銘陽車仔麵 (已搬遷) 新店位置

今日同朋友嚟荃灣搵嘢食，朋友建議去食車仔麵，我哋就嚟咗呢間銘陽車仔麵啦。睇過餐牌之後，我哋發覺面、配料係分開計。例如瑞士豬軟骨、五香牛肚、炭燒豬頸肉等等係$12 ；鳳爪、瑞士雞翼尖、牛柏葉等等係$10；午餐肉、咖喱魚蛋係$9 ；豬紅、韭菜餃、香菇貢丸等等係$8，分四個價錢。我就叫咗一份山西刀削麵（自製醬汁、台式五香腩肉、牛柏葉、芝士丸、惹味豬紅）估唔到呢個山西刀削麵都己有咬口，軟硬適中。台式五香腩肉味道微鹹的，份量都幾多下。牛柏葉口感非常爽脆，非常推介大家試吓！仲有我最喜愛嘅惹味豬紅都做得唔錯。朋友叫咗一份招牌鮮切麵（自製醬汁，味極豬脷，滷水豬大腸，秘製牛筋，鮮枝竹，生菜），我都夾咗啲試，特別鍾意佢個鮮枝竹，都吸盡了湯汁，非常好吃。秘製牛筋好滑口軟身，味道也醃得不錯呢至於飲品方面，同一般車仔麵唔同嘅事佢有特飲，我哋叫咗紅豆冰少甜、芋香珍珠，跟餐價只係$12，芋香珍珠有幾夠彈牙喎！紅豆冰紅豆都好林下。唔錯！整體來講都唔錯，坐得舒服，值得一來。

車仔麵, 愈玩愈多款， 兒時食車仔麫， 都以肉類為主。 但銘陽就有少少唔同。有素食可選擇1.豬腸碌：自家整的豬腸碌外型好似豬腸粉， 但內餡係豆芽， 木耳絲粉河粉做成， 表面加上白芝麻， 好香口。 2. 菜類：有時令菜可選擇， 亦可配腐乳， 腩汁， 蠔油等， 價錢合理， 好似家的感覺。 特色秘製汁1. 腩汁： 唔會好油， 味到濃度2. 沙嗲汁： 因為唔想搶走腩汁本身味到， 所以老闆會另上， 但唔會好辣。相反， 會令腩汁更出， 喜歡食味濃者， 可選擇多款精選小食麻辣豬腸脷，炸墨魚餅車仔麵餸，多選擇有柚皮， 牛筋， 陳皮魚蛋， 酸辣肉操等出面比較少見的飲品多樣化一般茶餐廳都有既飲品， 台式飲品亦有

👅自選車仔麵比呢間車仔麵既招牌沙嗲湯吸引黎😝一望個沙嗲辣醬都知道佢幾重口味🤣個湯底帶微甜，混埋啲醬就好夠咸，但略厭沙嗲味唔夠突出🧐招牌鮮切麵（$13）軟硬度適中，入口爽滑，雖然唔太索湯😗炭燒豬頸肉（$13）都鬆軟，有微微焦烤👍🏻蠔皇冬菇（$10）幾爽滑入味！甜酸齋（$9）軟淋但唔夠酸。朋友仔個碗嗌左柚皮（$10）幾有驚喜😛柚皮好清甜好索味，唔多地方有😌呢到坐得舒服又多款配料簡，值得一試！

內(食物)外(裝修)與別不同的車仔麵外邊的裝修好普通，但入邊的食物質素是不可想像的優秀👍招牌瑞士雞翼(推薦)不得不讚的瑞士雞翼大大隻之餘，勁入味連雞肉都有大陣的瑞士汁味💯豬頸肉.蘿蔔,辣芽菜,米粉(沙嗲醬)非一般的豬頸肉用了神秘的醬，令豬頸肉和其他的與別不同蘿蔔醃得淋身和入味🈵辣芽菜令人開胃湯底好重沙嗲味，但又不會過鹹沒有味精的湯底😋豬皮.白菜餃.牛柏葉.招牌鮮切麵(腩汁)豬皮乾淨白菜餃有豬肉和白菜🥬份量滿滿的，大大隻咬落仲有湯會流岀👍特別的鮮切麵，感覺好似手打一樣，幼幼的，滿特別的☺️小食另外有炸墨魚餅和健康的菜🥬再配上不甜的抹茶珍珠同紅豆冰🥤畫上完美的句號•

