隨心 (已搬遷) 新店位置

上次朋友聚會黎食過覺得D野都幾好食咁啱今日見完客路過就入去食個TEA啦下午茶都幾多選擇, 出名既咖央多士就當然有啦仲有煎墨魚餅、串燒、黑蘿蔔糕、喇沙同其他飯類等等咁就揀左墨魚餅喇沙啦墨魚餅幾彈牙, 仲食到粒粒墨魚肉添用料都幾足, 因為唔會有個種食落去成口粉既感覺喇沙湯式有明顯椰汁香味, 質感順滑濃郁, 唔錯油麵同粉絲既比例啱啱好, 一啖粉麵一啖湯咁食, 簡單而滋味食食下見到隔離枱叫左黑蘿蔔糕都勁香勁吸引最衰我要留肚食晚餐, 如果唔係真係想叫一碟黎試下!!

如果要講鰂魚涌最好食嘅餐廳，隨心海南雞飯一定係其中一間。基本上每一日嘅lunchtime都一定坐爆曬，諗都唔使諗，所以我今日揀咗下午茶時間嚟，唔使等位之餘，平均每個返平成$20，非常抵食。同其他海南雞飯嘅餐廳唔同，呢度嘅海南雞可以配搭叻沙，唔使次次都食飯咁寡坐咗5分鐘都唔夠就送咗上台，講一講啲雞先，啲雞冇啫喱，食落去爽口有雞味，雞翼同雞皮冇分離，雞皮嘅表面都好完整，證明師傅處理得當，加埋果三個醬汁溝埋一齊食好食再講一講個喇沙，除咗喇沙湯底之外，仲搭兩舊豆粕同兩條菜，完全冇Hea你加埋跟餐罐可樂買單至$58，讚

鰂魚涌海光街一帶有好多餐廳，新加坡+馬拉菜都已經有幾間，之前試過小娘惹，今次就試下呢間店舖較大既隨心海鮮喇沙湯底是偏橙色的那種，味道夠濃亦都有椰香味，餸就有蝦，帶子，魚片，豆腐卜，蟹柳，芽菜，都幾豐富，摻摻換上米粉+檬粉感覺，同平時既油麵+米粉更加爽口彈牙，不錯新加坡炒貴刁好有鑊氣既炒貴刁，真係好香，用上河粉+油麵，出黎既效果又幾夾喎，加埋臘腸，黑豉油一齊炒，成碟都好惹味檸檬薏米水食完d咁濃味既野，飲返杯檸檬薏米水正好解左個濃味同油膩感，味道唔太甜，飲完好舒服

對於我來講，點樣界別一間正宗的新加坡餐廳呢，就係食佢個海南雞飯，如果個飯正，我先會特別推薦。今日就真係來到鰂魚涌呢間隨心，食佢個海南雞飯。我們是下午茶時間過來，因為有些茶餐好抵又好味。我們都分別點了兩份無骨海南雞飯，飯是正宗黃油飯，好香好有味，超正。而個雞是切好一塊塊，size剛剛好一口食曬，再配上飯真係好好味。我們再點了一份沙爹串燒，總共有4串，是雞和牛肉串燒配花生醬，口感香而不膩，我們還點了珈央多士同煎墨魚餅，咖央多士做得十分香脆，而我更是鍾意個煎墨魚餅，好香好爽口彈牙。原來每個餐都配野飲，食飽飽再配多杯紅棗茶/生薑茶慢慢嘆，真係又舒適又滿足。

因為做嘢所以遲咗食嘢，唔想咁無新意成日都係西日韓泰？我地就揀咗呢間星馬菜，好耐都無食過新加坡嘢啦。我就揀咗新加坡炒貴刁，朋友就揀咗古方馬來燒雞飯。炒貴刁係我每次食新加坡嘢必點菜式！夠新加坡特色。佢呢度真係傳統果種，唔係港式。鹹甜味出帶香辣，配料包括蝦仁、臘腸、芽菜、魚片等。食落好香口，炒得亦夠鑊氣。朋友嘅馬來燒雞飯我都有試食，燒雞係用雞扒，燒得雞皮好香脆，肉質嫩滑。兩個餐都係五十幾蚊，送埋飲品、飲品選擇都幾多。天時凍，我揀咗熱生薑茶，朋友揀咗熱紅棗茶兩個都好養生。

