銘陽車仔麵 (已搬遷) 新店位置

路徳圍食肆競爭之大，好比觀塘區，每隔一段時間，就有新舊交替。無意間經過，來一碗車仔麵，何不？湯底偏油膩，色水夠，但其實無甚味道。牛腩粗糙起渣又乾，無肥全瘦。蠔皇冬菇，切片上，肉厚但不入味，中心偏硬，先是浸發時間不足後又炆煮不夠。炭燒豬頸肉，當然是切片炸的，騙誰？肉鞋又乾。油麵，不過不失。沙嗲汁，有調較過，不過大路味道，沒有驚喜。整體而言，水準之下，注意門外廣告的收費只限某幾款選擇，當晚賣單是40幾元。題外話，坐近洗手間，味道不好，看來渠位出事。

同朋友行荃灣突然車仔麵癮起，於是就入左去呢間小店食。點菜紙好多餸揀，又多小食，花多眼亂！同朋友研究左一陣先知點樣叫，加上舖頭有優惠套餐，真係要諗過度過先可以試盡d餸！最後叫左牛腩、豆卜、豬頸肉、蘿蔔、墨丸（其他唔記得啦實在太多種類🤣）湯底好濃郁，另外仲有d醬撈埋入個湯度，層次好豐富，我自己又好鐘意食香辣野，所以忍唔住飲多幾啖湯🤤加上豆卜索哂d湯好正。最surprise莫過於白蘿蔔，咬落清甜多汁，吸收湯汁既同時又唔會蓋過蘿蔔本身既甜，好好食！另外叫左幾個小食牛𦟌、生菜、餃子、雞翼、炸豆腐、仲有一味店員極力推介既豬腸碌。豬腸碌係咩黎？原來係用腸粉皮包住河粉，口感幾獨特，從來無試過類似既野。牛𦟌辣辣地酸酸地好開胃好食既雞翼😍😍😍另外我最期待既莫過於呢味炸豆腐，本身係極鐘意食豆腐既人，所以期望特別高。而呢味炸豆腐無令我失望，一咬落去外皮超脆會聽到聲唔係講笑，入面好軟熟，要小心食因爲仲熱辣辣新鮮即炸！最緊要點埋個醬，混合左甜醬同辣醬，令成碟餸唔會太膩又有小小開胃，真係好正！不過一定要趁新鮮炸起盡快食，我同朋友掛住傾計，隔左一陣再食已經淋左好可惜😭

前幾日在荃灣食左個車仔麵，滷味湯底入味，令人印象深刻。茶餐廳格局，裝修算新正。價錢合理，自己揀野食，選擇搭配花多眼亂。沙茶醬好特別，不會太咸，濃厚的香味十分惹味！我地揀左河粉，魚皮餃，墨魚丸，陳皮魚蛋。陳皮魚蛋好特別，陳皮的果皮香味更帶出魚蛋的香味，彈牙結實。魚皮餃大大粒，好滿足！牛腩入味，肥瘦適中，很惹味。燒雞翼金黃色雞皮，雞肉鮮嫩入味。豬扒肉質不錯，份量滿足。加錢跟野飲，凍奶茶香滑可口，夏天好享受。

荃灣美食餐廳一向選擇都好多，特別係路德圍如果黎到呢頭想食車仔麵，呢間都係唔錯選擇.聽聞炭燒豬頸肉好正，不過已經sold out，所以自選左另外幾款優惠套餐最抵，散叫除左車仔麵亦可以選飯，都幾多選擇瑞士豬軟骨好腍身入味，8-9成瘦肉帶層薄薄肥肉口感就更香軟祕製牛筋帶佢地特製sauce 甜味，口感同樣炆得腍身帶點膠質，好食蘿蔔亦十分推薦，大大舊而且好足料，每舊雖大但都炆得好腍而清甜，無根. 亦有試佢地招牌餃子，皮雖然唔係好薄，但餡料頗豐富 - 有醃得入味肉碎絞入其他菜料，味道唔錯麵選左招牌鮮切麵，麵較為闊身點，口感滑溜唔會太腍. 椒鹽魷魚鬚$38 睇落唔係好大碟但原來裝得滿滿份量都好多，密密手夾都食左好多先清空. 魷魚都幾腍身新鮮，幾香同惹味而調味亦唔算好重手，就咁當小食剛剛好本來更想試咖喱魷魚鬚不過賣哂，有機會下次試下最後小食-自家製豬腸碌，之前無見過因為太特別所以order 試試. 而且16有兩大條真係幾抵食. 中間餡係粉果味道，有芽菜等配料，反而唔太覺有豬腸味. 抵贊係腸粉皮真係好薄嫩，外型幾靚，不過略偏油膩左點. 如果喜歡粉果可以一試另外特飲杯抹茶奶茶幾有驚喜呢，request 少

