隨心 (已搬遷) 新店位置

早幾日黎食過佢既海南雞飯真係幾唔錯喎雞肉肉質嫩滑, 係間中有兩件係比較鞋口左少少雞皮夠薄, 唔會好厚身有種反胃既感覺而且雞肉唔會有太多肥膏係度, 確實唔錯點埋佢提供既醬汁一齊食真係好好食而佢個油飯都好好味既, 我個人口味黎講鐘意乾身啲油飯都充滿雞肉既香味, 配上出色既雞肉, 真係無可挑剔朋友就唔太肚餓, 叫左下午茶個咖央多士食咖央醬落得重手, 朋友話份多士係熱辣辣即叫即做甜度適中帶有香濃椰香味, 佢都食到讚不絕口

從未踏足過鰂魚涌的土地，今次嚟個香港深度遊。去探索下呢個區域嘅美食，我地見到呢間就覺得唔錯，記得呢間仲上過電視，都幾出名。我就點咗日本帆立貝喇沙，喇沙湯底好鮮濃，加上大大隻嘅帆立貝，更顯鮮美，麵嘅口感彈牙，分量都幾多。大大碗好足料。朋友點咗新加坡炒貴刁，炒得好香口，香味四溢，驚喜嘅係佢唔係只得河粉，仲有油麵，朋友笑說係唔夠河粉，攞油麵湊數，但其實兩種麵嘅搭配，增加咗口感嘅層次，其中蝦仁都係採用鮮蝦，大大隻，啖啖都係濃郁嘅黑豉油味。

隨心不是講笑行完柏架山就一行七人去食晚飯，鰂魚涌的晚上有點靜，友人帶我們由原本食咖哩轉到食新加坡菜...因為咖哩好多人排隊😭😭可惜可惜！食物照拍了一點，還有喇沙麵和豬頸肉都不想影啦，因為灰到我作吧！話說食飯上菜特快，去完個廁所食物差不多已經到齊。可能現時環境客人不多，理應食物製作應該多用心，或許店員心情被影響，工作都不愉快，食物質素反映出來🤷🏻‍♀️點評一下，肉骨茶不太熱，似已經煮好再番熱，茶正常味道不錯可選擇，豬頸肉不過不失，同樣不太熱，微溫，重點無骨海南雞飯幾滿意，只是懷疑雞是否凍食，飯亦是同一問題，微溫😭，食到2/3食出小石塊😱😰真的o晒嘴，店員拿入去和廚房對話，最後比我選擇食多個還是取消這個飯，取消算了，叫我再食也不敢😞.啫啫芥蘭😋😋😋無骨海南雞飯（加$10轉髀）😋😋😋😰馬來西亞肉骨茶😋😋豬頸肉😋😋（不太喜歡個汁）古方馬來燒雞飯😋😋😋

前幾日見到人地推介呢間地道星馬泰餐廳嘅喇沙好好味，先發覺原來自己好耐冇食喇沙啦🙈之後夜晚就去鰂魚涌食呢間野，本身聽到個餐廳名覺得好似好普通，食完佢呢度嘅喇沙真係覺得佢值得比更多人知🌟！海鮮喇沙 $85有蝦、帶子、蟹棒同魚片頭等嘅配料，完全冇腥味同沙，十分新鮮👌🏻個湯係重點，好惹味濃郁嘅喇沙湯底🤩🤩而且好香椰汁加香料味道，仲要d麵索曬d汁，最後我飲曬d湯🥰-話梅豬軟骨煲 $98個汁酸酸甜甜好開胃啊😝而且個豬軟骨煲到勁淋，仲要索曬d汁，好入味！-巴東牛肋條 $98肉質好正，一層筋膜一層肉，唔會鞋，而且用足心機時間醃，好入味😋分量夠晒多，兩個人都夠食有得突🙈-燒豬頸肉 $48個豬頸肉唔算燒得好脆，感覺上相對健康，不過佢個汁真係好特別，係酸酸甜甜嘅柚子醬！第一次試呢個配搭，又真係好正😍

