重慶洪鼎火鍋 (已結業)

為左等齊朋友收工，好多時都等到9點先開飯，剛剛好呢間火鍋店有宵夜優惠，單點食材都有折，酒水冇折。最值得欣賞係，特惠時段都有得一早訂位，而且一坐低經理已向我地講解收費，有咩係有折，如果叫set就冇折，完全冇忽略食特價時段嘅客，好欣賞👍🏾👍🏾火鍋，當然好注重湯底，湯底一流！小辣嘅麻辣味道已經好出色，又吾會苦澀。正👍🏾食物方面就十分好，擺碟又精緻，食得好開心。酒水冇折，但係真係好平，啤酒一個tower都係$200有找。

幾經辛苦終於大家夾到日子，約齊人食飯喇，今次同樣尖沙咀，方便大家收工過黎。見有間新野，大家都未試過，就揀左呢間洪鼎重慶火鍋。環境Book 左枱，去到就入得，環境光猛又乾淨，啲枱唔會同隔離痴得好近，整體感覺好舒服。每張枱旁邊都有架餐車，除左方便放野食，餐車上面仲有圍裙、濕紙巾、紙巾提供。除此之外，仲有個貼心位，就係個餐牌每款餸側邊都寫左要淥既時間。打邊爐除左個食材新鮮，時間掌握都好關鍵!服務我地一坐低，侍應好主動推介菜式，個湯底到左又叫我地試飲個湯先，上菜時又會講下佢有咩特色，點樣淥好食啲。真係要讚!食物前菜有炸黃豆同蕎頭，啲黃豆炸到好似Nuts 咁好脆口，等湯底滾既時候我已經食唔停口。醬料區係自助的，除左平時嗰啲，較有特色的有黑醋、辣蝦醬，同埋每枱都有一小罐特別香既麻油。值得一提係個放調味料既碗有一邊係有篩，幫你隔走啲湯/油，好貼心既設計。雖然間野叫洪鼎重慶火鍋，擺明招牌係食重慶辣野，偏偏我地幾個都唔食得辣，好在仲有好多選擇，湯底我地揀左松茸鮮菌湯，個湯好好味仲有好多菇，但掛住飲唔記得影相，哈哈。唔食辣都揀呢間，其實係因為見到個 『盛肉拼盤C餐』好吸引，入面全部都係澳洲M4/M5級和牛

說到麻辣火鍋，四川重慶口味就最出名，而這間重慶洪鼎火鍋在國內有超過200間分店，今次來到香港水準又如何？店內裝潢好有中國傳統特色Somersby 蘋果酒 $15支好抵飲剛遇到新張4月優惠，$1 湯底、雙拼就$20當然要點正宗洪崖洞麻辣鍋 （小辣）配木耳雞湯 $1 湯底招牌鍋底正宗洪崖洞麻辣鍋，以印度魔鬼椒、燈籠椒、花椒等不斷炒煮四個鐘，令到鍋底麻辣中帶點果甜味，小辣對我們來說已相當刺激。木耳雞湯，好濃郁清甜的雞湯味，好正！！精選海鮮拼盤A $398有活石蚌魚刺身1條活鮑魚海蝦貴妃蚌上檯時看到鮑魚、海蝦還有動，超級新鮮~~~先品嚐活石蚌魚刺身，魚味為淡，質感爽脆，吃很多也不會膩。Menu註明配料放湯底所需時間，以保持最佳食物味道。鮑魚質感好彈牙，不會太老太韌，放在木耳雞湯就最好。海蝦大隻，每口彈牙鮮甜蝦肉，放在麻辣湯底，咬開蝦殼麻辣圍著咀邊好過癮。貴妃蚌也是鮮甜脆身。蔬菜類同一$38，可以雙拼爽口的蒿筍及皇帝菜。鴨血 $48 都幾滑，跟麻辣湯底幾襯。炸響鈴 $45，即炸後上檯，即時品嚐都脆卜卜，配麻辣湯底，好吸湯，辣度久久不散。西班牙黑毛豬梅肉 $128顏色鮮豔，清晰肉紋，看得出很新鮮。

