金竹苑中菜廳 (已結業)

是夜來到金竹苑，據說是明星食堂，食物質素甚佳，故一心帶家人來試試侍應們很有禮地打招呼，因為我們6：30PM就到，顧客不算多，但都見到有幾間VIP ROOM已經有人。餐廳座位闊落，環境舒適。小食腰果雖然比較熱氣，平時我都會避免，但侍應們真的太好心了，說很好吃，要試試。試了，果然很香口鬆脆！不錯不錯！我們點了4道菜：菠蘿咕嚕肉（$98）果然是餐廳招牌，和平時食開的不同，食落似拔絲，炸得毫不厚粉，外層輕巧鬆化，肉質也十分軟腍，酸酸甜甜，妙極！我給5粒星！侍應們也大力推薦避風塘瀨尿蝦($118/隻)，採用瀨尿蝦，所以乍看價錢的確有點貴，但既是名物，也要一試，點了兩隻。上菜時，瀨尿蝦已經拆殼，十分貼心。而每隻瀨尿蝦都足有一隻手那麼長，連同炸蒜、辣椒、蔥等炸至香脆金黃，上桌時已香氣逼人，食落也啖啖肉，甚有鑊氣。喜歡吃魚的我們點了翅湯浸海斑頭腩($188)。海斑頭腩啖啖魚肉，魚味鮮香味美，肉質鮮嫩，而且份量不少。翅湯雖然不算非常鮮甜，但健康清淡，頗得我心。雲耳雖為配角，但吸收了海斑和翅湯鮮甜濃香的精華，十分入味，同樣出色。千葉燴珍菌（$88）也質素不錯，紅燒豆腐外脆內軟，十分滑嫩，珍菌菇也不是普通貨

很喜歡帶老爸周圍食, 特別會帶他吃不同國家的菜式, 因為平時在家都是吃中菜, 想他有多些新鮮感, 但估不到…..有一天, 問他:「西、日、泰、越、韓….., 喜歡那國菜式?」, 他竟然答選擇中沒有的 “中菜”, 日日都吃, 為何最愛仍是它? 無論如何, 既然他喜歡今晚便一起吃一頓豐富的中菜吧!一出港鐵站, 步行數分鐘便看到一個正播放着謝天華下廚的影片燈箱, 原來已找到它, 位置相當方便就腳。位於大廈的5樓, 一出升降機門已看到牆上貼滿報導和多位名星到訪的照片, 看來這間菜館挺有名氣。 甫進內裏便看到多個養着生猛海鮮的水缸, 看來海鮮是今晚必點菜式之一。大廳地方寬敞闊落, 約有七八張十至十二人大枱, 亦有四五張四人枱, 枱與枱之間也有一定的距離, 但始終集中在一起, 聚起來頗熱鬧。菜館的橫裝並不花巧, 牆上掛了數幅書法字畫, 還在一排通花木架上鑲了以花朵為題的掛畫, 整體設計平實優雅。安坐後便馬上細閱設計精美的餐簿, 圖文並茂, 分門別類, 相當清晰, 有餐前佐酒小碟、鮑翅燕、誠意推介、廚師小炒皇、雞鵝美食、粉麵飯及凍飲, 選擇不少, 令我和老爸都難以下決定。**************

阿女早前帶我去TST吃好味中菜，她話在網上見到一間好好口啤中菜，地點位於TST，她話想帶我去這裡，仲話已經book抬了，我就和阿女去金竹苑，聽說有不少明星會來 ，可惜當天見不到,我和阿女去到餐廳時因5樓已經滿曬客人，店員另外 安排6樓給我們，這裡地方只可以話一般,地方都適中. 我和阿 女点了2個食物，2個人不能吃太多，海鮮伊麵好好味 ，伊麵的口感都好爽口，湯底又不會太咸,海鮮好足料呀,清蒸元貝十分好吃,元貝十分新鮮，味道好淡又不是太咸,我覺得這裡出品有水準，服務反而一般

