隨心 (已搬遷) 新店位置

個雞胸又唔滑。。。。。。。。要點好多醬先放得落口。雞如其名真係隨心過求其。沙喇都ok 但都補償唔個海南雞嘅普通遍差。好似用滾水淥啲雞肉咁淡而無味，賣相更市井，一個下午茶收午餐價錢但醫院質素。。。。。。。。。。。。我一路食住難食嘅雞肉一路寫呢遍食評真係好很慘。。。。。。。。。。。如果我要食白洽雞胸我自己唔識整？未食過咁難食嘅海南雞，仲要咁貴。。。。。。。。。個雞皮都係鞋嘅，真係好難得。。。。。。。。。。。

2022-07-20獨自去偷食😝去鰂魚涌專程去接女朋友收工🥰早咗少少到，順手食埋個下午茶🫖就係附近行咗個圈🚶🏻見到好多餐廳都休息落咗場😅發現到間叫，隨心，華人喇沙，海南雞嘅餐廳個名好長🤣平日下午茶時段，人客唔算多，大約有四台💺店員安排我坐張四人枱😂下午茶好多選擇，有23款揀，包送熱飲😆我點了，無骨海南雞喇沙，62蚊碗，餐廳嘅招牌菜，海南雞係無骨，肉質都嫩滑，有三種醬料，分別係黑醬油，薑蓉，酸辣醬，可以一次過有三種口味，個人鐘意黑醬油，點雞食一流🐓麵底係用咗兩種粉麵，令到客人入口有不同口感 ，好香濃嘅喇沙，喇沙湯蓋整體唔會太鹹，仲有啖啖椰香，忍唔住飲哂成碗湯🍜整體環境坐得舒服😌價錢偏貴下午茶62蚊個餐，同午餐無分別🤣🤣味道係好食嘅，份量正常，經過可以試吓😁#隨心華人喇沙海南雞#隨心#無骨海南雞喇沙

餐廳地方都算幾寬躺，坐得舒服。星期六日及公眾假期有lunch set，價錢都幾親民 加兩蚊就有凍飲 。海南雞飯啲雞係冇骨嘅 食落就冇咁麻煩海南雞好香雞味 肉質鮮嫩 覺得個皮先係重點好香滑 又唔會過於油膩不過啲飯就偏硬 有啲失望 配菜嘅木耳絲同啲雞飯一齊食好夾另外跟餐有一個湯嘅 有啲似砂鍋雲吞雞嘅湯 好香濃 好飲到想就咁單點多碗湯飲🤣新加坡炒貴刁配料好豐富 啲蝦都好大隻 仲有臘腸之類整體黎講食落口唔算太油膩 不過不失凍檸檬薏米水咁熱嘅天氣飲番杯薏米水簡直一流好開胃好清新

隨心評分：🌕🌕🌕🌗🌑今日啱啱同同事係公司附近食新加坡菜，係一間叫隨心嘅餐廳，因為之前揀到coupon所以有折扣😆🫡朋友推介餐廳招牌菜係海南雞飯，咁就一於試吓啦！套餐包括雞湯，海南雞飯， 同埋加8蚊有特色飲品。咁我點左一杯凍薏米水，有驚喜，好大杯同埋係自製嘅，可以消暑，推薦推薦！另外試咗雞湯，味道都幾好， 不過份量略少少🤏🏻唔多夠喉🫣重點海南雞飯，估唔到咁大碟飯，海南雞係無骨，肉質都嫩滑，由於我都係選擇唔食雞皮，所以我唔識評論雞皮😂比起海南雞，我更鍾意個飯，平時只係食一啖飯，今次K.O.晒， 因為飯都幾足油香，就咁食都好好味😋所以整體是買折扣我都好滿意！

🍃馬來西亞肉骨茶（藥材味）$48超足料 勁濃郁！ 勁中意飲肉骨茶！ 入面有冬菇，玉竹，黨参，當歸，紅棗，甘草，胡椒粒等傳統馬來西亞肉骨菜材料 重要每一位都有一舊豬叻骨 食豬叻骨時 可以沾佢跟埋既豉油膏食 正🤤 重跟埋老油條比我地沾肉骨茶食 一碗份量都好多 建議大家都試試！ 🌱馬拉盞炒芥蘭超鮮甜！ 唔知師傅落左咩！ 個菜炒得好好食 勁鮮甜 唔會好油 又唔會好咸 個馬拉盞醬炒得岩岩好！ 🍚❤️‍🔥參巴醬炒飯參巴醬係東南亞好basic既一個醬 少少辣 好惹味！ 拎黎炒飯真係好吸引 就好似我地xo醬咁！ 呢個炒飯個名好似好普通咁 其實一d都唔簡單！ 有蝦 有海南雞 重有蘆筍片 炒蛋！ 我地重問佢地拎左d參巴醬黎沾住食！ 真係好正🤤🍜招牌海鮮喇沙 佢係傳統喇沙必備既米粉+瀨粉！ 同時食到2種口感！ 湯底濃郁 勁多料！ 魚片，蝦、蟹柳，蛋，豆卜，芽菜，帆立貝😍

