鉄板200 (已結業)

星期一跟同事們去吃lunch，每個set lunch要約$58-68，有兩位同事叫了拉麵餐，麵凍不夠熱，自然要求換，可惜店員態度欠佳(黑面)，雖然有換，但卻影響了我們吃飯的心情！其他set lunch餐味道也很普通！甜品是普通涼粉，很失望！其間也聽到隔鄰枱對食物的質素也甚為不滿！

食物水準相當一般，但價錢唔平，如不是因為在芸芸New Town Plaza的食肆當中佢有得訂位都唔會擇佢。預期中失望。環境: 大路日式餐廳格局，但都幾嘈，半開放式廚房，d木椅坐得好唔舒服，靠背去到一半，又細長，可能唔想客人坐太耐，不過d位咁唔舒服的日本餐廳都係第一次。食物: 如果唔係叫咗套餐都幾貴，一句到尾，無樣好食，無野推介，炒飯難食。話明鐡板，居然d鐡板牛粒唔熱，只係暖，味道好一般。吉烈豬扒烏冬就真係如其名，只有一塊炸得好似大家樂樣，出油的豬扒(外層只有好薄的吉烈皮)同烏冬，而d烏冬同係超市買到的即食烏冬質素一樣，但賣幾十蚊，物非所值。連好大路的伴碟配菜同沙律漿都無，真係食水好深，"lam"到盡。甜蝦唔新鮮，d肉"梅"。服務: 好唔夠人，只係做到極其量的上菜同埋單，連落單同加茶都要把握機會捉住個待應。服務態度一般。

前日中午一點左右,同幾位同事又再次惠顧呢間食肆. 結果失望而回.....去到個陣,都不算太多客人. 入座,招呼,於是看一看個午餐餐牌先...換左新午餐SET,有新菜色當然喜出望外. 大約5分鐘左右,各位同事和我都心有所屬了.於是一位同事便舉手示意...不開心的事情發生了... 竟然無人察覺我地既存在 我地坐係入面一排長卡位個到,呢個位係呢間野既服務生帶我地入座的... 我地有點不耐煩,於是出聲叫人...換來的係一句 "係,等等' 呢個侍應真係好野... 呢位女侍應,我見佢既制服應該係部長咁上下既職位,是否佢體型龐大無法行入來幫我地叫野食呢? 本人聲明在此無人身攻擊,不存在歧視. 最後在無耐之中,終於有一位侍應生前來招呼... 本人叫了一份雜菜餅定食,幾好食好香口. 不過本人覺得服務上真係極差...大打折扣,10%服務費換來一句 "係.等等" 不了了之... 要開口叫人先有得前來加茶...太離譜!!! 下次不會再來了...

今日我的朋友考完高考﹐搵一個地方食飯賀一賀佢d 侍應都ok有耐性﹐又會係咁介紹佢自己的菜式﹐d野食好好食﹐好新鮮的魚生﹐跟住d小食﹐全都係即刻攞出黎咁﹐因為﹐好正!!食左個雞扒湯烏冬﹐好好食﹐d湯好入味﹐好正

和朋友去食, 本來想食和民, 但為左唔使等位, 我們去了呢度食.點了壽司拼盆, 咩韓汁燒牛肉, 牛肉炒烏冬, 牛肉鍋, 海鮮燒餅.壽司拼盆方面, 我只係食左一舊海膽壽司. 真係好恐怖, 海膽居然有陣...壓壓地ge 味...好得人驚.至於牛肉炒鳥冬同韓汁澆牛肉, 可以一齊講. 因為韓汁澆牛肉係牛肉炒鳥冬走烏冬. 牛肉好"鞋", 成碟野都好油. 炒烏冬唔知點解酸酸地.牛肉鍋方面, 同上面ge 牛肉一樣. ( 我諗係用同一堆牛肉整). 同埋個牛肉鍋, 唔熱ge. 唔熱又唔用個爐熱住上台喎.海鮮燒餅係惟一比較正常ge 食物. 環境方面幾好. 雖然有d 位黑左d, overall 幾好.服務態度方面, 唔係咁好. 侍應ge 面色, 好配合餐應ge 燈光, 都係黑黑沉沉咁ge.總括黎講, 成件事最錯ge , 唔係間鋪頭, 係我...!! 點解我唔肯等多一陣和民...好後悔叫左朋友黎呢度食... 我諗我唔會再黎了...