朋友帶我去食好嘢，正正响我平時唱K的Red Mr上面，原來間食店有好多明星上去幫襯嘅，仲有唔同嘅明星同佢賣廣告，食食下見到Tvb胡小姐上左進餐啊！見到我地幾個即刻心心眼，因為當中有個係佢fans呢！我地點左好幾個餸，第一味係咕嚕大蝦球，隻隻蝦都有近兩個五蚊銀咁大，個脆漿皮厚薄 適中，一咬落去就'short'一聲，十分鬆脆，再咬入啲，蝦肉很爽口，唔實肉，而個汁鮮甜，好有水果味，其中菠蘿、三色椒同洋蔥都很新鮮，硬身的脆香蝦球加上鮮香嘅醬汁一起，煮成的咕嚕蝦球，有幾好味？你試下咪知囉.千葉燴珍菌原來千葉係指豆腐 有意思，將豆腐切到好似cube的形狀 豆腐個面似炸左，但油溫同時間啱啱好，所以出嚟效果係豆腐唔散，外脆內滑，保留豆腐質感同豆味，技巧實在高超。而珍菌就係唔同嘅菇類，例如冬菇片，雞脾菇，秀珍菇等，全部都切到差不多形狀大小的，個汁有啲似紅燒汁咁，呢味係我最鍾意的。砵酒美國桶蠔有我手掌咁大嘅蠔，好肥美，煮嘅粉漿唔厚，亦唔會煮到過火引致肉靱，外脆而入面蠔肉豐厚，重有酒味同少許蜜味，味道調得好恰當，到而家都好回味。濃湯海皇雜菜湯湯底好濃白色，飲落好清甜，完全覺得真材實料，店員介紹係大廚用鮮魚

聽說這間係明星飯堂黎架...所以今日黎到希望撞到明星..哈哈之後再睇下個MENU我嗌左個清遠雞-198蚊呢隻雞真係超滑身呀...EVEN佢就算炸完都好...都覺得好滑其實佢個口感好似韓式果D炸雞咁架...哈哈其實佢仲有比到沙律醬我點架...但我覺得隻雞已經好入味喇...我覺得唔需要再點已經好好味..椒鹽焗鮮魷球 - 108蚊呢個超有驚喜...本身以為佢會係普通果D椒鹽鮮魷咁就算....點知佢炸完之後再有焗過呀...咬一啖....佢入面舊鮮魷超滑...我都唔知點解會咁滑...同埋唔會好似平時大排檔食果D椒鹽鮮魷咁一咬會覺得好硬呀和牛粒-168蚊佢呢個和牛粒仲配埋炸過既金菇架...講講個和牛先...好腍身呀..係澳洲和牛黎架再配埋佢炸過既金菇一齊食..個感覺又唔同左架...今晚既重點...瀨尿蝦-4隻-472蚊懶人必食,幫你拆唒殼瀨尿蝦肉質超爽口...佢既椒鹽亦都唔會話太辣..因為畢竟佢都有落到辣椒落去...HEHE今晚又食到飽哂啦...好滿足呀..

有時食得多西餐日本野，都會想食下啲中菜緩和下！今次試左間好似話係明星飯堂，咪諗住去碰碰運氣囉😂。一入去，真係見到好多明星......既相喎，咁都證明食物質素一定唔差先啦！一行四人叫左好多野食，所以介紹啲比較特別既菜式！首先當然係要介紹避風塘去殻瀨尿蝦（$118/隻），初初見都唔平諗住唔叫既，但「去殻」真係好吸引，所以都豪豪地叫左。食左一啖終於明點解佢咁貴。因為真係好好味！啖啖肉咁食已經好爽，起碼唔會介親手同口，而且呢個處理得好好，瀨尿蝦沾粉炸左，個粉唔厚之餘入面既蝦肉仍然可以保持嫩滑，辣辣地又唔油，真係必食。香煎清遠雞（$198/半隻），呢個都幾特別，因為清遠雞白切就見得多，煎就真係未見過！雞肉脂肪唔多但都好滑，炸左之後都有好濃既雞味，呢道菜都幾新派同好味。生啫海班頭腩（$188），一個好熱既窩上枱，再有店員幫你撈，做到「生啫」既效果！腩間好滑，無平時食班個種韌，加埋爆香左既蔥同薑，令成個魚都好香。砵酒美國桶蠔（$188），嘩一上枱真係嚇死我地，大隻到真係半隻手掌咁大！炸香再用砵酒整，隻蠔仍然好滑好juicy, 蠔迷一定好鐘意。我地仲食左咕嚕肉、煎肉餅、椒鹽鮮魷等等，份量都好多而且做得

