金鶴拉麵 (荷李活道) (已結業)

呢間餐廳主打雞白湯湯底拉麵🐔亦提供蒲燒鰻魚飯、日式沾麵、小食、串燒等🎌💗極濃雞白湯拉麵 ($138)奶白色嘅雞湯以日本赤雞高温熬煮6個鐘，再撞入鰹魚魚介湯，以攪拌器打至起泡，入口濃厚而不膩，充滿骨膠原🍲；雞叉燒選用日本薩摩赤雞胸，以黑椒同鹽調味，低溫慢煮保持厚肉鬆軟🐓；豚肉叉燒肉質鮮嫩爽滑🍖；拉麵口感順滑彈牙，掛湯力十足🍜；配料包括有炸牛蒡、糖心蛋、木耳絲、竹荀同大蔥💗北海道極濃蟹湯拉麵 ($138)選用北海道直送花咲蟹，蟹湯濃稠鮮味🎏；放上滿滿鮮蟹肉，鮮甜無比🦀；豚肉叉燒肉質鮮嫩爽滑🍖；拉麵質感順滑彈牙，掛湯力十足🍜；配料包括有糖心蛋、木耳絲、竹荀、紫菜同大蔥💗日式餃子 ($38/ 4件)餃子煎至外表焦脆，餡料以豚肉同椰菜包製，飽滿多汁，蘸上微酸嘅餃子醋提鮮🥟

以架疫情嚴重 晚市禁左堂食外賣返屋企食就安心好多啦😌近日心思思想食日本拉麵🍜之前覺得拉麵外賣會唔好食但見到黎間外賣自取有優惠😍就決定試下 但無抱好大期望叫左三碗唔同口味嘅拉麵值得一讚係個湯分開上嘅咁麵就唔會浸到淋哂👍🏻返到屋企將湯叮一叮熱 淋上麵到 同堂食有得揮😋每碗拉麵嘅配料基本係一樣半隻溏心蛋 竹荀 黑木耳 蔥 紫菜一片叉燒 瘦但唔會靭 豬肉味重🐷兩大片慢煮雞胸肉 好淋完全唔柴😝而麵條係偏粗嘅 軟硬度都適中金鶴. 雞白湯🐥招牌菜式無理由唔試下奶白色嘅 雞味濃郁 濃稠度適中 飲完唔會膩💓黑蒜醬油黑蒜油味香濃 唔鹹三款之中最惹味俾到我地最多驚喜😘 鹽味鰹魚高湯鹹味唔會過火 係清淡嘅選擇😊估唔到外賣拉麵嘅質素都唔錯💕新年過後係時候多做運動啦🤣

去咗中環做嘢, 心血來潮想食日本拉麵😝上網搵到中環荷李活道有一間雞白湯拉麵🍜專門店雖然位置比較偏僻，但中午時間都好多上班一族嚟幫襯。中午仲會有套餐$128好抵食，包一個主食、一個小食、同一個飲品（唔駛加一）🌟金鶴雞白湯拉麵～ 呢個雞白湯拉麵賣相好靚❤️白雞湯底超濃厚，有淡淡的鮮雞味，平時我都唔會飲湯底，今次忍唔住差不多飲晒😂真係好好飲😚～ 最特別係佢既炸牛蒡，個人覺得有啲似藝術品🤣炸牛蒡炸得好香脆，好似食緊薯片咁😆～ 溏心蛋都做得好出色，另外有一片薄薄嘅叉燒。～ 最驚喜有一塊慢煮嘅雞肉，好大塊，肉質好滑一啲都唔鞋，可以順便補充蛋白質😂🌟唐揚炸雞～ 三大件炸雞，外皮炸到好香脆，裡面雞肉好滑好juicy🌟無糖可樂💕呢個一人套餐會唔會太豐富呢🤩📍金鶴拉麵 (荷李活道) (中環)中環荷李活道39號地舖

疫情再次爆發，無晚市堂食，唯有搵下d做外賣都有質素嘅鋪頭。上網睇到呢間係中環半山扶手電梯附近嘅拉麵分店，就決定去果到買外賣祭五臟府喇！雞白湯沾麵湯底香口，飲完唔會口渴。沾麵配上叉燒及溏心蛋，令人食不停口🙊黑椒燒牛舌串、豬頸肉厚切串串燒火候啱啱好，牛舌肉味香濃👍豬頸肉肥瘦分明，小小肥膏再加上啖啖豬肉，啱晒食肉獸嘅我😝海鹽燒雞中翼自己BBQ燒嘅，永遠都燒唔出鋪頭嘅風味……真係唔知點解🤔 調味剛剛好，唔會太咸，一路食，一路唱返首「燒雞翼，自細鍾意食」參考menu：