親民價錢馬來西亞菜鰂魚涌太古坊附近一條街有幾多食肆 今次試咗其中一間馬來西亞菜小食拼盤份量都幾多 有泰式鳳爪 海蜇手撕雞 春捲 同埋泰式沙律 鳳爪偏甜 酸辣味比較輕 手撕雞味道唔錯 春捲炸得非常脆口泰式魚餅喇沙喇沙湯味道唔錯 米粉瀨粉兩溝 麵底煮得比較腍 其他餸都足料 有魚片頭 魚腐 半隻烚蛋 主角泰式魚餅辣味比較重海南雞飯油飯非常香口 可惜海南雞味道似白切雞 要靠點醬料提味呢一餐連埋加一 兩位盛惠$250 價錢尚可接受 下午茶時段會更加抵食

Besides “With your mind” is a romantic shop name, it also makes food that perfectly matched with you mind. I tried the Singapore Bak Kut Teh (Pepper) and the taste was spectacular! The seasoning was brilliant and the meat absorbed the essence of the soup. I drank a sip of the soup and I am already addicted! I also ordered a seafood Laksa and there were a lot of different kinds of ingredients. The scallop and the shrimp were my favourite! They were fresh and delicious. The Laksa was not too spicy

環境方面：４星餐廳里面的位置很寬敞，有卡位，坐得幾寬鬆闊落，可以一大群人一起聚餐，也可以一兩人獨自一桌。侍應都經常拎著抹布四處抹桌，衛生整理得不錯。而且，侍應的服務態度很好，會熱情介紹餐單上的食物。食物方面：沙爹串燒：４星４串串燒里有２串豬肉、２串雞肉，肉質細嫩不老，啖啖肉。最令我覺得有點小驚奇的是沙爹醬料不是平時泰國會加香茅、檸檬，或者鹹香果兩種，反而是花生味勁濃，非常香口惹味！娘惹咖哩海南雞飯：５星咖哩調味非常好味，用來下飯簡直是一流！海南雞全部都是雞腿雞翼的位置（我的最愛），雞肉同樣的滑嫩，仲吸埋香濃微辣的咖哩汁，令人食到唔停口！咖哩薄餅：５星薄餅皮薄酥香，完美吸晒咖哩的精華，配上厚厚濃郁的咖哩，咬落口口感煙韌軟糯，食得津津有味！讚呀！馬來西亞肉骨茶：５星肉骨茶的中藥味很濃郁，入口第一啖有點苦，但很快就回甘感覺到鲜美的味道。豬骨也熬得很入味，軟爛易咬，其他配料也和肉骨茶一起喝得乾乾淨淨！

過去鰂魚涌搵朋友，朋友推介左呢間位於鰂魚涌地鐵站對面嘅餐廳！呢間餐廳仲超有心思整咗啲立體畫俾客人打卡！店員仲話係搵彩繪師傅畫出嚟而唔係就咁貼上去！真係別有一番風味好似去咗旅行咁✨墨魚餅喇沙喇沙唔算極之辣而且好香奶味！墨魚餅食落都算真材實料，唔會好多粉！材料仲包括雞蛋，豆卜呢！嗰個麵底都係用咗兩種粉麵令到客人入口有不同口感！✨福建麵呢個麵真係好特別喺其他地方食唔到！用兩種麵底去炒成，好有鑊氣！仲有大蝦同埋好多魚片做餸呢！✨參巴蜜糖骨呢個價錢來講真係性價比超高！啖啖肉而且蜜糖味好重！啲肉質都算多汁而且軟林林！✨秋葵濃湯豆腐味道幾清新而且有住家嘅感覺！✨熱檸檬薏米水夠晒養生而且薏米好多好足料✨凍檸茶充滿港式風味甜酸度適中值得一讚就係感覺上呢間餐廳用料好天然，就算點左啲濃味嘅菜式返到屋企都冇口渴！果然係鰂魚涌街坊推介嘅必食店舖！

落鰂魚涌搵食要過左LunchTime最好～因為好多餐廳都係哂個2-3條街😅人又多逼到傻🥲今日去食新餐廳～食返碗喇沙先🤤🤤放心～帶埋你地😎自家製魚片頭喇沙+森巴雞翼椰香味同辣味好夾～兩種味道都算濃但唔會搶味～麵條用上兩款麵～類似米粉同油麵～加埋芽菜一齊食口感幾好～餸菜有魚片·片頭·豆腐卜😍全部好入味👍👍小編認為森巴雞翼幾抵叫～$18有三隻～唔細隻之餘仲要幾大隻下～香辣口味仲要唔錯🤤—————————————————☻非專業食評·純個人口味☻—————————————————📍總結:可以再去試下其他麵食～小編覺得唔錯環境幾舒服～唔會好逼咁～有時間去開鰂魚涌以又過左食飯時間不妨一試～因為係鰂魚涌lunchtime真係好多好多人😂😂

