重慶洪鼎火鍋 (已結業)

朋友生日，不得不要請佢豪食一餐啦，呢日我地就去左尖沙咀個重慶洪鼎火鍋，貪佢夠晒時間，又可以keep住不停咁烚下烚下，同老友聚餐一流。我地叫左個火焰醉膏蟹鍋，好彩叫得快，不用一陣隔離檯都想叫呢個鍋都冇啦。一黎到個鍋，侍應即刻就幫個鍋翻兩翻，跟住就點火，成隻兩個手掌咁大嘅蟹，就即刻著晒火，慢慢由青色變紅色，估唔到嘅就係個鍋裡面仲有好多牛柳粒，大大隻嘅花甲，侍應仲話，記得浸嘅湯先係精華，因為全部都好新鮮嘅食材，我地都不停咁飲左好多碗。真係好鮮甜！我地order左盛肉拼盤A餐，D肉多到呢，睇下張相就知冇花冇假。D肉質鮮嫩，齒頰留香。重慶必食拼盤，呢個更加考究，侍應放地食物個陣，曾經叮囑過我們，邊一種需要多少分鐘，我地最終因為都唔記得晒，結果係全部一並係到烚，搞到似乎嘥左咁。我地似乎都未夠喉，仲叫左手打鮮蝦滑同五色火鍋小籠包。其中個好令人刮目相看嘅就係，個蝦滑真係真係好彈牙，好多蝦，一個咁大嘅蝦滑，真係頂得上叫好幾碟不同嘅丸啦。而個小籠包，更是五味紛陳，五種不同嘅味道，啱晒不同口味嘅你。餐廳做緊個活動，facebook 贊同分享就可以有免費一碟炸酥肉，又香又脆，我地梗係唔執輸啦，不過確實係值得s

今日阿妹正日生日！所以同佢食餐好！佢鍾意食麻辣火鍋，所以我喺OR搵到呢間重慶紅鼎火鍋🍲，應該啱佢食啦掛☺️入到去係中式既裝修，同而家返深圳極高級中式食肆冇咩分別。入邊環境闊落，座位都好四正，枱與枱之間都幾闊同埋係半卡位式，每張枱都預咗有個小假用嚟放火鍋配料。而且一行到入去餐廳入邊就有好香嘅麻辣味～睇返餐牌都有好多選擇，不過好明顯要拼盤就抵食好多；而且拼盤嘅設計都幾體貼，有細分適合二人份量或者去到大份適合五至六人分都有。我地兩個都好鍾意食海鮮，所以揀左個細既海鮮🦐🐟拼盤就啱哂🥰落左單冇幾耐，店員好快就送上湯底，另外原來仲有送蔥🥬、豬紅、同埋芽菜呢一啲伴菜，早知道我哋唔使叫個青菜拼盤🥗因為怕食唔晒😂叫咗個魚皮做小食，估唔到佢個魚皮都好出色👏🏼唔使放湯食就好鬆脆，又唔會太鹹，仲有好淡淡嘅蛋黃香，可能落咗少量嘅鹹蛋黃調一調味，但又唔濃，就咁食或者放湯食都得😋主角出場啦！當個海鮮拼盤上枱嘅時候我真係大叫左一下，因為份量好多，好大，最令人驚訝嘅係所有海鮮都仲郁緊! 天啊！新鮮程度爆燈！魚🐟頭魚尾仲郁緊，店員就介紹魚刺身可以就咁食或者放湯都得，如果放湯就預10秒左右就得，魚肉一變白就要食、唔係就會鞋！

今日跟朋友來到尖沙咀行街，滿載而歸就醫醫肚吧，朋友話想食麻辣火鍋我即刻諗到呢間之前食過不錯的今次仲做緊$20湯底雙拼，要了個麻辣鍋併木耳雞鍋，麻辣香度十足又夠層次，而另一邊木耳配滑雞好清甜另一個抵食要數到盛肉拼盤A，入面有安格斯牛小排及牛板腱，西班牙黑毛豬梅肉同埋羊肉片，2雙牛味都濃，牛小排嫩諗，牛板腱比較有咬口，另外羊肉唔算羶超級邪惡牛餐肉喺一粒粒正方形，經炸過好香口，放落麻辣到幾秒真係好好食，麻辣與香口餐肉好正貢茶豬肉丸粒粒超足料又大粒，爽口彈牙豬肉味好出，入面貢茶嘅鹹香加好多分鴨血好入味又嫩滑，放滑湯都正，麻辣更出色鵝腸爽脆帶咬口，如果嫩諗一點仲正仲叫咗豆腐及萵筍

