阿麥廚房 (已結業)

向來喜愛到加路連山道一帶覓食，那邊有很多小店可以坐得舒舒服服。今天試了這阿麥廚房，這𥚃的晚餐大概二百塊左右，而且有挺多選擇前菜我們加了$58要了在普通西餐廳比較難吃到的大蝦占米多及煙三文魚墨魚子蛋白沙律大蝦占米多由大大隻的虎蝦蝦肉餡料置蝦殼內跟洋蔥及蘑菇等烤焗而成，惹味非常煙三文魚墨魚子蛋白沙律的墨魚子混合蛋白入口爽滑煙韌，清新之選餐湯也加$48升級做黑松露菌忌廉湯及龍蝦湯！一上枱已香氣四溢！尤其是那忌廉湯，每一口也有大量的菌粒主菜要了西班牙海鮮燉飯及德國式燒咸豬手！那個咸豬手真的份量十足！而且燒得十分香脆，即使再飽也忍不住吃個清光象餐飲有很多選擇，飲飽食醉的我們要了熱咖啡及伯爵茶作結尾

黎到銅鑼灣book左阿麥廚房晚餐7點，因為上次walkin 無位，所以想試黎間餐廳既朋友記住book位。地點方面，餐廳位置不算太方便，位於天后興cwb中間，由cwb地鐵站要步10至15分鐘。餐廳格局方面，內在似cafe,座位都不算太迫。食品方面，2人行叫左炸🐷手，忌廉汁帶子意大利飯同蝦多米。炸🐷手份量非常大份有薯條，🐷手非常脆同多骨膠原。意大利飯份量雖然不多但味道都不錯，蝦多米都非常鮮味。餐廳員工雖然不多，但服務質素高，態度好。餐廳值得推介。

今日同友人黎依頭附近買野，想食西餐就黎左依間阿麥廚房環境十分優美，亦都比較浪漫紫色牆身感覺更為浪漫，配合暗暗的燈光餐枱上放在餐具同埋一個少少燭光令到環境更加浪漫叫左兩個set menu 頭盤加左$58叫左個煙三文魚黑魚子蛋白沙律蛋白配合黑魚子味道比較清新香煎法國鵝肝配焦糖酒醋藍梅脆口的麵包配上鵝肝已經好惹味，再點上焦糖酒醋令成個口感不同湯既方面叫左龍蝦湯龍蝦的味道比較濃郁黑松露菌忌廉湯，菌味重，令到黑松露令個湯味比較突出牛肝菌燴意大利飯，十分惹味的一道菜每一口都能夠食到濃郁的牛肝菌另外不得不叫，德國式燒咸豬手份量十分之多，薯條十分脆口，豬手的份量都比較上多最後一杯蜜桃茶結束一日完美的晚餐

老死在加拿大回港渡歲，指明一定要到阿麥廚房聚餐，皆因她是這裡的die hard fans，去年回港，也是選址阿麥廚房聚會。我們準時七點到達，坐下後，便急不及待要落order 了。我們點了兩set dinner，有頭盤、湯、主菜及餐飲，原本還想吃埋甜品，但肚子已沒有空間裝下啊！這裡的食物不單美味，用料上乘兼品質高，廚師用心烹調，招呼好，坐得舒適，真是最佳聚會之選大蝦占米多個汁正到痺，加上蝦肉鮮味，食到舔舔脷啊煙三文魚黑魚子蛋白沙律好fresh，配了黑魚子令沙律的味道提升了不少龍蝦湯味道超濃，還吃到大大嚿龍蝦肉呢南瓜蟹肉忌廉湯味道則較清，加入蟹肉令湯變得清甜無比咸豬手份量超大，皮烤得卜卜脆，肉很入味帶子黑松露野菌扁意粉很有驚喜，意粉帶著濃濃的黑松露味，還有帶子是大大隻的，配埋野菌及露筍，好正吖

銅鑼灣行街同朋友食飯就腳方便，想搵位就有些難。如果想坐好些，舒服些可以到加路連山道，有間fusion餐廳，叫阿麥廚房，幾鐘意他們靜靜地。前菜是鵝肝加藍莓醋汁，沙律。很健康，鵝肝不肥恰到好處，藍莓醋汁點沙律。 跟著是焗野菌白汁鮮蝦球 龍蝦湯稍咸和南瓜湯濃味 鮮蝦海鮮飯，有很多料，很多蝦，美味 這店其中一個很多人常叫菜式燒豬手，味道一點肥也不覺得，剛剛好。 份量夠兩個人的主菜了，就算是食量大的都不會覺得飽。 餐茶咖啡。

