銘陽車仔麵 (已搬遷) 新店位置

呢日因工作需要去左荃灣路德圍做嘢，下午茶時間覺得肚餓，就走隨意入去呢間《銘陽車仔麵》食個下午茶。除咗車仔麵，飲品都有好多選擇。我叫咗個下午茶餐三寶 - 滷水豬大腸、台式五香腩肉、魚片頭麻辣醬粗麵 ($39)，飲凍抹茶珍珠 (下午茶時間跟麵只需$5)。個車仔麵都算多餸，麻辣醬麻辣味唔太濃，滷水豬大腸炆得夠腍，台式五香腩肉夠入味，魚片頭彈牙，整體味道可以。凍抹茶珍珠，甜度適中，抹茶味如果濃啲會更好飲。整體感覺，食物味道可以，環境都算乾淨，可以一吃。

铭阳车仔面装修别致装潢，充满本地味道。没错就是香港的味道。今天走进去点了个套餐特优惠，里面人头涌现，一口气点了牛腩、香菇、生根、猪红、日式蟹柳、椒盐鸡亦…出品超快抵👍面底油面。跟上秘制辣汁和腩汁汤底。翻转餐牌看见那个咖喱鱿鱼，随心要了一份，送冻柠茶一杯。满心期待可以尝尝到底是龙是凤，大约五分钟上了，第一口尝试了汤底，味道鲜美浓郁，面质口感爽滑柔软，猪皮、萝卜煮的入味，最赞的是鸡中翅金黄色脆脆的皮，非常爽口，吃了回味无穷，下次会再来！

經過荃灣搵食 一見到依間充滿港式風味嘅餐廳當然忍唔住即刻入去入到去一個個座位整齊排列 雖然細細地 但容納到嘅客人好多 而且擺位裝潢更充滿港式情懷嘅感覺唔講咁多 即刻睇下有咩食！普通岀面車仔麵都得好小選擇 但依到麵種已經夠多 配料仲多 而且更加有秘製自家系列 十分有特色首先叫左野飲 雖然係港式嘢 但依然跟上潮流 有珍珠奶茶飲 仲要有多種口味先講抺茶珍珠 偏向茶味重 奶味輕 但配落就有種濃厚感 不錯而椰香珍珠 椰子香入口慢慢擴散 再feel到陣陣香甜 加埋珍珠有種都幾新鮮嘅感覺雖然專賣車仔麵 但飲品都十分有驚喜咁車仔麵方面就揀左刀削麵 因為街外多數冇依個選擇刀削麵煮得軟硬剛好 食落加埋腩湯好夾而雞翼有濃濃滷水味 連肉感都好juicy 豬頸肉亦係先煎再落落麵到 所以即使浸左湯 依然十分香口另外 我地仲叫左啲小食過下口癮炸魚皮同街外食到好唔同 香脆之餘好鬆口 唔會一浸落湯就淋曬而台式炸豆腐係成餐飯最最最驚喜 新鮮炸好拎到過嚟 外脆內軟 入面豆腐仲要超滑口 加埋秘製醬汁 甜甜地又酸酸地咁 勁好味！而且個到嘅姨姨勁nice 會提我地炸豆腐炸好要小心辣口 而且所有嘢食份量都好足好多 食到我地超級飽咁

星期六下午經過路德圍見到呢間車仔麵咁多人排隊就決定入去試下!見到餐牌上咁多野食選擇，有選擇困難症的我決定要一個金牌什錦6餸麵跟沙嗲醬 一個台式炸豆腐同一份甜酸齋！碗麵黎到的時候已經嘩左一聲,因為d餸多到見唔到d麵,最令我驚訝的係魷魚，岀面食開的車仔麵的魷魚全部都好幼，但呢間d魷魚又粗又彈牙,原全係真材實料，加上醬汁係老闆自己調配，係出面係完全食唔到呢種香味👍跟住就到台式炸豆腐 即叫即製 豆腐外脆內軟 原本已經好好食， 加埋老闆的秘制醬汁完全係提升多一個層次!甜酸齋好開胃,所以不知不覺咁食哂所有野食😋下次一定要再黎幫襯

男朋友話想試下依間車仔麵 所以一試晚餐人流已經5多 唔洗等位 一入到去傳出一陣陣怪味 唔識形容坐底叫左3個餸牛柏葉 炸魚皮 蘿蔔河 腩汁麻辣醬小辣 首先碗麵一黎到已經有條毛起上面 夾起d河粉仲有條頭髮係到 已經無哂食慾 感覺衛生真係好一般價錢已經5係平 比起同區車仔麵仲有好多選擇味道更加5洗講 完全係一個伏 車仔麵真係好難煮得難食 今次真係試到。。。。 我係無打開食評既習慣 但係為左5好有咁多人中伏先打依個食評 所以無影到相。。。。

剛剛回到香港一個多月辛苦一論之後終於有時間係香港四圍食，途經荃灣食左碗車仔麵再順便試埋d小食諗住會有驚喜但試左第一啖之後真係有d失望，唔係話難食但真係好一般！！

豬大腸豬脷芝士丸幼麵 配草莓珍珠豬大腸味道足夠， 豬脷不韌， 芝士丸入面有爆漿芝士， 小辣湯底剛剛好， 少少辣都不能吃的人可以選擇腩汁湯底。草莓珍珠很好喝 是凍飲但沒有落冰阻住啲容量 而且裝得滿滿的，

經外賣公司送來的車仔面珍珠奶茶。首先，我要講下杯奶茶先，一打開已經有一大半落左袋，杯內只剩下一小杯。發覺杯蓋完全沒蓋好。唔知係間舖定外賣公司問題了。到講個車仔面，我嗌左個瑞士雞中翼拼墨魚餅 油面 沙爹汁 加楠汁 再小辣。個墨魚餅根本就不是墨魚餅來的，而是魚腐。肯定佢一定冇夾錯，因為其他朋友都是一樣的配料。而瑞士雞中翼就平平無奇，只是一般，油面都是正常面底，面偏多。而湯底都是沒有太大驚喜。而夾埋五十幾蚊咁既貨式，絕對不值，好多車仔面又平又好食過佢.

