金撈老鴨湯刺身火鍋專門店 (已結業)

媽媽突然話想出街食飯，喺諗唔到食咩情況下當然選擇烚吓烚吓啦，因為咩都有得食嘛！因為兩個人食唔到幾多款野食，即刻叫埋姐姐一家三口一齊食飯，因為之前有朋友食過話D湯底唔錯，食完都唔覺口渴，所以就選擇左呢一間試一試，因為媽媽好怕出街食飯勁味精。左揀右揀最終叫咗一定唔會中招嘅鴛鴦湯底，平時去打邊爐，好多鴛鴦湯底當中嘅沙嗲湯味道淡茂茂，冇咩沙嗲味；但呢度嘅沙嗲湯底係超香濃嘅沙嗲味道，用黎烚牛肉簡直係絕配而牛肉我地就揀咗牛頸脊肉，好有肉味，好滑好新鮮。而媽媽一向都喜歡食蔬菜，而且呢到竟然有媽媽喜愛嘅紫淮山，平時打邊爐普通淮山都唔係間間有！另外值得一讚比個Like嘅係炸芋頭，新鮮即炸超香口！第二個驚喜係原隻自家浸嘅花膠，價錢一D都唔貴，都幾大隻吓另一特式係鵝肝墨魚丸，墨魚丸好彈牙窩心位置：係枱底有個竹籃比客人放物品

終於食到 同事極力推介嘅”金撈”呢度出哂名嘅”金撈富貴老鴨湯底” 果然名不虛傳 -正再點野食 花多眼亂嘅情況下 職員主動推介食物 重點推介左 個小食”黃金溏心皮蛋” 果然無介紹錯 真係堅好味 再叫左北海道干貝滑 鹿兒島黑豚肉 呢2味要必食仲有 帝皇蟹肉捧 扇貝 雞肶菇每樣食物都好新鮮 🤗🤗 比讚

今日經過佐敦好想打邊爐，就又諗起老鴨湯湯底好正，所以就行過去餐廳。一坐低店員即刻遞上醬料比我地自己混醬。金撈富貴老鴨湯有半隻鴨，蟲草花，素翅，杞子及藥材等。滾完之後店員就過來幫我地一人分一碗鴨湯俾我地飲。鴨肉肉質嫩滑又不鞋口，鴨湯湯底清甜鮮甜，我地一人飲左兩三碗飲完就開始打邊爐了。用料十足，鴨肉夠嫩滑，湯美味可口。紫淮山好特別都是第一次見，難得有當然要叫來試下，紫淮山阿粉好好味。珊瑚蚌和桂花蚌都好新鮮又冇雪藏味，滾一下拎起好爽口彈牙安格斯牛柳粒牛味濃厚，熟左沾上芝麻醬又加香口。脆鯇片好新鮮，魚片食落口夠爽脆。手打深海花枝滑用墨魚打造，花枝滑爽口彈牙美味可口。

上星期天氣轉熱，不過竟然決定試試呢間隱世鴨湯邊爐！地點算不錯，都唔算難搵。雖然食到一身汗，不過都係正嘅湯底清清地，滾起後一定要飲返碗！湯底好濃味仲有好林嘅白蘿蔔手切細肥牛，好有肉味！不過有點點貴牛肝菌試食價，味道口感都好新奇，其實有啲似竹笙！鴨紅，10分鐘剛剛好，好滑新鮮鵝腸好食嘅，不過實在好多肥膏可惜嘅係新鮮黑柏頁好早無晒，要留返下次再去食啦～至於服務員亦算殷勤，不停為我加「水」埋單後亦有珍寶珠送

