銘陽車仔麵 (已搬遷) 新店位置

上堂前要找點吃, 怱忙中找來路德圍的車仔麵, 沒有多想就坐下了價錢很街坊, 選擇多, 單看餐牌也花了十分鐘麵上枱時看到那滿滿的匙其實有點猶豫, 賣相對我好像有點那個.....不過真人不露相, 跟湯麵掏伴了, 仍吃得出濃郁的沙嗲香味,  味道份量剛剛好; 特別點了店子推介的軟滑牛根, 應該烹煮了一段時間? 好軟綿潤滑另外的魚皮餃子飽滿, 不知道是不是店子自己製作的, 咬起來彈牙, 有點意外之喜; 蘿蔔非常大件, 咬下去沒有半絲根, 加上吸滿湯汁, 非常惹味

是日返工前要黎荃灣幫隻豬買啲野🙇🏻‍♂️🙉買完適逢已屆午餐時段🙉早前經過呢間車仔麵店一直都想品嚐一下🤤🍜還掂連早餐都未食一於黎醫返飽餓扁既腩仔先🤪🍜位於荃灣路德圍既銘陽車仔麵🍜有「天空之城」之稱既荃灣可謂四通八達！由A1出口直行沿住南行天橋過黎都算方便😆呢度簡約既環境裝修🙈以經濟實惠既麵餐作招徠😆🍜亦吸引唔少回頭客及學生上班族黎幫襯😆🙇🏻‍♂️-自選車仔麵小肥因太肚餓既關係🤤🐷🙇🏻‍♂️重手左一口氣叫六左樣餸🤪🍜有柱侯牛腩、秘製牛筋、蠔皇冬菇、清甜蘿蔔、菜心同埋豆腐卜🤪大大碗上枱自己都嚇親🙉🍜😂以油麵做車仔麵底係必然之選😆柱侯牛腩同秘製牛筋夠爽口之餘煮得夠腍嫩😋以蠔油汁老火細炆既冬菇煮到甚為入味之餘🤤爽滑彈牙食落更加Juicy😋蘿蔔食落鮮甜Juicy之餘🤤吸收湯中精華最大功臣😆就非豆腐卜莫屬了🤤配合鹹香微辣既特製沙嗲汁帶出更多鮮味☺️

車仔麵可以話係香港既地道食品我有一個星期無食到都會口痕架今次係荃灣搵食 呢間銘陽車仔麵有啲生面口 決定一試～.點左2個麵 炸豆腐 通菜同豬腸碌粗麵配咖哩辣魷魚🦑 豬皮唔錯重點係加左沙嗲醬 辣得好過癮👍🏻豬皮好爽口 浸左湯汁食好好味魷魚好大舊 算係入味 咬落彈牙～好有口感.另外個幼麵就要腩汁 配瑞士雞翼 招牌餃子🥟 陳皮魚蛋魚蛋細細粒 好香陳皮味 有大約5-6粒雞翼就好推薦 唔會太咸 煮得岩岩好 雞肉好嫩滑.唔夠飽緊係要叫小吃😋炸豆腐份量超多！即叫即炸上枱時熱辣辣 外脆內軟～ 仲有辣椒醬點黎食 更惹味.豬腸碌係腸粉入面包住炒芽菜河粉食完好飽肚 都幾新鮮 從來未食過呢～

