隨心 (已搬遷) 新店位置

已經係第三四次食隨心上一次係外賣嘅，其實食啲嘢都係一樣：海南雞飯啲雞都幾多，而且好嫩滑，碗湯用個杯載着，好好飲。喇沙海鮮，面係正宗兩款摻摻，入邊有帆立貝、魚蛋、幾隻蝦、蟹柳、豆卜，店員仲溫馨提示我哋要快啲食，如果唔係啲湯會太濃。沙嗲豆腐，麻麻地，係凍既。一人份量胡椒湯，都幾好飲㗎。兩舊排骨。

香港人很喜歡食東南亞菜，包括泰國，馬來西亞及星加坡，海南雞，肉骨茶，喇沙湯到處都有得食，但各師各樣，甚麼水準都有。今天又食東南亞菜，沒有任何期望，只是喜歡就去食。🙃這裡名隨心，with your mind，好貼心的名字。餐廳很大很闊落，感覺舒適。點菜時看到旁邊有兩人叫海鮮喇沙，一於跟風，我點了海鮮喇沙，Honey點了無骨海南雞飯，又叫多一個肉骨茶試下。雖然說沒有期望，但我食野一向淹尖，總能分出高下。海鮮喇沙果然名不虛傳，大碗又好味，食材新鮮，魚片，帶子，鮮蝦毫不馬虎，米粉賴粉兩溝，少少辣，多多鮮香味，食到😋😋利。肉骨茶湯夠濃，湯料夠多，但味道稍甜，稍為失望。無骨海南雞飯就完全達標，雞肉爽滑夠味，份量足夠，加上鬆軟油飯，雲耳絲平衡葷素，Honey都食得滿意。👍

去開鰂魚涌，原來海光街係條食街，有好多不同類型嘅餐廳，今日就試呢間正宗馬來西亞餐廳，餐廳環境舒適，坐位闊落，我叫咗海鮮喇沙，檸檬薏米水，同埋咖喱雞翼。食物好快上枱，喇沙大大碗，有蝦，魚片，豆卜，蟹柳同埋帶子，湯底唔辣，啱晒我，有椰香味，蝦新鮮，得兩隻唔夠喉，魚片都彈牙，麵底係米粉，成碗食晒都唔會好飽肚，所以我就叫多個，咖喱雞翼。餐牌上係寫4隻，但黎到係一鍋咁上枱，食落味道唔差，雞翼好嫩滑，仲要係有4隻雞槌+4隻雞翼，足足有8隻，雞槌啖啖肉，$48抵食最後杯檸檬薏米水係低糖，飲落唔甜，仲有好多薏米，飲咗去水腫/去濕，係減肥恩物呢間餐廳仲有好多馬拉嘅好西，最好係約埋三五知己，可以叫多幾樣share食，下次再嚟必試海南雞，肉骨茶

還好吧，不過不失的一餐。 普通馬來西亞喇沙風味。 唔會太辣，但略微欠了點鮮味～ 難的入到黎鰂魚涌，都算值得一試。 下次就試其他店了。 或者可再試一次肉骨茶看看味道如何。 普通

個日咁啱有嘢做去鰂魚涌，朋友推介去海光街搵食，條街真係食街，有好多餐廳選擇，見到有間海南雞飯，好似唔錯就入咗去食。餐廳服務態度良好，職員好有耐性解釋同介紹啲食物，上菜速度非常快，落單五分鐘內就已經到齊。海鮮喇沙喇沙有豐富嘅材料，包括北寄貝、蝦、蟹柳、炸魚蛋、蛋、豆卜，湯底帶有濃厚嘅椰香，唔係好辣，米粉同瀨粉都煮得啱啱好，唔會好淋身。海南雞飯（轉薄餅）餐廳最出名嘅海南雞好滑身，食落去肉質鮮嫩，食得出係走地雞，夾埋三種不同醬料一齊食好高質。秋葵濃湯豆腐呢道菜好大碗，比想像中大好多，份量應該起碼有四五碗, 豆腐好多，全部切到適合入口size，第一次飲秋葵煲嘅湯，加左冬菜調味，味道非常濃厚，比想像中好飲。咖哩薄餅唔辣嘅咖喱充滿濃濃香氣，薄餅煎得金黃，咬落香脆，點咖喱食一流。熱檸檬薏米水、椰香咖啡飲品都唔錯，薏米水配熱檸檬好清新，薏米好多，椰香咖啡淡淡椰香，又夠大杯。總括而言，餐廳性價比高，係唔錯嘅選擇。