好姊妹約食飯，話要打邊爐。但係新年我已經食大左，今餐想食清D喎! 我唔要李x記沙爹底、唔食丸唔要肥牛，得唔得先？佢話 ok ，仲有心水推介。好！信你！佢的心水推介叫 「金撈」，個名有D土豪 feel ，但幾好記。位置柯士站附近，行五分鐘左右。時間尚早只有一半枱 full ，D枱四四正正都幾好坐。好姊妹話打邊爐最緊要係靚湯底，呢到出名係用老鴨湯底來打邊爐。佢指明要老鴨鍋，其他配料任我揀。我仲度緊食乜好之際湯底已經上了。差不多滾起阿姐便過來幫隻鴨去皮同撇油，仲建議我地每人整返碗先。 果然正喎，有飲老火湯的感覺，湯好清而且咸咸地好下火。另外，每人仲有一隻鴨脾添，鴨肉鮮嫩又有鴨味 ，Good wor ! 响飲湯的同時，我就點火鍋配料，儘量揀左D可以配到個湯的，同埋牌餐上的必食Good 推介。脆骨腩 $68份量很多，又新鮮爽脆，有驚喜，兩個人差點食唔曬。美國桶蠔 $138一份蠔有六隻，size 很大，鮮甜好味係靚蠔。牛柏葉 $48本來order 黑柏葉，但冇貨。阿姐推介牛柏葉，但一般般有點靭。新竹米粉$28有靚湯，突然想整返碗鴨湯米，味道好夾。雜菜$38因為湯底正，真係淥條菜都正D！ 再加上佢D

聽朋友介紹這裡嘅老鴨火鍋湯底超正，今晚就約了幾個愛吃嘅朋友去試試，首先要提醒訂位，因為真係好多人，如果冇訂枱要係出面等有吉位出現，一場白行無謂！因呢方面有唔少同類經驗，所以我們都係有訂位！位置唔難搵，柯士甸站向油麻地方向行到文昌街尾或由西頁街一路直行就到！好食就係咁行多少少，可以食得多啲！(消耗了)入去正題，之前都有望吓有乜必吃之選，本身叫金撈老鴨湯$198(一隻)，但店員推介金撈富貴老鴨湯$198(半隻)，用料比起只係老鴨湯多了冬蟲草，素翅，杞子等藥材一起煮，咁就照她嘅推介，其實好人都係點呢個湯底，等了一會店員盛住個鍋上枱，鍋中明顯見到素翅就放在老鴨上，而湯中放滿了冬蟲草同杞子雞比菇等材料，特滾熱氣，店員為我們分開老鴨肉同分頭啖湯，如果喜歡飲老火湯嘅朋友，一個字正！味道鮮甜，夠晒味，加埋啲嫩滑鴨肉，彈牙素翅，入口暖粒粒嘅感覺，係又冬又大風嘅晚上入口嘅感覺真係一絕！另外佢有特價海鮮，大大隻扇貝，都係$30/隻，當然手快有手慢冇啦，而且加埋蒜蓉粉絲去蒸，新鮮甜美又彈牙！絕對抵吃！跟住當然係要叫個招牌本地手切牛頸脊(大)$298，大大碟，師傅切得啱啱好，拖一拖個老鴨湯底，入口味道嫩滑軟熟，

朋友們聽心到哩間老鴨煲湯正料足，所以成班吃貨今日相約去試試佢原來店舖細細，但好有私人空間，如人多去食，大枱係可以有獨立房間分隔既安座後，睇到個富貴老鴨湯就已經好想試跟住我地點左D邊爐菜第一次見到有紫淮山，價錢唔貴，都好想試一試我地幾個一見到哩個menu都勁開心，立定志向食完鴨湯要試試哩個原隻生果雪葩點菜後，店員就拎左個醬盆比我地選醬，醬料選擇都好多我地叫左個檸檬薏米水試吓，飲落已經好足料，但味道好清新，微微檸檬味好能夠開胃飲到落底，原來真係好足料嫁先來個招牌糖心黃皮皮蛋，糖心皮蛋就食得多，但黃金皮就第一次試，配埋酸薑一齊食，真係胃口大開同埋第一次食糖心皮蛋配埋三文魚子一齊食，味道又真係幾match喎，爆開既魚子有少少微咸既味道，配合埋皮蛋既糖心，真係幾唔錯主角出場了，個富貴金鴨湯一上枱就已經嘩聲四起，因為真係好大個，好足料上枱煲滾時，大家都聞到陣陣香氣，好期待，一煲滾店員就幫忙將原隻鴨分折，仲幫我地片埋油添個湯既味道十分有鴨香，鴨肉入口即溶，一入口大家已經話哩間餐廳一定可以再黎，煲湯超大煲，因為唔想浪費個湯，所以店員係當大家飲夠湯後先加湯比大家打邊爐既，我地四個人飲，每人都飲左4-5碗