發現美味，就要分享，話說最近在荃灣一間車仔麵食過一味陽江豬腸碌，出面比較少見，總叫人印象深刻。店面不大，傳統茶餐廳環境，都算好坐。除左車仔麵仲有多款小菜，我地揀左陽江豬腸碌同滷水雞翼。陽江豬腸碌系即叫即蒸，因此夠晒新鮮，大概等左十零分鐘，彩鮮滾熱辣隆重出場，皮滑有彈力，口感相當好。撒上一些芝麻，非常香口。中間餡系好特別的河粉，豆芽，軟中帶脆，豆芽很鮮甜多汁。口感特別。點上沙茶醬，風味獨特，聽侍應講呢個沙茶醬系老細自己調味。沙茶醬同豬腸碌好夾，香味在口腔中久久都不散去，真系太好味了。而滷水雞翼糸超級入味，肉質嫩滑，雞肉燒得好爛，筷子輕輕一夾就可以食到，好正！

與朋友路經荃灣地鐵站，有少許肚餓，到附近路德圍吃些東西。找了一間名銘陽車仔麵店，它標榜無味精、大大碗、好好味，被它吸引。進入後，看菜單有很多選擇，我們點了2客招牌3餸麵下午茶餐，每位＄36包括飲品（凍飲加＄3）。（1)五香牛肚、招牌餃子、魚片頭、河粉和熱檸茶。（2)瑞士豬軟骨丶墨魚丸、韮菜餃丶米線和珍珠奶茶（加＄3)，再加上小食豬大腸韮菜＄28和香辣牛展＄38。先來2杯飲品，珍珠奶茶有水準，奶香甜度適中，隨後豬大腸惹味丶夠腍、韮菜鮮嫩。香辣牛展有輕微麻辣。再來2碗車仔麵，果然很大碗，份量十足。牛肚香濃小辣和很腍，魚片頭和墨魚丸爽滑彈牙丶招牌餃子和韮菜餃十分飽滿足料，米線和河粉都很可口，再加上牛腩汁，更加美味，飽矣！

朋友介紹呢間車仔麵店，今日剛好大家都想食車仔麵，所以就來試下。餐廳座位幾闊落，坐低左，我地就開始點嘢食。餐廳無論是車仔麵還是小食的選擇都好多，讓有選擇困難的我們更需要時間去決定。見到陽江豬腸碌，好似好特別，我冇試過，店員話呢個其實類似腸粉入面包住炒芽菜河粉，腸粉芽菜河粉都係我十分喜歡的，所以二話不說就點左呢個。上碟時是熱辣辣的，腸粉皮煙煙韌韌，入面的芽菜炒河粉也很惹味，口感十足！推介！另外我地都叫左呢度招牌嘅炸豆腐，都係即叫即整，個醬汁是老闆秘製的，甜甜地，有少少像甜醬，特別是有少少辣味，令人胃口大開。香辣牛展，味道好特別，酸辣的醬汁令整個牛展口感更突出，值得一試！香辣雞翼，脆口嘅外皮包住入面鮮嫩既肉，好味道。我地仲叫左兩款車仔麵，一款是6味餸，有牛肚，辣肉燥，辣木耳，豆卜，酸菜和貢丸，有埋酸菜，酸酸辣辣，好開胃！另一款是3餸車仔麵，有鮮甜蘿蔔，炭燒豬頸肉和柱侯牛腩叫上秘製的沙爹醬。甜蘿蔔非常鮮甜，下次去都一定會叫。沙爹醬的湯底好好味道！