放飯時間，好多間都無位要排隊，想食芝士麵都要排，係個到附近行一圈睇下有咩食～本身想食隔離鋪但佢都爆晒，經過依間個姐姐出來話有位，就入左去食！點左碗墨丸生菜腩汁米粉。因為繁忙時間落左單後都等左15-20分鐘左右先有得食～碗米粉多到嚇親我，墨丸就有三粒，但見湯色咁淺都覺得唔對路！一飲之下個腩汁完全無味！好淡好淡！因為個湯太淡令個米粉完全唔好食！米粉量多都無用！生菜就正正常常，墨丸又假又膠仲要唔熱既！雖然$28係好平，但都唔係比碗咁既垃圾人食掛？真係無下次！！！

經過見都幾多人食就入咗去，要搭枱，鋪頭唔算大，枱凳較窄，但都ok！過咗2點開始少人，坐得較舒服！叫車仔麵，但唔係得車仔麵食，都有d飯食吓，不過今次都係食番招牌車仔麵！車仔麵: 車仔麵最重要都係個湯同醬汁，呢度有兩隻醬揀，辣椒醬同沙爹醬，沙爹就唔辣嘅，中意食辣，可以兩隻都落曬，個人認為隻辣椒醬幾岀色，值得一試，但頗辣，量力而為！車仔麵本身個湯就比較清淡，食得岀好健康，中意有小小味嘅就問店員拎醬啦！炸豆腐: 呢個有驚喜，量好多，個汁好岀色，夾埋食落有d似台灣臭豆腐，當然係唔臭嘅！墨魚餅: 炸得啱好，彈牙，味都幾ok！總括黎講，嘢食ok，服務都叫有求必應！可以一試！

次次去到路德圍都好糾結食啲乜， 太多選擇反而難做選擇，路口見到有人攞住廣告牌， 見門口種類也不少， 仲可以加配飲品( 如百香果茶、芋香珍珠和豆漿等。)同大部車仔麵一樣，都係自己填紙落order， 我選擇咗豬頸肉.大腸.炸魚皮米線，湯底濃郁( 加咗沙嗲汁小辣)， 另外再叫多個炸豆腐同埋腐乳通菜。豬頸肉同大腸大大嚿都抵食，大腸洗得乾淨， 煮得入味， 如果淋一點就更perfect；豬頸肉唔肥亦唔韌； 炸魚皮分開上， 脆卜卜， 吸咗湯仲好食。豆腐配上類似豆瓣醬， 脆口豆味濃。 而我必叫嘅腐乳通菜， 比正常嘅大碟， 腐乳醬香味濃郁。至於飲品原本想叫抹茶紅豆，但係怕太飽叫咗百香果茶， 雖然冇果肉但係百香果配紅茶也是不錯之選。平時車仔麵嘅座位比較迫夾，但係呢間我覺得算鬆動， 有二人四人座位可供選擇。

同老公之前去荃灣路德圍揾食，掃完街後回程囉車先留意到間新開車仔麵店，大家會比門外紅綠燈箱招牌的彩燈吸引著，才知係食車仔麵嘅，今晚就決定去試一下先。叫左4餸車仔麵再加油菜 $65 見到它們的牆上卦滿招牌，有豬軟骨，豬大腸，陳皮魚蛋同豬紅，車仔麵由細陪伴著我成長，雖然我以前係灣仔主場，不過搬左荃灣後無咁多選擇，今次發現間乾淨企理的車仔麵店，更係去試試啱唔啱口味。豬軟骨咬落除肉外脆骨又爽脆，豬腸同豬紅滷得夠晒入味，豬紅夾得起唔會碎，陳皮魚蛋炸蛋，QQ咬落煙煙靭靭食到啖啖陳皮香味有兒時回憶。 份量也大。油菜$15選擇通菜配腐乳醬，惹味但帶點鹹。還另叫老公 share個小食，香矛豬扒拼雞翼，熱辣新鮮即煮，味道也較濃。蜂蜜冰茶解解暑，同非常可口又消滯，飲落蜂蜜慢慢香濃起來。

