隨心 (已搬遷) 新店位置

星期六去左位於quarry bay既隨心，地鐵站行大概5分鐘就到，主打食喇沙同海南雞飯等馬來西亞新加坡菜。2人行大概6點鐘，餐廳都幾多位，目測大概可坐10至15枱。食物方面，叫左串燒，上湯滲菜心同海南雞飯。上湯杞子菜心 $58上湯滲菜，分量都幾多，d 菜都好新鮮同好Green 同fresh，連個湯都可以飲埋。沙嗲串燒6串 $68串燒有6串，雞同牛各3串。雞同牛肉質唔會燒到太乾，配埋沙嗲花生醬，好夾好好味，值得1提係個沙嗲花生醬係精髓，有小小甜，食串燒真係要有個好好味既醬。隨心海南雞飯85蚊海南雞飯方面，海南雞分量唔少 ，雞件都好滑，配埋香噴噴既油飯，唔錯既選擇。其實餐廳都有好多種食物揀但由於2人食量有限，可次再去要試下肉骨茶同喇沙先。

做人可以隨性，做事可以隨心。但食野就唔可以咁隨便，一定要食得夠精，呢間新加坡菜「隨心」絕對係新加坡菜既表表者，或者按自己喜好隨心發板，可能有另一種驚喜？👇📌喇 沙 -▪ 泰 式 魚 餅 喇 沙 - $75▫ 喇沙係呢到必食之一，佢既選擇都幾多，最後揀左泰式魚餅。魚餅同出邊好唔同，魚肉食落軟綿得黎又夠爽彈；而喇沙椰香味突出，加埋蛋、豆卜、芽菜，整體濃香而不膩，唔錯。📌飯 類 -▪ 隨 心 無 骨 海 南 雞 飯 - $85▫ 話明招牌菜，無理由唔試佢地既海南雞飯既，每塊雞肉就咁睇賣相金黃油光十足，而且肥瘦比例亦岩岩好，食落滑溜得黎又唔會太重油膩感，配搭三款醬汁包括黑醬油、薑蓉、辣椒醬一齊食，份外惹味；而油飯軟硬度適中，飯香一流。📌小 食 - ▪ 沙 嗲 串 燒 - $68/6串▫ 嗌埋個沙嗲串燒就緊咖啦，一款兩串，分別雞肉同豬肉，食落肉質嫩滑爽彈，燒得濃香惹味；配搭旁邊特製沙嗲醬，帶少少花生碎粒，辣得黎又甜甜地，幾好食。

今日同朋友因工作關係路經幾年都唔去一次既鰂魚涌 , 都差不多快6PM 諗住呢頭附近食埋飯先返歸就行左陣太古坊都無乜心水 , 如是者行去附近海光街一帶再睇下 , 就見到"隨心"朋友亦醒起無耐前幫襯過呢間覺得都唔錯 , 就諗都唔諗入去坐低等食店面目測800多呎 , 餐枱20多張 , 多為4人位及少量卡位 , 亦有D位係一排向牆似食拉面咁 , 大約都容納到90多人分左右兩邊,左邊風格少許較為似日式和風 , 右邊則正常餐廳環境好企理乾淨 , 枱凳都好整齊店員領位 , 點餐時都客氣有禮貌餐牌設計簡潔 , 午餐及下午茶餐略平D...但選擇較晚餐少飯前佐口小食 , 幾香口馬來西亞肉骨茶 $98 / 窩無揀到新加坡果款...馬拉風味係藥膳味 , 後者則胡椒味重為賣點藥材味係好重 , 受唔住既人建議叫返胡椒味 , 有活氣養顏功效 , 天氣稍涼最宜莫過於此仲有4-5舊大大舊既豬骨為煲湯吊肉味 , 味道跟馬拉吉隆坡食過既近乎一樣海鮮喇沙 $85話明店家推薦當然唔會差得去邊 , 喇沙味極濃 , 有濃厚的蝦香湯頭 , 滲出陣陣椰醬香甜及少許辣勁 , 湯汁多而豐富同時又不會過膩 , 蝦、魚片、蟹柳、豆卜、雞蛋、帆

