銘陽車仔麵 (已搬遷) 新店位置

讚1. 沙爹醬好味道，香得黎唔會一味死辣，餃子好足料，手切麵既質感好爽滑煙韌，小食既豬腸錄好特別下2. 服務好好噃，姐姐食完飯仲問要唔要口罩，幾好人彈1. 蘿蔔有啲渣，揀得唔太好噃

本身好少食車仔麵，但朋友就好鍾意食，前幾日經過荃灣見到呢間銘陽車仔麵，之前喺網上見到呢間好似係黃點黎，所以一定要支持下我自己叫咗個牛腩蘿蔔滷水雞翼油麵，上枱的時候嚇親，因為碗麵好大好足料絕無欺場，滷水雞翼好好食😋好重滷水味，然後蘿蔔都吸收晒湯嘅精華！正！跟住我哋仲叫咗個炸豆腐，豆腐皮脆內軟，口感一流!配埋老闆的秘製醬汁！100分如果經過泉郊一定要食呢個車仔麵，支持黃色經濟圈，宜家埋單 🈶️＄3️⃣現金券送，值得一試

今次試荃灣呢間銘陽車仔麵。入到去裡面環境都OK，可以容納廿到三十個人左右啦。而店員會要求大家都要清潔雙手，佢地亦都有預備左酒精畀客人噴手。算幾乾淨。我點既係三餸：豬大腸，雞翼尖，牛筋配米粉。我地額外叫左個炸豆腐。D湯同埋米粉都係咁，無乜特別。至於佢個牛筋就係爽身既質地，唔係林滋滋煙煙unun果款。不過都算入味既。我至愛既豬大腸呢，望落去洗得好乾淨，仲好厚實添。口敢係林中帶爽既，味道唔算好濃，係輕食版既豬大腸。翼尖係瑞士汁整，甜甜地，好入味，正。食左舊蘿蔔，炆得都夠淋，食落甜甜地，幾入味之餘仲保留到少少蘿蔔既原味，無乜筋。炸豆腐真係外脆內非常滑，新鮮炸出黎，勁香，點埋個甜甜地既醬食，真係超正!

今晚11點左右，見到好多店舖都收左，所以特登去路德圍睇睇，誰知在疫情底下，都有好多間收早，咁我見到有間車仔麵叫銘陽，門口見到個招牌都幾抵食，就同我女朋友入去試下，環境方面，講真真係好一般，但可能車仔麵檔就係咁掛，服務都可以，姐姐都幾有禮貌，先睇睇餐牌有套餐，亦都有散叫，剛巧我冇影到，散叫普通麵就$10，特別既就$13，餸就$8-$15不等，我同女友個叫咗兩個餸，我女友叫河粉加金沙骨，豬紅，我就叫咗個油麵，豬大腸加蘿蔔，好快就嚟啦我女友叫咗個腩汁清湯小辣，我就要咗個沙嗲汁小辣，腩汁媽媽沙嗲汁好正好惹味，湯底標明冇落味精，飲落都唔錯，豬大腸好味，蘿蔔好甜，份量都唔錯，至於我女朋友個鎮江骨份量就少咗少少，但味道都唔錯，兩人食咗$65 ，算平，宵夜試吓都唔錯。

荃灣出名多嘢食，經荃灣地膽朋友介紹下，來到路德圍食車仔麵。當日下午兩點去到，餐廳已經坐滿八成客人，朋友和我都想食蘭州拉麵和招牌鮮切麵，但已經買晒🙈唯有叫其他麵😅——————————🔹山西刀削麵 (炭燒豬頸肉/招牌餃子/生菜) $44朋友叫腩汁湯底刀削麵，豬頸肉一看就知好入味，食落仲有點炭燒香；餃子大粒多肉；生菜份量多，索滿濃濃的腩汁，正❤️ 刀削麵棉質彈牙，浸耐咗都唔會好淋～🔸上海銀絲麵 (瑞士豬軟骨/滷水豬大腸/台式五香腩肉) $49我就叫瑞士豬軟骨和五香腩肉，這兩樣相信煮得很久已變色，很軟腍入味，但略嫌腩肉太肥，最後有點油膩～滷水豬大腸洗得乾淨，裏面的肥膏大多已清除，吸收滷水汁的精華👍🏼🔹陽江豬腸碌 $16這個是陽江著名的傳統食物，冇理由唔試下☺️外皮是粉皮，包着炒香過的木耳、豆芽、蔥等等，所以算是素食～味道咸中帶香，清淡健康，不錯👍🏼🔸台式炸豆腐 $28這個炸豆腐份量很多，裏面是嫩滑的豆腐，熱辣辣炸起，外皮特別香脆，再蘸店家自家製的甜辣醬，好滿足🥰🔹椰香珍珠/杏仁珍珠 $12這兩杯飲料的味道不過不失，雖然珍珠彈牙，椰香味突出，但杏仁味有點弱，可以不叫。