荃灣路德圍出名多野食，種類又多。本身我都好鐘意食粉麵，米線呢輪食得太多，所以又黎試下呢間港式車仔麵先！餐牌種類繁多，有選擇困難嘅我要諗左好耐先決定好🙈 因為樣樣都想食。咖哩辣魷魚/魚片頭/蘿蔔+油麵，凍檸茶 $49油麵硬度適中煮得剛剛好，配餸好多好豐富。咖哩魷魚醬汁都幾辣，但好嘢味，魷魚都煮得好唸。魚片頭好彈牙，蘿蔔又大舊又鮮甜，不錯。柱侯牛腩/脆炸魚皮/白菜餃/生菜+粗麵，熱桂圓紅棗茶 $61牛腩好大舊，好有咬口。水餃不錯，如果多d 涵就更好了。炸魚皮好大碗，好脆而且冇油益味，正！台式炸豆腐 $28即叫即炸，熱辣辣好燙口。自家制醬汁好好味，酸酸甜甜好開胃，好快就K.O 曬碟炸豆腐了。碗麵同小食份量都好大，大食嘅你一定飽住咁離開。最鐘意無味精湯底，食完唔會覺得口喝呢！！

今日又同我朋友食午餐，左思右想，決定食呢間銘陽車仔麵，貪佢款式同種類多，除麵食外，仲有飯餐同小食炸物，梗有一款啱口味~其實我係車仔麵鐵粉，所以梗係揀車仔麵，揀咗個四餸麵，都係＄43，價錢合理～兩個人一人一碗車仔麵，外加油菜、飲品同脆炸墨魚餅。我的是米粉，而餸就係瑞士雞中翼，咖喱辣魷魚丶豆腐卜同埋酸辣肉燥，要咗麻辣醬大辣～食落夠麻夠辣帶甜味，肉燥好多，用料豐富，雞中亦鹵得入味，而咖喱魷魚就好軟腍，仲大大粒添，豆腐卜就梗係索汁之選啦除車仔麵外，我哋仲叫咗腐乳西生菜，綠油油一碟，配腐乳就無得輸，再加埋炸到脆卜卜的墨魚餅，好滿足的一個午餐。除咗車仔面外，仲有飯餐麵食同小食，而且價錢相宜，下午茶仲好低添，是一間可以滿足到各人食欲的小店~

其實我地都幾鐘意食車仔麵，不過屯門就冇咩啱食嘅選擇，有時近近地直接喺荃灣食埋野先番屋企，講到路德圍嘅麵店，都有好多間，如果要推薦車仔麵，我會揀呢間。銘陽車仔麵位於路德圍，一條街都係餐廳小店一間，位置唔算話好多好多，座位安排都好自由，基本上有位都可以坐，唔會要你逼逐埋埋，好過隔離好多平日都8成滿座架，幾好生意。不過用餐時間唔會好耐，基本上無需等位。枱面上有整齊擺放醬油、飲筒、餐具。每間車仔麵都有自己嘅拿手菜式，呢度都唔例外。招牌餸有豬頸肉、豬紅、豬大腸、魷魚鬚、炸豆腐等。粉麵有米、河、幼/粗/油麵、公仔麵，麵底10蚊；亦都有上海麵、刀削麵、烏冬、拉麵就13蚊。醬汁標榜無添加味精，每日新鮮熬製，可以揀腩汁/沙嗲醬，辣度分大/中/小配料選擇超多，一般車仔麵選擇都有，例如牛肚、牛腩、牛筋、雞翼、大腸、豬軟骨、餃類、丸類、蔬菜、菇類等，價錢8蚊、9蚊、12蚊，淨餸就最少3款；配餸就最少12蚊。小食選擇多，雞翼、豬紅、豆腐、墨魚卷、豬扒等等。咖喱辣魷魚+白菜餃+惹味豬紅+幼麵、中辣 39呢碗麵唔洗40蚊，性價比高，份量足夠飽肚有餘，餸嘅份量都大方，豬紅有成6大件、魷魚4大件、白菜餃3粒，比好多車仔