踏入二月份，除左係過農曆新年，也是自己的生日月份🥳老公一早訂左枱同我食生日飯慶祝下🥰其實我唔知佢會帶我去邊度食，佢話想比個驚喜比我😅佢帶我出去銅鑼灣，原來去阿麥廚房，佢話之前同啲同事食過，食物質素很高，所以到我生日要帶我來享受一下😊很喜歡這幅圖，非常之有意思👍🏻餐廳很有浪漫格調，播放著一些英文歌，令人很舒服及陶醉☺️店員很有禮講解餐牌，最後由老公點餐🥰老公點左兩個set dinner, 沙律及湯都升級左☺️湯升級左👉🏻蟹肉南瓜忌廉湯及黑松露菌忌廉湯，兩個湯都好creamy🤤蟹肉南瓜湯好足料，真係有一舊舊蟹肉🦀而黑松露菌湯就好香，就咁放在枱已聞到好香黑松露😋沙律亦都升級👉🏻香煎法國鵝肝配焦糖酒醋藍莓😋鵝肝配多士是絕配😋但配埋沙律菜及焦糖酒醋藍莓就無咁油膩😋同埋升級👉🏻煙三文魚黑魚子蛋白沙律，非常之fresh😋主菜就係👉🏻BBQ烤辣味西班牙豬肋骨配上薯條，豬肋骨份量真係好十足，而且口感很豐富，不會太辣好岩我口味，加上薯條🍟，我地食到呢度已經開始飽飽地了🤤🤤另一主菜👉🏻黑魚子麵包蟹意大利飯，我老公最鍾意食呢個，佢講左好多次好好味，皆因個意大利飯好足料，配合黑魚子一齊食，將個飯提升了好高質感😋最後

今日揀咗位於加路連山道嘅小店”Mackie Kitchen”慶祝生日，呢度暗暗燈光都幾好氣氛。晚市可選set dinner，有10款主菜可以㨂，每道主菜都跟一款沙律、湯同餐飲。生日食好少少, 我地叫咗菠菜忌廉煙三文魚意粉同德國式燒咸豬手。先黎個升級前菜”大蝦占米多”同”煙三文魚黑魚子蛋白沙律”。大蝦占米多, 兩隻大蝦起肉再配磨菇蝦膏味醬汁, 啖啖肉好好味, 而伴碟嘅黑醋沙律小小酸好開胃。煙三文魚黑魚子蛋白沙律, 非常足料, 好多黑魚子, 同蛋白沙律混合而食味道適中,蛋白味亦突出。龍蝦湯未飲已聞到陣陣香味, 湯內仲有蝦肉, 加強湯嘅口感。蟹肉南瓜忌廉湯, 忌廉味濃郁, 而且仲好甜, 蟹肉又多, 有D似食緊甜品。菠菜忌廉煙三文魚意粉到, 意粉混合醬汁以打碎菠菜配以什菌同蘆筍煮成, 意粉面放上大大片煙三文魚, perfect match 意粉夠入味。德國式燒咸豬手😮估唔到份量咁大, 最好嘅係配有大量薯條, 豬手面脆卜卜, 啖啖肉唔肥亦唔會好乾, 非常惹味, 最好三五好友配酒, 邊飲邊食👍🏻👍🏻。今餐生日飯安排得好好, 我亦好滿意🥰

如果你有喺銅鑼灣食開甜品，下次就可以去下依間喺隔離街嘅西餐小店，事關我哋今次就係喺個度野飲，然後見到佢就入咗去試，又意外嘅幾好。晚市套餐都幾抵食，我哋揀咗要加價升級嘅小食。即係煙三文魚墨魚子蛋白沙律同鵝肝配酒醋，三文魚唔會太鹹，比返啲墨魚子帶出鮮味，鵝肝肥美，啲肝油漏哂落多士度夠哂香口。我哋嗌咗兩款湯品，一個係小龍蝦湯，熱辣辣加上濃郁嘅口感，係難得飲到嘅好龍蝦湯。附送嘅蒜蓉麵包都好耐吃。我哋主菜嗌咗豬手同意大利飯，豬手大隻得嚟都幾嫩滑，皮就烤香焦脆，非常惹味。意大利飯加入麵包蟹、菇類，令口感更加為之豐富。熱紅茶同檸檬茶都係用壼上，只要問店員就可以加熱水啦💖