排着隊食團年飯，係柯士甸道放工，大佬帶我地去食好野。佢話魚翅撈飯喎！看似黑暗的街角，點知係全院滿座的金撈。一坐低店員已經急不及待咁招呼我哋，第一件事放低所有嘅混醬，款式比其他店多喎，我哋快快手自己撈掂。跟住另一位店長已經向我哋推介鎮店之寶－金撈老鴨湯既然係招牌湯底，大佬俾錢梗係乜都試吓！滾左大概10分鐘，阿姐就過嚟幫我地手啦！仲特別提我地記得首先品嚐湯底，然後才打火鍋。先嚐一口湯，店長同我地講老鴨湯經精心燉煮超過兩小時，風味獨特，鴨肉有多種食療效果，對身體有益，入口果然好味到不得了，尤其是我屋企少湯水飲，呢碗湯簡直係清泉大佬話係正宗老鴨湯，配以不同配料及店家秘方燉煮，夏天又唔會驚熱氣，今天又到滋潤，一年四季均適合食用。首先來一下小食，糖心黃金皮蛋，夠晒特別，而且子薑帶有微酸味，非常開胃。店內的竹遮茅根水又是誠意自家製飲品。清甜而且生津解渴。我哋仲叫咗個晚市雙子星，即係特價孖寶聽講久不久就會轉下款，今次就係鮑魚配牛肉粒，都只不過係 $138。限量發售嘅南非鮑魚，爽口彈牙手快有手慢冇嘅招牌本地手切牛頸脊，食完令人回味無窮。我哋今晚坐大廳，見到店裏面其實設有三間貴賓房可供預訂，開 party

現今火鍋店開到成行成市，沒有特色的火煱已經不合時宜。今晚來到文昌街的金撈老鴨湯刺身火鍋專門店，主打老鴨湯底，在寒冬下補一補身。坐下先混一混醬，每人$20，當中比較特別的是干蔥碎。招牌老鴨湯(半隻)（$148）是火鍋兩食，先喝鴨湯及吃鴨肉，店員再加老鴨湯成為火鍋。老鴨份量都不少，吃完已經半飽。鴨湯配上酸蘿蔔味道清甜，不過油分都多，最好隔一隔油。火鍋生料整體都不便宜，我們再點了特價$198的M9和牛刺身、$68的脆鯇骨、$28的粟米及$38的皇帝菜。M9 和牛剌身只有數塊，都是意料之中的事。和牛脂肪均勻，入口即融。脆鯇骨魚肉結實又彈牙。粟米和皇帝菜都新鮮。

近日得到朋友推介來到佐敦為著鴨湯底邊爐而來。平時吃的多以麻辣或雞湯底，今次一試又可以滋補的鴨湯底。金撈老鴨湯(半隻) $148我們點了半隻鴨，當湯滾起後，首先要盛起湯底當湯飲，另盛起鴨肉再點泡椒醬，份外惹味。石斛竹蔗芧根水 $48/ 渣至尊牛三星 $398以high tea 三層形式擺放，三碟火鍋料分別有本地手切牛頸脊 + 什錦牛粒 + 牛胸爽 + 牛舌芯，本地手切牛頸脊。推介牛頸脊！雙拼滑 $88自家炸響鈴卷 $48每次食火鍋都必會點餐廳自家炸響鈴，即叫即炸是最好味，可惜這店的響鈴卷有點遜色，不夠香脆，偏細卷所以食落口沒有層次口感。  新鮮野生竹笙 $88 推介！非常巨大的新魚野生竹笙，未食已經眼突突，第一次見原隻大大隻。火鍋食一流。皇帝菜 $38火鍋配皇皇帝菜，是必食配撘，菜很新鮮。Like Facebook 送麻辣鴨掌結帳時還有珍寶珠食。