W I T H Y O U R M I N D 隨 心𓉬 ◞ 𓉬 ◞ 𓉬 Large variety Malaysian cuisine! 食物款色超多嘅馬拉餐廳This Malaysian resto offers a large variety of Malaysian food like Laksa, Hai Nam chicken rice, Bak Kut Teh, fried Kuey Teow, etc.I partially enjoyed the Laksa & black radish cake. The Laksa came with generous amount of different ingredients including scallops & prawns. The soup was thick & rich, with a bit of spiciness. Every single black radish cake was coated with fried egg, making them even tastier! ✄ -

小食拼盤 $68對兩個女仔黎講呢份二人份量拼盤幾大。拼盤包括附有花生醬既黃金豆腐、囉喏沙律即係菠蘿加蘋果、雞絲海蜇及舖滿話梅粉既番石榴，食落酸酸甜甜，十分開胃。🦐海鮮喇沙 $85足料，有兩隻蝦、魚片、豆卜、半隻蛋同一隻帶子。湯底味道濃郁，好香椰子味，麵既份量適中。🍲炒貴刁 $78份量大，有兩種麵抄埋一齊，而料有魚片同臘腸，食落唔會重味精，唔油膩。◻️秋葵濃湯豆腐 $78秋葵通便便首選，女仔最愛。濃濃雞湯味，仲有滑滑既豆腐☺️

香港真係好少搵到有肉骨茶嘅餐廳🧐所以嗰日見到鰂魚涌呢間隨心有得食😊就揀咗佢.新加坡肉骨茶(位)🇸🇬材料有大蒜🧄冬瓜同白蘿蔔🥕主要以白胡椒調味，胡椒味非常濃郁，味道微辣🌶 腩排肉質軟腍，點埋辣椒黑醬油食，幾好味😋.馬來西亞肉骨茶(位)🇲🇾聞落好大浸藥材味，因為當中加入左冬菇、玉竹、黨參、當歸、紅棗、甘草以及胡椒粒烹調🔥味道係濃烈嘅藥膳味，但唔係苦嗰種☺️將油炸鬼浸一浸落湯食，好正宗👍🏻.海鮮喇沙🍜喇沙麵底係由米粉同賴粉兩款組成，所以可以一次過食到 2 種口感😆喇沙湯底聞落好香💨飲落椰味頗香帶淡淡花生味🥜而且有微微嘅辣味，質感滑順😜而配料方面有帆立貝、蟹柳、魚片、豆卜、芽菜、蝦🦐蛋🥚帆立貝肥美厚實😉魚片爽口彈牙🤤.燒海南雞飯🍱雞件外皮香脆，肉質嫩滑🐓點埋泰式辣醬就更好味😌旁邊嘅雲耳絲酸酸哋好開胃😛.椰香咖啡🥥☕️將表面嘅椰漿撈混，咖啡帶淡淡嘅椰子味😉.檸檬香茅花茶🌸香茅味香濃，拮一拮檸檬🍋令花茶更清新

呢幾日好想食新加坡喇沙本身諗住去超級市場買嚟自己整點知有冇得買上網搵下有咩地方食有一間喺鰂魚涌地鐵站附近就決定去試下入到去見到都幾整潔店員都好親切仲有好多唔同野食打開menu見到有肉骨茶原來肉骨茶有分馬來西亞同新加坡我揀左馬來西亞藥材為主。。可以補一補勁足料既肉骨茶海鮮喇沙湯底超濃郁😍😍😍咖椰多士 D醬勁多👍超推介佢個炸香蕉外脆内軟。又甜佢個海南雞飯。 啖啖肉😃仲點咗荷葉雞同埋沙爹串燒