今日去鰂魚涌換領疫情前所得的禮物後，就順便在附近食過早晚餐。一切隨心就遇上主打新加坡菜的「隨心」。餐廳分兩區，有多張二至四人枱，仲有卡座，地方都幾大，感覺舒適。還有那張獅頭魚尾像相畫，噴出水泉，好有動感，靚！看看餐牌，分門別類，部分菜式還附有相片，相當清晰。分別有肉骨茶、海鮮類、肉類、雞煲、喇沙、飯類、明火炒粉麵、菜類、小食、飲品等等，選擇不少。我點了一客雞絲海蜇（$38），雞絲分量好足，配了一些爽滑的海蜇，特別之處不是拌入胡麻醬，而是芝麻油，滿有麻油香，好吃！愛吃菜的我揀了一碟炒雜菜（$62），有多款蔬菜，幾豐富，令我吃得滿足。分別有椰菜、西蘭花、椰菜花、粟米芯和甘荀，烹調合宜，保持爽口鮮嫩，以馬拉盞醬拌炒，味道鹹香，用來佐飯一流，但我一向少吃飯，哈！飯後水果，就吃一客水果囉喏沙律 （$38），以青蘋果、梨子和菠蘿三款酸咪咪的水果製成，再混入甜甜地的醬料和沙糖，灑了一些花生碎，酸酸甜甜，好有風味。不用傷腦筋，隨心也好，隨心也可遇上美食。

鰂魚涌Taikoo Place商厦林立，特多寫字樓，食肆自然也很多選擇，但是大都只能做早餐、午市和下午茶，情况和中環一樣。今日有些事去Quarry Bay 辦理，午膳時間去試下OpenRice多好評的食店試下，坐抵隨心，叫咗肉骨茶和海南雞套餐。🔹️海南雞飯👎碟油飯上時連去骨雞肉7，8件到，肥膏連皮和雞肉各一半，胸肉唉唉地，脾肉則嫩滑些但肥膏層太厚，天一半地一半，最终雞就食晒，油飯剩咗成半。成個餐，最好味係個杯仔裹的雞湯！🔸️肉骨茶👎肉骨茶偏甜，裹面有冬菰2個，紅棗2粒，一字腓2條和其他藥材，藥味冇乜，骨味冇乜，湯唔夠熱，和ssp的蘇媽相去甚遠，連餐白飯相對較硬和乾，只是微温。對我來說，没下次了。

一直都覺得喺鰂魚涌返工嘅人幾有口福，短短幾條街已經食肆林立，中法日韓台各樣俱備😋 今次嚟到食星馬菜嘅「隨心」，價錢公道又上菜快，份量飽肚，啱晒呢區嘅打工仔🍽《 隨心海南雞飯 》 $75 3.5 / 5喺呢度嘅招牌菜，見好多客都有叫到😎 無骨海南雞有齊雞髀同雞胸位，肉質嫩滑，仲可以點埋黑豉油、薑蓉、辣椒油一齊食👍🏻 油飯都頗香，係質感偏濕無個種飯粒分明嘅感覺🤏 不過份量多，仲有杯熱辣辣嘅杞子雞湯暖番胃👍🏻《 慢煮娘惹咖喱牛肉喇沙 》 $85 4 / 5好香濃嘅喇沙，慢煮牛肉厚實得黎入面係軟綿綿好入味🤤牛肉香料味重，不過喇沙湯蓋過咖哩味所以整體唔會太鹹，仲有啖啖椰香👍🏻 魚片彈牙爽口；參參麵底係米粉同米線，索湯能力強，麵質都較用油麵爽彈，幾特別😋《 馬拉拉茶 》 4 / 5原本午市套餐包左杯檸檬紅茶☕️ 加$8轉做馬拉拉茶，茶香奶滑，甜度適中😋

it is still good quality as take away👍that day i‘ve order signature Hoi Nam chicken rice with vegetableand a soup！it nice package and 5glass microbox👍

叫了外賣自取，所有菜都是壞的酸的，變質的味道，最後根本不能吃，實在太失望了！！之前也是因為堂食覺得味道和質素不錯才會外賣，沒想到質素簡直天南地北。另外100蚊的肉骨茶只有兩塊小小的肉，嘗了一口湯裡的冬瓜是酸的完全不能吃雞煲也是酸的豆腐也是酸的理解疫情下都不容易，但是否應該至少保證食物安全？？三百多的外賣買回來全都是壞的食物是不是太過分了點？煩請商家不要再將腐敗變質的食物提供給客戶。外賣自取無法對峙。絕不會再光顧！