黎到尖沙咀，好多打邊爐，入面唔少放題打邊爐，今次黎到洪鼎火鍋，雖然佢唔係任食打邊爐，但價錢一d都唔貴，而且食物新鮮，岩晒一班想食好啲既朋友黎。環境方面，全實木制枱椅，感覺非常中式，好配合餐廳名字主題，氣氛好古式古香，同一般邊爐舖唔同。放工約埋一班朋友黎，一路食下野一路傾計，完全唔趕時間。仲有Bouns point佢d啤酒價錢好相宜。食物方面1）特別推介佢個拼盤，今次叫左佢個美國安格斯牛拼盤，入面有齊各種牛類，仲有豬同羊。一盤就夠晒2-3人食。肉質新鮮，牛肉好重牛味。2）啤酒方面，試左佢個黑啤，一支500ml都只係$20，岩晒打邊爐飲3）至於丸菜類方面，可以叫半份，試多啲唔同既野，半份，都只係$22蚊，真係唔驚食唔飽喇。

打邊爐既癮永遠都係三日唔埋兩日就起....今日天未黑就黎到尖沙咀打邊爐，因為事前做過資料搜集，知道8:30前離座可以有全單7折咁就晨早黎到啦！呢度叫得重慶火鍋當然係有麻辣湯底啦～但同行有朋友個胃最近麻麻，我地今次都係叫番d養生d既湯底：包括雞同松茸！雞湯底夠哂足料！有成大隻雞脾係入面～不過提提大家隻雞脾唔好一黎到就食，因為係半熟，要煲多陣等佢全熟先好食～店員有同我地推介佢地有海鮮同埋肉類拼盤～同行友人對海鮮有敏感所以我地就主攻肉類拼盤！ 我見附近有唔少人叫海鮮拼盤，材料都幾新鮮，d蝦隻腳仲隻郁@@ 牛同羊都好濃味！ 羊就唔會太so~~響鈴必叫！唔係出面盒裝個d 睇得出係鋪頭自製！呢度有樣野不得不提就係好多食物都可以叫半份，岩哂人少少又想試多d! 價錢未折前都好合理，折左之後感覺仲抵左好多～

去完海港城行街就去搵野食，上網睇到附近有間重慶火鍋都幾出名，所以去左試一試😛結果出乎預料之中真係好好食😋朋友都話好食😁湯底我地叫左麻辣鍋bb辣，建議食得辣嘅朋友可以叫小辣，湯底又香又麻好正🤣我地叫左盛肉拼盤A😁🌟美國安格斯牛小排🌟美國安格牛板腱，2種牛肉油脂分泌平均入口即溶🌟紐西蘭羊肉片🌟西班牙黑毛豬梅肉沒有騒味，肉質非常新鮮推介😋🌟黑松露水餃🥟黑松露味道濃郁，好特別值得一試🌟牛黃喉食落爽脆建議五洗滾咁耐，重點係全部都可以叫半份，可以試多幾樣又五洗做大晒鬼😂

去到發現轉咗優惠，冇咗$1 湯底，但唔緊要，仲有其他優惠，二選一: 半價湯底 或者 830前離座主餐牌有7折優惠(但不能同拼盤優惠一齊用)，人多嘅話建議揀7折，好似較便宜但我有只有2人，所以揀咗半價養顏木耳雞湯，有半隻雞在內，肉質十分嫩，可以最後切嚟食兩個人選擇了洪鼎海鮮拼盤B相當大盤，因為基於當日沒有元貝，所以4隻元貝補上了六隻貴妃蚝，種類十分多，每樣海鮮都十分新鮮和大隻可以見到，蟹膏十分飽滿，靚蟹👍🏼煮熟後size自然縮了少少，但十分爽口蠔的size 未煮前接近3/4手掌🖐️煮後縮細了但仍然大，入口十分滿足🤤蝦🦐十分爽口，絕不是雪藏的還可以喝雞湯🐔不會太重味精店員體貼提醒有圍裙供應每個座位還有差電提供Like and share fb送的，但花椒油太濃烈🌶🌶🌶🌶岀去自己買呢啲咁大隻嘅海鮮都貴🤔呢個價錢十分滿意😇