走到荃灣，香港的美食天堂。看到「鮮味濃郁湯底」，決定試試這間車仔麵店。習慣在OpenRice看看店內熱門的食物是什麼 - 台式炸豆腐、陽江豬腸碌、秘製沙嗲和麻辣醬汁。台式炸豆腐 - 外脆內軟，豆腐質地綿滑，香脆不油，值得推介。陽江豬腸碌 - 像是炸両的外型，裡面居然是河粉，還有點豆芽，木耳，特別的設計，飽肚的小食。涼拌青瓜 - 適合無辣人士。麻味滲入涼涼爽口的青瓜，清涼之選。招牌鮮切麵沙嗲醬菜心瑞士豬軟骨 - 麵質不會過硬，粗幼適中，值得一試。沙嗲醬汁，味道甜甜的，一點也不辣，帶有鮮味，一試難忘。幼麵小麻辣醬酸菜招牌餃子 - 麻辣醬麻香味重，不太辣，若喜歡吃辣的建議叫中辣或以上。整體而言，銘陽車仔麵不論是麵或小食份量較多，抵食之選。湯底毫無味精的感覺，配上秘製沙嗲醬，一試便愛上。

食車仔麵，最講究就系佢個醬汁湯底，而銘陽車仔麵的自家制的醬汁，就系吸引我的關鍵原因，用料實在，見到小店的誠意。鋪面唔算大，但都井井有條，環境清潔，冷氣也十分夠力。多款配菜，自由配對，價錢很便宜！抵食吖！跟麵加小小錢就跟埋野飲。揀左河粉沙爹醬湯底，台式五香腩肉，冬菇，支竹....一大堆配料，都依然要另加一份滷水雞翼！真的非常入味！豬軟骨帶有濃郁的滷水香，入味又夠冧，最欣賞系冬菇，嘩！好味到呢！我要再加一份，肉頭厚，吸收晒滷汁精華，夠味但不咸！食完個口晤渴！齒頰留香！河粉爽滑，同湯底好夾，系我最鐘意的車仔麵組合。

夜晚一個人唔知食乜嘢好，就決定食車仔麵。我唔食澱粉質嘅，呢度可以嗌淨餸，最少三個餸，揀咗蘿蔔、炭燒豬頸肉同埋豬大腸，另外加咗碟腩汁生菜。蘿蔔非常甜，小小渣可以接受。炭燒豬頸肉比較乾，唔夠油，可能燒得過左火。豬大腸夠肥，算好食。生菜有浸泥味，麻麻哋。坐耐左發現間鋪係全女班，連廚房都係，幾得意。樓面姐姐算親切，隔離枱嗌餸時不斷問長問短，佢都好有心機回答，仲會比意見點樣嗌抵食啲，抵讚！埋單盛惠$48 ，咁又一餐。

今晚收工行過荃灣 諗唔到食咩 行過路德圍見到有個婆婆舉着牌 見到啲車仔麵都好似好吸引 咁岩天氣開始涼涼地食熱辣辣嘅車仔麵就啱啦 ☺️☺️食車仔麵就梗係要叫平時食米線食唔到嘅餸啦 我就叫左紫菜 辣咖喱魷魚 牛柏葉 同埋餃子 🥟米粉加沙嗲汁 🥴大大碗勁足料 每樣餸都有三粒以上 最欣賞係佢個沙嗲汁 勁濃勁香 仲有陣陣花生味 同細個係街邊食嘅沙嗲串燒勁似 好懷念啊🤤🤤朋友真係好鍾意食肉 所以佢就叫咗牛腩牛筋同瑞士汁雞翼 一樣都係大大碗勁足料 因為佢唔食辣所以就揀咗腩汁 腩汁冇沙嗲咁濃味 比較甜因為兩個都冇叫菜 所以我哋就加咗碟蠔油菜心開心share俾大家睇吓我哋真係叫咗勁多餸啊兩個人食車仔麵食咗差唔多百五蚊 哈哈😂😂