放工之後，同屋企人黎呢間星馬風味小店食晚餐。呢到非常近地鐵站，之前都有黎過。睇餐牌有好多唔同菜式，令人回味之前去旅行既感覺。海鮮喇沙。呢款喇沙有唔同既海鮮配搭，喇沙味道偏少辣同有椰香味，麵底為滲滲，即係有瀨粉加米粉，食落鮮味，而且份量都唔細。新加坡肉骨茶。肉骨茶配料有白蘿蔔、冬瓜同白胡椒，所以食落會有少少麻同辣，之前食過另一款馬來西亞肉骨茶，個款偏藥材味，相對下呢款感覺會比較清。黑蘿蔔糕。蘿蔔糕用XO醬炒過，感覺十分香口，蘿蔔糕口感亦唔錯。小食拼盤。呢款拼盤有四款小食，有石榴、菠蘿、海蜇手撕雞，仲有炸豆腐配花生醬。個人比較喜歡炸豆腐，因為豆腐香滑，配花生碎同醬，感覺好惹味，而且充滿東南亞風情。石榴爽甜，手撕雞亦夠嫩。

整體成間餐廳都好大，所以坐落都好鬆動。同埋我覺得食物種類都幾多選擇，港島區價錢來講又唔算貴。帆立貝喇沙有三大粒帆立貝，食落都仲好鮮甜，有驚喜！喇沙嘅椰香味好重，而且呢個唔算辣！配菜方面，有魚片頭同埋蟹柳，同埋整體碗喇沙份量都唔少！海南雞飯海南雞揀咗無骨，冇雪藏味。仲要俾咗雞髀位，雞肉肉質嫩滑！海南雞亦都唔會過油，雞皮都食得！粉絲炒雜菜叫咗馬拉盞炒雜菜，馬拉盞好惹味，雜菜份量都唔少！凍檸檬薏米水走甜啱啱好，配馬拉菜就啱！

For lazy Saturday, we go out and eat dinner again. This time, we try Singaporean food nearby. We order Baby Cabbage with soup, Seafood Rice Vermicelli with chicken soup and Asam Pineapple sweet and sour pork. The dish contains lots of baby cabbage and the soup is sweet. The Rice Vermicelli contains egg ball, shrimp, scallop, crab meat, egg, tofu, the portion is quite large. And the signature dish Pineapple sweet and sour pork serve with a real pineapple, the dish contains lots of onion. The pork

嚟到鰂魚涌見到呢間專食喇沙海南雞嘅專門店地方好大座位都好闊落餐廳嘅價錢都幾合理款式亦都幾多選擇Menu圖文並茂亦都值得一讚另外總會有啲關於食物發源地嘅小知識相當之有心機我哋叫咗1客嘅肉骨茶試吓肉骨茶嘅藥材味唔算話好濃郁相對啱香港人口味落到肚亦都好暖身，非常適合冬天飲用另外再叫咗個海蜇雞絲沙律成個菜嘅質地比較濕潤雞絲嘅份量都算幾多加埋海蜇同埋鹹鹹地嘅調味都相當開胃另外叫咗個招牌喇沙海鮮佢嘅配菜都相當之多超出我哋預期帶子勁大隻加上佢嘅湯頭係我哋鍾意嘅偏椰奶味重基本上我哋都飲晒到湯咁滯而小食最後都叫多咗一個斑斕葉炸雞識落唔會過於油膩因為班蘭葉嘅關係仲食到有少少獨特嘅香味整體上食物質素幾好店員服務亦都相當之有禮貌同埋好殷勤絕對可以嚟試吓

放工好想食馬來西亞嘢，知道呢間<隨心>，主打新加坡同馬來西亞菜式，而且仲有我最鐘意食嘅喇沙，價錢又吾貴，當然要來食下好嘢啦！！～ <新加坡炒貴刁> 新加坡炒貴刁材料超級豐富，有大蝦、臘腸、魚片、芽菜、蛋絲等等。廚師炒呢個新加坡炒貴刁，炒得非常之有鑊氣，而且一啲都唔油膩，自家製嘅醬油味道非常之濃郁，微甜得嚟亦帶少少辣香，非常惹味。<牛肋條喇沙> 呢個牛肋條喇沙，材料同樣非常豐富，除左有兩大塊肥美肉厚嘅牛肋條，仲有雞蛋、豆卜、同埋魚片。喇沙湯底嘅味道非常之惹味同埋濃郁，辣度容易接受，帶有椰香。喇沙嘅麵條底用米粉同埋幼身米線組成，非常掛湯好食。牛肋條雖然好大塊，但係佢嘅肉質係非常之鬆軟，中間夾雜著一層薄薄的脂肪，更為肥美軟腍。<沙嗲串燒> 沙嗲串燒有雞肉同豬肉兩種，烤得又香又惹味，特別鍾意佢嘅花生醬，花生醬味道非常濃郁，而且仲有粒粒有咬口嘅花生伴住一齊食，值得一試。整體來講，餐廳嘅食物選擇都唔少，而且食物嘅質素都唔錯，餐廳入面嘅環境亦都坐得非常舒適，價格亦都吾貴，份量夠，值得再來呀!!~