我好好回憶的炒蟹簡直系錦上添花喇，古法炮製的，具體我就唔知系點喇，味道在入口之後你會覺得辣辣地，但是不會太辣窩，岩曬我地宜家嘅天氣喇。蟹的肉還是挺多的，肉質很鮮甜美味，而且蟹很大一隻，腿肉我覺得特別好食，吃起來的時候很方便，因為都已經拆開咗嘅，只能講好貼心咯，價錢同服務都算跟上咗。仲有蝦炒雞同燒鴨米粉都好正，有機會嘅一定要再嚟一次，米粉分量好多而且真係好入味吖，唔似啲齋粉咁無哩聞味！

成日都有聽人講興記海鮮好味道，今次終於一試！食物味道香濃，有鑊氣！印象最深刻係大大隻鮑魚同椒鹽泥鯭。用刀叉食鮑魚真係好爽，鮑魚彈牙，配埋豉油一流；來嗎炸得好香好脆，非常容易食，岩哂小朋友😛 可惜，每到送味道幾乎一樣，而且味精味龍。最嚴重嘅係員工嘅態度極度惡劣，問佢有冇水，佢完全唔理！😠想追一追啲餸，佢就話加單冇得追！😡雖然出名，但冇人會想比錢受氣！如果再以咁嘅服務態度繼續落去，只會一路趕客，希望佢哋將來有待改善。

大名鼎鼎的避風塘炒蟹，朋友過生日說帶我們嘗嘗最好食的螃蟹，沒想到是家庭餐館，人超級多，幸好提前有訂位。 古法炒蟹，要的微辣。很多豆豉和辣椒，螃蟹很大只，蟹肉很入味。殼已經炸的很酥，蟹腳都是加工過得，吃起來很方便。 蒜蓉蟶子，味道也唔錯。比起來炒蟹就顯得一般了。 超美味的燒鴨湯真的一點也不覺得膩，滿口的香濃，細粉也浸泡的很入味。恨不得一口氣將一整碗的湯都喝掉，會繼續推薦給其他朋友的。

這是我最喜愛的餐廳之一，黎到呢度，避風塘炒蟹喺必叫嘅食物，首先金黃色嘅蒜粒非常香濃，配搭鮮紅色嘅辣椒一齊炒，真係好食到難以置信！仲有大大隻嘅椒鹽賴尿蝦，肉質鮮甜彈牙，口感十足！最後仲有油鹽水花甲，胡椒湯底非常惹味香濃，忍唔住連啲湯都一齊飲埋😋😋👍🏻👍🏻

今年中秋家庭飯局選定尖沙咀的興記。一個月前已留檯，人數未齊，縱然席上不是滿座亦要於門口等候。既然已訂座，何不讓已到的食客邊等邊商量菜式，要迫於狹窄的門口阻塞通道呢！一行11人，9大2細安排坐屏風後的大檯，坐得亦算鬆動。剛剛坐下，店員已上前催促落單，雖然菜單只是台面上的一張台墊，亦只有海鮮類，小食跟粥粉，都要比時間讓我們商量一下吧！六小福併盤$228 粉腸豬肚仲有豬脷，三樣我都不喜歡，不過家人就覺得香口腍軟好味，因為款款都用上麻油增加香味。魷魚，海蜇頭非常爽口而且大大條，加上麻油香，吃不停口，很快售慶！唯獨之前吃的是配上韮菜花，但這次換上菜心，有點失望！ 豉椒炒蜆$128 原本我們叫油鹽水浸蜆，但落單的姐姐所有order只是用腦記，而沒有寫下，到餸菜上檯時，就說是我們說錯，全家人都無言，但又不想浪費食物，唯有照食。幸好隻隻蜆都炒到打開蓋，蜆肉都算是大粒而且鮮甜又沒有沙，豉椒炒得很入味，只是小辣程度都頗辣。椒鹽瀨尿蝦$時價 份量極多很震撼，大大隻炒至金黃色的瀨尿蝦很吸引，此時電話相機全出動！瀨尿蝦殼很香口，不會過鹹，而且瀨尿蝦肉很有味，不會淡茂茂，推介！不過落單姐姐建議我們叫6隻瀨尿蝦，9