係香港真係難得搵到間好食嘅星馬菜，見依間都幾多推介，一於試下佢！一打開menu選擇都幾多，而且價錢都算幾平。黎之前已經諗住一定要食喇沙，款式都多。最後嗌左海南雞喇沙！海南雞好滑，喇沙麵底係米粉同瀨粉，配搭幾新穎！但口感幾好，一個爽口一個軟身。湯底夠哂濃，椰香味道重！正。另外仲叫左個新加坡肉骨茶，香港真係冇乜機會試到肉骨茶，入面有白胡椒、大蒜、冬瓜同白蘿蔔！胡椒味好勁！撈埋飯食應該會仲正。最後仲叫咗個黑蘿蔔糕，之前有個新加坡個朋友都有特登介紹依道菜俾我話係必試！用左黑甜醬油去炒，食落甜甜鹹鹹咁好得意，有別於普通炒蘿蔔糕，幾正！總括黎講依間都無令我失望，終於搵到地方食星馬菜！

放工去咗鰂魚涌搵朋友食晚餐，因為要就返佢喺附近返工。一向以為鰂魚涌無乜餐廳可以食飯，不過佢話原來都有好多唔同類型嘅餐廳，西餐、日本菜、中式都有選擇。佢最尾推介隨心，佢話佢平時都會去食晏，味道好價錢又唔貴。點咗幾個小菜share嚟食，啫啫芥蘭、麥皮蝦、胡椒味肉骨茶、炒貴刁。炒貴刁鑊氣好夠，一攞到埋枱已經聞到好香，配料好豐富，D蝦都好大隻，味道濃郁，好食。啫啫芥蘭多算嫩，唔會有菜渣，煲仔上熱辣辣，夠香味，好正。胡椒味肉骨茶都幾重胡椒味，不過唔會辣，好香，排骨上面嘅肉好腍，一咬就甩咗出嚟。下次要再嚟，味道真係唔錯，菜式選擇又多。

最近都留在家中工作, 多左係屋企食飯12點幾係屋企食完飯, 去到3點幾有少少肚餓, 就落街食左個tea啦去左樓下一間叫隨心既新加坡餐廳叫左個咖央多士一般黎講咖央多士係啡啡地色既醬既佢呢度係加左斑蘭葉, 變成係淺綠色我個人黎講幾鐘意食斑蘭味既食物, 呢個多士真係合哂我心意斑蘭醬唔會太甜, 帶有微微椰香同埋斑蘭味既獨特香味多士夠哂脆口, 同埋溫度係熱既, 食落就更加滋味啦見到隔離枱有人食喇沙同埋海南雞飯望落都幾吸引, 海南雞睇落幾滑漏, 喇沙都好惹味咁同埋勁足料聽晚捉老媽子落黎食飯試試晚市先

之前食過呢度嘅喇沙，今次就想試下佢嘅海南雞。用一個竹籃裝住，幾靚，有啲似台式餐廳。我食海南雞都好睇重啲飯架。呢度嘅飯都煮得唔錯，唔會煮得太淋或者太濕，米飯幾鬆軟。海南雞肉嫩滑軟淋，好味。醬汁都唔錯嘅。配菜會有木耳絲，增加口感。我地仲叫多咗份沙嗲串燒，有六串咁多，我地揀咗豬和雞雙拼。沙嗲醬好有特色，面頭仲有啲花生，仲神奇嘅係醬汁係熱嘅！好正！之後仲叫咗一個新加坡肉骨茶（比較偏胡椒味），以前我就一直唔鐘意肉骨茶，覺得味道好怪，好重藥材味，不過試咗呢度嘅肉骨茶先發現原來唔係肉骨茶唔好飲，係有啲餐廳嘅肉骨茶唔好飲姐。飲落好正，配料又多，撈埋飯食更正。

隨心鰂魚涌海光街12號地舖今日同左女朋友去左大潭水塘行山，落返黎既終點站就係鰂魚涌啦，平時真係無咩機會黎呢區，所以大家都唔熟，唯有隨便係附近行下，睇下有d咩小店吸引既就試下啦最後揀左呢間標榜食海南雞飯同埋喇沙既餐廳，感覺都好舒適，我地2點鬆d黎到唔多人，坐得好鬆動午餐同下午茶既選擇唔算多，但最出名既招牌菜海南雞飯同埋喇沙都有啦呢個炒得好惹味夠晒鑊氣，仲有3隻大蝦喇沙既湯底都好濃郁，配埋雞蛋，芽菜，豆卜夠晒正宗而個蛋餃子就第一次食幾得意，不過都係鐘意傳統嘅餃子多D

