陳儀興牛什粉麵 (鴻祥大廈)

營業中

休息中

專食牛雜嘅餐廳喺香港唔常見，之前食過陳儀興打冷店，估唔到佢哋連牛雜粉麵都做得唔錯👍🏻 好多唔同嘅牛雜刁鑽部位，之前都未見過，例如海參腩同沙瓜叫左個沙瓜淨食餐 $145 跟餐加$20有油菜同飲品，亦可以轉配事頭婆涼茶，菜有幾款，揀咗腐乳通菜，跟餐配來講都算好多，亦好新鮮牛沙瓜即係傘肚部位，淨食份量好多，都有唔同質地既傘肚，淺色嗰款肉質更滑，個底仲有生菜，浸左腩汁好好味雖然鍾意食餸多啲，但都試吓我最愛嘅河粉，好滑！有時候比較少見嘅牛膀（不是牛蒡🤣），食落質地似潤，但唔會太粉粉麵餐都可以加錢跟餐，揀咗炸魚皮，超級新鮮勁脆卜卜，浸落個湯度拎起會咋咋聲😁有個類別叫炸爆佢，有好多唔同炸物。叫左個「我要晒」即係炸物拼盤，炸蝦棗丸最正，其他都好唔錯，全部都係出面少見！

陳儀興是近排食過最好味嘅牛腩粉麵，重點係食完一啲都唔會覺得口乾口渴，代表唔會太多味精。味道適中，唔會偏鹹或淡。份量亦都算多，尤其是淨食崩沙腩，一大碟，一啲都唔孤寒，自己買自己炆都未必做到咁嘅價錢。豬手炆得好淋好入味，麵質爽口彈牙，湯底清甜帶有芹菜和蔥的香味。佢嘅檸檬茶都做得唔錯，茶色好清澈，檸檬夠多，唔會話好混濁咁嘅款。粉麵檔就唔可以要求有好華麗嘅裝修，不過呢度嘅裝修都幾企理，有少少老香港嘅style，環境清潔，夥計有笑容，你食豬手亦都會主動俾隻碗你放骨頭。見到我哋兩個人食一個淨牛腩一個粉面，唔需要問都識得拎碗仔俾我哋。淨崩沙腩套餐，連油菜同埋飲品$165南乳豬手麵套餐，連埋油菜/炸魚皮和飲品$60炸小食拼盤$40牛腩同豬手真係好好食，一定要再嚟。

最近聽到有朋友特意來到香港吃牛腩，還真是意想不到原來香港的牛腩也是一個特色！今天吃的這間就在旺角區，是一間人氣的陳儀興飯店的分店，主打就是牛什了，能開分店說明了餐廳的質素真的挺有保證的！崩沙腩（１４５元）店員介紹這個是比較肥的部位，那就正好了，肥腩才好吃的！來到看到切得非常整齊的三排肉，份量真的是挺多的，每一件肉上面都有一層油脂，但吃起來肥而不膩，帶點入口即化的口感，肉質非常嫩滑多汁，帶有陣陣的牛香！調味不會太重，主要都是牛肉香！牛三寶（６０元）這個份量真的挺多的，牛肚，牛腩和牛筋都把河粉完全蓋著了！牛肚非常滑嫩，牛腩鬆化有油香和牛筋嫩中帶點糯的口感！河粉加上腩汁是無敵的存在，吸飽湯汁，又滑又嫩！炸雲吞（３０元）用的是鮮蝦雲吞，是新鮮炸的，吃起來非常香脆，鮮蝦爽滑！套餐（＋２０元）轉成套餐會有一份油菜或魚皮配上飲品的。兩者的份量都挺多的，所以性價比還是不錯的！

位於旺角人流極旺既位置，搵左間牛什麵鋪食啲野，鋪頭幾光猛企理。牛三寶麵 $60有牛筋、牛腩同牛肚，鋪滿哂個面，份量幾多，幼麵幾滑同爽，湯底吾重味精，仲有啲面豉粒。淨崩沙腩 $165轉餐配多碟油菜-腐乳通菜，仲有飲品跟。崩沙腩肥瘦適中，肉質夠淋同入味。飲品要左支自家製羅漢果茶，飲得出幾足料，吾算太甜，飲落有少少甘甜。炸魚蛋 $30除左牛什好食，連魚蛋都好食，橢圓形貌相同一般魚蛋吾同，炸過個表面有少少脆口，食落都有啲魚肉香味。