係鰂魚涌體育館做完運作,行咗去對面海光街12號地舖嘅『隨心』開飯!餐廳都幾大, 有空間感,感覺舒服！點咗~海蜇雞絲沙律🥙爽口海蜇混合嫩雞絲,好香麻油味！~沙嗲串燒🍢串燒燒得香口吾嚡！點埋幼花生粒沙嗲醬,好有東南亞風味。~馬來西亞肉骨茶(藥材味)☕由黨參、當歸、紅枣等多種藥材煮出嘅肉骨茶滋補養顏,啱晒凍冰冰嘅天氣。~海南雞飯🐔🍚海南雞肉嫩滑,雞油飯淡黃,香口又吾油膩,點上三種醬汁,更加惹味！~檸檬薏米水(低糖)🥤飲埋杯低糖有檸檬清香嘅薏米水,滿足晒。

我哋都幾喜愛食東南亞星馬泰嘅菜式。這一次來到鰂魚涌吃晚餐，餐廳：隨心。店舖地方都坐得舒適，感覺舒服嘅。我哋點左幾個當我哋去星加坡吉隆坡旅遊嘅時候，都會必食嘅地標海南雞飯對我來講海南雞飯嘅飯係好重點，係主角。睇旅遊節目介紹過，海南雞飯嘅飯係用浸雞嘅雞汁精華去煮，粒粒飯粒都充滿雞嘅香味！呢度雞飯都唔錯，飯有滿滿雞汁香味，雞肉都好滑。而醬汁方面，亦配有必備嘅姜蓉、甜豉油、辣醬。呢啲醬汁點雞，又或加入雞油飯一齊食都好好味！每次食到海南雞飯都係一個幸福！而通常雞飯都會配一個例湯，例湯個鹹味比較重，一口飯加一淡湯味道都幾夾。我都鍾意佢例湯會放入幾粒甜甜嘅杞子，感覺滋潤啲。新加坡炒貴刁河粉加入新加坡黑豉油去炒，配料有蝦、臘腸、蛋、芽菜等等。味道濃郁，口感豐富，食落去又唔同層次。馬來西亞肉骨茶肉骨茶湯底比較重藥材味，湯底比較深色，藥材味濃郁，感覺較重鹹味。湯料嘅排骨肉都煲得夠時間，加埋豉油一齊食都幾好味。另外，亦都可以加油炸鬼落去浸滿肉骨茶湯，食落去油炸鬼都幾入味，係一個幾得意嘅配搭。雖然而家都係凍冰冰嘅冬天，但係食一食新加坡菜，都令人暖一暖。😊開心嘅一餐

食物質數一般，新加坡海鮮炒貴叼可以接受，但油多左啲。海南雞飯麻麻，出面可以更多選擇，平均$80一個餐，凍熱飲都加$8，性價比唔高。但送既紅茶味道唔錯，有啲誠意。

《隨心午餐》主打新加坡菜嘅靚靚餐廳，我哋叫咗：無骨海南雞飯 $85飯有油香味，但米飯屬於黏黏濕濕嘅類型，鍾意粒粒分明嘅人可能未必咁鍾意海南雞都嫩滑嘅，雞皮唔會太多肥膏，但係呢個價錢黎講，就唔算特別驚艷附贈湯就係一般嘅味精湯帆立貝叻沙 $95上到黎，有三粒中等size嘅帆立貝、幾塊魚蛋片、一粒雞蛋、幾粒豆卜同蟹柳麵底係米粉溝類似瀨粉嘅半透明粗麵條，食落唔係特別掛湯入味湯底唔算特別濃郁，淡淡椰奶香、少少嘅微辣，適合鍾意溫和味道嘅人豆卜吸收曬湯汁，食落標汁惹味主角帆立貝就普普通通，甚至煮得有啲老隨心 (鰂魚涌)鰂魚涌海光街12號地舖

中秋節放早咗，之後夜晚又諗住出街行吓，返到屋企附近仲未夠5:30，見周圍仲有下午茶，即刻嚟個快閃下午茶，下午茶比午餐同晚餐平得多呢！而且唔太肚餓，即使份量唔大份亦都冇所謂啦，我哋叫咗一客海南雞飯$58同什菌喇沙$40，下午茶均免費配熱飲呢😆！我哋要咗杯檸檬薏米水同紅棗茶。飯同喇沙份量亦唔細，女仔一定夠食！喇沙味道香濃，味道十足，海南雞飯亦配上三個不同醬汁同椰子雞湯！海南雞不太重雞味，但可以點醬汁加重味道！飯軟硬度適中，椰子雞湯幾好飲！而杯檸檬薏米水我最欣賞，甜度適中，薏米亦有口感！而且下午茶包埋，抵⋯

