陶源酒家

營業中

休息中

很差既體驗！所謂大閘蟹餐，首輪全部都係蟹雌，問經理，話係一輪輪！！但之後，先再遞上蟹公！ 食物質素不單只一般。但估不到，陶源咁大酒家，係客人進餐時，竟然9點40分熄咗一半燈，這是叫客人即走嗎？ 出面食物，甜品竟然9:40pm 已收，然後10pm, 經理叫員工熄冷氣！估唔到作為一間連鎖酒家，服務質素會如此！永不光顧😡

今次真糸嚇死人，先來左一碟大閘蟹，全乸，忍一忍，再叫，又糸乸，同部長反映，sorry，他一句話無得揀公乸，再叫，又又又糸乸，真糸火都來，末試過甘差的放題，太太太失望，講真六百幾元一個人，吾糸平，唯有再直接同高級經理投訴，我們都好公平，如果公乸各半我們也不會這麽激氣，之後又等左15分鐘，才死死氣糸廚房拿幾隻公比我們，我同朋友吃左四隻公後決定埋單走人。旁邊和後面的一枱食客也開始投訴，六佰幾元食到一肚氣，冇下次

本身滿心歡喜同家人共聚天倫，一到店舖客人已經不算多，本身仲擔心好多人，所以特意去book位~落單嘅時候，疑似係店長or經理，總之職員話佢係負責人！我好清晰講清楚係要半隻黑松露雞，他都重複一次order半隻雞！點知黎到係一隻雞嘅份量，但係因為當時同家人聚會，大家都係有傾有講，根本都冇為意/理會過佢黎嘅係一隻雞定係半隻雞，但食到一半嘅時候先發現到原來有兩隻翼，我哋就開始質疑呢碟係一隻雞並吾係半隻雞。到埋單嘅時候，查看賬單先發現原來佢落咗一隻雞，個重點係佢（尖沙咀分店店長）都承認 我哋係的確落咗半隻雞，但係最後黎錯左一隻雞！亦都承認落錯左單，再同我哋講「但你哋已經食咗了，依然需要比錢」真係呆左係度 無錯呀！我感覺有被敲詐的感覺。明明係店長落錯單，反而怪責客人身上？仲要作為店長，選擇用呢種方式去處理？莫非呢個係你哋嘅營運策略？打個比如我order 碗仔翅 你黎個天九翅比我 我又會分得清？總之我order左咩 你就比咩我 而吾係亂黎到就敲詐我比錢！我絕對會從任何途徑一直投訴！監管食物出品係餐廳負責，從來沒有想像過作為顧客仲需要去檢查餐廳提供嘅食物份量是否正確，簡直係天大嘅笑話！

滿心歡喜book好位，俾晒錢，等週末食大閘蟹放題，點知坐低落order, 嗰度啲姐姐就話冇得揀公乸，全部隨機，點知一行4人食咗30-40隻，全部都係蟹乸，極之失望，雖然睇返廣告又真係冇話有得揀，但我食過幾間大閘蟹放題都未試過冇得揀公乸，大家如果鍾意食蟹公嘅真係掃興喇。另外有個部長姨姨，問佢叫佢俾啲食蟹餐具，佢又話冇，公筷就有，點知問其他炒散姨姨，即刻拎一堆食蟹工具嚟，真係搞笑。 其實食蟹工具唔係應該基本就有咩，要問先拎黎已經好好笑。其他食物方面，廣告影相就好靚，但其實實物就真係麻麻🙈

OpenRice 買了558 x 6 , 才注意到埋單還要補原價加一，現場再知道茶位30/位。埋單再比多907。就咁book, 話588/位。唔知有無隱藏收費。蟹味淡少少，不過上蟹都夠快。全部都是乸，全部都爆羔。都有黑&梅。收碟速度一般。放題部分，賣相差少少。生炒糯米飯-ok蕃薯糖水-good 夠姜片皮鴨-多肉少皮，我中意多皮。配菜（青瓜….）略不足。棗糕-軟糯-good流心芝麻包-good 爆汁有些職員連答客人問題都唔願。本來陶源在我印象中都中高檔，睇黎降呢了。