在眾多火鍋之中，個人最愛重慶火鍋，那種麻辣實在很有層次，當我知道尖沙咀新開呢間重慶洪鼎火鍋，當然要即刻來試下！－正宗洪崖洞麻辣鍋重點推薦！！重慶麻辣火鍋的湯底真係冇得輸，辣得有層次，仲有濃濃的牛油香，百吃不厭！－強身松茸野菌湯本來只係想揀個清少少的湯底中和一下，沒想到有驚喜，松茸非常足料，清香撲鼻，我當湯咁飲左一碗，真係好正！重慶召粉$32 點左麻辣湯底必食，非常吸湯，彈牙又煙靭，正！海鮮拼盤A $398今日想食餐豪D，食個豐富的海鮮拼盤～－活石蚌魚刺身一條－竹串海蝦－活鮑魚－貴妃蚌海鮮全部好新鮮同埋非常鮮甜～尤其係刺身，就算唔點芥辣同醬油都好好味，完全唔需要辟腥，好正，必點！盛肉拼盤Ａ $288美國安格斯牛小扒美國安格斯牛板腱西班牙黑毛豬梅肉紐西蘭羊肉片如果淨食海鮮唔夠飽，仲有個好吸引的盛肉拼盤，200幾蚊有齊牛肉、豬肉同埋羊肉，而且肉的質素都很不錯，很鮮嫩。竹蔗水（渣）$58整體來說，雖然價錢不算便宜，但湯底足料，海鮮和肉類都很新鮮，加上優質服務態度，值得一試！

係酒樓打邊爐，多數都係貪大件夾抵食，無咩享受可言。同多年無見既中同食飯，當然想食好d，坐得舒服又吾好太貴。早幾日Lunchtime行過見有夜鳥9點入座優惠，幾抵咁，於是我係群組提議黎食，估吾到有個中同自稱食過，和議黎食，其他中同無意見，所以我就9秒9打電話去訂位。呢間餐廳吾難搵，係港鐵站九龍公園出口行過黎5min度。門口有點中國古代特色，入面既裝修就好新潮，而且抽風系統吾錯，無咩打邊爐味。有人酷辣，有人怕熱氣，所以我地叫左招牌麻辣鍋同芫茜皮蛋湯。麻辣鍋有5個辣度。中同們叫左中辣，我吾食得辣，所以淨係用芫茜皮蛋湯。芫茜皮蛋清清地得黎，有淡淡芫茜味，真係幾熱暑降火咁。有食得辣既中同都話我地既鴛鴦鍋有冰火交融既感覺。呢度既前菜好特別，有炒黃豆同酸蒜頭。炒黃豆好清新，無花生咁油膩。我地揀完湯底同配料後，店員每人遞上圍裙，好鬼細心。五色火鍋小籠包，淨係賣相都呃左吾少Like，店員仲比左個計時器黎方便我地計4分鐘煮用時間，果然周到。5粒除了外皮吾同色外，入面既饀都係吾同，我食左橙色果粒，係麻辣黎，少少辣幾過癮。豆腐比起街市買既更濃豆香味，而且吾易夾爛，打邊爐岩哂。打到咁上下，我地期待以久既洪鼎盛肉

人多圍埋一堆打邊爐就最岩，所以呢晚就有朋友仔提議黎呢度打邊爐。門口既裝潢既有中國特色，又幾新潮，有好多燈做裝飾。天花板以夜空星星做主題，好靚。餐廳內既裝潢都好有格調，用五光十色既燈做裝飾，但枱面同調味區就光線十足，絕對吾怕太黑影相吾靚同影響食慾。調味區自助形式，非常整潔，而且有標名，吾洗估估下，仲有餐具任拎，夠細心。我地揀左鴛鴦鍋，可以揀兩種湯底，只係以售價較高既加廿十蚊，收費合理。我地叫左松茸野菌湯配芫茜皮蛋湯，盛惠$160+$20兩種湯底望落都好足料，店員仲好貼心咁遞碗比我地試飲下個湯，果然夠味得黎又吾會過咸。我個人較喜歡松茸野菌湯，因為真係有陣陣菇味，一d無臭青味都無，而且有好多香菇野箘比我地食。貢菜牛肉丸比街巿買到既size大差不多一部，而且睇得出係手打既。碌熟完之後，我地每人一粒，大家都大讚真係有好多貢菜係入面，同牛肉好夾，彈牙又有口感，必食之選! ($55)重慶地道酸梅湯果然係自家製，無出面果d咁甜，酸梅味較重，好開胃。($58楂)手打鮮蝦滑同樣十分彈牙，鮮度十足，大家都爭住食($78)手工黑豆腐又係另一少見火鍋配料，豆味重，而且又口感，果然有特色。($30)店員介紹呢杯紅