陽冮地道豬腸碌都能夠在香港十几纹都能吃到俺的最愛豬腸碌價格不貴啦真的太感謝銘陽車仔面、今天在此看到香港周中師傅的大駕光臨車仔面、興奮過頭就是忘記了和他影張合照哈哈

價錢貴，但好食的話其實都唔介意，但成碗麵由湯底，醬汁，麵條到餸菜都無一可取。香港人食車仔麵既經驗都一定非常之豐富，呢一碗應該可叫人"難忘"!今晚點咗刀削麵，麻辣汁，豬紅，牛筋，咖哩魚蛋，咖哩魷魚。由麵底開始，麵條唔彈牙，無口感。湯底+醬汁：完全無任何特別，淡而無味。豬紅：未咬已散，全無味道可言。牛筋：好腍就散既樣子，好多毛痴住。咖哩魷魚：由外表知道係魷魚，但淡而無味。基本的魚蛋，都係一咬就散開哂，完全係白灼魚蛋的味道。由落單到有麵食已經超過10分鐘，都唔緊要。但係碗麵來到既時候，麵既溫度都比較差（似平時食麵去到一半左右既溫度）。我最後都係食到一半就放棄，以上既麵底+餸菜配搭+凍齋啡一杯，盛惠$63.

一向都好中意飯豬紅 但一直都食唔到岩心水既豬紅 直到有次經過見到呢間車仔面 一試愛上 我嗌左豬紅大腸刀削麵 豬紅好有咬口 又大粒 仲有好值得一提既豬大腸 煮到好淋好入味 浸落啲湯到超好食 我叫左腩汁 佢唔係好重口味既湯 適合中意淡口味小小既人 老闆娘話啲湯底全部都係自己煲既 健康啲之餘 出面係食唔到架！我仲嗌左碟鴛鴦煎餃 老闆好大方 餃子好大隻 仲超級足料 我覺得鴛鴦呢個諗法真係好貼心 岩曬我呢啲三心兩意既人 一次可以食到曬白菜豬肉同韭菜豬肉 好滿足 大家有幾會一定要試下 價值又平 完全物超所值！

沙嗲醬~ 夠香帶点中辣粗麵~麵質麻麻魷魚~份量0K ，普通牛根~吃不到完美既牛根,又有D 牛腩在內。湯味精~少許重一麵二款$12餸=$34menu 紙設計嚴重有問題。好難睇清。服務 K ． 在不旺場時間，煮有点耐。

今日同老婆兩個人去左行街，路經路德圍呢間車仔麵店， 我哋喺門口見到裡面有好多人坐左係度食野，門口部電視機又介紹緊佢地啲野食，雖然唔係好肚餓，但係我地見介紹得咁吸引，就入左去食野。我叫左一個3餸麵，油麵＋豬紅＋豬皮＋豬腸。可能無味精既關係，味道唔會太濃。老婆唔餓所以無叫野食，但係個麵超大碗！我地兩公婆都夠食，味道又唔差。裡面環境都算幾乾淨，職員都好有禮貌好有笑容，食飽仲可以係度坐底休息下傾下計，值得推薦既車仔麵店！

前排上美食網睇到有人介紹呢間幾好食，所以專程由西灣河嚟到荃灣試下，果然冇介紹錯呀！不枉我由咁遠嚟食呢間。去到發現啲侍應服務態度好好，唔會好冷淡，人情味濃厚，同埋間鋪嘅環境令人覺得好舒服，好自在，食野嘅時候都食得舒服啲。我叫咗一碟椒鹽雞翼同酸菜牛腩蘭州拉麵，雞翼嘅味道好特別，同出面嘅好唔同，咬落去皮脆肉嫩，有少少鹽味 但又唔會太咸，味道啱啱好，至於個拉麵份量足夠，麵條口感好彈牙，而牛腩肉質夠嫩，肥瘦適中，亦唔會太過硬，唔會過分＂淋＂，牛腩脂肪嘅部分唔會太過油膩。

今日同朋友行完街，之後就行嚟路德圍來搵野食，經過見到呢間啲廣告幾吸引，就行咗入去食，食完竟然喜出望外😋！入到去睇張餐單又幾多野食喎 有2頁 後面就係一啲優惠套餐 包埋飲品嘅 真係有好多選擇 ！有14款麵，又有好多小食同埋台式飲品，仲有飯餐，我就叫咗拉麵 百香果冰茶 台式炸豆腐 同埋一碟菜 個碟15蚊大碟到傻 杯茶好好飲 台式炸豆腐啲汁好好味 老闆娘話個汁係自己煮 想買都買唔到蘭州拉麵配蘿蔔同白菜餃 一拎到嚟好大碗 未影就食咗幾啖 值得推薦大家嚟食