佢哋嘅大閘蟹放題小菜款式多又好味道，我覺得比大閘蟹好食 😂😂😂 特別係個涼拌土豆絲，非常開胃，令人食唔停口😂😂 個杏仁茶有驚喜，薑汁糖水唔夠辣😂 如果薑味再重啲就好啦～講到主角大閘蟹，好老實講，幾款口味其實都係同一個味道😂😂 簡稱無味～無論清蒸、鹽焗定花雕，都係食唔到果種味道嘅😂😂 同清蒸無分別～ 真係有少少失望😥 不過勝在啲大閘蟹好新鮮，即使無其他味道都無所謂，可以食到佢原本嘅鮮味～但呢度嘅大閘蟹99%都係乸來嘅，全晚只食過一隻公 有啲失望😥

大閘蟹季節又到Lu～好多酒樓都推出咗大閘蟹放題！見Klook做緊陶源酒家酒家85折🦀大閘蟹放題優惠，而且有我最愛嘅🦆片皮鴨，即刻買黎同屋企人一齊試下。星期五19：45黎到，個場都幾滿。坐低一陣之後餐廳就送上每位都有嘅花雕熟醉蟹一隻、鮑汁原隻鮑魚伴百靈菇及蟹粉扒豆苗等。呢三款都係無得encore，限定每位客人一份嘅。鮑魚彈牙入味，蟹粉扒豆苗嫩口無渣，都不錯。而花雕熟醉蟹就比之後任叫嘅蟹大隻少少，唔錯但味道上同之後任叫嘅蟹分別不大，所以無得再叫都唔使驚。佢地食物選擇都唔少，主食例如有生炒糯米飯、上海菜肉包、鳳城雞包仔、朱古力駕鴦奶黃包、流沙芝麻包、蟠桃大壽包等等。當中個人最中意係由潤嘅生炒糯米飯同特色朱古力鴛鴦奶黃包。另外出面自助區有椒鹽豬小排、椒鹽海中蝦、麻香四季豆、避風塘雞中翼等等，全部質素都不過不失，不過提提大家係酒樓冷氣開得比較大，最好mon住廚房一出就去攞，因為擺耐咗會容易變凍。驚凍咗嘅話，亦可以同侍應講，佢哋可以喺廚房攞啲熱啲嘅俾你。今餐嘅重點3款大閘蟹（鹽焗大閘蟹、太雕蒸大閘蟹、清蒸大閘蟹），以及京式片皮鴨，基本上全部都無令人失望，大閘蟹雖然說不上好大隻，但蟹膏金黃，黏口軟滑

陶源酒家 2小時無限任食大閘蟹、片皮鴨放題喺Klook 買咗呢個package ，有幾間分店都可以用，好方便😎我哋喺平日過嚟，個場都算full，好彩事先訂咗位。一入座就會送上三款特盛三式，一人一份架！✨蟹粉扒豆苗蟹粉份量都算幾多，豆苗亦夠嫩。✨鮑汁扣原隻鮑魚伴翡翠鮑汁味鮮，配搭鮑魚，炆得又淋又入味👍🏻入口Juicy。✨金湯小米燴遼參湯羹入口有啲似小米粥，遼參粒增加口感，口味甘甘地，好養生！任食嘅大閘蟹大約有四両，三款口味可以選擇，分別係清蒸、花雕和鹽焗🦀，清蒸和鹽焗上到枱都係熱辣辣，出晒煙要等一陣先至可以開蟹，食落口味就差唔多，口感方面，覺得鹽焗會令蟹肉更加結實。花雕就係凍蟹，食落蟹膏Juicy，有淡淡酒香。每輪由落單計，大約要蒸15分鐘，都算準時冇漏單。我哋每次喺等候嘅時候，都會出去自助區攞嘢食，片皮鴨喺自助區都係即片，好新鮮！前菜拍青瓜、涼拌雲耳、椒鹽海中蝦、炸雞翼、炸豬扒，甜品楊枝甘露、杏仁茶、番薯糖水都有，成餐飯啲時間都過得好充實😄

呢間價錢唔算平除開都要六百幾蚊但係蟹黃嘅質素都ok，再加上上蟹嘅速度都上得快！平均每次上四隻時間就啱啱好！呢間都係任食大閘蟹放題，有四種嘅大閘蟹種類畀大家選擇；鹽焗，花雕醉蟹、原味蒸等等！都多種類！另外仲會配送一份鮑魚同埋海參燎粥！另外再配有片皮鴨任食！有京蔥青瓜絲同埋片皮鴨薄餅！配上片皮鴨醬香甜！都係任食回本位！出面仲有其他小食包括冷盤小食，炸物，蔬菜，糯米飯、仲有楊枝甘露，或者薑茶糖水，椰汁露等等！甜品食物方面；有紅棗糕，芒果布甸等等，食物種類都豐富，飲品方面我就選擇咗普洱茶，送大閘蟹一流！大閘蟹亦配上專用餐具同蟹醋！不過蟹黃都食足夠加番唔小分