凍天嘛本人鍾意食湯麵多過米飯，因為米飯易凍，而湯麵有湯可以維持到個麵既溫度，食完都仲係溫笠笠。今日去到拉麵店就梗係要食拉麵，中午仲有套餐，叫左個北海道極濃蟹湯拉麵配芥辣八爪魚。唉，自己無腦以為芥辣八爪魚係平民壽司既紅色八爪魚，但原來係真芥辣，而我係唔食芥辣既，食左幾啖已經食唔到，唯有做大嘥鬼。拉麵方面，有一片叉燒、蟹肉、紫菜、木耳及半隻流心蛋。其實我係凍先會入尼食拉麵，因為拉麵我淨係食尖沙咀果間日本野，所以食返其他拉麵，我就係覺得唔好食。成碗麵我淨係鍾意食啲餸，啲麵無點食過，最滿意係果半隻會流心既蛋。另外，尼間拉麵落單到有得食等左30分鍾，當日時間為下午2點左右全餐廳得我一位客人，而飲品可樂係到我食飽問人先比我，我懷疑飲品其實係咪自己攞架呢？以上食物意見純粹係本人真係好唔鍾意食拉麵及芥辣，以上意見作參考好啦。

前果排襯夜晚仲有堂食 拿拿聲食個最後的晚餐 諗都冇諗就揀左我最鍾意既拉麵中環區黎講 金鶴拉麵既名氣可謂數一數二 加上香港真係冇乜幾間拉麵店有賣雞白湯拉麵 (講緊仲要係高質既)廢話少講 入正題先今次點左極濃雞白湯拉麵、蒲燒活鰻魚串同埋明太子雞翼<<極濃雞白湯拉麵>>一如以往咁高質 湯底美味而濃郁 我又忍唔住飲晒d湯喇而拉麵麵質好好 彈牙而且好掛湯 每一口拉麵都掛住滿滿既湯汁 而溏心蛋同慢煮雞白肉亦做得出色 生熟程度得宜 <<蒲燒活鰻魚串>>鰻魚味重且燒得唔錯 鰻魚表面燒得好香而內裡既肉汁仲保留到 魚皮做到煙韌微焦 而鰻魚肉質鮮嫩得黎又帶幾分彈牙 而且都幾厚身下 下次黎會再叫<<明太子雞翼>>明太子餡料豐富飽滿 成隻雞翼望落脹卜卜咁好吸引雞皮燒到略略帶脆而雞肉嫩滑 食落好香好惹味而口感有層次 用黎充飢或者送酒都係一流下次想試試佢個蠔湯拉麵

金鶴拉麵 Kane Tsuru Ramen中環荷李活道39號地舖中環有好多文青岩去架地方同COFFEE SHOP, 今日去左大館, 睇左展覽, 中午又去左飲COFFEE 食CAKE, 可惜過左6點又無堂食了, 買外賣都唔錯, 因為好多食肆受新一輪防疫影響, 晚市都推出外賣優惠。首推雞白湯沾麵同拉麵, 仲有超濃版架湯底比你選擇。至於飯都有, 都是以雞為主, 一個是咖哩, 另一個是慢煮雞胸肉飯。個湯好飲無乜油，好重味似忌廉湯，有叉燒同大片架雞胸肉，難得雞胸唔會鞋口。炸雞一客，另加$12一隻日本溏心蛋免治雞肉兩串$48, 燒到好香,個日式燒串有甜甜地, 食落好惹味的。肉打到好綿,食到加入左軟骨碎。鹽燒雞翼鹹香惹味。唔知香港市民仲要涯幾耐呢? 次次出事爆唔係控制輸入源頭, 而是立令要指定商舖關門, 天佑香港。