第二次幫襯呢間小店lu~上一次黎都年幾兩年前，當時食左海南雞，印象中大大份又唔貴，隔咁耐再幫襯發現都冇加過價，野食都係咁抵同埋都係好多選擇🤩馬來西亞肉骨茶（$98), 始終都係鍾情藥材味多於新加坡版嘅白胡椒味肉骨茶！豬肉有3-4舊大大舊，仲要係煮得好冧好入味，紅棗杞子大大粒，藥材非常足料。成碗湯份量比預期中多，兩個人都至少不左3-4碗，係令人好滿意同好養身嘅必嗌湯品，撈白飯食一流呀🤩順帶一提，白飯只係加10蚊，超抵！娘惹雞煲（$98例牌），例牌都好大兜好多雞🤩呢款娘惹食落帶微酸，寧舍開胃，雞件厚肉入味，咬落去啲汁甚至係咇出黎，忍唔住一舊接一舊狂掃呢間店啲店員超nice超有親和力，值得我下次放工再黎幫襯🤩

海光街里邊開咗好多唔同餐廳💞今日有小小想重口味，於是就入咗黎食喇沙😍😍睇menu已經流晒口水！！海鮮喇沙 $88有好多海鮮！有帆立貝，蝦2隻，蟹柳2條，魚片，蛋蛋，豆卜同芽菜！識食當然留番豆卜最尾食，可以吸哂啲湯🤣🤣🤣帆立貝，超鮮甜同勁大粒！！蟹柳都唔係cheap cheap野好食！不過最正，梗係個湯底啦！！勁香椰子味同有小小辣油吊起個味👍🏼👍🏼好正！佢麵仲要係傳統個啲，有米粉有油麵😍‼️好食，有唔同口感係度😆新加坡炒貴刁 $85一食落去好大甜鼓油味，好得意，同我想像嘅炒貴叼有分別，平時食開係咖哩味辣辣地，今次就好唔同，仲有甜甜地好啱食👍🏼入面有魚蛋片，臘腸，芽菜，蝦去炒嘅！另外貝好多人推介嘅黑蘿蔔糕 $48超特別‼️‼️‼️‼️好好食！都係用甜豉油去炒嘅蘿蔔糕！同我地見開好大分別！！入面仲落咗蛋去炒添呀🙏🏻好食！

午餐要$70-$92不等，包一杯特定餐飲，唔平，不過都試一試。🍴 新加坡炒貴刁 $85 (7/10)份量都多，入面有臘腸，雞蛋，魚片，芽菜，葱，三隻大蝦，河粉同油麵份量都好多，都幾得意有兩種麵，臘腸甜甜地，魚片彈牙，大蝦爽口，味道鹹鹹香香，甜甜哋唔會太油膩，香口嘅，略厭價錢貴左少少🤏🏻🍴是日餐飲 (6/10)唔知係咩嚟，但酸酸哋嘅茶，山楂茶？幾解膩。推薦指數: 7/10味道ok，炒嘢香口嘅但午餐價錢偏貴，要70,80蚊，未算經濟實惠。

📍［鰂魚涌｜隨心］鰂魚涌真係好多美食，下午茶黎到都有好多選擇，見到有間馬來西亞野就比佢吸引到。見到個menu下午茶都幾抵食，馬來西亞野必食海南雞飯，所以叫左個，雞好滑，點埋個醬汁送飯好正，飯好香椰子味同埋油香，個飯係幾出色，仲配埋係杞子雞湯，個湯好熱，食完個飯飲啖好似幫你去哂d油膩感咁。仲叫左雞絲貴叼，有啲似乾炒牛河但係雞絲，有河粉同油麵，都幾好食。煎墨魚餅+紫薯條，呢個幾出色，墨魚餅好食，似墨魚滑咁，薯條用新鮮薯仔黎炸，有黃色同紫色，兩款都好食。最後叫埋個小食併盤，都好抵食，有四款食物咁就可以每樣試下，而且都好特別，每款都有驚喜，未試過可以試下。🍱小食併盤（2人）$68🐔隨心無骨海南雞飯 $70🍝雞絲貴叼$45🦑墨魚餅+紫薯條 $38

🥢🥢好耐冇食海南雞，今晚經過鰂魚涌見到呢間出名食海南雞同喇沙嘅小店，即刻入去幫襯下先。🐔🐔兩個人叫咗半隻海南雞，一個油飯同埋一碗海鮮喇沙。海南雞唔算太肥，入口嫩滑，點埋啲醬料好味呀。另外好鍾意佢嘅油飯，入口比較乾身，唔會肥淋淋。🦐🦐海鮮喇沙好夠味，姐姐仲好細心，特別提醒我哋食咗喇沙先，唔會浸淋晒。海鮮都算足料，有大蝦、蟹柳、帶子，襯埋個湯底幾香口惹味。👍🏼👍🏼環境裝修都舒服企理，特別要讚一讚餐廳幾位侍應都好好禮貌，好親切。食飯途中都見有唔少外賣單，食物質素唔錯，絕對可以番兜呀。