今日同朋友聚會，大家都鍾意食車仔麵，所以決定試試呢間，餐廳的小食種類好多，有鹵水，炸物等。我地叫左陽江豬腸碌，感覺非常特別，好少地方有陽江豬腸碌，外形像腸粉，入面包住豆芽炒河粉，好神奇亦都好好味道，印象最深刻的是熱辣辣上碟，應該是即整的，炒河粉頗有鍋氣。一定唔可以錯過。炸豆腐，都係即叫即炸，雖然是炸的，咬入口還會爆汁，一點都不會乾，點上老闆自己整的醬料，有少少辣辣地，酸酸地，感覺像是甜醬，好比心機，同炸豆腐好夾。香辣雞翼，食物車仔麵都會叫雞翼，呢度雞翼不錯，味道調教得剛剛好，肉質都不錯。我們叫了兩款車麵，一款是6味餸，非常豐富，有牛肚，辣肉燥，辣木耳，豆卜，酸菜和貢丸，除左個配搭，仲有其他5款的組合被大家揀。另外，我地仲叫左自選的3送車仔麵，包括鮮甜蘿蔔，炭燒豬頸肉和柱侯牛腩叫上秘製的沙爹醬。喜歡食蘿蔔的朋友一定五可以錯過呢度的鮮甜蘿蔔，味道如名，非常鮮甜，在其他地方很少有，而且炭燒豬頸肉也是非常惹味，淡淡的炭燒香味，肉感剛剛好。

路德圍勁多餐廳小店，見到有間叫銘陽車仔麵新開未食過就同朋友去食消夜，價錢都合理味道可以，所以十點多都有不少人食緊。鹽酥魷魚鬂，食落去鹽酥味不錯而都幾大份，魷魚口感硬少少但都可以，酸齋唔好食，味道吾夠入味而且好淡味。而我叫的車仔麵有冬菇吾太入味都夠厚身，味道偏淡，牛腩好味喎，入味之餘味牛肉味都幾濃又香，素根口感硬好似吾夠熟又冇味失望，粗麵勁大碗而味道吾錯，豬紅九菜夠辣但吾太入味，就比較普通，另一碗是朋友的肉燥味道普通但肉份量都不少，豬腸好味夠淋又入味，陳皮魚蛋口感彈牙魚蛋味都幾濃，油麵份量都是十分大碗，男人食絕對夠飽。

因為工作地點好近荃灣雖然呢就走咗嚟附近隨意揀咗一間小店諗住食個下午茶入到黎當然揀咗好多食物，除咗車仔麵之外，其實佢呢度嘅其他嘢食都唔錯。我同朋友兩個人叫咗韭菜豬紅、炭燒豬頸肉、瑞士雞翼、炸豆腐、拍打青瓜。。。。。。。。。。。。。。。。。。。。。🌻瑞士雞翼瑞士汁非常入味，雞肉軟身，呢一碟我俾10個讚。。。。。。。。。。。。。。。。。。。。。🌻韭菜豬紅第二樣我都比好高分數嘅就係佢嘅豬紅，最平民嘅小食但係可以保留佢嘅風味。。。。。。。。。。。。。。。。。。。。。。。🌻炸豆腐第三樣推介呢應該就會係佢嘅炸豆腐，因為真係新鮮滾熱辣咁樣上菜個皮係夠脆我食炸豆腐通常都會將佢分開一半然後中間加醬汁，再夾返埋食。咁樣呢啲醬汁就會係口中咬嘅時候先至爆發總結來講呢啲都係我比較鍾意食嘅，餐廳夠晒平民貼地。

