銘陽車仔麵 (已搬遷) 新店位置

星期六訓醒已經到左tea time，諗住平平地食個下午茶，就落樓下食銘陽車仔麵。雖然過咗午餐時間，但店入面都好多人。下午茶時段特別抵食，叫餸都豪d。我叫左油麵腩汁沙嗲醬，餸揀左柱候牛腩、炭燒豬頸肉、招牌餃子、芝士丸，仲另加一個蠔油生菜&一杯凍水蜜桃冰茶。阿哥叫左幼麵，沙嗲醬，加餸炭燒豬頸肉、瑞士雞中翼，另外加碟台式炸豆腐&一杯凍芒果冰茶。兩碗麵份量超大，兩個男仔都食唔哂，而且呢到既沙嗲醬係老闆自己調味，香料咪濃郁，咸中帶甜， 十分惹味。台式炸豆腐即叫即炸嘅，外皮炸到金黃色而且好脆，入面就非常嫩滑，點上一個老闆自家調配既甜甜酸酸既醬，感覺冇咁熱氣。招牌餃子亦都非常特別，佢係湯餃黎，中間用左炒香既冬菇同少少肉末做餡料，比較罕見。炭燒豬頸肉就夠炭香，而且係厚切，夠彈牙。呢個tea美中不足係陽江豬腸碌賣哂，試唔到。豬腸碌係用粉皮包住荳芽、木耳絲，捲成一條，加上芝麻就食得，唔係到到都食到。下次要早d起身落食先得！

今日去探朋友隨便同佢食個LUNCH,去左佢附近路德圍銘陽車仔麵食.入到去好快有位坐每人一碗加小食山西刀削麵加辣醬台式五香腩肉,鮮甜蘿蔔米線加腩汁紫菜.酸辣肉燥香茅豬扒炸鴛鴦餃自家豬腸碌山西刀削麵加辣醬台式五香腩肉,鮮甜蘿蔔-蘿蔔好甜好鮮味道,山西刀削麵比較特別口感都幾好.米線加腩汁紫菜.酸辣肉燥--紫菜都幾多,肉燥非常香口好味道香茅豬扒-唔會好肥膩油膩,都幾香口好味道炸鴛鴦餃-入面好足料,炸到外面脆入面熱,好好食,又唔會好油膩自家豬腸碌-皮薄入面加了芽菜,好特別.加個凍檸樂就正晒

一時不去開荃灣，今天又到了附近工作，我們去填飽個肚才離開，除了茶餐廳還甚麼是方便快捷的呢？這一邊食店也不少，吃碗簡單車仔麵吧！下午茶時段，不過下單紙列明，份量會少一點，所以點了一碗正常份量，一碗下午茶餐。自選麵餸 $54油麵(沒鹼水味，麵質有彈力) ，加牛腩汁，湯頭濃香一點，豬軟骨(看上擔心會不夠腍度，咬下竟然連骨都吃掉，也入味), 牛筋(有質感，不會腍至沒嘴饞感) ，豬脷及菜心(也算嫩身，不錯，所以再點了油菜$15) 。百香果冰茶$9跟餐，甜酸度適中。牛腩蘿蔔$23牛腩如牛筋，會腍中有咬口，白蘿蔔在牛腩中煮過，份外入味，而且沒有渣與渣。下午茶餐-招牌三餸麵 $36豬軟骨 (好味的繼續叫)，墨魚丸(有墨魚粒與墨魚味，反而咬不到肥豬肉油脂) ，鮮腐竹(正常有點豆味)，加上用匙上的沙爹醬，味濃香，如直接加在湯中，會減去不少濃度的) ；配上大杯熱檸檬水(套餐包含) 。當飯餐吃份量差點點，下午茶無問題呢。

銘陽車仔麵下午茶時間去荃灣路徳圍覓食，摃左入呢間好多人嘅車仔麵店。.店舖有提供下午茶餐，有唔同嘅車仔麵配搭。不過天時暑熱，我哋就決定帶啲小食同嘢飲解一解暑。.台式炸豆腐豆腐係即叫即炸嘅，配上店家自家製特色嘅豆腐醬，甜甜鹹鹹嘅，同炸豆腐嘅味道非常之夾！一啖炸豆腐一啖珍珠奶茶，成件事好match 👍🏻.陽江豬腸碌全店好多人嗌呢碟，似係招牌菜。聽落以為係豬嘅內臟，點知豬腸碌原來係指腸粉。同一般腸粉不同之處係個餡: 裏面係炒咗嘅河粉，木耳同芽菜。🥰因為好多蔬菜，用店家自己調味嘅沙嗲，麻辣醬炒得好香，感覺非常之Fresh！木耳同芽菜係爽口嘅，連同Q彈嘅河粉包喺薄薄嘅腸粉皮入面，冇諗過食齋都可以食得咁有滋味。😋