中環金鶴真係蘇豪一個好地方，有時番開中環，下面真係好迫，唔想同人逼，又想食好少少，就嚟咗食拉麵🍜😋第一次喺呢度食lunch，原來有lunch set，$128 一位，有前菜、拉麵、飲品，中環價黎講，性價比十分ok，因為份量十分足夠 (女仔食完好飽)😜😜😜，而且質素好，環境又乾淨整潔，借咗洗手間，裏面到乾淨企理👍🏼金鶴拉麵最出名應該係雞白湯拉麵，已經唔係第一次食，佢個湯底比較清，同事真係淆到乳白色，令我覺得好健康🤣 識落唔會好咸，如果鍾意食濃味啲嘅朋友，可以點特濃或者沾麵，但我個人來講，食普通呢隻已經係啱啱好！每一次都點呢碗雞白湯拉麵係因為佢個炸牛蒡做得好出色，好脆，而家賣相又吸引，食lunch 都開心啲。浸埋湯食，味道 very good 🤤 前菜方面，就係叫咗芥辣八爪魚，同埋炸雞。芥辣八爪魚係冷盤，味道好好，我最鍾意就係佢嘅炸雞，每一塊都好Juice，而且真係好大塊，炸雞必點呀飲品，加$30可以試吓日本啤酒，我哋叫咗朱古力風味黑啤，飲落覺得好奢侈，未天黑已經有得飲😂佢有一種特別嘅發酵方式，都幾特別睇到餐牌，好似外賣仲有疫情價，有折頭😋

一直聼呢間拉麵好出名，係中環唔知食咩好，就揀左呢間。極濃雞白湯拉麵 $138人氣no1 雞湯creamy濃郁，熬左接近6個鍾難怪係其中一個招牌拉麵無得揀硬度有d失望 因爲個人中意食好彈牙好爽既面質但面較軟身有一塊叉燒同2塊鷄肉片鷄肉嫩滑 但感覺似係雞胸位置 炸到好脆既牛蒡簡直係畫龍點睛提升左成個拉麵 脆卜卜好有咬口黑蒜醬油湯拉麵 $98蒜香味重 個人比較重口味 所以中意呢個多過極濃雞白湯lol極濃雞白湯相對極濃雞白湯都多左層油但無阻我飲多幾啖濃濃蒜香醬油湯都西又一塊叉燒同2塊鷄肉片多左塊紫菜抹茶軟果 $33以爲係結果似蒟蒻

🍜●「金鶴. 雞白湯」($98)● 可能少數令我甘心不停回頭！就！係！金！鶴！拉！麵！🥳 係中環想食雞湯拉麵可選擇座X同金鶴 但佢哋嘅價錢相差已經相差一大截 咁經濟實惠嘅價錢 食到咁高質嘅拉麵真係太開心❤️🤩招牌雞白湯拉麵冇得輸😆都唔使我多介紹🤣睇返我之前啲post都已經講到口臭🤣🤣.🍜●「鹽味拉麵」($88)● 但今次試咗鹽味拉麵都係滿滿驚喜🤩🤩 唔好睇佢色水好淡咁 但其實味道好清 入口就係好清甜嘅鰹魚味💖😍😍掛上拉麵到真係冇得輸😭 冬天飲呢啲 就係正❤️————💭💭💭————好味(8.5/⑩)抵食 (8.5/⑩)

一年前食過北角分店，質素同服務有待改善到一直無再去…今次把心一橫再戰中環分店竟然有驚喜中環店嘅裝修比起北角店靚好多，全部統一用深色餐桌餐椅，枱同枱中間亦都有足夠空位，等食客都有足夠位置放鬆食麵。每張枱上面房有酒精搓手液，疫情下呢啲嘢真係要做足！ 瀨戶內海蠔湯拉麵今次自己一個人到訪只係食到一個item, 決定豁出去嗌個期間限定既蠔湯拉麵 ！第一啖飲湯味道超級濃郁，有蠔既鮮味但唔會死鹹，飲晒成碗湯都冇口渴配料有大量蟹肉，堅係大量，食到尾無哂麵但仍有蟹肉剩低，配埋鹹香湯底好夾！味玉流心夠入味，叉燒有一大塊肉質都算嫩滑，加埋配料既紫菜木耳同筍片，成碗拉麵口感好豐富，算係報個靚仇提一提大家，蟹肉軟骨清唔哂，食既時候要小心！