收工同工友行經新城市，人頭湧湧，想搵個晚飯食，行左幾間想食的都大排長龍懶人又無耐性的地盤人士最憎要企0係度等位，次次有呢0的情況一係放棄一係唔食，咁岩竟然俾我地見到間唔洗等位既，即時一個轉身飛身入內找個位坐﹗鐵板200﹗個名有0的似戰狼300好似好勁﹗坐在門口的屎弗位，風涼水冷，途人們都會看入來指指點點，shit﹗先點左個雜菌天婦羅，有金菇、秀珍菇及冬菇等﹗味道不錯，炸得外脆內軟，感覺不油膩很乾身，呢碟野值得推介﹗再點燒三文魚，呢碟野就難頂喇，0的魚好似排油咁成件油淋淋，放入口個嘴仔真係連潤唇膏都可以慳番﹗燒物正常都比較乾身夠焦味，不過呢碟野就欠奉﹗三件我地各試一件之後個口油過油王比利，連工友這愛魚之友也決定將最後一件棄之台面以示不快......可想而知有幾......油最後點多個壽司12式拼盤，$138，刺身薄如紙，飯一夾就爛，味道只屬一般﹗大食精二人組本來一點也沒有飽肚的感覺也決定鳴金收兵，算了吧﹗

生日同朋友黎呢度食飯一黎就問有冇蛋糕, 以為佢會咁好死想幫你擺起佢啦.好差全部waiter 都無笑容無禮貌落完單啦, 佢問:仲有冇呀?(等兩秒, 我地未答佢)佢話:哦, "無就算ge la"大家一齊O咀..............野食黎講, 真係普普通通, 唔抵.牛肉鍋好"un"好啦, 食到一半幾個朋友先去買生日蛋糕...番到黎.... 佢話要收100$切餅費...真係O咀O到呀........雖然都聽過切餅費呢樣野...但今時今日唔係真係收呀嘛...變通少少唔洗死呀嘛??!人地生日你優惠都無仲要收人切餅費.無得救.

同朋友上星期六係新城市廣場行行下,行到7樓.眼見食肆林立,而且正是晚餐時間. 於是便選擇了呢間叫TEPPAN200的日式餐廳. 7點半鐘左右呢間餐廳已經幾多人下.坐低睇下菜單先,3分鐘唔到,我個朋友經已睇中左個和牛餐=.=' 我再望一望個菜單,無咩野讓人可以眼前一亮,不過我好奇既就係日本鐵板燒餐廳竟然有扒食=.='係西餐個D跟薯菜蕃茄再碟上個D扒餐... 我地3個人,叫左一個和牛餐一客金菇牛肉卷一客鐵板牛舌餐牌寫住人氣,試下先. 和牛餐有一個壽司拼盤,壽司無咩特別來來去去個幾樣,跟住金菇牛肉卷來左,碟上=.='有D失望,餐牌張相係用鐵板上的... 呢道菜係用牛肉卷住D金菇,有8件.每件剛好一啖食落口...唔錯,金菇夠爽牛肉夠新鮮.好味!果然人氣推介! 再來牛舌,有4件,又係碟上既=.='4件牛舌都好大件,好厚. 點下個汁咬啖先,真係好食!!!煎得夠香,外脆內軟!!!唔錯唔錯!跟住和牛來左,呢次係鐵板上啦,哈哈,一快鐵板有炒菜墊底上面係一快和牛扒(切左條)跟住有小小蒜片,我地落單個陣係話食7成熟的,試下先!嗯!!! 7成熟差唔多,仲有好多肉汁流出來!!香軟牛味重.GOOD~ 炒菜底又幾

同Honey 在大會堂睇完芭蕾舞後, 到此食晚飯.三文魚係我們的至愛, 於是order 了兩款三文魚美食~1) 前菜: 三文魚豆腐沙拉~ 好味, 一定要試! 三文魚是熟的, 涷豆腐好滑, 加上香葱和特製的酸味味汁, 好match, 有水準!2) 三文魚刺身: 一碟有五片,幾肥美,夠新鮮又好味! 3) 燒秋刀魚: 香脆可口, 連幼細的魚骨都可以食埋, Honey 都話正.4) 炸黑豚肉烏冬: 炸豬扖都幾香脆, 是分開上的, d 烏冬同湯冇乜特別, hoeny 話麻麻地, 湯底太清淡, 但我喜歡食清淡的, 所以覺得ok.Overall, Waiter 都好有service, 環境夠清靜, 我們都食得滿意, 下次可以再來的.