Happy Saturday!又到weekend出去覓食既時間起荃灣行街行到3點幾先去搵野食去左路德圍 成條街選擇多多最後揀左食車仔麵 去左銘陽因為好肚餓既關係店員話下午茶係正常餐既一半所以冇叫到下午茶我要左腩汁刀削麵 加豬腸 蘿蔔 豬排豬排係另外上既 份量都大份 食落幾稔刀削麵爽口 幾欣賞佢既牛腩汁湯底豬腸好香 都幾脆蘿蔔好大份 食到好飽最後叫左芋香珍珠咁熱既天氣最好飲返杯凍野甜度適中 珍珠都幾有咬口 唔錯聽聞呢到既沙嗲同麻辣醬係老闆自己調味下次要試下先

呢間車仔麵種類繁多，啱晒我呢啲為食嘅人，坐低地方闊落，充滿風味，咁先至係車仔麵嘅特色麻。叫咗一碗送，分量十足，冬菇厚身，夠晒爽，牛腩真係不可不試，肥瘦適中，牛柏葉，夠晒大嚿，又夠彈牙。食咗咁多肉，點可以唔叫番碟菜啊，碧綠色嘅生菜，夠晒香口又脆口。呢款名就叫炸豆腐，其實實質係炸豆卜，新鮮炸起，炸至金黃色，粒粒脆身，內裏彈牙，點上肉燥醬，別有一番風味。椒鹽魷魚絲，唔會有一層粉包住，但係新鮮炸起，條條爽脆，又夠晒入味，可惜呢個時間唔應該飲啤酒，如果唔係送返兩杯就真係一流啦。酸辣云耳，夠晒惹味，酸酸辣辣，為呢一個夏日，添加梁浸浸嘅風味。

今日自己一個喺荃灣食中午，天時暑熱，於是就揀咗呢間車仔麵呀，香港車仔麵有好多，但係要煮得出色嘅就真係冇幾多間，呢間門口雖然唔係好搶眼，但係勝在錯落舒適，闊落，感覺舒服。自己一個人食，有眼闊肚窄，叫咗個米線底，米線份量好多，好彩冇加底。我叫咗嘅餸有豬軟骨，生根，自家製水餃，牛筋，份量十分之足，好後悔叫咗咁多餸添。但係佢啲豬軟骨又真係件件都有軟骨，而且唔會好林淋，食落口爽脆，水餃方面，不過不失啦，而且仲有豬脷，都好爽口，又夠入味。至於牛筋，唔會主導好林，夠晒爽口，而且又入味，補充骨膠原真係一流呀。而且加咗腩汁嘅牛腩湯底，分外覺得惹味。飲品方面叫咗豆漿，唔係好大支，但係勝在夠晒冰凍，又唔會好甜，真係夠晒健康。

今日荃灣放工和同事到了路德圍銘陽車仔麵食晚飯入到去坐好就睇食什麼每人點一碗柱侯牛腩,鹵水豬大腸,酸辣肉燥,炸麵根米線再加個檸檬茶椒鹽魷魚鬍金牌什錦6餸麵(紅腸,時菜,豬紅,豬腸,咖哩魚蛋,雞翼)加熱咖啡檸檬茶,熱咖啡咖啡都算幾香濃柱侯牛腩,鹵水豬大腸,酸辣肉燥,炸麵根米線柱侯牛腩-夠晒牛香又唔會好硬鹵水豬大腸唔會太肥都幾香口酸辣肉燥冇肉膻味又酸酸地辣辣地咁幾好食金牌什錦6餸麵(紅腸,時菜,豬紅,豬腸,咖哩魚蛋,雞翼)雞翼都好入味咖哩魚蛋爽口彈牙麵軟硬度適中都唔錯椒鹽魷魚鬍-份量都幾多,有咬口

