隨心 (已搬遷) 新店位置

匆匆午餐一個小時，打工仔喺公司附近覓食。隨心係附近快靚正午餐好選擇！通常12點多到達，人流還不是很多！最愛這個古法燒雞飯，雞皮香脆雞肉又滑！配上甜辣醬和酸菜雲耳，平衡油膩感。本身是配油飯，個人喜歡轉白飯。$70 元配上飲品以商業區來說是優惠的價錢了！

喺鰂魚涌好食嘅店舖唔多，呢間係其中一間我會keep 住喺度買午飯嘅餐廳😏呢度好受附近打工仔歡迎，長期好多人企喺門口！平時外賣用門口部八達通機買有八五折，都幾抵！今日太忙嘅關係遲咗食飯，呢間14:00開始就有下午茶餐，誤打誤撞慳返荷包！🤭 佢啲餐由小食到正常一餐都有，因為好肚餓所以叫咗個正常分量嘅自製魚片頭喇沙，另跟飲品就揀咗熱紅棗茶。❤️ 自製魚片頭喇沙 $52魚片頭口感實淨，好有魚味同彈牙！麵質就正常。湯底椰香味都好夠，但隔離街間喇沙會再好味啲！好食度：⭐️⭐️⭐️ (3/5)餐廳推薦度：⭐️⭐️⭐️ (3/5)下午茶價但份量無欺場，呢個抵讚！另外個人覺得海南雞飯同新加坡炒貴刁都係唔錯嘅選擇！

呢間舖頭長期openrice榜上有名，今日走去一是究竟。相對而言，午餐同下午茶真係比較經濟，晚餐呢就略嫌有少少貴啦。餐廳主打星加坡菜，咁就一定要試吓佢嘅喇沙湯底。喇沙同我喺馬來西亞食嘅一樣，有兩種面底包括米線同米粉，由於兩種面嘅質地唔相同，所以食落去個口感會相對豐富一啲！呢碗喇沙嘅椰汁量較多，同時間個湯底會比較滑。魚蛋相當彈牙，豆卜索晒椰汁湯底超級好味！另外仲叫咗一個炒貴刁，睇張相都知道佢吵得幾有鑊氣，條條分明，而且唔會太鹹！餐廳仲要用咗竹碟上菜，加添左視覺效果！見到隔離枱叫咗串燒又覺得好吸引，所以二話不說就叫多一份串燒（隔離飯總係香啲～）串燒就比較乾身鎖唔到肉汁，同埋餐廳只係得豬同埋雞，冇牛呢個選擇，就有少少失望啦。但總括而言，係一餐超級滿意嘅大餐。

行完山又攰又餓🤧去左海光街一帶搵食😌😌試左間幾好食評既餐廳，下午茶時段份量岩岩好又幾抵食👍🏻新加坡雞絲炒貴刁（輕量） $42唔想食咁多，見到有輕量版既炒貴刁岩晒😎而佢又真係無呃你既😂😂呢碟貴刁炒得有鑊氣！多雞絲！炒得唔油又香噴噴，食食下覺得唔夠喉😝無骨海南雞喇沙 $58啖啖肉既海南雞件，幾滑唔鞋👍🏻喇沙係油麵及米粉都好索汁😋好香既喇沙湯底，食完流晒鼻水🤣🤣最鍾意果兩舊豆卜，索晒啲汁ho heavy呀🤪🤪

日前晚上去試港島東少有以新加坡菜為主打既餐廳，新加坡味道感覺就唔太濃，但當普通餐廳既話，無論裝修同食物，都係不錯既選擇。裝修方面，座位間格都舒適，適合同朋友靜靜地傾偈。服務態度都不錯，由於門口剛有貨車停泊，有廢氣味由門口傳入，與員工反映後都馬上關上門，而且有人出入後都主動將門關上。加上定時為我地水杯加水，所以我對服務都有幾高評價。食物今次叫左一碗海鮮喇沙，一碟海南雞飯，一份串燒及胡椒酸菜魚。喇沙黎講唔太濃味，個人口味可以濃郁多一點，所以評價一般；海南雞飯有香味十足既雞油焗飯，加上嫩滑既海南雞，味道都算中上味道；串燒有豬肉及雞肉，肉質都不錯，但配合太甜既沙嗲醬，感覺不太合襯，不沾醬反而味道較好；胡椒酸菜魚係今次最有驚喜既菜式，魚既材料十分新鮮，炸後魚味依然鮮甜，聞落酸但入口清新既酸菜都幾有特色。