舊老闆約食飯，來到尖沙咀金竹苑。酒樓空間寬敞，由於時間尚早，人流不算多，用餐環境不俗。先叫了客海蜤頭小雲耳（$48）， 海蜤頭及雲耳均爽口彈牙，最吸引的是伴碟汁醬，微酸帶少辛辣味，非常醒胃。再上紅燒雞絲翅（$198）。翅底量十足，魚翅羹味道濃郁，香甜滑順，淋點紅醋，輕易帶出味道層次感，獻底火喉亦十足。老闆極力推介必試這裡的招牌菜避風塘去殻賴尿蝦（每隻$118）。 蝦身巨大厚肉，口感扎實，避風塘煮法配料十足，刺激香辣味濃，的確是人甜第一次食「金蝦脫殻」，啖啖肉的賴尿蝦。滿分！最後有香煎清遠雞（半隻$198）。 店員介紹廚師把清遠雞去骨再煎香，薄薄的炸粉包著雞肉，入口感覺像是酥炸，層次感突出。裡頭熱騰騰的溫熱與油香溢出，香口非常，感覺特別。綜合餐廳環境、服務態度、價錢和食物品質四大評分準則，推介指數有8分（ 10分為滿分）。

上個月跟家人到西貢食了頓很不錯的海鮮餐一直對瀨尿蝦念念不忘，但又不想老遠過西貢朋友知道後毫不猶疑推薦我們過來試一試店家正正有K11對面，對我們來說很方便平日晚上到來，店內幾近坐無虛席幸好預先訂座，否則不可能入座避風塘富貴蝦 $118/隻濃濃的蒜香已撲入鼻中，很吸引！已拆殼的瀨尿蝦食起來十分方便！香蔥跟炸蒜粒金黃香口，沒有過鹹其味道有滲入瀨尿蝦肉中，惹味！最後再追加多二隻XD菠蘿咕嚕肉 $98咕嚕肉被濃甜微酸的醬汁掛於表面份量剛好，不會過膩！豬肉的脂肪較多， 口感相當鬆化濃湯海皇雜菜煲 $98蔬菜爽甜，用料也蠻豐富煲內有多塊鮮魷、雲耳、帶子，海蝦湯底味道清甜質素頗高，侍應也相當有禮上菜速度快，建議一次不要點太多否則食物變涼了影響味道

金竹苑應該系間新既中菜廳，食物系唔錯的，只可惜唔系地舖，而且棟大廈又唔系好出品既food center，所以即使附近人流非常多，亦冇咩人會注意到呢度，所以今晚既客人實在不多。芥末一口骨用了煎炸過的排骨，已經好香口，再用了芥末，味道更加豐富，但唔太刺激， 對於鐘意芥末既人黎講， 呢道菜唔會令佢地失望。蒜香准山炒藕片本來就係我鐘意食既餸， 係一道非常健康既中菜， 藕片蘊含豐富既維他命c, 而西芹有助平穩血壓， 而准山對腸胃有益， 但呢道菜因加了蒜蓉爆香， 一點也不清淡， 反而非常香口！ 值得推薦。西蘭花海斑球既海斑超曬班既嫩滑鮮甜！ 每一啖都係享受，無骨啖啖都係肉， 加了薑片辟腥， 以及用了少少辣椒突出魚鮮， 而西蘭花也沾了海斑的鮮味，美味非常。黃酒煮雞非常滋補，迎面撲來一陣陣濃郁的酒香及雞既鮮甜，即刻食指大動，黃酒煮出黎既湯黃黃的， 但味鮮酒甜，另外還加了薑， 如果冬天飲就一定好暖身， 夏天飲可能會燥，但係因為太好飲， 我都忍唔住飲咗幾碗， 而雞肉也很入味， 但略嫌唔夠嫩滑。