下午茶又想食湯湯水水想來一碗車仔麵，車仔麵選擇花樣多，每樣少少啱晒多心的我，行到荃灣路德圍附近，見到有位男士拎住支巨牌，寫著大大碗的車仔麵好好味啱晒我一於衝入去試一試招牌鮮切麵（秘製牛筋，瑞士雞翼，蠔皇冬菇，鮮甜蘿蔔）$55車仔麵未試過食鮮切麵當然要嘗一嘗，鮮切麵像上海闊身麵，牛筋細細粒一啖一口，雞翼大大隻🈵️足，冬菇厚身入味，蘿蔔大大塊很抵食，湯底選擇了沙嗲味，如果重口味有位老婆婆還是會額外再給你，她十分熱心還會拿自製辣椒醬和麻辣給予品嚐，小店往往就是吃這種人情味🥰台式炸豆腐$28台式炸豆腐份量足，炸豆腐炸得很酥脆，即叫即炸熱辣辣點上他們的甜甜酸酸涼涼的醬中和一起吃，甚有台式夜市的感覺抹茶珍珠跟餐$12想不到小小的麵店也有如此好飲的抹茶珍珠，抹茶味香滑，珍珠煙韌甜絲絲的混在抹茶一起喝味道調校得剛好👍🏻

‪荃灣路德圍食店多，朋友介紹銘陽車仔麵選擇多有特色‬ 店內有卡位坐得舒服
車仔麵選擇很多，除了基本油麵、粗麵、米粉外，另外刀削麵、蘭州拉麵、招牌解切麵更有特色配料選擇很多，如果有選擇困難，可以試下金牌什錦6餸麵，$45有6款餸另外有多款小食
 車仔麵 湯底亦不會太咸重味精招牌餃子餡料自家包幾香又多肉汁蘿蔔清甜還有我最喜歡魚片頭加多+9有餐茶自家豬腸碌 $16豬腸碌非豬肉藏，原來係銘陽名物。用芽菜、雲耳、河粉炒香再用粉皮卷。味道特別，餡料炒得幾香

荃灣路德圍食市林立，各種美食應有盡有，說是一條食街也不為過，尤其中午的時候時間不是太多，又想食得較為豐富食麵就十分理想，對我來說車仔麵就適合不過，選擇多彈性想點食都得，而這間「銘陽車仔麵」就完全乎合我的要求，當然食物質素都很重要。炸鴛鴦餃8隻 $32炸鴛鴦餃外皮炸得卜卜脆，內裏餡料非常豐富食的時候還有肉汁流出來，點一點銘陽自製的醬汁，味道特別微酸帶甜十分開胃。油麵底、沙嗲汁、鹵水豬大腸、台式五香腩肉、咖哩魚蛋、炸麵根、魚皮餃 $59食車仔麵醬汁非常重要，這裏的沙嗲汁也是銘陽自家製作，沙嗲味香濃食落還有一粒粒的花生碎，不但溶在湯裏還會再給你一羹，用來點炸麵根、魚皮餃實在冇得彈，滷水豬大腸質量高肥美得來夠晒厚肉而且非常入味，咖喱魚蛋有魚味入口爽彈，份量非常之足。跟麵餐涷檸樂 $9跟餐餐凍檸樂，檸檬底差不多有三份一個檸檬，罐裝可樂上$9來講真係好抵飲，食車仔麵飲凍檸樂簡直絕配。

係荃灣有好多野食，輕車仔麵都有得食，見到有秘醬食，就下午入去醫肚先！粗麵$10面底我地揀左粗麵，食起上落好爽口，份量都好足沙嗲醬湯底銘陽車仔麵的招牌，無味精，好香濃既沙嗲味，店員額外會比多少少沙嗲醬比我地，湯底味道一流。咖喱辣魷魚$12魷魚爽口，size都好粗好大條，好入味。柱侯牛腩$12牛腩味道香濃，好淋。炭燒豬頸肉$12爽口，炭燒香味重，推介。脆炸魚皮$10十個脆！浸埋落個沙嗲湯底一流。芋香珍珠$12幾大杯，芋香味一般，但勁多珍珠台式炸豆腐$28炸豆腐個醬係自家整，豆腐即叫即炸，外脆內軟，推介。惹味豬紅韭菜$25豬紅好入味，份量好多，而且韭菜好爽口，中意豬紅既朋友可以試下。其實好好少地方有陽江豬腸碌食，不過已經賣哂！沙嗲醬同麻辣醬都係老闆自己調味！係超正！好惹味！炸豆腐個醬都係老闆自己即叫即炸，好脆口，好有誠意的小店。