喜愛粉麵的荃灣友一定來過路得圍這條街。 車仔麵週街有，但不是間間都用心做， 銘陽車仔麵 只此一間分店在荃灣 無論麵的種類 或者餸菜方面，連小食都 有超級都選擇面底方面除了一般的種類外，還有上海麵，山西刀削麵，蘭州拉麵喜愛豬大腸的朋友一定要試試，除了 粗碌外， 洗得也很乾淨一點騷味也沒有，非常之香口瑞士雞中翼也看得出食店一點也不吝嗇，非常之肥美，大隻，瑞士汁也很入味三文魚餅薄薄的質感重油菜大大碟經濟實惠食得出是花上時間，心思去製作的。咸寧可樂也誠意十足， 可樂夠冰凍外，有咸檸還加上了檸檬乾， 令到這杯飲品飲出來的層次也提升了

lee排車仔麵上癮咁,今日去開荃灣又去食車仔麵🍜喇,間嘢好搞笑,擺左個叔叔係出面舉牌,寫住大大件,我同男朋友見幾抵就即管入去試下係間嘢坐底左後,發覺都好多人不斷入黎食,原來佢有分下午茶時段,我地叫完先知岩岩下午茶🙈🙈個餐牌都係平常車仔麵咁劃紙仔,都幾多選擇,黃色紙仔就係下午茶嗰張,有分唔同餸咩價錢我嗌左魚皮🐟+雞翼🐔,韭菜餃+通菜+米線🍜+ 蜂蜜冰茶,d嘢飲都都幾特別,咁樣跟餐都係加9蚊,個車仔麵黎到又真係大大件,魚皮又脆卜卜,d餸都好好食,好正男朋友嗌左牛柏葉🐂+魚片頭🐟+香菇貢丸🐖+陳皮魚蛋🐟+米粉,又係又多又大碟,佢大食,嗌多左碟腩汁生菜🥬,加埋凍檸茶,咁多嘢加埋都係71蚊lee間車仔麵真係性價比好高👍🏻

車仔麵特色就是可自由選配不同餸菜來配撘。今日小編希望為大家多試幾款餸菜，所以便不叫麵了。事不宜遲，我地遂一試試😊。湯底- 車仔麵的靈魂，這裡的湯底味道尚可，但味道主要來自鹽，建議加多點豬骨或牛骨下去煲吧。瑞士雞翼尖 - 瑞士汁入味的，雞尖較瘦。豬紅 - 不錯，豬紅都是批發來的，來貨不錯吧。豬皮 - 又不爽又不淋味道又怪怪的🤨。通菜 - 老，很多渣。韮菜 - 全是渣，不要吃😣豆卜 - 普通菜心 - 鮮、嫩、淋，最好的一款👍🏻招牌餃子 - 附近有兩間餃子店，餃子可以留肚別處吃😂秘制牛筋 - 夠淋夠入味👍🏻柱侯牛腩 - 全都是柴皮瘦腩沒有一舊似樣，千萬別吃🤬麻辣醬 - 不錯，食辣的朋友可以一試。小編另外還單點了一碟小食 - 台式炸豆腐，吃得出豆腐是翻炸的，但又炸得不脆，不好吃。

雙十感謝日，兩個人胃口有限，但又好想食好多嘢，去打冷嗌得多餸又怕食唔晒，車仔麵幾好吖，可以嗌多啲餸share，點都應該食得晒嘅平時食車仔麵大胃嗌開河粉，不過呢間有刀削麵揀，就試吓啦唔似河粉好易腍，有咬勁，牛筋好入味嘢飲幾甜吓，原來有原因，皆因我地有啲餸幾辣吓，解辣一流蘿蔔超多超大舊，油麵好似被施法咁，食極都食唔完墨魚餅又薄又脆口，好得呀豬頸肉醃料好特別，令人一食再食魷魚鬚嘅調味粉都好有心思，超惹味