又係食大閘蟹嘅季節🦀今晚約咗勁鐘意食大閘蟹姊妹😆去咗尖沙咀【陶源酒家】2小時無限任食大閘蟹🦀片皮鴨放題😍仲有其他小菜主食，糯米飯及甜品等。。🎈價錢逢星期一至四$528位🎈星期五、六、日 及公眾假期$588位(另收加一)另外仲有其他主食，坐低每人仲包一份🤩🔸️鮑汁扣原隻鮑魚伴百靈菇🔸️金湯小米燴遼參🔸️蟹粉扒豆苗蟹粉份量都幾多😋鮑魚都夠味口感彈牙雖然係任食🦀但質素一啲都唔差😋有3款味道🦀有花雕蒸、清蒸、鹽焗😋大部份都爆膏🤤色澤呈橙黄色我地就比較喜歡花雕及鹽焗🤩肉質仲好鮮，啖啖蟹膏超吸美味🦀另外都有好多甜品選擇自助區有三款糖水🔸️薑茶地瓜🔸️蛋白杏仁茶🔸️楊枝甘露落單紙點都有紅棗糕、奶黃千層糕、呂宋香芒布甸😋食咁多蟹我就咗好多碗薑茶驅寒其實仲有好多蒸包㗎😆蛋黃蓮蓉壽包，奶黃包，芝麻包，雞包仔，菜肉包🤩生炒糯米飯都有。。有咁多野食哩個價錢好值得去食👍

一到9月，又係食大閘嘅時候喇🦀想先嘆為快嘅朋友，可以去陶源酒家試下佢地嘅120分鐘大閘蟹放題，仲有三種唔同煮法嘅大閘蟹，分別係清蒸，太雕蒸同鹽焗！除咗大閘蟹，仲有其他熟食，包括片皮鴨同甜品，都係任叫任食😋食蟹之前會先上鮑汁扣原隻鮑魚伴百靈菇，再嚟就係金湯小米伴遼參，呢個羹食起嚟有南瓜味，好啱秋天食🥰另外有蟹粉扒豆苗，雖然份量唔算多，但係味道好好👍🏻呢度嘅任食大閘蟹大約四兩一隻，雖然唔大隻，不過有啲都有少少爆膏，我就鍾意清蒸大閘蟹，而老公就食鹽焗大閘蟹，都幾惹味！我哋都試咗其他熱食方面，有椒鹽海中蝦，炸雞翼，脆鹵炸豆腐，呢啲香口野啱晒老公同阿女。阿女仲話雞翼好好味食過不停😅除咗熱食，仲有幾味涼拌頭盤，包括麻辣土豆絲，麻香四季豆同黑木耳，大推土豆絲，麻麻辣辣，味道一流😍

又係品嚐大閘蟹嘅季節 🦀🤤我特別鍾意食大閘蟹放題，可以盡情滿足一番！陶源酒家嘅大閘蟹放題好值得推介！2小時任點任食，有多款主食同甜品。主角大閘蟹有三種製法選擇：清蒸、太雕蒸、油鹽焗，清蒸原汁原味；太雕蒸就連蟹肉都滲入酒香，更顯出蟹肉嘅鮮甜；油鹽焗最香口，蟹肉都更緊緻彈牙。原本以為9月中啲蟹仲未養肥，原來都隻隻爆膏嘅程度，非常滿意！蟹黃起沙又香口，蟹膏黏口綿密，每次打開蟹蓋都有中獎嘅感覺，啖啖回味😋除左大閘蟹，呢度嘅片皮鴨都好有質素，皮脆肉滑，油脂豐腴✨每客仲有一份特盛三式：～鮑汁扣原隻鮑魚伴百靈菇 - 肉厚彈牙，汁底調味濃郁～金湯小米燴遼參 - 湯底鮮味濃郁，小米吸收晒精華，而且牛肉好有口感，加埋遼參就更矜貴。～蟹粉扒豆苗 - 滿滿嘅蟹粉鋪滿幼嫩爽口豆苗，清新味蕾。另外仲有多款熱食(海蝦、雞翼、糯米飯)、薑茶、甜品任飲任食，不得不提上蟹上菜速度快，服務員好殷勤幫我哋倒蟹殼同落單，又唔限住每round最多落幾多隻蟹，一啲都唔小氣😚 最後我地一共食左27隻🦀!! 戰鬥力驚人🤣黎緊啲蟹越黎越肥，睇黎都要再食多round🤭✨