非常差既服務態度，收銀個阿嬸真係不知所謂，態度完全唔能夠接受，志在趕客，全程黑臉，語氣同態度都好差，不停呼喝，仲要睇佢面色咁，講真真係唔係幾好受，成一肚氣...走前問收銀個阿嬸可唔可以講返聲唔好意思，唔講都算，仲要大大聲拒絕話點解，好大聲咁鬧返你，禮貌地問佢點稱呼，連自己叫咩都唔願意講，仲晌佢班同事面前死撐，繼續鬧客人，真係好鬼過份，下次一定唔會再幫襯！真係好差，好差！！

呢曰朋友突然約我去街街， 話帶我試下間餐廳食過覺得吾錯原來係馬來西亞菜， 真係好耐無食過……見到好多人都食呢兩樣， 海鮮喇沙同蘿蔔糕喇沙好足料， 個湯底好濃好夠味， 個麵同豆卜索哂d湯汁，yummy個 蘿蔔糕睇落黑蚊蚊， 但食落又幾野味吾錯吾錯， 果然無介紹錯

今日lunch同幾個同事出去海光街買外賣，其中一位同事話呢間好出名食海南雞，就一齊買左外賣番公司～——————呢間野食飯時間會擺部點餐機喺門口，所以我哋喺部機度揀咗食咩就可以即刻用八達通比錢，都幾方便👍🏻 外賣包裝都做得幾貼心，湯底、麵體都會分開幾個碗裝～🍜海南雞喇沙(米粉)+杞子雞湯 $68🍜 (7/10)我就嗌咗個海南雞喇沙，麵底揀咗米粉，然後加$6轉嘢飲做杞子雞湯。喇沙湯底屬於濃味，唔算好辣、有啲沙嗲味，不過對我黎講就唔夠酸，水準普通。不過啲海南雞就有驚喜，分量比得唔少之餘，雞肉肉質好嫩滑、唔會太肥，外賣仲裝晒海南雞嘅醬可以點住食，都算出色😆～仲有就係個雞湯，飲落去都感覺到好足料，有少少藥材味，雞味都好濃郁，真係估唔到，幾抵👍🏻———————😋味道：7/10🤵🏻服務：7/10💰抵食：6.5/10⏳等候時間：10分鐘

行完山落左黎鰂魚涌一早知道依間係開飯有不少好評所以決定入黎試下黎到3點多，下午茶時間但價錢同正餐又唔差得幾多咁可能依區貴d!?入正題，見到喇沙就當然要試下啦叫左個墨魚餅喇沙，外表其實唔差可惜一試啖湯就出事，太淡了...辣又唔算辣，椰汁味又唔重喎總之就唔夠香濃，失敗本身對個墨魚餅都有d期望，但食落又係現成貨好普通....總括黎講真係十分普通“期望你太多，注定難過”以上食評只反映本人立場，如有雷同，實屬不幸

今日晏晝先返工，經過鰂魚涌海光街，見到個店名 “隨心” 吸引，就睇下有乜嘢好食。門口大大個牌寫住外賣自取有8折，都好吸引午餐由上午11點開始供應，仲有20款選擇咁多，真係嚇咗一跳。自助外賣機用八達通俾錢非常方便外賣自取有8折，都係$56，有飯、有湯、有飲品。外賣返到公司期待海南雞飯攞出來的一刻。雞肉好香滑，啖啖肉好好味，雞肉份量亦多，油飯軟硬適中，美味，只略嫌醬汁較少。左邊為當日附送的湯，入口夠濃，仲有杞子補一補。右邊為雪梨茶，唔算太甜，好好飲整體而言，$56 嘅外賣自取餐確係抵，又好美，又一間可一試再試嘅食店。

食勻全世界第十一站嚟到食星馬菜，因為得兩個人食就放棄咗叫肉骨茶，叫咗其他兩個具代表性嘅菜式-海南雞飯同喇沙海南雞肉質鮮嫩，沾上醬汁一齊食更帶出雞肉嘅鮮味🐔🐔🐔用杯裝住嘅杞子雞湯都幾鮮甜海鮮喇沙好足料，有魚片帶子蝦蟹柳同豆卜等等，重點嘅湯底唔會太辣而且帶有好香嘅椰子味🥥🥥🥥真心好喝🙌🏻整體嚟講，環境都幾舒服，食物份量大份，十分飽肚，食物質素都唔錯，係幾抵食嘅👏🏻👏🏻👏🏻