好多時候揸車出外都是好麻煩的，要找地方泊車，又要想附近有什麼好食的，今天我來推展這家，位於荃灣路德圍附近的車仔麵。路德圍出名有好多錶位，不用給商場什麼多的停車費，還可以有平價的東西食，一舉兩得。泊好車走不到3分鐘已經可以來到這家銘陽車仔麵，它特別之處是沒有味精的，還有好多東西都是老闆自己調味的，例如有：有陽江豬腸碌， 沙嗲醬，麻辣醬還有炸豆腐的醬都係老闆自己做的。立刻進去看看，位置非常闊，冷氣夠，可以選擇的食物非常非常多，只是飲料已經有20幾款，想食什麼都要想好久，哈哈。男朋友好快已經選擇了河粉，沙嗲醬，秘製牛筋，招牌餃子，午餐肉還有台式五香腩肉，在加15塊要一杯凍檸樂，沙嗲醬是分開上的，全部都超級入味，招牌餃子餡料好多，牛筋超嫩，五香腩肉又香又入味又不會好硬，好捧。我叫了好多小食，先來一份椒鹽魷魚鬚，好香的椒鹽味，好辣，魷魚鬚好嫩，咬下去，裡面全的魷魚汁，好特別。在來豬大腸芽菜，它們還有韭菜可以選擇，可是的怕卡牙，好麻煩，所以選擇了芽菜，豬大腸好厚好肥好入味，芽菜好爽，好好食。當然不可以小了它們的招牌菜陽江豬腸碌，真的好特別，裡面是芽菜，還有一點點肉，真的是它們特有的。最後當然要叫老

放假同老公帶埋仔仔去荃灣行街 行到夜晚7點幾想搵d又平又飽肚嘅野食 就去左路德圍銘陽車仔面 店員見我地有小朋友比左個好寬鬆又唔會太凍嘅位置比我地 坐低後我揀左個招牌鮮切面+秘製牛筋+鹵水雞腎+郊外菜芯+凍寧樂 牛筋鹵得好入味好軟 雞腎比好厚好大塊 鮮切面外面很少有 份量都幾多 老公揀左刀削面+牛腩+招牌餃子+金桔檸檬+椒鹽魷魚酥+自家豬腸碌 豬腸碌真係招牌野超好味 魷魚酥好辣好惹味 感覺好似高級車仔面 仲有台式炸豆腐 阿仔都鍾意食 炸豆腐個醬都係老闆自己整, 好比心機，豆腐都係即叫即炸。重點埋單都唔算貴 同普通車仔面差唔多 但車仔面d餸同小食種類多款供應 除左面仲有多款飯 要求唔太高又想平食 呢間係不錯選擇

約左朋友去city walk 睇戲，見時間仲早，行左去路德圍食野，見到新開左間車仔麵，寫住無味精，大大碗，就同朋友試下啦。我地兩個人叫左碗四餸車仔麵，一碟台式炸豆腐同椒鹽雞翼。車仔麵份量好夠，芝士丸都有三粒，牛筋牛肚比得一d都吾孤寒，好香又好淋，木耳就正正常常無得輸，但最特別既地方係佢既麵底有好多選擇，除左平時普通個d粉麵，仲有刀削麵、銀絲麵同蘭洲拉麵等等，朋友簡左刀削麵，煮得岩岩好，帶點彈牙，我地叫左個小辣醬，個湯底惹味得黎又唔會太咸。台式炸豆腐應該係即叫即炸，外脆內軟，單食就清淡d,但配埋個秘製醬真係好好味，呢個醬我點其他野食都好畫龍點睛，一定必食！相比之下，雞翼無令我太驚嘆，不過贏在夠香脆，又吾會成陣油益味，隻隻都大大隻，都好抵食！總而言之，食完又唔會話太口乾，我諗應該真係無落味精，而且大碗又多餸，性價比好高，下午茶時間仲會送野飲，我覺得可以做長期飯堂！