金記冰室 (八號花園) (已結業)

今日又入大埔搵朋友，上次食完金記，感覺唔錯，今日再黎食多一次乾炒三絲米份量都算大，lunch 一人食岩岩好， 一送過來聞到陣陣香味，顏色也很吸引，食一口，米粉乾濕度岩岩好，味道都唔錯，加埋其他配料一齊食，銀芽爽口清甜，午餐肉都好味，食到一半再加辣椒醬食，又是另外一番風味西炒飯炒飯最緊要係有鍋氣，飯炒到一粒粒唔會黐埋一舊為之最好，金記炒飯就做到以上既野，炒飯當中還有蛋、火腿、菜粒等等其他材料，食起上黎香甜可口

今日相約朋友於大埔食午餐，大埔是一個有好多餐廳可選既地方，最後和朋友二人決定起呢間頗有人氣既金記冰室食個午餐。根據介紹冰室雖然開業於1967年，但原來結業後經重新保育及包裝品牌重開，還介紹左早期冰室同茶餐廳既分別，前者係只可以賣十七種西式食物，不過現在已經沒有呢種限制啦。呢度食物選擇繁多，咁我哋一於揀過茶餐廳最常見，但唔易煮得好食既試下啦金牌乾炒牛河牛河要炒得好食，好考師傅功力，油唔可以太多，食材「走油」既時間要控制得準確，炒既時間唔可以太長。金牌牛河送到眼前，聞到香味，上面還有白芝麻。試食一口，河粉唔油，牛肉都算滑唔韌，芽菜爽口清甜，牛河炒得有鍋氣，色澤唔錯，有一定水準。XO醬豬扒炒公仔麵朋友叫左呢個餐，聽佢講麵質都算硬，冇over cooked，豬扒都腍同入味，整體黎講都可以。

開業咁耐真心想試,今日終於有時間去食個午餐,去到門口好懷念以前嘅事物,去到雖然1點鐘不過好彩唔駛等位坐低之後裝修仍然係最新式餐具就喺枱邊,不過裡面嘅裝潢確實幾懷舊以電車為主題。餐牌裡面嘅食品都係茶餐廳嘅嘢！中午當然有午餐牌,我就叫咗個瑤柱土魷肉餅飯,另一個就叫咗馬來炒貴刁, 當然懷舊嘢唔少得, 茶走同雪山菠蘿冰 ( 即係雪糕菠蘿冰 ) 一嚟到嘩，個肉餅賣相唔錯都算大碟,一般女仔應該夠食有餘因為我都食唔嘥 , 食落去好肯定用咗半肥瘦嘅梅頭肉做肉餅,咁樣係最正,而另一個嘅炒貴刁則唔算太辣色水唔錯,不過味就唔太濃不過都可以嘅 ! 茶走嘅茶味可能落多咗奶唔算太濃.不過最特別嘅係佢地用號碟杯都非常有香港特色。總括嚟講唔差亦可以再嚟！

由金記進駩大埔那天，已經好想試了，可惜每次去到都係大排長龍，短短既Lunch時間就與它無緣了。今日有賴同事好早去排隊，終於可以一嘗，看看有甚麼吸引大眾^^選了"特濃羅宋湯鮮牛烏冬"來試，羅宋湯的確好濃郁，我忍唔住差唔多飲哂個湯底了，可能係我唔夠飽啦～但我身旁嬌小女同事就覺得份量剛剛好的。美中不足是價錢有少偏貴。店內設計有心思，modern得黎又有少少懷舊，喜出望外是天花旁有一架小火車會開動，很有趣。