荃灣路德圍真係好多選擇～ 今次試既銘陽車仔麵，咁岩經過姐姐叫埋去試下～話大大碗又靚料！即管試一試，車仔麵都岩食！同平時一樣都係麵底再每樣餸計錢，依到既麵底真心正😍除左平時食開既米線、油麵、粗麵個啲，仲有上海拉麵、刀削麵、蘭州拉麵😍😍😍好正呀！而車仔餸方面都有好多好吸引既選擇，豬大腸、牛肚、豬軟骨、豬頸肉、魷魚等等。我今次就簡左咖哩魷魚、五香牛肚、炭燒豬頸肉、豬紅配刀削麵～🤤不過我依個配搭就會比較重口味。刀削麵厚厚的，咬落有韌勁，口感無得彈，平時食車仔麵真係無得簡，麵底係我會回頭既原因🤘🏻想講d餸都好高質，份量好大，而且味道好好，每樣一啲都唔求其！咖哩魷魚入味又夠哂爽、五香牛肚直頭係燜得一百分，超濃郁既滷水味同埋超淋既口感，食完一舊又一舊炭燒豬頸肉就正常水準勝在份量夠哂多、豬紅一定係車仔麵必選🤤車仔送來講我比呢度有90分，全部都夠晒大份，而且製作認真！另外朋友個碗就清淡一啲，簡左陳皮魚蛋、滷水雞翼、通菜、滷水豬大腸配河粉！滷水豬大腸就比較肥一啲，不過都洗得算乾淨，雞翼一樣燜得夠哂淋，而陳皮魚蛋依啲懷舊香港小食都係必點吧🙈依度除咗車仔麵，都仲有唔少小食選擇架，今次我哋嗌左台式炸豆腐。嘩！一

因為新年，洗錢唔覺意洗多左，咁就同男友開展左慳錢大計，Bookmark左呢間，皆因佢夠平，點知原來質素都唔錯點餐就同車仔面一樣，填張紙仔～款式都有好多，最正係飲品都有唔少選擇我叫左豬軟骨、蘿蔔、鮮切面；蘿蔔清甜大舊，有4舊！豬軟骨份量有d少，但都煮得幾入味個生菜$16，本身以為會得幾條，點知咁大碟，超抵食，佢係白烚+蠔油煮得爽口，全部都係綠色冇overcook豆漿：size 算細枝，但唔錯。個炸豆腐都係好多粒，外皮炸到好脆，佢本身冇味、要點醬食先得覺得如果係椒鹽炸豆腐會好味d，因為太飽，所以食剩左d。豬腸碌即係腸粉包河粉，味道還好，但好易滯

荃灣路德圍出名多街坊小店，看到《銘陽》門前堆滿了候枱的客人，相信一定是荀盤；為涮美食，我倆也一拼擠進候枱行例 🤣🤣$26的確是超值街坊價，扺食到一個點！💖💖 在銅鑼灣 $26只能點杯飲品而已。招牌腩肉豬頸肉時菜河，腩肉入味，軟稔鬆化，豬頸肉有咬口，河粉吸了如汁般的濃湯，味道不錯；時菜是菜心，比一般的生菜更為吸引。鹵肉飯，除了鹵肉碎，還有不少的豬肋骨，白飯香軟多汁；大大碗的鹵肉飯，好味又飽肚。吃粉麵還是愛點客油菜，腐乳通菜是好選擇，通菜份量多，腐乳咸香惹味，抵食之選。小二姐推介招牌小食炸墨魚卷，質感彈牙，墨魚味香，一口接一口，全晚最愛。熱甘桔蜜，暖身滋潤，正合喉嚨有點癢的小妹 👍💖💖本想點另一招牌菜，陽江豬腸碌，可惜已經售罄，唯有留待下回吧！