最近聽朋友講呢間火鍋店好高質 所以就同屋企人黎試下由新開開張關係 都有好多折頭例如七折同埋湯底一蚊 雙拼20蚊 賽係幾抵店員都好有禮貌 推介左我哋食火焰碎膏蟹拼花甲鍋好少係香港可以試到啲咁獨特ge火鍋呃like一流🤩🤩🤩海鮮湯味道十足 蟹肉食落都好新鮮 仲好多蟹膏😍😍😍 而我地四個人就叫左盛肉拼盛c 同埋海鮮拼盆a盛肉拼盛c 有好多和牛😍😍😍 牛肉好夠牛味 真心高質牛黎 而且和牛丸係最有驚喜 真係好香和牛味😍😍😍 鍾意食和牛嘅朋友一定要叫海鮮拼盆a性價比超高 所有海鮮都係超新鮮 全部都好生猛 因為上台仲識郁 😱😱😱刺身好鮮甜 蝦肉都好彈牙 而鮑魚係原隻鮑魚 所以野都好鮮甜 以398呢個價黎講 我覺得係超值！食完之後會送一個優惠卷俾你 下次再幫襯會送一個海鮮拼盤a 所以諗住下次會同朋友一齊再嚟食一次海鮮拼盤

一位好友邀約吃火鍋，說是在尖沙咀吃重慶火鍋，很好奇的是怎樣味道。來到店內，裝修及裝修也很有傳統的味道，很有老中國的特色。調味品的位置，卻很有現代的色彩，兩者很是配合。每張枱已放置好火鍋用的碗筷，而且還有圍巾及濕紙巾可供使用，真的很細心體貼。我們二人選了麻辣湯底，幾個火鍋食料及飲品。飲品是自家制竹蔗水，而湯底也很快就送上。麻辣湯，湯底送上時，非常意外，大大的湯鍋，滿滿都是紅紅的辣椒、花椒及京蔥等。湯底很快的就煮沸，麻辣的味道很香，卻不是很濃，氣味很香，卻不嗆鼻，非常特別。始終不是習慣吃麻辣，我們只選了BB辣度。店長走來介紹，這店的麻辣湯是香，香在於加進其他香料在湯底中，並不是與國內重慶一樣，以辣椒作主令湯底香。因以辣椒而令湯底香的話，根本不合適本地人口味。為健康著想，餐廳也預備一個分隔油的組合碗，是先將煮好的食物放在上面，待麻辣湯中的油流進下一層時才吃，非常貼心的設計。盛肉拼盤C餐($720)，是澳洲M5/M4級和牛，不同部位，不同的脂肪組織雪花，帶出不同的味道，如脂肪較多的話，入口即溶感覺較大，更為嫩滑，脂肪較小則肉味較重，啖啖肉的感覺。麻辣湯煮過，令和牛的味道更香更濃，非常配合。脆鯇

冬天之後好似好耐都冇打過邊爐咁，於是乎同女朋友兩個就出咗尖沙咀食返個麻辣火鍋先。搵左呢間叫重慶洪鼎火鍋，一坐低就先叫咗個麻辣鍋拼野菌湯，咁就又可以食辣之餘又可以清清地食菜。盛肉拼盤A-呢個拼盤有四款肉，分別係美國安格斯牛小排同埋牛板腱，西班牙黑毛豬梅肉，紐西蘭羊肉片。牛板腱就一啲都唔肥，啱晒我哋兩個食。牛小排就肥瘦適中，一啲都唔鞋口。黑毛豬擺到好似朵花咁靚，真係有啲唔捨得食佢。羊肉一啲都唔騷，成個拼盤來講真係不俗，可以一次過滿足你食唔同肉嘅慾望。桂花蚌-少許嘅海水味道加上桂花蚌自身嘅鮮甜味，放喺清湯嗰邊淥，就最能夠保持到原有嘅鮮味。蜂巢冰豆腐-基本上食麻辣火鍋呢一個都係必點，貪佢可以索晒啲麻辣湯底味道，每次辣到飛起都一定要食佢。鴨血-眾所周知鴨血係台灣火鍋必點系列，可以俾我哋懷緬一下台灣嘅火鍋味道。金錢肚-抵食夾大碟，擺落麻辣火鍋嗰邊，麻辣牛肚就係咁煉成，味道一流。青菜拼盤-女朋友近期鍾意食清啲，點左呢個青彩拼盤有娃娃菜、油麥菜、皇帝菜。啲菜都好新鮮，我食過都忍唔住同女朋友爭食菜。