最近天寒地凍就最適合食火鍋嘅時候，所以時不時都做定功課，睇吓有冇較為有特色火鍋，遇到有機會就會去品嚐一下，至於今次就梗係趁住呢期持續寒冷天氣，去我想去嘅火鍋店暖一暖胃順便品嚐美味食材，火鍋店位於佐敦文昌街，咪睇少呢度雖然只得幾條街，但已經有好多不同食肆係呢度經營就知美食夠晒集中包括今次呢間火鍋一睇門口就知道今次主題係鴨，不過大家未食過未必知道味道如何，但如果食過你就會明白佢嘅吸引之處，至於鍋底好自然點咗招牌菜金撈富貴老鴨湯，材料有蟲草花，素翅，杞子等藥材同埋主角鴨，聽店員講先品嚐咗老鴨湯再先至享用火鍋，等湯滾起再由店員分給大家品嚐，入口飲到湯嘅鮮甜再加藥材出來味道飲落零舍滋潤，當然唔小得食埋鴨肉又估唔到肉質仲咁滑嫩，記得要趁熱飲咁先最好味飲完靚湯就到火鍋，不過都要食D招牌小食食住先有糖心黃金皮蛋，皮蛋配上三文魚子同酸薑，入口皮蛋香濃加上魚子更加提升口感，酸薑又夠開胃再來係招牌本地手切牛頸脊，肉質呈現鮮紅色就知肉幾新鮮，而油脂分泌夠濃密，先放一片落湯燙一燙見牛頸脊肉收縮就可以品嚐，食到牛肉嫩滑之餘肉味又夠香濃，真係越食越滋味除咗牛係必食之外，手打四寶丸都另一推介，食到手打丸全部係真材實料

天氣凍，就好想打邊爐。朋友介紹咗一間好高質嘅打邊爐俾我，趁着假日同屋企人去咗佐敦呢間金撈老鴨刺身火鍋店。一坐低，店員拎左醬料架比我地自己調配醬汁。醬汁種類都幾多下，仲可以仼添。嚟到呢度梗係要食返餐廳既招牌菜——極品松茸老鴨湯底湯，飲完湯仲可以打邊爐。個湯底真係不得了，個湯好甜而鴨肉好新鮮，連我爸爸對食物咁有要求都讚不絕口。我地另外叫左啲火鍋配料都唔錯，重點要推薦大家一定要叫至尊牛三星、花膠筒同埋新鮮野生竹苼。至尊牛三星一上枱，賣相已經贏晒，個個都手機食先。牛既質素真係唔錯，雖然未去到入口即溶和牛既級數，但係真係好濃牛味好新鮮。最鍾意食就係呢個牛白肉，入口彈牙，好新鮮。花膠筒本身我好鍾意食花膠，但係平時打邊爐又懶得整，所以我特登叫咗個花膠筒。擺落去淥左一陣就食得，花膠給左鴨湯嘅味道，淡淡都係花膠味，正！新鮮野生竹苼店員推介我哋要叫竹苼，因為呢度嘅竹笙係特別好食。試完一啖之後，仲好食過譚仔，果然冇介紹錯。最後叫左個油麥菜作結，油麥菜都好新鮮，原來是本地菜，值得一讚！總括嚟講，人均2百蚊左右食到呢種咁高質素既打邊爐真係物超所值。