友人M終於完成今學期的FINAL ASSIGNMENTCHUR了兩個月，決定食返餐好，慶祝一下店內掛了幾幅外國風大掛畫，很吸睛配上西式吊燈和微弱燈光，營造出情調感覺香煎法國鵝肝配焦糖酒醋藍莓 (Set +$58)Pan-Seared Goose Liver w/ Wine Vinegar Blueberry鵝肝嫩滑，入口即融酸甜的酒醋解了鵝肝的膩感大蝦佔米多 King Prawn Thermidor (Set +$58)佔米多是經典法式煮龍蝦的SAUCE以酒、蛋黃和白汁配蘑菇煮成蝦肉肉質很彈牙，醬汁不膩，不錯蟹肉南瓜忌廉湯 Pumpkin Soup w/ Crab Meat (Set +$48)入口幼滑鮮甜，能食到一絲絲蟹肉感覺清新健康，跟湯的蒜蓉包烤得脆卜卜，高質的黑松露菌忌廉湯 Cream of Black Truffle (Set +$48)松露香味四溢，能食到攪碎的菇菌味道較南瓜湯濃郁，但始終偏愛南瓜湯的清新感香煎帶子配黑松露忌廉野菌扁意粉 $198Linguine w/ Pan-Fried Scallops & Wild Mushroom in Truffle Cream S

前排幫朋友落銅鑼灣拎野途經加路連山道 發現呢頭都幾多野食是日收工便相約友人嚟附近覓食經過阿麥廚房 比佢簡單又不失格調的櫥窗吸引我地略略一望個menu就決定是日晚餐就是阿麥了 (笑) 香煎法國鵝肝配焦糖酒醋藍莓鵝肝入口即溶 甘香酥軟  配上酸酸甜甜的酒醋藍莓sauce 將鵝肝提升去另一個層次 回味無窮大蝦占多米切粒蝦肉爽口彈牙 醬汁巧妙地mix左蘑菇 既唔會搶去蝦的鮮味 同時又帶來一點清新的感覺不得不提兩個appetizer都帶沙律配菜平時我是不喜歡吃混有黑醋的沙律菜但今次食落都ok 接受到 呢樣真係意想不到黑松露菌忌廉湯遠遠聞到黑松露味 已經令人食指大動黑松露配上切碎的野菌 味道濃郁得黎 又啖啖菌粒蟹肉南瓜忌廉湯南瓜的清甜加上足料的蟹肉creamy得黎又帶有淡淡的鮮味 誠意之作隨湯附送crispy麵包外脆內軟 牛油鋪滿成個suface area 絕無"漏網之魚" 正德國式燒咸豬手上菜時真係嚇一嚇 無諗過豬手會咁大份 @0@無需動刀 豬手已經預先切好豬手的外皮燒到脆卜卜 但裡面的肉一d都唔乾嫩滑得黎又唔會咸喜歡的可以沾bbq sauce黎食我同友人就麻麻地個bbq sauce 反而鐘意配

在利園血拼之後 沿住大街一路走 一心想吃間西餐食個晚飯充個電 同朋友走著走著便看見這間精緻的西餐廳 看見門口擺放的餐單適合我倆口味 就選定左呢間 試試這裡的set dinner😋Appetizer我地點了香煎鵝肝和煙三文魚蛋白沙律 鵝肝份量適中 煎香的鵝肝份外香滑 油份重 配埋沾上橄欖油的香脆多士 絕配呀 沙律方面煙三文魚的份量亦不少 重點是加入的黑魚子 撈勻食令沙律的味道更多樣化 更提升了煙三文魚的香味 令外還有配了千年陳醋的沙律 吃起來酸酸甜甜的 很開胃🍽湯品有蟹肉南瓜忌廉湯和龍蝦湯 拌入南瓜的湯口感綿滑 好甜 而入面還有「一梳梳」的蟹肉！主菜方面就要了燒豬手和Crab Risotto with Black Caviar and Sea Urchin! 個飯把海鮮界的精英齊集 海鮮味非常濃 不過飯粒相比平時的risotto乾身 食落還會咬到蟹羔🦀豬手份量驚人 皮脆肉嫩 醬汁偏酸 平衡了肉的的油膩感 很好味 不過胃口細的朋可能真的吃不完 因為還有即炸的skinny fries😋別以為這就完了 想不到原來餐廳的飲品咁出色！Hot chocolate and Vanilla Milk上都