今晚心情唔好, 完全無主意去食咩好, 拋左個波比男朋友決定,響路德圍兜左幾個圈, 佢 最後決定食呢間 一入到去, 好老實環境係麻麻, 但既然入到去, 就試試吧張落單紙D字好化...睇得有D辛苦響環境同落單紙感覺不好下, 我唔抱任何期望, 只想快快食完走.....男朋友用我最鍾意既叫野食方式----小食攻略, 咁就可以一次過食好多款野當野食上台時, 我地眼都碌到大一大, 因為無諗過D份量會咁多台灣炸豆腐, 即係炸豆卜熱辣辣, 表層酥酥脆脆, 佢配果隻醬我無沾, 我反而自己加左甜醬,食到停唔到口蘿蔔好甜又大舊, 完全無渣牛腩都係大大舊, 肉質鬆軟夠入味個名好搞笑, 我地都係被"豬腸"2個字吸引而叫左 佢入面包住豆芽同木耳, 一食入口就有一種好熟悉既味道, 但就係講唔出係似食緊咩.....後尾睇番牆上面既餐牌介紹, 終於知似食緊咩喇!就係炒河粉既味口感爽脆有彈性 但可惜醬料味太重, 食唔出炭燒香茶味算濃, 珍珠有咬口以一間咁地道食車仔麵既鋪頭黎講, 呢杯珍珠奶茶都算係咁所有食物既份量真係好多, 質素平均黎講都係可以, 食到棒住個肚走,  心情都好番哂

又到荃灣有美食城之稱的路德圍，各式美食和小吃都有，如拉麵、豆腐花、雞蛋仔⋯⋯等都有。我們走進一間叫銘陽車仔麵店，叫了2客下午茶餐三拼。1⃣️河粉、瑞士豬軟骨、魚片頭、清甜蘿蔔加熱飲鴛鴦$36。2⃣️粗麵、鹵水豬大腸、招牌餃子、爽口豬皮和珍珠奶茶（加$3）共$39。另加小吃炸墨魚餅（6件）$24，豬扒拼雞翼$30及招牌特色陽江豬腸碌2條$16。這時客似雲來，但食物都很快來到。河粉爽滑，豬軟骨夠稔美味，魚片頭爽口，蘿蔔又清甜，鴛鴦味濃郁。粗麵爽滑彈牙，豬大腸很稔沒油膩，招牌餃子很飽滿多汁，豬皮很爽口兼無豬毛，珍珠奶茶香濃，但飲管管口太窄，未能吸啜到珍珠。炸墨魚餅很香口美味，豬扒很稔和鬆軟，至於招牌特色陽江豬腸碌，真的很特色，它是廣東陽江著名的傳統小吃，由豆芽、木耳絲炒河粉做成，用粉作皮來包裹，捲成呈圓條形，貌似豬腸，故取名豬腸碌。老闆娘特別推介，要趁熱和沾上其自制的醬汁，再撒上白芝麻，十分香口惹味。這是一家價廉物美，份量十足的車仔麵店，值得推介。

好味既黃店!最近成日出去食黃店都會食到d唔太好食既🙈呢間算有誠意 有好多餸 有小食 下次再試其他面底 同唔同既小食，畢竟食車仔面來來去去都個d，有新野衝擊下唔錯，個小辣嘅腩汁湯底加埋咖哩魷魚搞到我想飲埋啲湯佢，但怕肥，飲左兩下就冇飲啦!