現時地舖租金昂貴，很多食肆都轉向樓上發展，但畢竟樓上食肆建立品牌名聲需時，能夠脱穎而出的可說是寥寥可數。之前看過網上介紹一間中菜廳，位於加拿芬道，K11附近的一棟商業大廈内，很多名人都有去光顧，可說是明星飯堂。而文中更特別介紹它們的避風塘瀨尿蝦，有成隻手掌般長，而且已去殼才烹調，實在係懶人佳音，所以相約朋友一起來試一下。來到大廈地下，只見到相同名字的聯誼會招牌，心想不會是找錯地方吧？！但既然來到當然繼續上去尋根究底啦。上到去發覺豁然開朗，裝修新淨，簡潔舒服，門外貼有很多明星簽名合照及報章報導，應該沒有找錯地方了，原來這店分為兩層，五樓是中菜廳，而樓上六樓有附屬的聯誼會，又一次證明要食好東西一定要堅持到底。店內是全新裝修的，環境舒適，枱與枱之間相距較寬闊，三五知己談天也夠寧靜沒人騷擾，另設有多間VIP房供私人聚會之用。看看餐牌，各式菜餚上至鮑參翅肚，下至粉麵炒菜等也有供應，款式算多。除了小菜以外，原來還有蒸汽火鍋供客人選擇。我們一行二人叫了幾道小菜。富貴蝦即瀨尿蝦，但不是一般在街市見到細細隻那些，而是足有8 - 9吋長的巨人版。大廚已細心地去掉蝦殻，食客毋須再擔心剝殼時會弄到污糟邋遢或意

上星期去左金竹苑食晚飯，環境闊落！侍應服務態度周到！感覺良好叫左份鮑汁扣鵝掌，大冬菇本身菇味好濃~~非常煙韌！鵝掌已經紋到軟哂~食落充滿骨膠源~淋到只剩下腳指骨！非常入味~真係太濃郁了！！招牌避風塘炒去殼瀨尿蝦，好大隻~好罕有地已經去殼，真係唔使食到成手都無~~食落淡淡肉好新鮮~~配上避風塘炒，有d粉青葱，紅辣椒，蒜粒既配合！堅係得！！椒鹽排骨，炒到好香脆好香口，又唔會過份咸~肉質軟！！咕嚕大蝦球，醬汁非常惹味，甜酸做得岩岩好~~蝦球大大粒又係好彈牙！索哂甜酸汁既味真係多椒鹽排骨，炒到好香脆好香口，又唔會過份咸~肉質軟！！多都食得落呀！！菠蘿好甜又醒胃~香辣海鮮炒飯，加左蝦肉，帶子粒，翠肉瓜等材料去炒！份量非常多~炒飯非常乾身~~粒粒炒飯都比蛋包住！真係好考功夫！非常豐富又好味既晚餐 ~~必定回頭

某日友人說帶我去吃好東西, 就帶了我來這間樓上中餐廳. 可能是只招呼會員的關係, 食客不多. 環境整潔, 地方比一般酒樓闊落.餐牌一如其他中式酒樓, 各式菜餚也齊備, 上至鮑參翅肚, 下至炒菜粉麵等也有供應. 雖然侍應推介了不少菜式, 不過我們都不想吃太多肉, 所以點菜時也以海鮮為主.避風塘富貴蝦 ($118/隻)起初見到都覺得有點貴, 不過侍應極力推介下, 即管點了兩隻. 埋在炸蒜辣椒等避風塘配料下的瀨尿蝦不算很大隻, 已經起了肉, 而且切開兩件. 蝦肉用椒鹽煮過, 的確啖啖肉, 味道也鮮甜, 肉質彈牙, 而且還帶少許辣, 相當惹味. 不過份量太少了, 不夠滿足!菠蘿咕嚕肉 ($98)據說是餐廳招牌貨之一, 這個咕嚕肉外層炸得香脆, 炸粉很薄身; 肉質軟腍, 不會很乾身, 而且肉多骨少; 加上洋蔥和燈籠椒, 味道甜甜酸酸的, 十分醒胃. 酥炸大元貝 ($48/隻)平常吃元貝都是以蒸為主, 酥炸的還是第一次吃. 元貝的確很大粒, 外層炸得香口, 內裡的元貝鮮味一般, 但肉質軟滑,  形成強烈的對比, 十分有趣.紅燒蟹皇翅 ($238/位)因為有其他菜, 所以只點了一份來試. 蟹肉的份量