去鰂魚涌搵朋友 順便跟佢搵食佢知我鍾意食喇沙 帶咗我嚟呢間街坊小店佢話呢度湯底出色 幾乎每枱客人都會叫-#新加坡肉骨茶(一位 $48)肉骨茶有兩種口味 馬來西亞🇲🇾係藥膳風格 呢個新加坡🇸🇬版本 用白胡椒粒調味 味道微辣 可以驅寒 腩排肉煮得腍 白蘿蔔味道清甜 作為前菜 份量剛剛好-#蝶豆花熱飲 ($28)Home Office咗成個月 個人越嚟越頹廢嚟一杯碟豆花熱飲美顏蝶豆花本身冇味 熱飲底部加咗極少量桂花蜜用嚟提味飲之前記得用茶匙攪勻-#黑蘿蔔糕 ($48)細個去飲茶 成日食煎蘿蔔糕 覺得好悶之但係將蘿蔔糕切粒 再用黑豉油炒勻 加埋蛋花咁嘅食法又唔同一啖一粒 如果加埋菜甫 增強口感同味道嘅層次咁就完美-#帆立貝喇沙 ($88)主角帆立貝 有三粒咁多 粒粒肥美厚實喇沙棄用傳統嘅油麵米粉組合 取而代之 係檬粉加米粉傳統喇沙配料應有盡有 豆腐卜 切蛋 魚片 白魚蛋 蟹柳等等湯底亦好飲 椰味清淡香滑 不經不覺 飲咗半碗湯-#新加坡炒貴刁 ($78)原先唔係好明點解叫新加坡炒貴刁 望吓材料 開始理解貴刁加咗油麵嚟炒 仲有臘腸 白魚片 韭菜

🍴自製魚片頭喇沙 68 蚊🐟首先個喇沙湯底 好香滑 花生味香 帶有少少辣 魚片頭厚身彈牙 夠 juicy同魚味 豆卜 都好有口感 夠 juicy盡吸湯汁。 👍🏻 麵係 chumchum油麵夠爽 加左 d軟林既米粉 連埋芽菜好爽口 🍜好味🍴隨心海南雞飯 70 蚊冇骨 🐥海南雞個皮好爽彈 雞肉夠嫩 點下 海南雞醬 薑 辣醬 甜豉油都好正 飯係黃飯 夠油香。 仲有爽口既木耳撈埋飯都好好味 正#海南雞 #海南雞飯 #魚片頭 #豆卜 #米粉 #油麵 #喇沙 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#隨心華人喇沙海南雞 鰂魚涌海光街12 號~~~~~~~~~~~~

因為怕上火，所以點左海南雞飯。我個餐晚市黎講算係有點細份，個湯好搞笑地用杯裝。同事點左海鮮喇沙睇落好豐富好靚。可能因為無咩人，服務很好，我們坐甘耐一直來來回回係甘加水。

💭 “With your mind” - a Singaporean/Malaysian restaurant with a nice name. It offers distinctive foods for the traditional characteristics.We ordered two standard Singaporean dishes - Hainan Boneless Chicken Rice (無骨海南雞飯) and Char Kway Teow (新加坡炒貴刁). They were delicious and the chicken didn’t too oily. Char Kway Teow which combined with different noodles was done to a turn 🔥. They were tasty foods with fair price (under $100 per person) 👍.

今日一行四人又係搵餐廳食午餐，平時隨心門口好多人，可能今日太早冇咩人直接入去有位。入面都好寬敞座位都幾舒服。午餐Menu都有好多款可以選擇，仲跟埋免費餐飲今日我自己同另一位同事叫咗海南雞飯，啲雞好滑不過完全無味😣但係個湯好飲有一個同事就叫左呢個蔥油大蝦撈麵，外表就好似一個西餐，但係完全冇汁好似麻油撈麵，完全冇味朋友話食得好辛苦😖我另外一個同事就食墨魚餅喇沙，佢話個湯OK但係墨魚餅差每個餐都可以跟一杯冰茶免費嘅，今日係檸檬冰茶但係又係冇乜味嘅😣