附近不久前新開了一家火鍋店。鍋底有比較少見的鴨和菌王。朋友去完內地旅行愛上了麻辣火鍋，所以今晚逛完街後去試試，裝修光潔明亮, 座位空間足夠。我們點了麻辣拼菌王鍋，菌王湯加熱後加入松露煮五分鐘，湯頭超級鮮味，連喝了兩小碗。麻辣湯是重慶的口味, 朋友說香、麻、辣足夠。特別食材有爽脆的毛肚、鴕鳥肉、黃喉、豬腰子、豬腦等。肚子不太餓，所以只點了幾樣，其中牛肉肉味頗重，蔬菜水靈新鮮。特別讚賞它的醬油碗，一邊可以隔油，食麻辣火鍋時又可以用香油減辣，又可以減少油的分量。

正宗麻辣湯配埋個強身松茸野菌湯，唔好以為兩個湯底加埋肯定係天價啦！唔通淨係食個湯底都已經夠飽咩🙊咁諗就完全錯啦，因為呢度做緊優惠，雙拼鍋底只需要$20😈廿蚊史雲生都買晤到啦😏，但係呢到就可以食到正宗香麻而晤搶喉，比較溫和嘅麻辣火鍋，再加上香醇濃郁嘅松茸野菌味，無得頂呀👻另外，餐廳亦都好細心咁滿足左選擇困難症朋友嘅不安，有多種拼盤可供選擇。肉類、海鮮、甚至蔬菜籃都一應俱全🤤 我地就嗌咗盛肉拼盤同青菜拼盤再散叫小小配料🤘🏻盛肉拼盤豬牛羊一次過滿足曬大家嘅口味，一上枱少不免相機食先，好窩心地有曬名牌，等大家食時知道究竟邊種肉係心目中the best🤲🏻 拼盤內一應俱全，有美國安格斯牛小排同埋牛板腱，西班牙黑毛豬梅肉，仲有紐西蘭羊肉片。肥瘦適中，肉香濃厚，尤其係個黑毛豬，令平時怕食豬嘅我都吃左幾片。追求多菜少肉嘅我，又點會錯過每一個有菜食嘅機會😹😹 青菜拼盤裡面有齊我常食嘅娃娃菜、油麥菜、皇帝菜，都幾新鮮，而且份量絕無欺場！散叫咗幾樣每次邊爐必點嘅野食，包捨鴨血、金錢肚，索曬麻辣湯精華，桂花蚌同蜂巢冰豆腐係我favourite，稍為灼一灼保留個蚌嘅鮮甜口感，豆腐亦都無令我失望，豆香味濃，襯埋松