行經荃灣買啲寵物用品，見到呢間車仔麵就入去試吓，都幾多街坊入去食。我哋入到去見到有兩款落單紙，對比之下又唔覺得有咩大分別，都係揀餸。問咗店員先知原來黃色嗰張全日優惠餐啲餸係比較少嘅，白色嗰張大紙就會多啲餸。一場嚟到又肚餓梗係食多餸啦~由於晚市時間都比較多人所以落左單都要等一陣先有得食～我碗麵一嚟到真係好大碗呀~每一款餸都好多呀。蘿蔔足足有成六舊，仲要好甜同好淋！我嗌左個酸辣肉醬，都幾辣下㗎，不過好惹味，送湯面一流！豬頸肉爽脆入味。另外自家制嘅辣醬都幾特別，幫個湯底加左唔少分!朋友就話個招牌鮮切麵有咬口，冬菇大粒得嚟好入味!另外都嗌咗個台式炸豆腐，新鮮即叫即炸，外皮鬆脆入邊就熱辣辣，個人覺得個醬係最好味，不妨一試～另外估唔到嗌咗菜心咁大碟，補充我成日出出邊食嘢欠缺吸收嘅纖維素，即刻感覺健康晒！總括嚟講，呢間車仔麵嘅性價比都高，每一種餸都足料同入味，見咁多街坊入嚟食就知係好野啦～

荃灣的路德圍出名多好嘢食 今次就同朋友嚟到呢間餐廳食車仔麵🙂環境不算太大 店內的姨姨很熱情~感覺很有人情味😄首先我們叫了全日優惠價套餐的金牌雜錦六餸麵 $52包了飲品 十分抵食H餐 （紅腸、時菜、豬紅、豬腸、咖喱魚蛋、雞翼）H1餐 （餐肉、牛腩、陳皮魚蛋、牛丸、時菜、炸麵筋）份量非常充足😄可以向店員詢問加辣 食落去會變得更加惹味😍湯底亦都相當濃郁_另外我哋仲叫咗一個推介小食椒鹽魷魚鬚 $38魷魚鬚係即叫即炸 食落去非常香口 下次會再同朋友返嚟食

前排去荃灣接朋友放工 太夜無乜餐廳有位又諗唔到食咩 就係路德圍行左一轉 最尾見呢間車仔麵有位就諗住求其入去食 唔好食嘅話當坐低傾下計都好😂一睇個餐牌真係有啲不知所措 因為實在太多選擇 連麵都有十幾種 何況餸嘅選擇😧米線粗幼麵嗰啲就基本啦 但係有埋刀削麵蘭州拉麵銀絲麵 我真係第一次係車仔麵舖見到 不過驚中伏所以叫左普通麵就算同朋友兩人各嗌左三個餸 嚟到份量都幾大 望落食落又唔差喎 豬軟過幾冧 魚片頭夠彈牙 朋友嗌左雞翼豬頸肉嗰啲都話比預期中好食 索晒啲湯汁夠晒入味😋最後埋單一人除返都係三十幾蚊 食得飽得嚟又唔貴 啲嘢食又唔差真係好抵食 當做糧尾之選又唔會難為自己個胃🤣加上佢開到12點幾 同朋友食完飯吹下水都得👌🏻整體嚟講推介啊！

呢一間位於荃灣嘅車仔麵，雖然位置唔顯眼，但係前幾間舖頭出面已有位大叔拎住個廣告牌指住方向，所以唔太難搵。鋪頭裏面唔算多位，中午去到怎樣都好多人出出入入，都會預咗可能要搭枱。樓面人數都算充足，舉起手就好快有人回應。食物方便以車仔麵為主，亦都有小食及飯套餐。最特別係有我喜歡的珍珠奶茶，款式也可媲美台式飲品。總括嚟講車仔麵試咗蘭州拉麵及油麵， 車仔餸亦都試咗生根，牛腩，豬腸，豬紅，牛肚，豬頸肉合共兩碗麵。小食叫咗個炸豆腐。特別推介牛腩，豬紅，豬腸！ 牛腩同埋豬腸醃得非常之入味，豬紅又夠嫩滑。同埋兩碗麵都夠曬大碗份量十足。至於個豆腐都係大大碟，個汁好似台式臭豆腐嗰啲醬，超正。仲有車仔麵個辣醬，自家製。食到飽飽都係為喺七十零蚊，雖然貴咗啲但係真係食到好飽，好滿足！