首先他的裝修是很好的，有種古風，間隔適當。而且地方也不污糟，一有客人離開便馬上清潔收拾，桌子也清潔得十分乾淨。另外火鍋用的工具也十分齊全，有幾種打撈的用具都十分方便。即使是勝在醬料的碗十分貼心，分開兩邊，方便客人同時選取兩種醬料。［食物］「洪鼎盛肉拼盤」「盛肉拼盤A」因為只有兩個人，所以亦沒有選擇太貴的拼盤。我想這個價錢也十分適中，就有兩款牛肉，一款豬肉和一款羊肉。肉味也相當濃郁，不會像有些店冰得甚麼味道也沒有，亦十分有口感。「小天鹅淳鲜厚麻辣锅底」湯底我們選擇的是小辣。但大概太高估自己了，一開始的時候就已經覺得很辣，所以一直將裏面的辣椒等等配料打撈出來，但還是非常辣。估計是太正宗的麻辣火鍋，大概是我食過最辣最麻的一次。我想大家應該要量力而為，或者選擇鴛鴦鍋，可以在接受不了那種辣度的時候，還可以用雞湯等等來火鍋。「新鮮採購本地手切肥牛」我們點的是半份手切肥牛，相當厚實，而且感覺油香十足。「稻庭烏冬」因為湯底很辣，所以烏冬吸收了湯底的辣味，香味十足。「竹蔗水」祝這水感覺十分足料，感覺跟媽媽在家裏煲的差不多，解辣一流，又可以清熱不上火的感覺。「娃娃菜」「金菇」

平時最鐘意周圍搵食，今次去尖沙咀打邊爐知道一間呢間餐廳新開無耐，我地一於去試新野！地點好方便，地鐵一岀行兩分鐘就見到。入到去個場好闊落，好多四人卡位，絕對坐得舒服。我地兩個人六點去到，唔算太多人，一坐低，店員好好服務就推介我地有兩個優惠，可以二選一。1) 就係八點半前離座有七折2) 火鍋湯底一蚊，雙併加20蚊！ 兩個優惠都好抵，我地早到所以要左七折優惠。我地想試個新鍋底，要左火焰醉膏蟹拼花甲鍋$328，係貴少少，不過有蟹，仲份量好多，真係好抵食！之後店員就幫手加湯，煮岀泥既湯底好鮮甜，蟹味濃郁，都好多膏下，所以咁既價錢有新鮮蟹湯，絕對一流 大家記住like Facebook可以送重慶炸酥肉，炸得好香脆，有點辣辣的，作為小食是真的不錯👍🏻佢仲有好多套餐可供選擇，我地要左盛肉拼盤A🥩 $288拼盤嘅外觀舖排工整，入面有安格斯牛小排、安格斯牛板鍵、黑毛豬及羊肉片，仲有似日本燒肉嘅木牌標記住唔同肉種，唔洗怕會撈亂。如果想試多肉汁嘅肉比較推薦牛小排，香滑細嫩，而且佢嘅油脂分佈相對平均，脂肪紋路似大理石紋，沉係麻辣湯底係絕配🤤牛板鍵嘅筋就較多，肉質厚實，鍾意食咬勁爽口又有肉汁嘅口感嘅朋友仔可以試試