今日去亞士厘道搵食，咁啱見到👀嘩～七折好抵喎原來新開張，海鮮拼盤同盛肉拼盤做緊特價入到去問經理我：係咪8點半前結帳有七折呀經理：係呀，不過而家7點，你地會食得好趕，仲有個$1湯底，雙拼湯底就$20既優惠都好抵架，你哋睇吓想要邊個優惠諗深一層打邊爐梗係舒舒服服慢慢嘆啦，個半鐘頭真係食得幾辛苦架最後揀咗$20雙拼湯底嘅優惠朋友唔係好食得辣，所以叫左小辣，我覺得麻辣度適中，小小麻又了小小辣，過癮，而個雞湯好濃，仲要唔多雞油，正正宗洪崖洞麻辣鍋拼養顏木耳雞湯 $20其實我想食海鮮拼盤B多啲,可惜兩個人一定食唔晒，不過海鮮拼盤A都好正，有竹串海蝦、活鮑魚、貴妃蚌同埋仲有成條活石蚌魚刺身(真。刺身，點wasabi豉油食)，經理話個魚頭唔好放落鍋😆，呢個拼盤真係無得輸，性價比超晒班，好新鮮，蝦同鮑魚仲好生猛，第一次食石蚌魚，好爽口、鮮甜，平時麻麻地魚刺身，呢條魚竟然有驚喜海鮮拼盤A$398黑毛豬～就咁睇都正，豬肉爽脆，有少少豬騷，建議唔好淥太耐1分鐘多少少就ok響鈴～原來係新鮮即炸，熱辣辣、脆卜卜，第一口就咁食無浸湯，十級，👋🏻無油益未，再浸雞湯食，不得了西班牙黑毛豬梅肉$128炸響鈴$45鴨血～我

好耐冇打邊爐啦!第1次食重慶野,見到D位係一卡一卡的,好有自己既空間。我叫左個1蚊既湯底,好足料,好多MUSHROOM,好濃味既湯底。我飲左湯先開始放D食料入去。愛海鮮既我叫左海鮮拼盤,D魚係成條上,魚片可以生吃OR熟食,我唔食刺食,所以熟食,好FIRM好FRESH。鮑魚好彈牙,仲有4隻咁多添呀!蝦既份量多,質都好好,又係好結實!蚌都係好彈牙!平時食開任飲任食既邊爐,D料都唔新鮮。但火鍋最緊要就係食材要夠新鮮,所以今次真係滿載而歸,好幸福呀!店員好好呀,佢會時不時問你有冇野需要,又問湯底是否OK。見佢寫住LIKE FB送炸既黑毛豬我就LIKE左啦!感覺上都幾抵食,因份量都多,而且係新鮮野。唔錯唔錯!

麻辣火鍋湯底可能食得多，來自重慶嘅依間火鍋店老字號真係要試下🥰========================盛肉拼盤A🥩 $288拼盤嘅外觀舖排工整，入面有安格斯牛小排、安格斯牛板鍵、黑毛豬及羊肉片，仲有似日本燒肉嘅木牌標記住唔同肉種，唔洗怕會撈亂👅推薦想試唔同肉嘅食肉獸嗌依個拼盤，一次過滿足多種願望🤩如果想試多肉汁嘅肉比較推薦牛小排，香滑細嫩，而且佢嘅油脂分佈相對平均，脂肪紋路似大理石紋，沉係麻辣湯底係絕配🤤牛板鍵嘅筋就較多，肉質厚實，鍾意食咬勁爽口又有肉汁嘅口感嘅朋友仔可以試試佢😉========================五色火鍋小籠包🥟 $88小籠包嘅顏色及擺放嘅器皿都色彩繽紛，五隻順序一層層放，非常精緻😍味道有原味、芝士🧀、黑松露、麻辣同埋蟹皇🦀大概放三分鐘就啱啱好，太耐就可能食整穿個皮‼️個人嚟講最吸引嘅係是黑松露味，小籠包皮和肉汁味濃郁☺️========================黑毛肚 $118依個係店長特別推介😋了解之後先知原來牛有四個胃，而黑毛肚就屬於第一個胃最先消化食物的部分🤔所以大家會發現佢顏色帶白少灰，比起平時食開嘅牛柏葉更乾凈，每片足足有手掌咁大🖐🏻

門口見到有牛肉拼盤，海鮮拼盤已經勁吸引，一落樓，門口有調味自助吧，店長問我們湯底係唔係食辣，原來這裡有個窩心設計，有個隔是用來食辣野時隔油用。食火鍋當然要有肉，有拼盤就最好，有兩款靚靚格牛肉，還有羊肉和黑毛豬。海鮮拼盤亦都是必食，有魚條刺身，條魚真係勁新鮮，我一邊食，條魚骨不時跳動，魚眼還移動哦。其他海鮮都好生猛，蝦和鮑魚都會郁。鮑魚，蚌和蝦都好大隻，又厚肉。叫這兩個拼盤已經好夠，而且不用慢慢㸃菜，超好。