同朋友講起牛雜，想起之前去過一家牛雜店，位於旺角、歷史悠久，以優質牛雜粉麵聞名，一時興起不如就去食個晚飯🤗淨海參腩海參腩之前見到，不過無食到，一開始唔知係咩黎，之後問一問職員，原來是有牛筋的牛腩，非常特別的名字，而且賣相確實好像有點像海參，濃香卻不膩口🤣蠔油菜心新鮮的菜心外夾着爽口的蠔油，簡單但不失精緻🌟我要曬今次真係要曬全部炸物，炸魚皮、炸木丸、炸雲吞、炸章魚丸、炸魚蛋、炸蝦棗丸，炸物口感香酥不油膩，當中比較經典的是炸蝦棗丸，有著非常濃郁的蝦肉味道牛三寶粗麵牛三寶之所以有「三寶」之稱，是因為它包含了牛肚、牛腩和牛筋，雖然簡單但不失精緻，牛肚夠香濃入味，牛筋腩炆得夠淋，值得比個Like👍炸魚皮魚皮炸至扑扑脆，放入粗麵的熱湯中燙一燙，惹味無比✨事頭婆涼茶食左甘多炸物當然要飲一杯涼茶啦，比較少有餐廳可以有羅漢果茶，今日居然可以飲到餐廳新鮮自製的羅漢果茶，茶色澄澈濃香，吸收了羅漢果的芳香，甘甘甜甜，入口調和❤️咸檸七加上咸檸檬之後，味道甜中帶鹹，鹹甜交雜，冰涼可口，配炸物簡直一流😋好味指數：8/10性價比指數：9/10餐廳名稱：陳儀興牛什粉麵餐廳地址：旺角煙廠街1-3號鴻祥大廈地下E號舖電話：

旺角各式餐廳齊集，今次去食中式潮州粉麵，呢度有力推張量發售的牛沙瓜，呢個係特有的牛胃之一，好多潮州粉麵店都限量供應，呢日同妹妹去食竟然仲有馬上要了碟，而且跟了套餐可配一碟油菜及一杯飲品。🌟 牛沙瓜牛沙瓜入口口感就好似豬肚，軟腍之外有帶一點彈牙口感，愈咬愈濃牛腩香味，推薦！🌟 牛三寶河粉牛三寶有牛腩、牛筋和牛肚，三款都好食。首先牛腩厚薄剛好，牛腩瘦中有點肥肉不算柴，牛筋煮得好腍！牛肚口感亦剛好不會太老！🌟 我要晒(炸物拼盤)又選擇困難症發作就咩都要啦，有炸蝦肉、炸魚蛋和炸雲吞，每樣都香脆，脆皮裏面又食到蝦肉和魚肉鮮味。

響新寶睇完戲行出黎見到呢間牛什舖，記得之前有人推介過話有啲出面好少食到既牛內臟，同朋友講完就即刻入去食～① 沙瓜（傘肚）淨食 $145平時食開牛肚，金錢肚，牛百葉係牛既三個胃，至於牛沙瓜係牛既第四個胃，比較細小，處理過程繁複，所以唔多地方有得食。據說一個沙瓜通常只可以做到兩份淨食，絕對係限量供應！今次同朋友開心Share所以叫左份淨食，份量都幾多，雖然賣相一般但又好食喎！內臟清潔得乾淨，無腥味是基本，牛沙瓜的口感有少少咬口但又唔係韌到咬唔開，我幾鍾意，再加埋潮州辣椒油仲好味。另外加$20跟餐有碟油菜/炸魚皮以及飲品，叫左杯鹹檸七，樽裝雪碧加分。② 牛三寶撈麵 $70牛腩，牛筋，牛肚係一個王牌組合，第一次食呢間舖當然要試下基本野先有得比較下。呢碗牛三寶其實都幾貴下，本身跟湯麵係$60，我改撈麵要加$10，不過份量都有番咁上下，每件都好大舊，牛腩鬆化唔痴牙，牛筋夠腍，口感有膠質。③ 我要晒 $40有齊所有炸物，炸魚皮，炸木丸，炸雲吞，炸章魚丸，炸魚蛋，炸蝦棗丸。同朋友每人試啲，樣樣都唔錯，幾脆口，啲丸唔係好分到邊種打邊種，但都幾彈牙，幾好味。