行完街肚子非常餓，就去搜尋餐廳尋覓食物，記得之前在社交平台見到朋友大讚金記冰室嘅食物一流有水準，今次就特意去試下。知道金記在香港各區都有很多分店，原來大埔早幾個月前新開張的，已經有很多人排隊到訪。餐牌上多款食物選擇，而且更有食物圖片供參考，望到食物圖片都非常吸引！先叫了一些飲品，我就點了兩杯熱華田和媽媽一齊享用，朋友就叫了一杯凍檸茶，他也大讚茶味香濃！突然好想食公仔麵，我就點了一個套餐。最後我揀選了沙嗲牛肉即食麵的套餐，當中還附送火腿奄列油多。沙嗲牛肉即食麵湯底好濃郁嘅牛肉味道，而且牛肉嘅份量都幾多，即食麵唔會太林，反而有口感，好難得有煮得好食嘅即食麵！媽媽和朋友就點選了炒蛋叉燒飯及鮮茄濃汁焗豬扒飯。估唔到焗豬扒飯有質素，即叫即整新鮮出爐，不過要小心唔好掂到碟邊，因為好熱的！食落去豬扒肉質彈牙鮮嫩，飯配以鮮茄汁簡直係送飯一流之選！還有叫了兩款小菜，包括菠蘿生炒骨同埋欖菜肉鬆四季豆，隨即還叫了兩碗白飯！總括而言，冰室嘅食物質素果然有保證，難怪在香港有多間分店屹立不倒，原因就是食物有質素，而且非常新鮮，難怪全場滿座。

四人行一齊去醫肚，之前見到呢間新開嘅冰室好多人排隊等食飯，我哋就趁着黃昏時間唔使排隊提早食飯，就去試一試。餐廳的位置空間頗大而且寬敞，更附設有卡位、梳化位置等座位選擇，環境感覺舒適。小朋友最開心見到餐牌上有兒童餐，兒童餐上有一架車仔，裝住一些食物，即刻吸引我嘅寶貝要求我為他order。果然兒童餐係用一架紅色的車仔裝住幾款食物，當中包括粟米粒、肉醬意粉、雞翼、薯格同埋煙肉卷等，每一款食物份量少但種類多，我嘅寶貝唔夠10分鐘就食晒，可見兒童餐吸引小朋友。兒童餐還附送橙汁和甜品，難怪我的寶貝食完後非常滿足。我們三個大人都不約而同地各叫了幾款食物一齊Share。當中最欣賞就係金記生炸雞髀配沙律🥗，賣相吸引，雞髀和沙律分開兩邊盛載，雞髀炸到金黃色，食落去外皮香脆可口，而且雞肉肉質滑嫩，好鬼滋味！最後唔夠喉，我哋還encore了一份！另外金牌乾炒牛河即叫即炒，好有鑊氣！另外還Order了鐵板香煎雞扒薯菜配黑椒汁等，太多食物，不能盡錄，同樣地非常美味！估唔到我哋四個人食咗咁多野，不過最後埋單都只係$600有找，平均消費一人$150就可以食到咁豐富、而且即叫即做、好有鑊氣嘅食物，難怪一開張已經咁多人排

身為一個地道既香港人又點可以唔食茶餐廳既呢? 今日就聽講有一間大埔新開既金記茶餐廳 幾大都要入去試下啦 入到去環境尚算寬敞舒適 燈光柔和跟住叫野食 叫左個西冷牛扒餐 叫左六成熟 雖然佢整左個全熟但都唔緊要啦 肉質都幾鮮嫩軟滑 西冷既脂肪亦都有油甘香 牛肉味較濃 幾好食之後就叫左個霸王雞 同出面食到既切雞差唔多 係有薑蔥版跟住就叫左個黑醋排骨 呢道菜係驚喜 因為黑醋既酸甜味道剛剛中和左炸排骨既油膩感 並且將肉味帶出 非常開胃好食最後飲埋跟餐既熱朱古力 為今次茶記之旅畫上句號    