中午要在荃灣食個快飯，即刻就諗到銘陽車仔麵，佢廣告寫住抵住「大大碗，好抵食」系真架！在menu紙上揀好左，就交返比侍應，加埋幾蚊仲可以包埋野飲。我揀左柱候牛腩，台式五香腩肉，冬菇，支竹，雞翼另上，沙爹醬湯底，河粉。好鐘意佢個沙爹醬底，好香，好惹味，不會太咸，食完唔覺口渴，河粉高質，爽滑。冬菇厚肉，口感好正，料足抵食，要求左雞翼另上，就唔洗浸左湯入面了，keep到瑞士汁味，雞肉嫩，燒得好冧，夠入味。

收工突然間好想食車仔麵經過路德圍附近諗住搵間入去食下所以就黎到銘陽叫咗兩碗車仔麵🤓🤓🤪要講幾次😂🤣😂佢個面底係超級無敵多另外佢哋嘅餸都係好多。蘿蔔都有五大嚿🤯🤯平時其他地方嘅車仔麵得四舊細叫咗佢哋嘅沙嗲醬係自家製👍🏼👍🏼👍🏼另外叫咗佢個腐乳通菜，佢哋嘅通菜同平時唔同。腐乳帶點甜辣嘅感覺。我覺得好味🤪🤪🤪之後叫咗兩個小食豬扒同埋雞翼🥰🥰豬扒好入味，雞翼可以啦😆

荃灣有一條街非常之多嘢食，就喺地皇商場個一頭，真係羨慕荃灣嘅街坊有咁多嘢食大飽口福。今日同朋友喺附近行街諗住食下車仔麵，既好食又平靚正，記得以前細細個帶車仔麵係帶幾多餸都得，只要你食到晒就得啦哈哈！呢間車仔麵門口已經擺咗好多套餐餐單比客人睇晒餐廳有乜嘢食，唔單止有經典嘅車仔麵，仲有飯、小吃和其他麵食嘅選擇，喺呢度食飯想食乜嘢都得啦😌我就帶咗米粉再加我鍾意食嘅鳳爪、芝士丸、通菜和冬菇，唔好話我唔同大家講，其實車仔麵最精華嘅係就係揀佢嘅沙嗲醬或者麻辣醬就最完美啦！我就揀咗沙嗲醬，佢唔係好辣所以怕食辣嘅朋友食呢一個完全冇問題，上到枱大大碟大大碗真係好正啊！所有餸菜都好新鮮。另外帶咗個推介臭豆腐，臭豆腐炸得好脆熱辣辣上枱，每一粒嘅大細都均勻，分量十足，你睇吓幾多粒😌再配合埋甜甜的醬一流！另外值得推介嘅係呢一款，外表用涼皮包住，而裏面就夾雜着涼皮和蔬菜，所以食落口感層次豐富，有點嚼口， 所以我同我朋友就好快已經食完呢一道小吃😂今餐真係好豐富呀而且呢一間餐廳坐得好舒服我哋慢慢傾吓計談下心喺度坐左幾個鐘慢慢食慢慢享受我哋二人世界！

今晚和老婆在荃灣吃晚飯，去到食肆林立的路德圍，這次來到這家不太起眼卻又屹立不倒的銘陽車仔麵，相信必有一定水準。餐廳裝修走懷舊格調，座位寬敞舒適，令人舒服自在。餐廳主打港式車仔麵，有多種不同的配撘。另外亦有不少套餐選擇，還有多款小食。墨丸、招牌餃、豆卜、冬菇幼麵選了基本的湯底，不加特製醬汁，故此能品嚐湯底味道水準，湯底顏色深邃，味道豐厚濃香。招牌餃自家包製，餡料紮實豐富，冬菇個頭雖然不大，但菇味濃郁，配上豆卜、墨丸增添食趣。豬脷、豬紅、雞翼、豬皮、蘿蔔刀削麵另一碗則加了沙爹醬，沙爹香科味道香濃醇厚，夠香夠辣，蘿蔔香甜，大件無渣、豬脷煮得軟腍入味，肉味鮮香，配以刀削麵口感筋道醇厚，頗有嚼勁。套餐奉送飲品，凍熱同價，罐裝汽水更不用加錢，十分大方。自家豬腸碌是陽江的地道食品，有點像大陸的捆飯，以粉皮包裹住炒香的豆芽、河粉等，因為事先炒香，所以油香味美，同時不會過膩，蘸點辣醬同吃亦更有風味。台式炸豆腐看似豆乾的炸豆腐，其實內裡是滑嫩的軟豆腐，鬆化香脆，入口不油不膩，豆腐件件口感外層爽脆且內裡軟嫩，恰到好處。