車仔麵對於我嚟講係一個童年回憶, 以前住屋邨啲車仔麵真係好好味, 以前係叫做濕麵, 喺我記憶中啲車仔麵又夠大碗,啲餸又好好味又平, 吾知尼間係點嘅呢？今日我朋友介紹我去食尼間佢話好味嘅車仔麵, 的而且確好多選擇, 雖然唔可以100%搵返我以前一樣嘅車仔麵嘅味道, 但係有某樣餸都可以揾到嘅, 有啲餸仲好有新鮮感添, 例如:瑞士豬軟骨, 韮菜餃,墨魚餅等等,今次我點了油麵落沙爺汁,餸就點咗蘿蔔雞翼豬軟骨韮菜餃, 都ok好味_

都好似有一排冇食車仔麵，今次去左荃灣試新開冇耐既車仔麵店，聽聞有秘製沙爹醬，好似好吸引，就去試下～環境餐牌菜單有好多選擇揀，唔止粗幼麵，連刀削麵都有。自選四餸一麵　$42揀左沙嗲醬湯底配粗麵，餸就揀左咖喱辣魷魚、炭燒豬頸肉、柱侯牛腩同炸魚皮。沙嗲醬湯底必點！沙嗲醬同麻辣醬都係老闆自己調味，招牌無味精，食完唔口渴，勁濃沙嗲味，仲有小小辣味，問店員仲可以再加沙嗲醬添。而粗麵幾彈牙，又可以掛汁，份量一定夠一個人食。至於咖喱辣魷魚，一向都好惹味，辣魷魚size好粗，咖哩又入味，份量夠多，食車仔麵必點。炭燒豬頸肉好有火喉，炭燒感重。柱侯牛腩同炸魚皮就正正常常。香港實在好多車仔麵小店，今次試既呢間都唔錯，選擇多，醬汁又好食，荃灣食車仔麵又多一選擇。

今日同屋企人起荃灣行完街，去左路德圍銘陽食車仔麵雖然係小店，但下午3點幾都仲係好多人，車仔麵確係人氣之選呢到配料選擇多，講得出既基本都有，麵種亦比其他車仔麵店多幾款除左一般既油麵粗幼麵，連刀削麵、蘭州拉麵、烏冬、出前一丁麵都有飲品更係連台式飲品都提供埋，啱哂年輕人既口味我要左牛筋牛腩同埋牛肚，麵要左刀削麵，牛腩汁湯底都幾香濃，飲落唔會覺得咸或者油膩牛筋牛肚都好爽脆，牛腩幾稔全部都係牛，啱哂我呢個牛魔王仲要左碟腐乳通菜，15蚊份量真係算好大碟，抵食食車仔麵每次都一定要叫炸魚皮，脆脆地，正再要左個小食～豬排加雞翼$30豬排份量都幾多，鹵雞翼幾入味最後要左椰香奶茶，飲落唔會太甜，好滿足

A staple in the Tsuen Wan a la carte noodle game, Ming Yueng is a humble joint with friendly jie jie staff. The choices are abundant, ranging from the adventurous beef tendons to the tasting fish tofu. The beef brisket soup is flavorful but yet not tasting like msg. I ordered a big bowl, and felt quite satisfied with my choicesThe fish tofu and brisket are of course no joke, a taste you can probably get in Hong Kong. I like the seaweed add as well. The mango ice tea marks the perfect end to this