今日成朝都好多嘢做，响福來邨見完客已經係三點幾，好肚餓，行去路德圍搵嘢食先，見呢間車仔麵話係無味精幾好咁喎，好耐無食車仔麵，一於入去試試佢。店內光猛企理，坐位舒適，呢個時間有下午茶套餐，不過我就鍾意自由配搭，所以就响白單上面揀選。太耐無食，好多餸想食，但係麵底係固定無得少，左揀右揀，都係想食多幾款，最多食埋晚餐個份柚皮製作繁複，要經多次浸水擠壓，直至去盡苦澀味才可烹調。自己做過一次之後，就無整過，居然响車仔麵店有得食，點可以唔點呢柚皮入口即溶，味微辣，微微柚香無苦澀味豬大腸乾淨無異味，滷水入味，夠腍又保留咬口蘿蔔有好多舊， 夠腍又入味，原來係以豬骨湯煮，唔怪之得啦咖哩辣魷魚主要係鬚，咬落 少少腍身有咬口，個汁唔係一般嘅咖哩汁，加咗芝麻，味香濃，食時唔覺辣，但係辣有後勁韮菜剛好，唔會熟過頭，咬落爽爽聲鮮切麵份量多，煙韌有嚼頭，走湯可免浸腍最後食唔曬啲麵，唔想浪費，打包走食麵加$9有杯珍珠奶茶，梗係要飲啦，茶味香濃珍珠表面腍，中間軟韌，估唔到又幾好飲喎原本想試埋豬腸碌、青瓜和豆芽，實在太飽了，下次有機會再試。

今晚好夜先收工，嚟到路德圍，最後揀咗呢間車仔麵，揀咗兩個餸同埋米粉，可能好嘢就嚟收工我見佢俾咗好多嘅餸我同埋俾咗好大份嘅米粉我，頂唔知佢係咪淨係知道我好肚餓😂😂份量好足夠，牛筋腩亦都唔錯，作為車仔麵佢價錢同份量算係幾抵食👍🏻

行過荃灣唔係好多時間食個快飯就揀左食麵。見到車仔麵紙咁咁咁長嘅，勁多野揀！同一條街有好幾間車仔麵，但呢間最多人所以入左去。我揀左個銀絲麵底，出面未食過呢款麵，原來咁幼，係華人天使麵嘅感覺。腩汁勁濃帶甜，係牛肉麵個陣味，好想飲幾啖，麵索左汁嘅香味真係正。標榜不加味精，放心加醬。5香牛肚有好多件，片頭3大舊仲有打邊爐至愛嘅生根！紫菜好大量，好似紫菜湯麵咁好少車仔麵咁有心機沙嗲醬同麻辣醬都係自己調味， 唔係買現成！4餸加飲品，我真的滿足了

今日去荃灣碌ling，想快趣食個車仔麵，估唔到搵到間抵食小店！入到去已經好多人餐牌都好多嘢食揀，仲有好多優惠套餐，連學生都有學生餐我就叫咗個豆卜牛腩幼麵食。一上已經覺得碗麵勁大碗，大過我個頭多多聲！係勁多牛腩同豆卜！唔會好似其他車仔麵咁得一兩舊敷衍人！最重點係佢個沙嗲醬，係老闆自家製，同出邊嗰啲好唔同，唔會太辣小食方面老闆推介我哋帶咗個椒鹽炸豆腐同埋雞翼，椒鹽雞翼個皮好脆好入味豆腐勁滑，脆卜卜，忍唔住一粒一粒就食晒$50一餐lunch，一個麵兩個小食同嘢飲，邊度搵？真係好抵！

今日第一次走去食呢間車仔麵，因為見佢有多款麵可選擇，咁原本揀刀削麵但店員話冇，叫我地揀另一款麵，話口感同刀削麵差唔多，不過幼身d, 咁ok啦都諗住填飽肚就算，碗麵好快就黎到，食第一啖麵已經覺得好鹹，第二啖直頭確喉，覺得伏伏地但冇理由唔食埋佢，一家大細係到等開餐，好辛苦咁食完碗麵，發覺d細既根本唔喉碗麵，食兩啖就擺左係到，跟住一路個口就係好乾好口渴，返到屋企先係戲肉，全家係到瘋狂飲水，飲晒屋企既水但係竟然完全唔解渴，我唔知係咩原因，只係覺得成個人都好唔舒服，同最主要既好頸渴，就今次我絕對唔會再去食，成屋人都怕怕，最驚係唔知食左咩落肚搞到個身體，所以在此勸各位小心d