鍾意食潮洲野既朋友，應該對「陳儀興」呢三個字唔陌生，佢地係一間老字號既潮洲餐廳。行過旺角先知，原來佢地都開咗「陳儀興牛什粉麵」，地點方便，近登打士街。太太話想試吓佢既粉麵，於是搵日睇戲前過嚟醫肚。入座時未到食飯時間，被安排坐4人枱，見到佢既裝修都幾有特式，環境都乾淨企理。我同太太唔算好肚餓，於是叫咗個粉麵餐（雲吞米連油菜飲品）+小食（炸魚多）+淨牛沙瓜嚟試吓。平時好少見到牛沙瓜，其實係牛肚既一種，佢算係厚切，夠哂口感，牛味都出！推薦！估唔到佢碗米粉咁大碗，太太話一個人完全食唔哂，抵食！同埋炸魚蛋係條狀，似係生菜魚肉既魚肉，食落都好彈牙，連埋個泰式醬好夾！如果行開附近，又想食粉麵，都會再到訪！

#旺角美食 #小蓮星呑食旺角🔻 陳儀興牛什粉麵旺角煙廠街1-3號鴻祥大廈地下E號舖/🧃牛三寶麵$60三寶包括牛腩,牛筋,牛肚，好入味，牛腩半肥瘦，好腍，牛肚煙靭，個湯夠晒鹹香濃郁，差唔多飲晒，個面有口感得來唔會好硬，跟咗油菜，生菜好大份，新鮮爽口/🧃崩沙腩 $145叫咗淨食，超大碟，仲非常咁靚仔，啖啖肉，啖啖牛味，油脂同肉嘅比例好好，跟咗炸魚皮，脆卜卜好好食/🧃我要唒 $40炸物拼盤，有炸雲吞、炸蝦棗丸等等，強烈推介炸蝦棗丸，質地唔係彈牙而係鬆軟，好特別，蝦味超鹹香/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

📍 陳儀興牛什粉麵🌍旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 剩沙瓜 ⤫ ＄１４５叫左先知沙瓜唔係牛腩黎，係牛第４個胃，矜貴極罕，唔係間間都有賣！沙瓜口感爽脆且不失嚼勁，卻不是咬不斷果重，無內臟羶腥味，帶八角甘果香。有啲位置肥膏比較多，是我心頭好～⤫ 牛三寶河粉 ⤫ ＄６０ 牛腩、牛筋、牛肚，全部都勁正！牛腩軟嫩，牛筋Ｑ彈、牛肚爽口入味！湯頭清甜卻有肉香，加埋芹菜蒜更鮮香～⤫ 我要哂 ⤫ ＄４０ 炸蝦棗、魚蛋、木丸、雲吞、章魚丸、魚皮，有齊哂６樣炸物。章魚丸有粒粒章魚；魚蛋蝦棗勁爽彈！牛什店出自家品牌嘅蛋卷，有咩香港本土特式食品，仲要係未見過嘅香蔥味，不太甜帶點香口，勁鬆脆！

餐廳位於旺角煙廠街1-3號鴻祥大廈地下E號舖，距離旺角地鐵站出口非常接近，我哋大概下午茶時間去到，餐廳空間感都唔錯，坐落唔會有好迫嘅感覺，餐廳入邊都有幾台唔同嘅客人食緊，見到好多人都叫牛腩，就問吓店員有咩好推介，佢推薦我哋食牛腩，兩個人share，再加一份小食，另外要多一個牛雜麵就夠，我哋另外加多左一個腐乳通菜，每人加多支七喜！餐廳嘅餐牌亦都好多元化，有唔同種類嘅嘢食！唔鍾意食粉麵嘅朋友可以叫飯，深信牛腩如果配飯都唔錯！飲品亦都可以揀涼茶，我哋就揀咗汽水！🤍牛三寶粗麵，粗面嘅口感較有嚼勁，亦都幾好食，餐廳控制得時間都唔錯，個面唔會話太林，加埋牛三寶食嘅配搭非常好！牛三寶分別有牛腩、牛筋腩同埋牛肚，牛肚嘅味道非常入味，亦都唔會有好韌嘅感覺，非常好食！牛筋亦炆得非常林，個人幾鍾意佢嘅口感！朋友都大贊！🤍香脆魚皮，好耐都冇喺粉面店舖食嘅魚皮係熱辣辣即叫即做，咬落去熱辣辣嘅感覺非常有驚喜，份量亦都好多，以為跟餐嘅魚皮只有一兩件，最後起碼有六至七件🤍崩沙腩入口煙韌彈牙，非常juicy! 崩沙腩除咗橫膈膜，再連住本身少少肉，入口口感爽滑、肥瘦適中，呢一碟崩沙腩嘅份量亦都非常之多，我同朋友忍唔住一件