享受兩人的晚餐時間，是彼此美好的回憶！ 間中食到某種特色食物也會聯想到某地方，某段旅程🛣-今晚到了主要為新加坡菜的隨心🧡已被這名字吸引💕 環境也十分寛闊！ 不會有壓迫的感覺呢🤎-食物方面也充滿驚喜🌟特別推薦小食併盤（2人份），入面分別有黃金豆腐、囉喏沙律、雞絲海蜇、話梅番石榴每一樣食物也配上特吃醬汁，讓我回憶起東南亞旅行的風味～🎋而且食物份量剛好， 入面有水果🥭，豆腐等，好開胃！ 🤩-想起新加坡🇸🇬， 一定想起食肉骨茶，點了胡椒味🧂，味道容易入口，濃濃的胡椒味也好暖胃呢，也有醬汁配上排骨食😋😋如果第一次試，建議叫一位用 品嚐一下呢！ -主食方面分別叫了隨心海南雞飯同蔥油大蝦撈粗🍝🍛隨心海南雞飯配搭醬汁，重點是雞似不會硬；也有豐富的雞肉味！ 蔥油大蝦撈粗🍤也不會太油呢！ 如果喜歡麵食的要試呀！ -現時餐廳也十分貼心，每桌子有消毒噴霧讓顧客使用💧讓大家進食時也安心一點！💙-如果大家也喜歡東南亞風味，要約埋朋友去試下呢！ 而且價錢也十分相宜呀💕📍 隨心：鰂魚涌海光街12號地舖

It’s very hard to find a place to drink “Bak Kut Teh” (pork rib dish cooked in broth) in Hong Kong, you can choose Singaporean or Malaysian style here. We chose Malaysian style as it got strong herbal taste, of you prefer stronger black pepper taste, you should choose Singaporean style. The bak kut teh is quite nice, a pot is good for sharing. Hanan style chicken is also nice and it serve without bone. It’s convenient for me to eat =] White pepper tiger prawn is great in size. It’s quite juicy.

本身諗住午餐過隔離小娘惹，點知小娘惹星期六唔開，搜附近見到依間，好評好似幾多，就成班人一齊嚟試試。話晒太古坊附近，都預咗會貴，坐低後自己叫咗食評推介據講好有鍋氣既新加坡炒貴刁，同行叫咗喇沙。先評論貴刁，我成碟食晒，純粹係因為我唔揀食，同埋78蚊+10%唔捨得浪費。依隻貴刁比河粉闊，厚身，更有韌性，但唔差，唔會好粉好實，就炒野嚟講唔差。重點嚟啦，碟貴刁有5，6塊臘腸，而d臘腸係唔好食既；又有d洗到脆既蝦仁，個人好憎食依隻蝦，但我知坊間多數中意落太白粉洗，d蝦完全無味，同d炒過既貴刁好唔夾；又有d魚片，切到薄薄地，好普通，又係同炒過既貴刁好唔夾，好彩得兩塊。碟貴刁食到最尾都幾膩，仲有！個竹碟甩毛，有條竹絲插咗入牙肉搞到我牙肉發炎。再講加個2蚊既杞子雞湯，其實即係海南雞會跟既湯，飲多兩啖都係唔掂。而且係茶杯装，仲衰過跟海南雞😂再講個喇沙，80蚊+10%，椰子湯底，入口小小辣，我係面頭舀咗羹都食到唔知椰子定香茅渣。第一啖係幾香濃，但飲完無餘韻，仲有d水味。至於個米粉……眼望都係普通米粉。朋友話唔好食，差過隔離小娘惹（利申無食過小娘惹，唔係做廣告）。唔知openrice咁多好評點得嚟，d嘢係勉強

【鰂魚涌親民星馬菜😍】。♦️相宜價錢，配上高質菜式，就係我今日想介紹嘅一間🇸🇬🇲🇾菜　—　隨心。🥣新加坡肉骨茶 $98 - 原來馬拉版係藥材味，而新加坡版係胡椒味，唔係佢餐牌介紹我真係唔知🤔咁我係鍾意胡椒味嘅😛侍應姐姐仲好好人會幫你分，大大窩有三大舊豬骨，味道正宗，無味精感，性價比不俗👍🏻。🍜海南雞喇沙 $80 - 喇沙主要係個湯分高下，而呢間個湯係算出色🤓椰香味極重，微辣（唔係澳門果個）😎絕對開胃～海南雞味道同份量都係中上水平，值得一試～。🐥麥片雞 $78 - 呢個夠特別真係第一次見🙉佢係炸雞得嚟外面用麥片去鋪，成件事係咸咸甜甜香香脆脆咁，夠晒特別，仲要好食😆。🍳黑蘿蔔糕 $48 - 其實啫係XO醬蘿蔔糕，但做到不慍不火，調味適中，中間仲有雞蛋咁，不錯不錯👍🏻。♦️總結返我覺得佢係一間性價比唔錯，味道中上，服務又好嘅🇸🇬🇲🇾菜好選擇，附近住嘅或者返工嘅快啲去試下！！