#📍 金鶴拉麵 (荷李活道) 中環荷李活道39號地舖🔸雞白湯拉麵 $98🔸北海道極濃蟹湯拉麵 $138🔸唐揚炸赤雞 $38🍒點評時間未有得去日本就食住拉麵解思鄉之愁啦🥲呢間拉麵我覺得性格比幾高 因為都食得幾飽🤣 l 北海道極濃蟹湯拉麵 l本身以為極濃會好咸 點知係好creamy好好飲🤣但又唔會好漿口好咸配拉麵好掛湯👍🏻 忍唔住係咁飲🤣蟹肉嘅份量都唔少👍🏻 可以做到啖啖都有蟹肉l雞白湯拉麵 l上菜第一下比炸牛蒡吸引左🤩 即刻幫佢影返張相啦比極濃蟹湯拉麵稍稍冇咁稠身 但都係夠哂味👍🏻如果唔中意咁稠身creamy口感 可以叫返呢款湯底入面有塊叉燒同埋超級嫩嘅雞肉👍🏻l 唐揚炸赤雞 l雖然得3件但好大件🤣 同平時日本餐廳嘅唐揚炸雞好唔同炸雞炸得酥酥脆脆但入面雞肉絕對唔會好乾順帶一提侍應姐姐時不時行過就會幫我地斟水好抵讚👍🏻好味指數😋：⭐️⭐️⭐️⭐️⭐抵食指數😛：⭐️⭐️⭐️⭐️服務指數⚜️：⭐️⭐️⭐️⭐️⭐️環境指數🧽：⭐️⭐️⭐️⭐️

放工約左友人食飯，唔知食咩好，經過金鶴拉麵，知佢有數間分店，拉麵賣相好有氣勢令人記得左佢，趁今次就試下，7:00到去到，時間尚早唔太多人。裝潢以黑色主調，昏暗燈光，有點似西餐廳，以拉麵店來講，坐位都算幾闊絡。餐牌，糾結一陣都係揀招牌貨。金鶴‧雞白湯拉麵，$98，人氣之選。賣相十分豐富，奶白色的湯底，少許稠身，味道濃郁，有點漏，拉麵尚算彈牙，有兩片白雞肉嫩滑，叉燒鬆化，溏心蛋正常水準，炸脆牛蒡口感脆，有微微的牛蒡獨特味道。五花腩肉(2串)，$48，香口惹味。味道正常水準。

適逢今日去到中環工作, 夜晚就腳去搵食. 原荷里活道一直行到接近大館就發現依間拉麵店, 以黑色傢俬作為主調配埋白光燈, 同佢地既招牌拉麵好夾. 估唔到依間拉麵店仲有分店, 坐低之後, 侍應好好咁向我地介紹左佢地既拉麵特色, 雞白湯拉麵真係第一次聽, 於是我同同各揀左一款主打拉麵同一款期間限定, 雞白湯拉麵我叫左個款係佢地舖頭既主打拉麵, 湯呈奶白色, 質感厚實, 雞味濃郁但係唔咸; 麵質有彈性, 好好咬; 雞肉咬落唔UN; 特別有驚喜係炸牛膀, 好脆好香口. 北海道極濃蟹湯拉麵而同事叫依款係期間限定既拉麵, 蟹味濃郁, 又唔漏, 加埋蟹肉一齊食好滿足, 朋友仲有舊叉燒同出面有啲唔同, 食落口質感好好唐揚炸赤雞最後我地叫左一份炸赤雞, 一碟3件, 都唔細件, 咬落又脆又香口, 唔會俾人食緊麵粉既感覺一人一個拉麵係非常之夠食, 味道同店舖裝修非常好, 好適合去中環飲野前既晚餐選擇

金鶴拉麵嘅鰻魚飯真係好正呢道除左金鶴雞白湯拉麵出名其實鰻魚飯都好好味道所以我特登外賣比老公食🥡即叫即燒嘅鰻魚飯製作需時所以落咗單之後大約等待十幾分鐘仲另外點咗咖哩炸雞飯同明太子雞翼鰻魚飯好厚身入味 咬落啖啖肉鰻魚醬汁香濃 餐廳仲貼心另外配上一小兜自行加前菜芥末魷魚好惹味 好開胃咖哩炸雞飯嘅炸雞都大塊炸得外皮酥香 雞肉滑嫩油脂溢出溏心蛋蛋黃生熟剛好 燈黃色蛋黃好吸引明太子雞翼好足料 入面釀咗超多明太子 鹹香味足 而且無骨啖啖肉