天寒地涷, 最啱同三五知己打邊邊!行經佐敦, 又想起金撈了!!! 於是同朋友就直接行過去揾位雖然這天客人超多, 但好好彩等左一陣就有位坐~ 金撈就唔洗多介紹啦! 主打養生老鴨湯底, 滋補又養顏, 不過撞啱朋友有啲唔舒服, 所以我地冇揀到老鴨湯底, 要了個芫茜皮疍湯底, 一樣好味! 順便讚一讚呢度既湯底, 飲落又唔覺有味精, 食完後口腔都冇咩苦味~ 我地點左幾個邊爐, 首先係豬紅 - 賣相好靚! 豬紅切到好工整, 而且夠結實唔散, 口感唔錯, 滑滑的幾好食~ 魚腐- 口感唔錯, 有好香既荳味, 索左湯既魚腐特別好食, 食落去軟軟綿綿,幾有咬口~ 青菜- 好新鮮, 顏色嫩綠, 口感脆脆~ 粉腸- 超新鮮超邪惡!!! 望落去雖然好似好肥咁, 但灼熟後, 肥膏都不見了, 食落去有濃濃既腸香味道, 又唔會太油膩, 偶然食一次都OK~ 肥牛- 肉眼睇都知非常新鮮, 嫩嫩既鮮紅色, 聞上來有新鮮既肉香味道~稍為灼幾下, 牛肉好快就食得, 厚度適中, 肉同肥膏比例約1/9, 食落去好爽好嫩滑, 帶有濃濃既牛肉香味, 正! 金撈老鴨湯刺身火鍋專門店 佐敦文昌街25-47號文

天氣凍個個都約去食火鍋，用雞做湯底的吃得多， 今次換用鴨做湯底的試下。放咗工， 趕住去佐敦這間金撈鴨湯火鍋店行到街口，已經見到個七彩繽紛招牌店舖起初以為不大，原來舊式大厦係內裏好深，可以攞多幾張大枱叫了竹蔗茅根水清熱氣， 呢排食火鍋太多， 竹蔗味濃，自家製作，無落糖精混醬料多， 諗得出的都有，用格仔舖形式擺放, cute 金撈富貴老鴨湯， 用蟲草花、素翅、杞子、 雞髀菇等餚製而成， 湯滾起之後， 服務員幫忙盛湯，把鴨肉拆開分配先食， 鴨湯混和藥材味鮮甜無比，加上素翅更有口感鴨肉用綠色特別醬料點食， 零舍好味 神秘手打丸個名好引人，要試下係乜，黃色是南瓜墨魚丸，其他有蝦丸 、黑松露丸和墨魚丸， 粒粒夠大，彈牙可口紫色淮山， 顏色好靚， 入口黏黏潺潺，口感舒服。新鮮黑皮雞樅菌第一次食， 吸收了湯的精華 鮮甜美味爽口，very good雜菜盤外觀似個花籃， 蔬菜非常新鮮最後甜品送了波波糖， 又幾得意。

是晚寒風細雨紛飛，卡米拉來到文昌街吃個鴨湯火鍋。一坐下店員已經積極推介招金撈富貴老鴨湯。其實卡米拉一早屬意招牌金撈老鴨湯，故點了老鴨半隻，店員沒有重複就走了。之後我聽到女店員大叫金撈富貴半隻，我已心知不妙及立即到收銀處澄清是想點普通的鴨湯半隻。最後上枱都是我不是我想要的，不過最後店員都答允更換。醬料位位$20，因為到訪前已經知道，所以卡米拉都沒有太大感覺。金撈老鴨湯（$148/半隻）現在比較高質的火鍋湯底都不少索價三百多元，金撈這個半隻的選項可滿足到卡米拉這些既想高質又考慮價錢的顧客。鴨湯香氣四溢，湯還算清甜。另外鴨肉也不太嚡，那配上的醬汁微辣及其特別的味道，有畫龍點睛之效。酒醉鴨下巴($58)鴨下巴不夠冷也不夠爽，調味也太淡。自家炸響鈴卷 ($48)響鈴造得薄身，放入湯內有點易散。萵筍 ($38) 一種比較少見的火鍋配料，人口清甜好點似吃瓜的感覺。M9和牛刺身(原價$398, 特價$198)M9 和牛都是澳洲中比較高級的級別，目測肉和脂肪比例接近一半，肉味也不錯。檸檬薏米水 ($18)檸檬薏米水味道清新，份量也很大杯。總括而言，金撈老鴨的食品有特色，不過部份店員的服務態度有很多大改善