這個說好了的避風塘海鮮飯聚足足等了整年才能實現，十分感動好友記得對小妹的諾言，謝謝。這夜在沒有訂位的情況下，我們接近10時到達，在不想跟別的食客搭枱下，仍需稍等了一會才能入座。店裡的地方不算大，已經佔了整層樓的面積，只容得下2-3張大枱，其他都是2或4-6人的枱，全用上了酸枝木製的枱椅，甚具典雅氣色，裝飾帶厚厚的中國風格，門前掛上了一塊大木牌扁，以金色雕刻著"興記"兩字，很具氣勢呢。首趟到訪這裡的我，還傻呼呼的問店員要看餐牌，被店員冷冷的告知店裡食物項目已印在枱上的餐紙上，馬上低頭細看印在最底部的食物項目，賣的都是以往在艇上最受歡迎的海鮮類、白灼小食及粥粉麵等。好友曾經到訪，就由他作主負責點菜。興記多年前是駐紮在銅鑼灣避風塘裡的著名食艇，以炒辣蟹聞名。避風塘的歷史十分悠久，不過直至五、六十年代，才由一班水上人創立這個香港獨有的飲食文化。以往每隻艇賣的菜式都獨沽一味，有海鮮艇、粉麵艇、生果艇、酒水艇等，甚至有麻雀出租的小舢舨供食客吃飽後耍樂。每艘食艇都會吊起不同顏色的燈作標示，客人離遠都能鎖定目標。更有專人引路，帶領客人登上艇家駛來的小艇出海，小艇叫「搖櫓」，是客人用膳的船，沒有摩打，要

今晚睇G.E.M.的XXX巡迴演唱會，想找一個吃得好又就腳去紅館的地方，於是book了山林道避風塘興記。避風塘興記可算是一名星食店，曾看見陳奕迅是座上客。這碟六小福，不能算是頂級好味，但作為餐前小食是相當不錯的，爽口而味不太濃:油鹽水浸蜆，鮮甜，個湯好飲:泥鯭粥不是我吃過最好吃的，但水準已算不俗，不知不覺吃了很多碗:是晚最出色的是椒鹽賴尿蝦，夠香口、夠大隻、啖啖肉、又有膏，滿足!食到肚滿腸肥，最好的節目是慢慢由山林道步行到紅館消化一下，等睇show。鄧紫棋的飊高音固之言堅，但製作唔似紅館演唱會，而是似九展show，服裝更是...不夠舞台感，似登台而已，比一般演唱會貴的票價，卻沒有紅館的製作質素，雖然G.E.M.的歌聲夠哂澎湃，但小妮子在演唱會表演時的火喉... 還有很大的進步空間呢!

今晚同台灣黎既朋友farewell ,佢地講明要食興記，我早聽聞好好食，但太多人，入面d女人應該唔憂做所以你想要服務就真係唔好黎，佢地真係好差態度。我地已經10點幾先去食，都仍然要搭台，仲係同3台客一齊坐，都冇講咩唔好意思咁，只係重覆：唔坐有排等！但我地埋去坐果時隔離4人台就走左啦，好心做生意咪咁😒不過為左食我都可以去到好盡既。點菜位姐姐應該真係打工，態度好好多，我地第一次黎食，佢都推介野食比我地，炒蟹有幾種，佢都有耐性解答，其實我都係想咁啫😭比錢你賺唔係大晒，淨係想有禮貌對待都冇，唉.....經一輪痛苦爭扎下揀左幾樣。鴨河$40，同台都有點，但我冇試到，台灣朋友話好好食（台灣燒味本身唔好食，所以唔知佢地標準到邊😂）白灼鮮魷好細碟，但好好食，好爽口，送酒一流👍豉椒炒蜆-小辣，蜆好肥美，新鮮，就係平時果d炒蜆😂呢個係姐姐不停推薦而叫，蝦新鮮，外面層粉唔會太厚，好香口蒜蓉粉絲蒸蟶子-3個人一人一隻，因為台灣朋友話台灣冇，所以叫比佢地試下，啖啖肉😋主角黎勒-蟹又係啖啖肉，食到唔停得口，炸蒜又係一絕，點會咁好食，仲要咁大堆，其實係咪d炸蒜有保護作用？食左咁耐都仲keep到熱，ok wo👍其實既