今日繼續係home office既日子, 兩點幾終於feel到肚餓就落街食個飯啦無返公司一排有點掛住海南雞飯, 落街打個轉見到呢間叫「隨心」既星馬菜餐廳有海南雞飯食諗都唔洗諗就入左去坐低啦海南雞飯份量都唔細雞肉係去左骨既, 食落肉質嫩滑兼食到微微既椰香(定係斑蘭葉味?)點埋醬汁食都幾惹味, 特別係個辣醬, 一定要試下!!雞皮薄薄地, 肉身無乜脂肪, 連皮食都唔會有反胃既感覺油飯帶有濃濃既香味, 食落唔會油膩, 同海南雞意外地夾喎為食既我食完個飯又心思思想食甜品忍唔住叫多份咖央多士咖央多士熱辣辣, 入面個咖央醬令人一望心動食落甜度唔會過份得令人牙痛, 香濃既椰味令人忍唔住一啖接一啖咁食完美既午餐劃上完美既句號。

本身我哋嗰日係諗好咗想係屋企煮嘢食架 但係因為我要OT放工之後已經七點幾八點😭再煮嘢食就會太夜 所以我哋就嚟咗呢間餐廳度食 不過太夜所以海南雞飯賣晒😭無得試佢既招牌 唯有下次再試啦😤·新加坡炒貴刁 $78呢個超級驚喜 如果唔係海南雞飯賣曬 個店員推介我地試下呢個 我地應該唔會嗌黎試🤭佢係每一條粉都索曬汁 個汁唔會就咁得豉油味 係甜甜地又辣辣地 超過癮😍😍而且佢D料都幾多 仲要都幾好食 唔錯唔錯🤤·海蜇雞絲沙律 $38呢個CP值高到不得了 佢超大兜 而且好多雞絲🤤🤤佢個沙律唔係用芝麻醬既 係一個淡淡地有鹽味既醬 清清地咁樣超開胃😎·新加坡肉骨茶 $48任何時候都feel like飲D滋補野🥰呢個入口都幾舒服 胡椒味都濃既 但係就少D層次感 但係飲落都唔錯既🥳值得一讚係佢個排骨 真係一咬就離骨 唔會煮到柴曬😍😍·#rbyeat#rby東南亞菜#rby鰂魚涌·📍鰂魚涌海光街12號地舖

海光街呢到每逢中午時間都會好多人 可以話每間餐廳門口都會人山人海 而且呢一間隨心就更加多人 可能因為附近有好多商業大廈 如果唔想同人地迫的話 或者等咁耐 就要download定app去拎位啦 我地蠢左 無拎到 結果都等左廿分鐘左右一入座就見到好多人叫喇沙同埋海南雞呢兩樣新加坡特色菜 所以我都叫左一碗牛肋條喇沙 而我朋友就叫左一碗海鮮喇沙 跟餐佢會有一杯冰茶 牛肋條叻沙 $78牛肋條叻沙 除左牛肉佢仲會有d魚片同埋蛋 個湯底食起上黎都好濃味 有好香既椰奶味 而且辣辣地幾開胃 至於d牛肋條就炆得好腍好入味overall黎講 唔錯 價錢又幾ok 以商業區黎計海鮮喇沙 $80另一碗叻沙睇相就知好多餸 佢有蟹柳 帆立貝 蝦同埋蛋 蝦都算新鮮 唔會話d蝦肉梅哂唯一唔太好既地方就係好多人 等位時間長同埋有交枱既壓力 如果想食得輕鬆d 可能其他時段黎食會好d