上星期約左舊上司食飯聚下地點由上司發板佢話呢間中菜食物唔錯之餘平日仲會有幾多明星黎食咁呀姐介紹到就點敢唔去試當日星期一晚收工時間地點唔算難搵，係K11對面一出LIFT見到門口都幾靚WOR而且仲貼左好多明星相係到tim入面裝修就同一般中菜廳差唔多枱排得夠疏，唔會怕迫前菜唔係比花生係比較小見既腰果避風塘去殼瀨尿蝦 $118 / 隻呀姐話上次食過好好食，係呢到必點既菜之一因為怕麻煩，平日我就好少會食瀨尿蝦但呢到既瀨尿蝦不但止已經去左殼廚師仲將蝦肉切成2件，食既時候真係好方便瀨尿蝦除左夠大隻之外，炸既火侯亦控制得好好個面炸到脆脆地，但咬落d肉又彈又嫩而且仲有肉汁雖然避風塘比較重味，不過仍然食到瀨尿蝦本身既鮮甜味如果大家去呢到食飯，真係一定要試生啫海班頭腩 $188因為本身對腥味都幾敏感，所以都怕食頭腩但呢到唔似一般餐廳將頭腩拎黎蒸而係用啫啫煲既方法因為調味比較濃，而且食前加埋(大量)芫茜、蔥食落一d腥味都無而且件件魚都好多肉，唔會正係食骨咁岩哂d怕腥又鍾意食魚既朋友清湯蘿蔔牛坑腩 $128牛坑腩望落好似有D Dry不過食落口又唔會wor，都幾腍而且牛坑腩連住小小肥膏食落口會有d牛油既甘香另外蘿

近期多了來尖沙咀吃晚飯，不用過海對我來說還算近的，今晚一家人去了尖沙咀的金竹苑吃中式晚餐。在加拿芬道的一棟商業大廈五樓，始終樓上食肆也需時建立品牌名聲。吃的也是中式小菜系列，應有的也有，對比連鎖食肆，價錢有點貴，但對比尖沙咀同區食肆，價錢屬市價。避風塘富貴蝦: 即椒鹽炸去殼賴尿蝦，得知是招牌菜，一點點了六隻，每隻賴尿蝦一開二，共有十二件。可見避風塘配料滿滿的蓋著賴尿蝦，而賴尿蝦亦被炸香，非常酥脆惹味，還有少許辣香，味道的層次豐富有序。游水賴尿蝦新鮮，蝦肉鮮甜爽彈，惹味得來亦鮮味十足，說是招牌菜絕無誇大。順德煎焗魚雲煲: 魚雲即是魚頭，以煎焗方式煮製，集香脆、惹味、滑嫩於一身，魚頭肉質幼滑乃是理所當然，魚雲新鮮而不腥，亦不感油膩。黃酒新鮮雞煲(半隻): 第一感覺是黃酒味道非常非常非常香濃，湯底滿是黃酒和薑汁味道，超級好喝，我們每人也喝了好幾碗湯 (多喝的話小心會有點醉意啊)。雞件入味但又能保持嫩滑，加上這湯底的濃郁酒香，這我真的很欣賞。香酥脆皮牛坑腩: 新鮮牛坑腩在街市百幾蚊一斤，冰鮮的亦不便宜，這碟滿是酥脆而香口的牛坑腩，看到便感滿足。牛坑腩質感酥而微脆，醬汁甜甜的又頗入味，牛味十足而