朋友在附近返工, 同我提過這間火鍋店, 今日就過去試試, openrice 寫L5出口, 但其實行遠左, 如果出 ISQUARE向前行更快捷！餐廳很大，枱同座位都很闊落，佢地有海鮮＆肉類套餐，價錢亦很優惠，湯底只收１蚊，如果兩款湯底就＄２０！我揀左木耳雞湯底，吾會好油，而且有成半隻雞，仲要１蚊，真係超級抵。個湯好有家既感覺，好暖胃！小食叫了醉鴨舌，酒味夠，又爽口，份量亦足！海鮮拼盤亦好足料，非常新鮮，魚片可以刺身甘食，亦可打邊爐！蝦好實肉，蝦尾亦切好，好周到！牛肉亦好林身，入口即溶。自家製庶水吾太甜，好清甜！如果趕到　８點半埋單，可享全單７折，但就吾能夠同１蚊湯底一齊用！最後仲有優惠卷送，下次幫襯送海鮮拼盤！另外要贊一下餐廳侍應都很有禮貌。

假日最愛活動就是捜羅美食，火鍋算是其中一樣最愛，今日來到亞士厘道的重慶洪鼎火鍋，是一位好友的好介紹。是日星期日6時許來到，已有很多人火鍋中。服務員很有禮，笑容可掬，比其他火鍋店更有禮貌！餐牌每樣都很吸引，8:30前離座可有折扣！火鍋醬料的為自助形式，醬油碟另一邊以隔油隔湯設計，吃火鍋更方便！細心！湯底點了雙拼，分別是麻辣火鍋，要了中辣，但辣跟麻的比例剛好，紅油很香！另外木耳雞湯湯料足，清甜，不會有口渴感！免費like餐廳facebook有酥肉送，而且份量並不少！酥肉用上的豬肉油脂較多，可放入麻辣湯輕灼數秒，吸收湯汁後口感更佳！友人口中洪鼎火鍋的用料非常新鮮，果然無介紹錯！首先點了個招牌盛肉拼盤，有牛有羊有豬！擺盤靚不在話下，肉質更非常新鮮！當中牛小排入口即化，牛味濃郁，令人吃不停口！羊肉片及黑毛豬沒有肉羶，用清湯更能出肉香另外加拿大桶蠔同樣必點，首先價錢便宜，7隻手掌般大的桶蠔只需$148，比街市還要划算！淥完不會縮水，肉厚鮮味！滿足白鱔片以厚切方式上碟，每口啖啖肉！同樣鮮甜！鱔味十足無腥。手打類點了蝦滑，蝦肉大大隻，出奇的好彈牙，屬好高質的蝦滑。用麻辣湯更惹味！黑松露餃子同樣皮薄餡料

麻醬非常特別， 同蒜頭一次吃， 為左食材加分。服務都是這家店的賣點之一， 服務好到可以同海底撈比過。不可錯過的道地麻辣湯底，建議可以點普通辣再上， 辣度已經調整過，不會好辣但是有少少麻。鮮菇湯底給足菇， 熬到非常甜。推薦各位放海鮮下去煮398的海鮮拼盤， 裡面有魚刺身， 鮮鮑魚，鮮貝殼同大蝦。魚非常新鮮， 魚頭送出來的時候還會動。想吃海鮮鮮味的朋友不妨放在清淡的湯底煮， 以防讓麻辣的湯底蓋過。我們還叫左鴨血，黑毛肚，腸同腰。服務員會貼心的同你解釋如何唰這些食材。千萬不好煮太久， 會縮水。腸同腰脆卜卜， 不會有腥味。288的豬牛拼盤， 份量給到足， 肉的油花分布均勻。吃的時候不會材也都不會覺得太油。