呢排個人虛，怕凍。適逢轉季，就想食啲滋補嘢。但出街食飯，好難有咩滋補嘢。突然俾我諗到肉骨茶，藥材燉湯夠滋補。搵咗幾間都係揀咗呢間星馬菜，夠出名，一於試下佢。果然無失望到，肉骨茶都有兩款口味俾你揀，我就揀咗馬來西亞肉骨茶，鐘意多啲藥材味。味道果然唔錯，好足料，味道濃郁，又唔會太鹹。幾好。我地仲點咗啲小菜，幾推介話梅豬軟骨煲。酸酸甜甜，豬軟骨軟淋入味，送飯一流。酸菜胡椒魚都唔錯，魚肉嫩滑。餐廳雖然地方唔大，裝潢無咩特色，但勝在食物質素幾好。

經過呢間餐廳查查 open rice 見到咁多好評，下午茶價錢縱使比其他茶餐廳格局o既地方偏貴，都入黎試吓。。。坐低叫左個聲稱馳名的無骨海南雞飯，連一杯細湯一杯餐飲，下午茶盛惠 $58。個餐黎到先試雞，雞是雞胸與雞脾肉，雞胸肉質感是家常 “鞋”，未算好超 “鞋”，雞脾肉質感是正常唔 “鞋”，兩穜肉都無甚麼雞味，想有雞味一定要連雞皮食。飯就好一點，有椰香，但可能下午茶關係，部分飯粒已亁硬化，硬到有幾口會 “銀” 牙。否則其實飯會比雞肉高分好多。湯呢，算過得去，有兩粒杞子，味精唔是無但比較少。餐飲檸檬薏米水都唔錯，有一片新鮮檸檬。成個餐最好味，是甜醬油及辣椒醬，甜醬油為無味海南雞肉生色不少，辣椒醬撈飯亦令硬飯扳回 d 分數。所以個 ok 是由（負）海南雞加（正）醬油與辣椒醬計算出來的。其實有其他負評同 ok 評都話呢度海南雞肉無雞味，真系唔好唔信。。。

尋晚睇viu tv 介紹肉骨茶， 今日心思思想去食， 但lunch冇肉骨茶， 就試下星菜出名既海南雞飯。lunch 70蚊食到海南雞飯都唔算貴。個飯有油香， 但偏乾， 如果可以濕潤少少會更好。碟飯有唔少雞件， 好滑， 而且係雞脾肉黎。配菜係木耳， 酸酸地幾清爽。個飯有雞湯， 唔味精， 都有雞味。 餐仲有跟紅茶， 係少少甜， 食完飯我1口氣乾左成杯紅茶， 好好飲。我地食完lunch, 外面仲好多人排隊。餐廳其他食物應該都唔錯。下次我諗我要夜晚黎試肉骨茶

今天是放假日，香港人就當然要晚睡遲起，然後直接去吃豐富的下午茶當午餐～我朋友很喜歡吃喇沙，而這間鋪頭的下午茶蠻早啲，兩點鐘便開始，剛好岩我們胃口不大又喜歡晚點吃飯的人。（提示：星期六日沒有下午茶） 我們點了一客「無骨海南雞飯」和一客「無骨海南雞喇沙」，兩個餐都包汽水或熱飲。《無骨海南雞飯》雖然說是下午茶，但其實是下餐的份量，男生也絕對夠飽。先說海南雞的雞皮，油油亮亮樣子十分吸引，雞皮和肉之間看到一間透明啫喱狀的膠原，至於肉質，不知是不是用雞腿肉，我們兩人都覺得十分嫩滑， 多汁不膩，滑溜溜的口感，加上邊酸甜開胃的醃漬木耳絲，吃起來格外清爽。油飯也夠香夠誠意，米飯應呈現雞油的黃色，也帶着油光，有一點點班蘭味但不是很重。而醬汁則是標配的正三色醬 :薑蔥蓉醬、酸辣汁、黑醬油。順帶一提，點海南雞飯會附有一杯杞子雞湯，雖然是送的，但十分好喝，沒有一點味精，雞味濃郁。《無骨海南雞喇沙》海南雞在上面說了便不重覆了。喇沙的口味偏甜，辣味較少，色澤比較白，呈淡黃色，大概是因為湯底的椰奶比較濃，喜歡椰香味的朋友一定喜酒。麵底方面也蠻特別的，是用上瀨粉加米粉，這瀨粉有點像米線的質地，但比較碎，我個人來說是瀨粉