海光街附近有好多星馬泰餐廳，想坐得舒服啲我就會嚟隨心，佢嘅食物水準一直keep到😋依度最出名就係隨心海南雞飯，今日我都食咗佢做午餐海南雞滑得嚟咬落啲肉係實，有雞味，食材已經加哂分，仲要去埋骨，好體貼👍🏻雞油飯都好正🤤涼拌木耳絲配菜又好開胃😋三色醬表現方面稍為遜色，主觀覺得黑醬油唔夠甜，酸辣醬唔夠酸辣😅 跟餐仲附送杞子雞湯同凍茶，非常豐富

🇭🇰 隨心·鰂魚涌啲餐廳好多都好早閂門 所以我哋有陣時太夜都會黎呢間 佢好多嘢食都好好食 今次我哋終於食到上次食唔到嘅海南雞😋·海南雞喇沙$80呢個我地第一次黎既時候賣曬 第二次黎終於食到😌佢個海南雞真係超滑 雞味好濃 而且佢係超貼心咁起曬骨 食得超方便😙😙之後佢個喇沙湯底都做得好好 惹味得黎唔會太搶 而且佢呢度個麵底係用米粉加瀨粉既 口感豐富D 我自己幾中意😎😎·📍鰂魚涌海光街12號地舖

好少黎呢頭做野好彩1點前食飯，係附近搵到呢間openrice幾多like嘅東南亞菜見比較熱門嘅係呢個海鮮喇沙個份量對於小鳥胃黎講可能太多，個湯底係濃郁嘅材料份量都適中，但同其他餐廳嘅喇沙比又冇特別出眾嘅地方呢個價錢黎講真心貴食完之後真係飽到唔想行，但無奈1點幾鐘，出面排哂隊店員都要焗我地埋單離座

海光街食肆林立，行到中段見到有間餐廳門口特別多人群聚集，原來就是「隨心」。人龍主要都是等外賣的，如果堂食要求人齊方可入座。之前食過這家的喇沙覺得很不錯，奶味偏重而且不會太辣。今次來到想試一試其他午餐選擇，見到有海南雞飯、肉骨茶、炒飯等等。搞到我心大心細，最後黑松露炒飯午餐免費送杯冰茶，店員說冰茶款式日日不同，如果想選擇其他飲品就需要另加錢，所以要了杯冰茶試試。黑松露炒飯味道一般，不過不失，整碟炒飯有數隻蝦。而冰茶紅茶味檸檬味重，偏酸，岩晒喜歡食酸酸甜甜的我。

鰂魚涌少有星馬菜餐廳，所以喺外賣app上見到馬上試一試首先係海鮮喇沙 ($98) ，湯底椰汁味幾香，海鮮就正常急凍貨，魚片幾彈牙。唯一唔鍾意個麵係米線，無得揀滲滲第二樣係馬來西亞肉骨茶(藥材味)($58), 白飯另加$10。呢度嘅肉骨茶有分藥材味同胡椒味，今日試咗藥材味，湯入面有一條骨，一粒紅棗同一條黨參，但係藥材味欠奉，有點失望，只屬家庭式的味道，附送嘅油炸鬼硬到戒口，一般般最後叫咗參吧雞翼，好驚喜，好大隻嘅雞全翼，外皮亦都炸得香脆，不過調味略淡

今日食lunch 差唔多食完之後見出面有長隊 都諗住飲埋杯野就走點知個男人係咁行過 叫話”食完拎張單出去埋單唔該” （係無尾音個種）前前後後經過幾次係咁講 但我地杯野真係未飲完跟住見我朋友飲完即刻收咗佢杯野其實我地見出面長龍都無諗住慢慢嘆 但咁樣趕人真係好無禮貌！ 食物平心而論不過不失 (海南雞喇沙 湯底ok 不過有d雞好韌）但咁嘅服務態度 絕對無下次！

依家天氣凍冰冰，就會好想食暖粒粒既湯麵🍜行遠啲去海光街搵食由於係lunch time，所以好多鋪頭都要等位..見呢間唔洗等，就試下啦我地嗌左海南雞喇沙同海鮮喇沙。海南雞喇沙：雖然唔係雞髀肉，但都唔鞋，下次去要問下可唔可以轉雞髀🍗😂海鮮喇沙：友人話都海鮮唔錯，蝦都爽口。總結：呢度既喇沙唔係用油麵，好適合我，我本人對油麵真係好一般🙈🙈另外個湯好好味，好濃郁👍🏻忍唔住飲左好多..雖然之後好口渴，但都ok，下次會再幫襯