特上壽司及卷物12件$138minimilk says: (1:13:46 AM)炒麵燒餅$68minimilk says: (1:13:58 AM)日落$28今晚同左另一半去食。都唔洗等好耐,　１５﹣２０分鍾倒就有位。個部長仔完全冇笑容叫完野都冇應過一聲...叫左set 特上壽司及卷物12件$138炒麵燒餅$68同埋drinks.d壽司冇幾耐就到,,個樣都冇乜野係淡左d。。同埋個海膽壽司食到有d想嘔ge感覺..個燒餅等左差唔多半個鐘先到，都過得去。但如果俾我簡，我寧願食和民。期間有叫d　waitor 斟茶，應一應我就走左去...跟住冇埋件事。總結：total 食左＄257...唔底...food mama　地waitor 態度唔好。。。d衫又巢部長個樣唔似部長係禁多~

D魚生唔係太過新鮮, 仲要係魚生飯入面既魚生食到有魚鱗*=*, 叫個鐵板鵝肝等得又耐又唔係鐵板上, 雖然佢個賣相整得幾靚, 鵝肝下配1塊煎過既法飽再用士多啤梨醬唧花伴碟,整到塊鵝肝&法包都有勁難食. 服務又麻麻, 唔會自動自覺幫客人倒茶, 一路加茶, D水就一路滴落地下

星期六的下午, 文迪放工之後, 約了係沙田午餐. 很久前吃過一次這裡的晚餐, 試了幾樣鐵板燒的都係麻麻得, 這次再來吃午餐, 不吃鐵板了, 試試其他的看看.豚肉生薑燒便當$62: 7分, 要了個午市便當: 豚肉生薑燒便當, 配送三文魚刺身, 前菜, 麵豉湯, 飯同咖啡/茶. 豚肉連生薑同埋洋蔥一齊係相當之香口, 豚肉的火候係剛好. 跟上三件三文魚刺身, 也大概知道係乜貨色, 單計這個午市便當來講, 都幾經濟, 水準也可以.不想要兩個便當, 就另外散叫了幾樣食物.軟殼蟹卷$58: 7分, 入面有炸軟殼蟹, 蟹籽, 番茄, 牛油果醬, 青瓜同沙律醬. 軟殼蟹炸得不太靚, 比較多粉, 也過了火, 不過跟上其他材料一齊吃始終係錯不了的配搭, 味道還可以.串燒牛舌$15: 8分, 要了兩個串燒, 牛舌厚厚的, 幾香口.串燒墨魚咀串$15: 7分, 墨魚咀串就沒有那麼香口, 口感也一般.豚肉燒餅$68: 7分, 燒餅有兩種選擇, 大阪長芋厚燒同廣島明石薄燒, 最後揀了厚燒. 芋頭幾香, 吃落口也幾鬆軟, 加上面頭的沙律醬也幾搶味的. 揀了豚肉燒, 肉質可以.是次食物的水準又不俗, 係這層樓來講,

午餐時間。我突然想食日本野，幸得好朋友的贊成，我又想念三文魚了。沒有去過的日本料理店，服務不算很好，有點愛搭不理的，食物的質素也很一般。庵列雞肉炒烏冬（$56）分量很小，烏冬算是不錯，彈牙又入味，不過雞肉就老了些。庵列搗碎了配海苔絲效果不錯，可是出面的紅絲就不知道是何物，味道很恐怖。三文魚刺身（$42）當然少不了的！這一款一般都不會失准的，肥美又厚身，幾抵食。不過醬油就有點太鹹太鹹了，蘸一丁點都嫌多，不蘸有沒味，鬱悶。芝士章魚小丸子（$26）最差勁的！面身巨厚無比，還黏黏的好像沒有熟，內裏出了一顆章魚粒，就沒有別的了，還相當的油膩。唯一的亮點可能就是芝士的加入吧，出面那一層熱熱的芝士倒是令口感豐富了不少。但總體還是很糟糕。實在不算好吃，可是心情卻靚靚，因為我們初夏的旅行大計成形啦！

同男友食左個牛肉卷, 茄汁炒飯, 帶子薄燒(唔太記得d名, 可能會有點出入), 樣樣都唔錯, 唯一缺點係上菜太慢

昨晚相約Form 7 同學一齊去沙田gathering. 唸左好耐唔知去邊度食好，想座得耐d，可以傾下計. 有朋友建議去食鐵板，因為佢食過lunch話幾好，地方闊落，氣氛都唔錯. 咁我地就去左la.去到都幾多人，等候的時間都可接受 我地叫左個4人套餐，岩岩好，都有好多野食ga，價錢算便宜，每人夾番都不用$100賣單，都ok ! 我地大家一致認為清酒煮蜆係最佳之作，因為唔會好似出面d餐廳咁全部得個殼，真係有蜆肉，份量ok & 幾好食! 其次係香蒜牛肉卷，好香口服務方面，我地幾滿意，我地選擇左海鮮炒烏冬時，那個女waiter 主動提我地海鮮炒烏冬d 汁會酸酸地，因為用和風汁炒，會比較開胃. 佢對客人都幾細心. 有d都幾好笑容總的來說，食物味道及服務不錯!! 我地enjoy our dinner ，下次會再去! haha…