同朋友尖沙咀，見呢間麻辣睇落幾好食就入去試試。呢間行比較高檔路線。星期日人數都唔算多，都係坐左半個場。都好咁樣可以傾下計，慢慢打。另提佢有USB同圍裙，算幾貼心。湯底叫左正宗洪崖洞麻辣鍋，諗住小辣應該okay。但我同朋友都受不了,用左大量紙巾😂 建議唔算好食得辣既叫BB辣就好了。但佢真係辣得幾好食😂 我地不曬啲料出黎，多到一座山咁高。叫左一個個盛肉拼盤A, $380 加 港式手切本地肥牛半份 $188 ，覺得咁先夠2個人食。啲肉幾靚，唔係就咁平時火鍋放題果種！仲有叫牛柏葉半份，$38，味道正常啦，份量略少。金菇同娃娃菜好吸味，辣死我啦😂😂 由於太辣既關係⋯忍唔住叫左兩楂竹蔗水⋯😂最後賣單共$1010

尖沙咀一蚊🤑湯底火鍋又返嚟啦🤩食物質素超級高質💯 環境舒服推介大家一試超貼心有隔油盤🤭將煮熟嘅食物隔水隔油後先點醬料.🥳 今次玩鬥快 最快留言講出你最想食嘅海鮮🦞 送一張免費海鮮拼盤‼️‼️.正宗重慶火鍋 一蚊湯底包括正宗洪雀洞麻辣鍋 有變態辣🌶️、大辣、中辣、辣、BB辣揀 超級正宗都只係$1強身松茸野菌湯、養顏木耳雞湯、滋陰酸蘿蔔鴨湯、降火芫荽皮蛋湯貪心啲要鴛鴦湯底只係加多$20想食豪啲🤩有火焰🔥蟹膏花甲刀貝湯張相碌後啲就係我嗌嗰個啦😍用火槍😳噴火即刻炒 成個湯都creamy 嘅海鮮湯底.#海鮮拼盤 $398呢個超級抵‼️四人份量所有海鮮即叫即劏所以上枱嘅時候啲海蝦🦞、石蚌魚、鮑魚、貴妃蚌都係死唔斷氣咁郁緊嘅🤣石蚌魚刺身爽口鮮甜👍🏻鮑魚絕對唔會癡殼呢度嘅海鮮真係好新鮮‼️🤤.牛肉方面有三款價錢揀 分別$280、$560、$720呢款係最靚嘅澳洲和牛🤩包括有M4澳洲和牛牛肩後肉、M4澳洲和牛牛後胸肉、M4澳洲和牛牛肩卷、M4澳洲和牛三角肉碌5秒食得🤤雖然冇日本嗰啲正 但澳洲嘅蝸牛脂肪分布平均 都有入口即溶嘅感覺😍要讚嘅係M9澳洲和牛牛丸👍🏻😳 連粒牛丸都有濃郁嘅和牛味 一咬落去見到手打牛肉嘅紋

大食妹都幾鍾意打邊爐，有時就算一個人都會去打邊爐話說近排男朋友仔好忙，難得今日得閒少少，諗住約佢食好嘅邊爐鼓勵下佢，所以就係尖沙咀book咗呢間重慶紅頂火鍋店，等佢食下肥牛食下海鮮開心吓啦話說呢間野係喺地庫，行行左條長長嘅樓梯落到地庫，見到火鍋店係行黑色型格的佈局 話說餐廳嘅裝修都係黑色為主，但係都幾光猛喎大食妹鍾意光猛D的餐廳，唔會食下食下想瞓覺打開個餐牌見到都有幾多選擇嘅，肉類、海鮮、丸類、麵食樣樣齊，不過價錢係偏貴少少，咁要睇吓個質素如何<盛肉拼盤A$288> (好味：4/5) (抵食:3.5/5)四款肉分別系牛小排、牛版鍵、紐西蘭羊肉同埋豬梅肉四款肉大食妹最鍾意食紐西蘭羊肉，羊肉好夠羊味，有少少羊的蘇味，所以鍾意食羊嘅朋友一定要食啊<加拿大桶蠔$148> (好味:3.5/5) (抵食:4/5)呢個蠔真係幾抵食一客有六粒，每粒都有半個手掌咁大，兩個人食其實有啲多，建議三至四個人嚟食先好嗌粒粒號都好鮮甜，一咬落去啲汁必出嚟<貴妃蚌$128> (好味:3.5/5) (抵食:3.5/5)貴妃蚌好爽身嘅，不過鮮味就普通，同出邊食嘅差唔多&#