入咗大埔探朋友,佢話要拉我去佢屋企附近新開張嘅<金記冰室>試下,聽個名就覺得同普通茶餐廳冇乜分別,呢度除咗新裝修所以格局份外乾淨光猛之外,所有擺設同埋餐具都富有七/八十年代嘅港式情懷,令人懷舊一番。 嚟到咁老牌嘅港式茶記,當然要一人叫一份經典大廚嘅鐵板套餐滿足一下啦!!! 鐵板西冷牛扒餐($88蚊)：鐵板整份送上往往係茶餐廳最令人感動嘅,尤其是係醬汁另上,喺你面前淋落塊扒度"滋滋炸炸"呢幾秒,確實應該係每一個八十後嘅成年人年少時嘅回憶,爸爸媽媽話帶你去食大餐,永遠就係記住呢一個moment,標哂煙,香噴噴嘅一塊鐵板餐實在吸引。牛扒唔係話乜嘢頂級級數嘅類別,不過就勝在size夠大,啖啖肉好滿足,配埋炒香咗嘅意粉仲有荷蘭豆做配菜,女士理應就冇理由唔飽囉~ 鐵板美式雜扒餐($80蚊)：雜扒永遠都受人歡迎因為就係裡面超級豐富,有牛扒+雞扒+豬扒仲有腸仔同煙肉,配埋薯菜仲有炸薯條食,本身唔係有番咁上下肚餓都真係唔好叫喇$80蚊呢個價錢喺而家咁嘅環境真係好難得,明正言順「抵食夾大件」!!!價錢雖然話係平,但味道又有水準喎,起碼啲肉扒都分別悉心調味過,煎香過,睇嚟我下次都要帶阿肥幫襯

一早已聽聞金記冰室，原來已經開到黎大埔啦，岩晒我以D 新界人，今日放工之後就同埋老婆黎食，7:30到達，已經要排隊了，排了20分鐘就有得食啦！餐廳裝潢好特別，座位不算好逼，牆上仲有架叮叮車會郁，小朋友見到好興奮。餐牌有好多選擇，有小菜、咖哩、焗飯、沙律、通粉、小食、扒餐、兒童餐等等。XO醬海鮮炒即食麵（$55）即食麵炒得乾身入味，海鮮有蝦仁，魷魚。鐵板美式雜扒（$80）有3款汁可選擇，黑椒汁、蒜蓉汁、燒汁，入面有牛扒、豬扒、雞扒、腸仔及煙肉，份量好大塊，牛扒，豬扒好軟腍，一點都不柴口，而雞扒亦好滑，好抵食金記炸雞脾（$28）用醬油醃過，雞脾不算炸，應該是煎，所以食落冇咁香口。懷舊飲品：黑牛（$24）熱檸水

同朋友入左去大埔踩單車，夜晚就去左食金記，入左去無耐就已經開始多人排隊了，好彩早入去！呢間金記行懷舊路線，裝修都有懷舊味道！食物種類都好多元化，由鐵板、常餐，小菜，焗飯都有，總有一款岩口味！海南雞套餐 ＄62
第一樣係海南雞飯，有得揀油飯同白飯，要瘦就揀白飯，好開心佢比左個雞脾位我地，皮滑肉嫩，海南雞要有水準一定要見到有一層啫喱係皮同肉之間，已經係好基本，仲好入味，仲有海南雞必脩醬料，咁嘅價錢真係性價比高！仲有中式老火湯，好足料！芝麻黑糖醋骨 ＄58
第二樣係芝麻黑糖醋骨，外皮炸到脆卜卜，唔會好厚粉，入面好juicy，食落唔會好油，又唔會好乾，加上好惹味嘅黑糖，配飯食一流呀，好啱我嘅口味！金銀蛋肉碎浸時蔬 ＄52
仲叫了金銀蛋肉碎浸時蔬，食完頭兩樣肉類，有個菜中和下，均衡飲食嘛！今日個時蔬係勝瓜，平時無咩點食過，見人通常係煲湯，原來咁食都幾好食，好爽口，而且仲好入味，又有咸蛋同皮蛋吊下味。跟餐飲品
最後飲品就叫左一杯熱朱古力同蛋白杏仁茶，蛋白杏仁茶夠味得嚟又唔會好甜，仲有一粒蛋白，夠晒滋潤！
🍽金記冰室🔎大埔安慈路2號八號花園地下8號舖