今日去銅鑼灣行下街，順便搵下食咩。行經加路連山道，記得之前食過呢間阿麥廚房，好食嘅梗係要一試再試啦。餐廳設計好靚，好有情調。晚餐有前菜、湯、主菜同飲品。蟹肉南瓜忌廉湯，絲絲嘅蟹肉配鮮甜嘅南瓜，好濃好香好滑。龍蝦湯湯，味道濃郁，好creamy。香煎法國鵝肝配焦糖酒醋藍莓，鵝肝煎得香脆，油脂十足，入口即溶，配上焦糖酒醋藍莓減輕鵝肝嘅油膩感。煙三文魚黑魚子蛋白沙律，口感清新，加上黑魚子味道非常獨特。德國式燒咸豬手，豬手皮脆卜卜，肉十分滑嫩，非常入味，十分細心已將肉切件，食起來十分方便，可埋秘製醬汁，仲有香脆嘅薯條同沙律菜。黑魚子麵包蟹意大利飯，意大利飯非常乾身，加上大量蟹肉及黑魚子，味道非常配合。最後配上兩杯香濃嘅咖啡，而且賣相非常吸引，絕對係完美嘅一餐。

搵食，呢條街有好多選擇，朋友話呢間餐廳好好食，所以就同男朋友你試吓。佢餐牌上嘅選擇唔多，但已經好夠。前菜我同男朋友嗌左個大蝦占米多，煙三文魚黑魚子蛋白沙律，唔係講笑，真係好有驚喜！首先，大蝦占米多個汁好香，蝦又夠新鮮；至於個沙律，好Fresh！之後我哋叫咗個蟹肉南瓜湯同龍蝦湯。佢配搭嘅蒜蓉包係比較脆身，我自己麻麻哋呢種口感，但佢嘅湯實在太有驚喜！個南瓜湯係勁甜，蟹肉有多；如果龍蝦湯亦都係好香但又唔會太鹹！令人好想再嚟encore佢啲湯。煮食方面叫咗個德國鹹豬手，同埋西班牙海鮮燉飯。最後一定要大讚佢杯熱朱古力，好香滑但又唔會太甜！個拉花仲好靚添。

餐廳位處銅鑼灣幽靜一角，其實呢條街係搵食好去處，Mackie Kitchen裝修特別，外表精緻溫馨，坐低入面格局有少少懷舊，幾有氣氛前菜大蝦占米多，煙三文魚墨魚子蛋白沙律，兩個都好高分！大蝦肉新鮮爽，用蒜加菇粒炒，未食已經聞到好香。煙三文魚沙律，食材新鮮，蛋白醬鹹度較到剛剛好👍🏻個蟹肉南瓜忌廉湯同龍蝦湯都係落足料，蟹多南瓜清甜，龍蝦湯就略嫌鹹左少少😝主菜一個海鮮一個肉，德國式燒鹹豬手，睇落超大份，因為係連骨原隻豬手，份量剛剛好。燒到剛剛好，皮帶少少脆，味道鹹香，肉質嫩滑，薯條炸的技巧不錯，放左一陣食依然外脆內軟黑魚子海膽麵包蟹意大利飯，餐廳魚子供應充足，毫不手軟，海膽今次係重味海膽，將兩樣同飯一齊食，令蟹飯海鮮味更出！每道菜都落足心機，一個誠意晚餐！

2019年1月11日 星期五終於到happy friday，可以迎接美好既週末，一於同女朋友食返餐好既！！黎到銅鑼灣近保良局果邊，原來有好多間食肆，我地就隨便揀左呢一間阿麥廚房入到去氣氛唔錯，燈光同佈置都好適合情侶黎，只係差在無燭光餐牌既食物都頗多，又係我選擇困難症發作既時候。。。首先有煙三文魚黑魚子蛋白沙律，三文魚無乜筋，而且都幾大塊，下面以為白色既係沙律，原來就係蛋白！！本身係無乜味，所以夾埋鹹既黑魚子就好配合~~大蝦占米多: 大蝦一早已經切開一嚿嚿，食起上嚟好容易，上面有特製嘅醬料，酸酸甜甜好開胃，作為前菜一流~~餐湯方面有黑松露忌廉湯，睇得出落左好多黑松露，所以啖啖松露味，而個湯唔係好稀，唔係單單溝水咁簡單黑魚子海膽麵包蟹意大利飯: 原來係用個蟹殼釀入左意大利飯再拎去焗，撈埋海膽同埋黑魚子，食落去感覺好特別。雖然睇落去份量唔多，不過估唔到足夠兩個人食BBQ西班牙豬肋骨: 份量好大，每人大概食到六至七舊，每一舊上面都有豐富嘅醬汁，好襯入口即溶嘅豬肉，豬肋骨每舊都好容易切開。除此之外仲有岩岩炸起既薯條，真係熱辣辣好新鮮！！呢個價錢黎換取咁難忘既一晚絕對係值得既~~