🇭🇰陶源酒家｜鮑魚專門店📍 LG1/F, East Ocean Centre, 98 Granville Road, Tsim Sha Tsui陶源酒家，一家專營鮑魚的餐廳。這家餐廳成立於 2002 年，以其使用高品質食材的招牌菜肴而聞名，如鮑魚、海參、鮮活海鮮和燕窩等。在中秋節期間，推出大閘蟹放題。可以在兩小時內盡情享用大閘蟹和片皮鴨，而且還附送特盛三式蟹粉小籠包和花雕熟醉蟹一隻。此外，每位客人還可以享受特盛三色菜，包括鮑汁扣原隻鮑魚、金湯小米燴遮蔘和蟹粉扒豆苗等。另外，餐廳還提供多款不同的小食供您選擇。至於蟹的烹飪方式，餐廳提供三種做法：清蒸、太雕和鹽焗。性價比相當高，適合想體驗大閘蟹嘅朋友。最後，陶源酒家的甜點選擇相當豐富，有楊枝甘露和紅棗糕(仲有壽包！）

大閘蟹放題($528)✨話咁快又到食大閘蟹嘅季節啦😝，繼上年之後又帶咗細佬去試另一間酒樓嘅大閘蟹放題🤓。今次除咗有大閘蟹之外仲有北京片皮鴨🦆同其他小菜甜品仼食🤤。另外每人仲有鮑汁扣原隻鮑魚伴百靈菇，金湯小米燴遼參同蟹粉扒豆苗各一份😎。我個人就最鍾意金湯小米燴遼參，有少少南瓜湯嘅感覺😂，幾好飲。首先講下大閘蟹🦀先啦，會有三款分別係清蒸、太鵰蒸同油鹽焗。太鵰蒸係凍食❄️嘅，開頭黎個陣都有d驚訝😮，不過凍都唔洗驚會腥。我地最鍾意就係清蒸，最食到大閘蟹嘅鮮味👍🏻，岩岩蒸出黎熱辣辣就最正🤓。另外片皮鴨🦆都係即切嘅，唔夠可以出去攞😙。少部份嘅小菜同甜品都放咗喺出面可以自己去拎，而其他就可以係紙到揀選📝，我自己都叫咗少少包點小菜同甜品🧁，咁就唔洗淨係食海鮮同肉咁dry啦haha🤪。

秋天又差唔多到（雖然仲係好熱），但係已經到咗大閘蟹當做嘅季節！所謂不時不食，為食嘅我當然唔可以錯過！呢間桃園酒家在旺角、觀塘、荃灣、尖沙咀都有分店，今次來到尖沙咀分店，一試兩小時任點大閘蟹放題套餐（$528，未計加一、茶介），聽到隔籬枱四個人食咗80隻🦀️！😨回本回本▫️▫️▫️▫️▫️▫️▫️▫️▫️▫️🦆片皮鴨（任點）🦆首先 上了一碟熱辣辣嘅片皮鴨，皮脆柔嫩，配上大蔥甜醬黃瓜🥒清新得很，只吃一輪意猶未盡，我們都refil了一次呢！🦀️大閘蟹🦀️·清蒸蟹·花雕蟹·油鹽蟹三種各有千秋！清蒸常吃到，蟹肉十分新鮮，實在是當做，簡簡單單清蒸亦不失色，一剝開，蟹膏立即溢出，相當吸引；花雕蟹第一次食，冰冰涼涼的吃法很特別，而花雕的味道滲透蟹肉，蟹膏則凝固成一塊塊，別有一番風味；油鹽蟹也相當惹味，很中式的煮法！🐟鮑魚每人一客、遼參羹粥、蟹粉扒豆苗 套餐已經包咗，不需要額外加錢！鮑魚好淋又入味，食得出用料上乘；遼參羹粥絕對叫人驚喜，南瓜味突出，入口滑溜，亦不乏遼參海鮮味！質素亮眼！🥒小食以及其他熟食（任點）🥒·乾扁四季豆·炸豆腐·椒鹽蝦·豬扒·手拍青瓜·奶黃包 、芝麻包選擇都幾多，質素都唔錯，例如炸豆腐，熱辣辣炸起，豆腐豆味