今日去咗旺角呢邊做嘢，跟住下午茶就決定喺附近成碗牛雜粉，同同事嗱嗱臨食完再返上公司做嘢，下下周見到呢一間裝修都唔錯嘅牛雜粉麵舖頭，睇落都幾好坐同埋樓面都幾光猛 下午茶時間都唔算太多人，我哋都可以直接入去唔使等我哋決定兩個人share幾樣唔同嘅嘢食，崩沙腩其實係位於牛既橫膈膜附近，肚皮兩邊既腩位，所以食起嚟有豐富嘅牛肉味！崩沙牛腩嘅味道非常濃郁，牛腩肉非常滑嫩入味，配埋佢本身嘅湯汁濃郁鮮美，加上豐富嘅配料，令味道更加豐富。我哋本身鍾意食辣，加埋佢嘅辣椒油增加香辣味道，味道簡直係更上一層樓！佢嘅份量亦都非常多，絕對對得上佢呢一個價錢！我同朋友都非常鍾意食一個崩沙腩！我哋另外叫咗個小食拼盤，佢嘅炸魚皮熱辣辣超好食，咬落去仲有香脆嘅口感，食落亦都唔會非常油膩，個人都幾鍾意！炸魚蛋，亦都爽口彈牙，估唔到係一間牛腩粉麵店食到咁出色嘅大魚蛋！我同朋友都非常鍾意點埋佢嘅酸辣醬食每一個小食都非常好食，份量都啱啱好！！！最後我哋仲加咗個腐乳通菜，配搭上都幾好食！健健康康加個菜都唔錯！最後加多支七喜，正！

我認識的陳儀興是火鍋店，原來旺角有粉麵店，食店乾淨舒適。潮式風味，主打牛腩、牛雜，當中沙瓜、海參腩等好似較少有，而且店員也詳細介紹分別及口質。崩沙腩淨食 $145崩沙腩入口相當淋，好似在口溶化，第一次食原來咁驚喜！而且我覺得夠淋老人家都可以食，肉味又濃，相當美味。炸爆佢系列，我點了「我要晒」$40有炸魚皮、炸雲吞、炸魚蛋、炸木丸，炸章魚丸、炸蝦棗丸炸物香脆可口，丸類彈牙有鮮味。菜類選擇少食的腐乳通菜。凍檸茶香、甜度剛好，原來還有涼茶選擇，下次要點。炸魚皮脆卜卜，忍不住一塊接一塊。陳儀興牛什粉麵可以再來。

嚟到旺角搵野食，望下招牌，咦咦～"陳儀興"喎！原來"陳儀興"都有賣粉麵！入面環境都幾有香港特色👍🐂淨牛坑腩$145識食梗係叫淨食！可以盡情享受招牌菜！加$20套餐可以配飲品同油菜/炸魚皮。本身想叫淨海參腩！屬稀有部位，唔係度度有得食，不過要食真係要再早啲，中午黎到已經賣曬！😢😭食住牛坑腩先，都好味😋牛坑腩取自牛胸前的牛仔骨/肋排或旁邊牛肋條部位的肉，牛味最濃。炆煮得好入味，肉質亦軟嫩、豐潤多汁，每一口都散發出香濃既牛肉味。墊底既生菜，吸收了牛坑腩的肉汁，好味！亦平衡肉的油膩感，同時增加口感層次。🍜南乳豬手麵 除左牛腩，呢度既豬手其實都好好食！呢d平時自己好難煮，出街有得食梗係要食下，可以補充骨膠原補補。🥰豬手炆得好淋，南乳湯底唔會太鹹，恰到好處！麵係幼身鹼水麵，超級爽口美味！加$20套餐，可以配油菜/炸魚皮+飲品。🥢如果想加小食既話，推介有個叫做"我要曬"嘅小食套餐👍有齊晒炸魚皮、 炸雲吞、炸豬肉丸、炸墨魚丸、炸蝦肉條、炸鯪魚肉條、炸墨魚卷，樣樣都試到！一個人獨食都得！唔使驚too many👍"陳儀興" 果然係質素嘅保證，除咗出曬名嘅潮洲菜之外，呢間粉麵都高質素！👍😋我下次要早啲嚟排，

行到旺角唔知食咩好，見到呢間環境OK就決定試吓。夥計態度和服務都好好，有別於一邊一般麵檔。以一般中式粉面店舖嚟講，呢間嘅環境算係坐得舒服。我地兩個人叫咗▶️牛三寶幼麵▶️八寶丸幼麵▶️腐乳通菜▶️炸魚皮Total $170~味道ok，但由於價位屬於中上，感覺上係做遊客生意。