初試金記早餐，套餐比附近翠字餐廳貴，但有豬潤通粉及鮮牛肉米粉之類，這不是很多餐廳有的款式，必須一試。這餐廳一般都要排十幾分鐘，眼見即使入面客人已離開，但因為人手不足未能清理，所以外面客人只有呆等。入座後即點了豬潤通粉餐，先上多士，很香很脆，值得一讚。煎蛋亦不錯，沒有太多油。豬潤通粉薑味夠，起初幻想湯底會像「維X」那種用豬潤餚製，但似是快熟通粉湯底加豬潤，較為失色，不過仍可接受，會再來的。餐廳另有一特點是那小火車，每隔一段時間會向前向後移動，只是車火軌有點短，而且只有某幾枱客人可以欣賞。

呢日放工陪媽咪入去大埔行一田，因為已到食飯時間，我地就決定食完野先行，正當我地唔知食咩時，落巴士就見到呢間好似係新開既金記冰室。睇到menu 好似唔錯，所以就決定係度食，等左5分鐘就入到去啦。Menu 設計好新穎，感覺清新，同我認知既冰室好唔同。我叫左一個咖哩吉列豬扒飯，媽咪就叫一個牛扒。另外仲要左個炸豆腐。正式菜名叫做金磚風沙炸豆腐，落左炸蒜調味，炸皮係我食過既最薄亦都係最脆，內裡豆腐非常滑!我認為係必食媽咪既鐵扒西冷牛扒落左黑椒汁後好惹味，冇揀到生熟，睇落去似7成，牛味濃又夠淋。我既咖哩吉列豬扒飯，份量非常之大，兩個人Share 都得，岩晒學生哥同藍領。豬扒炸得香脆，唔會皮同肉分開晒，肉厚但唔韌，咖哩汁係東南亞風，有椰香。餐廳環境幾好，裝修有落心思，服務都好好，落單哥哥同收銀姐姐有笑容，親切。有推介大埔友尼食呀!

前排大埔新開幾間冰室，一到週末就好多人排隊，路過幾次都因為太多人而放棄。今次特登提早未夠六點就去食。叫左最普通嘅芝麻黑糖醋骨同金銀蛋肉碎浸時蔬，轉套餐加十五蚊先有白飯、湯同野飲，價錢略貴。芝麻黑糖醋骨比較濃味，太重口味，即使撈飯食都仲係覺得咸。金銀蛋肉碎浸時蔬有驚喜，好足料，成大碗滿滿嘅。湯係老火湯葛湯，好味道。

大埔都算幾多野食但我都係鐘情於冰室一黎選擇多二黎價錢唔貴！ 金牌乾炒牛河要試一間餐廳好冇食，就必須食佢個乾炒牛河！呢度既炒河份量都幾大份，肉片既數量都唔少，油量都控制得幾好，因為乾炒牛河係要多油先好食，但太油又會影響口味同會好快食濟！呢度就岩岩好，有油既光澤，又未至於太油！都好夠鑊氣，正雪糕紅豆冰嗌埋杯野飲就岩岩好，一球大雪糕食落凍得黎又幾爽，紅豆冰d紅豆超多，先食個雪糕再慢慢食哂佢d紅豆，勁full！

都好一段時間冇來大埔，如果要數大埔最多嘢食嘅地方，就一定係八號花園附近！可能因為我太耐冇黎嘅關係,最近見到呢度新開嘅呢間餐廳，而且又排長長嘅人龍，就想嚟呢度試吓。入面嘅裝修風格，無論係餐牌的設計或是桌椅的佈置，都是參照舊式的香港，係呢度用餐的確有一陣陣獨特的香港風味～惹味黑椒牛舌粒炒飯原本我對食牛舌冇咩特別好感，但女朋友話好想試下，一上枱香到我地都嘩咗一聲，牛舌切粒，好易入口，咬起上來好爽口，加上黑椒的配合令到個炒飯更加香口～金牌乾炒牛河係餐牌見到金牌兩個字，又諗起自己都好耐冇食過乾炒牛河，就突然好想食～果然冇令我失望!整體來說比起出面的唔算好油膩，食起上來有種以前港式牛河的味道，牛肉唔太韌，抵讚！